Morgunblaðið - 28.08.2013, Síða 2

2 FRÉTTIRInnlent
MORGUNBLAÐIÐ MIÐVIKUDAGUR 28. ÁGÚST 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Áslaug Arna Sigurbjörnsdóttir
aslaug@mbl.is
„Við höfum mikið um deiliskipulagið
að segja og höfum gert margar at-
hugasemdir,“ segir Birgir Þ. Jó-
hannsson, formaður Íbúasamtaka
Vesturbæjar, en stjórn félagsins fór
í gær um hverfið og skoðaði tillögur
að deiliskipulagi á svæðinu. „Við
skoðuðum reitinn milli Vesturgötu
og Mýrargötu og hafnarsvæðið milli
Slippsins og Sjóminjasafnsins og
vildum skoða hvernig hverfið okkar
kemur til með að vera í framtíðinni,“
segir Birgir en félagið vill sameina
raddir fólksins í hverfinu. Þeim
finnst byggingarmynstrið í heild
ekki tengjast nógu vel því gamla sem
fyrir er á svæðinu.
„Þetta er mjög stórt og mikið
byggingaland og okkur finnst skipu-
lagið ekki bjóða upp á mikla þróun-
armöguleika né sveigjanleika,“ segir
Birgir.
Hann ítrekar að þetta sé elsta
hverfið í Reykjavík og það skipti
miklu máli að fólkið í hverfinu hafi
eitthvað að segja um sitt hverfi. Fé-
lagið ætlar að senda inn athuga-
semdir sem snúast aðallega að því að
skipulagið geri ráð fyrir of háu og
stóru húsnæði, að þetta sé ekki í
góðri tengingu við fyrri byggð og lít-
ið sé um sveigjanleika. „Þetta þarf að
vera meira blönduð byggð. Okkur
finnst skipulagið vera stíft og ein-
hæft, sem erfitt er að breyta. Við vilj-
um t.d. sjá hafnarsvæðið í stöðugri
þróun, þar hentar vel að hafa mikinn
fjölbreytileika,“ segir Birgir sem tel-
ur fjölbreytileikann efla líf og gæði
borgarinnar. „Okkur finnst gróða-
sjónarmið standa ofar gæðakröfum á
svæði sem er ekki bara verðmætasti
staðurinn sögulega séð heldur einnig
vinsælasti staðurinn til að búa á.“
Ósátt við rússneska kirkju
„Við erum mjög ósátt við skipulag-
ið í kringum rússnesku kirkjuna sem
áætlað er að verði hátt í 22 metra há
undir krossi,“ segir Birgir, en hún er
á deiliskipulagi milli Mýrargötu og
Nýlendugötu og var einnig á eldra
skipulagi. „Hún er undanþegin höf-
uðmarkmiði deiluskipulagsins um
aðlögun að byggingamynstri staðar-
ins og við værum ósátt hvort sem
þetta væri kirkja eða hús. Ekkert
hús á að vera undanþegið höfuð-
markmiðunum, sem varðveita okkar
menningararfleifð.“
Vilja sjá mun meiri fjölbreytileika
 Íbúasamtök Vesturbæjar gera athugasemdir við deiliskipulag  Finnst skipulagið ekki í takt við
hverfið  Eru mjög ósátt með rússneska kirkju sem reisa á á svæðinu  Vilja sameina raddir fólksins
Morgunblaðið/Styrmir Kári
Deiliskipulag Íbúasamtök Vesturbæjar skoðuðu í gær nýja skipulagið fyrir
hverfið sitt og röltu um svæðið til að átta sig á boðuðum breytingum.
Ágúst Ingi Jónsson
aij@mbl.is
Kvóti hefur í fyrsta skipti verið settur á blálöngu, gulllax
og litla karfa frá og með nýju fiskveiðiári, sem hefst 1.
september, og verður aflahlutdeildum úthlutað til ein-
stakra skipa. Sjávarútvegsráðherra gaf út reglugerð
þessa efnis í gær og verður leyfilegur heildarafli í blá-
löngu 2.400 tonn, í litla karfa 1.500 tonn og í gulllaxi 8.000
tonn. Fjallað var um málið á heimasíðu Sigurðar Inga Jó-
hannssonar sjávarútvegsráðherra í gær og þar kemur
jafnframt fram að bráðlega verði sett af stað vinna þar
sem farið verður yfir hvernig réttast verði staðið að því
að setja makríl í kvóta.
Hvatt til varúðar
Á almanaksárinu 2012 veiddust tæplega 9.400 tonn af
gulllaxi og var aflaverðmæti áætlað um 1.200 milljónir
króna. Í fyrra veiddust um 4.100 tonn af blálöngu og var
aflaverðmætið liðlega 600 milljónir króna.
Leyfilegur heildarafli í blálöngu, gulllaxi og litla karfa
er í samræmi við ráðgjöf Hafrannsóknastofnunar, en
stofnunin hefur um nokkurt skeið hvatt til varúðar í
veiðum á þessum tegundum.
Þrjár nýjar kvótategundir
Morgunblaðið/Kristinn
Blálanga Ein fisktegundanna þriggja sem komnar eru í
kvóta. Blálangan er öndvegismatur, ekki síst steikt.
 Aflaverðmæti blálöngu og gulllax um 1.800 milljónir í fyrra
Áslaug Arna Sigurbjörnsdóttir
Una Sighvatsdóttir
„Á fundinum kom fram mikil
óánægja, eins og búast mátti við.
Þetta er fjölmennasti íbúafundur í
Vesturbænum sem ég man eftir og
yfirgnæfandi meirihluti tók skýra af-
stöðu gegn framkvæmdunum,“ segir
Kjartan Magnússon, borgarfulltrúi
Sjálfstæðisflokksins, en fulltrúar
skipulagsyfirvalda hjá Reykjavíkur-
borg ræddu við íbúa Vesturbæjar í
gærkvöldi á fjölmennum fundi um
breytingarnar á Hofsvallagötu, sem
sumir hafa fagnað en fleiri fordæmt.
Kristinn Fannar Pálsson, íbúi við
Hagamel, lagði fram undirskriftir
661 íbúa sem safnað var í Melabúð-
inni til að mótmæla framkvæmd-
unum. Fulltrúar borgarinnar voru
Ólöf Örvarsdóttir, sviðstjóri umverf-
is- og skipulagssviðs, og Ólafur
Bjarnason, samgöngustjóri Reykja-
víkurborgar. Þau hófu fundinn á því
að biðjast afsökunar á skorti á sam-
ráði við íbúa.
Reykjavík er bílaborg
Ólöf, sem sjálf býr við Víðimel,
benti á að framkvæmdirnar á Hofs-
vallagötu ættu sér langan aðdrag-
anda því allt frá árinu 2007 hefðu ver-
ið uppi óskir um að draga úr
umferðarhraða þar. Haustið 2011 var
haldinn íbúafundur á Hótel Sögu þar
sem rætt var um Hofsvallagötu og
var niðurstaðan sú að götuna skyldi
endurhanna með minni umferðar-
hraða, bættu umferðaröryggi og
bættu aðgengi fyrir gangandi og
hjólandi vegfarendur. Einhvers stað-
ar í ferlinu virðast skipulagsyfirvöld
þó hafa farið út af sporinu því mikil
óánægja ríkir með þá útfærslu sem
varð ofan á við Hofsvallagötu. Ólöf
tók það sérstaklega fram að Jón
Gnarr og Gísli Marteinn Baldursson
væru ekki mennirnir á bak við breyt-
ingarnar, þótt margir vildu draga þá
til ábyrgðar.
„Það er þannig að Reykjavík er
bílaborg. Hún er ekki hjólaborg og
varla fyrir gangandi heldur,“ sagði
Páll Hjaltason, formaður umhverfis-
og skipulagsráðs. „Það er ekki mark-
miðið að þrengja að bílaumferð að
óþörfu, fyrir utan það að hægja á
akstri þar sem tilefni er til vegna um-
ferðaröryggis.“ Þá sagði hann áhuga-
vert að heyra athugasemdir íbúa um
að umferðin beinist í auknum mæli
inn í aðrar götur í staðinn og sagði
þetta allt eitthvað sem yrði að skoða.
Gáfu ekki upp kostnað
„Mér fannst merkilegt að æðstu
yfirmenn verklegra framkvæmda hjá
borginni, borgarstjóri og formaður
borgarráðs, skyldu ekki mæta á
fundinn og að íbúar hafi ekki fengið
uppgefið hver kostnaðurinn er við
breytingarnar, þó um það hefði verið
spurt,“ segir Kjartan. Hann telur að
menn hefðu átt að viðurkenna að
þetta væru mistök og afturkalla
framkvæmdina, eins og stór hluti
fundarmanna óskaði eftir. „Þess í
stað var ákveðið að skoða málið
eitthvað áfram.“
Fulltrúar borgarinnar lögðu
fram tillögu um að íbúar tilnefndu
fulltrúa til að vinna í samvinnu við
borgina um nánari útfærslu á fram-
kvæmdunum. Náðist samkomulag
um að þrír íbúar tækju þátt í að
ákveða framhaldið með borginni.
Mikil óánægja á fjölmennum fundi borgaryfirvalda í gær með íbúum Vesturbæjar um breytta Hofsvallagötu
Morgunblaðið/Kristinn
Framkvæmdir Fjölmargir mættu á fund í Hagaskóla til að ræða breytingar á Hofsvallagötu, en margir eru ósáttir.
Borgin baðst
afsökunar á
skorti á samráði
 Þrír íbúar munu taka þátt í að
ákveða framhaldið með borginni