Morgunblaðið - 21.09.2013, Page 12

12 FRÉTTIRInnlent
MORGUNBLAÐIÐ LAUGARDAGUR 21. SEPTEMBER 2013
Baldur Arnarson
baldura@mbl.is
Veltan í hinum ýmsu atvinnugrein-
um hefur aukist umtalsvert frá árinu
2010 en samdráttur í hagkerfinu var
þá hvað mestur eftir hrunið.
Ágætt dæmi um þetta er að velta
gistihúsa og veitingastaða hefur auk-
ist úr 26,5 milljörðum króna á fyrstu
sex mánuðum ársins 2010 en var til
samanburðar rúmir 39 milljarðar í
ár. Jafngildir það 30% raunaukn-
ingu, sé vísitala neysluverðs í júní
2010 og 2013 borin saman.
Tölurnar eru sóttar í veltu skv.
vsk-skýrslum en Hagstofan birti í
gær tölur fyrir maí og júní í ár.
Veltan í nokkrum greinum er sýnd
hér en tölur eru ekki núvirtar.
Vísitala neysluverðs stóð í 364,1
stigi í júní 2010 en var 413,5 stig í
júní í ár. Er það 13,3% hækkun.
Bílaleigur í örum vexti
Önnur grein sem vaxið hefur hratt
á tímabilinu er leigustarfsemi, þó
ekki fasteignaleiga, en hún hefur
nær tvöfaldast, farið úr 7,7 milljörð-
um í 15,3 milljarða króna. Undir
þessa grein heyra bílaleigur og kom
fram í svari frá Hagstofunni að velta
þeirra hefur aukist úr 3,8 milljörðum
króna á tímabilinu frá janúar til júní
2010 í 8,84 milljarða á þessu ári.
Jafngildir það 104% raunaukningu,
en fyrri talan væri 4,324 milljarðar
króna á núvirði.
Spurður út í þróun veltunnar í at-
vinnugreinunum sem hér eru til
skoðunar segir Emil B. Karlsson,
forstöðumaður Rannsóknaseturs
verslunarinnar, að þær vitni um að
fyrirtæki í ferðaþjónustu, þ.m.t.
gististaðir, veitingahús og bílaleigur,
hafi upplifað góðan vöxt síðustu ár.
Öðru máli gegni hins vegar um
aðrar greinar. Þær hafi vaxið lítið að
raunvirði sem sé í takt við litla fjár-
festingu hin síðari ár. Hvað varðar
smásöluverslunina segir Emil að
aukningin á tímabilinu sé aðeins
3,5% að raungildi, sé meðaltal vísitöl-
unnar í mars og apríl árið 2010 og
2013 borið saman.
Fer eftir tegund verslunar
„Þetta fer eftir því hvaða tegund
verslunar á í hlut. Nauðsynjavörur
hreyfast mest og vörur þar sem
endurnýjunarþörfin er mest. Hins
vegar er munaðarvara sem fólk get-
ur verið án í miklum samdrætti og
hefur ekki náð sér á strik. Þá hefur
sala á fatnaði staðið í stað, þrátt fyrir
aukna sölu til ferðamanna.“
Heildarvelta eftir atvinnugreinum
Á fyrstu sex mánuðum árs 2010-2013
Heimild: Hagstofa Íslands
2010 2011 2012 2013
(jan.-jún.) (jan.-jún.) (jan.-jún.) (jan.-jún.)
Byggingarstarfsemi
og mannvirkjagerð 52.214 49.175 50.384 58.965
Smásöluverslun, að undan-
skildum vélknúnum ökutækjum 139.216 141.515 154.337 163.105
Rekstur gististaða og veitingarekst. 26.502 29.318 33.099 39.087
Fjármálaþjónusta, þó ekki starf-
semi vátryggingaf. og lífeyrissj. 39.577 35.028 41.732 42.302
Fasteignaviðskipti 22.529 24.249 26.524 28.437
Starfsemi arkitekta og
verkfræðinga; tæknilegar
prófanir og greining 12.060 15.194 18.582 14.602
Auglýsingastarfsemi og
markaðsrannsóknir 5.393 5.878 7.087 7.868
Leigustarfsemi, þó
ekki fasteignaleiga 7.708 10.815 12.942 15.310
(Tölur í milljónum króna)
Margar greinar vaxa
 Velta gisti- og veitingahúsa var 30% meiri á fyrri hluta árs en
á sama tíma 2010  Velta bílaleiga jókst um 104% á þeim tíma
Morgunblaðið/Rósa Braga
Hótel Natura Veltan af rekstri gisti- og veitingastaða hefur aukist mikið síðustu ár.
Samdráttur
» Sé vísitala neysluverðs í
júní 2010 og 2013 borin sam-
an hefur veltan í bygging-
arstarfsemi og mann-
virkjagerð minnkað úr 59,35
milljörðum 2010 á núvirði í
58,97 milljarða 2013.
» Sé veltan í fjármálaþjón-
ustu, skv. skilgreiningunni hér,
framreiknuð á sama hátt var
veltan 2010 44,98 milljarðar
en var 42,3 milljarðar í ár.
» Það er 0,6% samdráttur.
Fæst einnig í veFverslun stoðar
31ár
1982-2013
Trönuhrauni 8 | 220Hafnarfirði | Sími 565 2885
Opið kl. 8 - 17 virka daga | stod@stod.is | www.stod.is
Þar sem
sérFræðingar
aðstoðaÞig
viðvalá
hlíFum
Við styðjum þig
STOÐ
P
O
R
T
hö
nn
un
19 daga ævintýraferð á ári Hestsins
5.-23. júní 2014
með KÍNAKLÚBBI UNNAR til
KÍNA - TÍBET
Farið verður til SHANGHAI, SUZHOU, TONGLI,
HANGZHOU, CHENGDU, LHASA og BEIJING.
Siglt verður á KEISARASKURÐINUM
og gengið á KÍNAMÚRNUM.
Heildarverð á mann: Kr. 720 þúsund
Kínastund
Kínaklúbbur Unnar
Njálsgötu 33, 101 Reykjavík
sími/símbréf: 551 2596, farsími: 868 2726
Vefsíða: www.simnet.is/kinaklubbur
Netfang: kinaklubbur@simnet.is
Hópar og einstaklingar geta pantað „Kínastund“, á Njálsgötunni, með mynda-
sýningu, sýningu á Tai-Chi og kínverskum listmunum, ásamt veitingum.
Kínaklúbburinn sérhannar einnig ferðir fyrir hverja sem er
Allt innifalið, þ.e. fullt prógramm skv. ferðaskrá, gisting í tvíbýli á 4-5 stjörnu
hótelum (einb. + 98 þ.), fullt fæði með drykkjum, skattar og gjöld, staðarleið-
sögumenn og fararstjórn Unnar Guðjónsdóttur, en þetta verður 35. hópferðin
sem hún skipuleggur og leiðir um Kína, þar af 5. ferðin til Tíbet.
Nýtt skip hefur bæst í flota Sam-
skipa-samstæðunnar. Gengið var frá
kaupum á skipinu í byrjun mánaðar-
ins og hefur það fengið nafnið Sam-
skip Akrafell.
Fram kemur í frétt frá Samskip-
um að um sé að ræða systurskip Pio-
neer Bay sem notað hefur verið með-
al annars í strandsiglingum á
Íslandi. Samskip Akrafell var byggt í
Jinling skipasmíðastöðinni í Kína ár-
ið 2003 og er 99,9 metra langt, 18,6
metra breitt og ber um 500 gámaein-
ingar. Tveir gámakranar eru um
borð og eru báðir með 40 tonna lyfti-
getu.
Samskip Akrafell er nú í þurrkví í
Rotterdam, þar sem reglubundið
viðhald fer fram. Vinnu við skipið
lýkur í næstu viku. Fyrirhugað er að
þessi nýjasta viðbót Samskipaflot-
ans verði í Evrópusiglingum og þjóni
ýmist siglingum við Noreg eða við
Ísland.
Akrafell Hið nýja skip Samskipa getur borið 500 gámaeiningar.
Nýtt skip í flota Samskipa