Morgunblaðið - 10.12.2013, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 10. DESEMBER 2013
Maria Damanaki, sjávarútvegs-
stjóri Evrópusambandsins, kemur á
morgun í tveggja daga heimsókn til
Færeyja. Deilan um stjórnun mak-
rílveiða í Norður-Atlantshafi verður
umræðuefni á fundi hennar með
færeyskum ráðamönnum. Reiknað
er með að síldveiðar Færeyinga
verði einnig ræddar, en síðari hluta
sumars bannaði ESB löndun á síld
og makríl frá Færeyjum í löndum
ESB vegna stóraukins síldarkvóta
Færeyinga.
Fréttavefurinn Portalurin í Fær-
eyjum hefur heimildir fyrir því að
ESB leggi nú áherslu á að finna
lausn í deildunni og segir að tónn-
inn gagnvart Færeyingum sé nú
allt annar en á undanförnum árum.
Í Fiskeribladet/Fiskaren í Nor-
egi er greint frá því að Damanaki
láti af embætti sem sjávarútvegs-
stjóri í mars á næsta ári. Haft er
eftir útgerðarmanninum Sigurd
Teige að ekki sé ólíklegt að Dam-
anaki leggi áherslu á að ljúka mak-
ríldeilunni með samningum við
Færeyinga og Íslendinga áður en
hún hættir. Teige brýnir norsk
stjórnvöld til að halda vöku sinni í
makríldeilunni og Audun Maraak,
framkvæmdastjóri norskra útvegs-
manna, segir að stjórnvöld þurfi að
berjast fyrir réttindum Norð-
manna.
Í dag verður rætt um stjórnun
veiða á norsk íslenskri síld á fundi
strandríkja í London. Á morgun og
fimmtudag verður hins vegar rætt
um kolmunnaveiðar.
aij@mbl.is
Damanaki ræðir um síld
og makríl í Færeyjum
 Sögð vilja ljúka makrílsamningum áður en hún hættir
Makríll og síld
» Í byrjun desember var búið
að veiða 142.530 tonn af mak-
ríl við Færeyjar í ár. Aðeins
1.265 t. voru eftir af kvótanum.
» Í ár tóku Færeyingar sér
105.230 tonna kvóta af norsk-
íslenskri síld. Um mánaða-
mótin voru aðeins 677 tonn
óveidd af kvótanum
Viðar Guðjónsson
vidar@mbl.is
Faðir 13 ára gamals drengs telur að
ekki hafi komið nægilega skýrt fram
í Facebook-auglýsingu ELKO að
innheimtar hafi verið 199 krónur í
sms-leik í boði fyrirtækisins. Dreng-
urinn hafði sent fjölmörg sms í von
um að vinna sér inn leikjatölvu þeg-
ar faðir hans komst að því að hann
hafði eytt um 10 þúsund krónum í
sms-sendingarnar. „Það sést bara á
pínulitlum stöfum neðst hver kostn-
aðurinn er, en auk þess er upplausn
textans á þann veg að mjög erfitt er
að lesa þar sem kemur fram að sms-
ið kostar tæpar 200 krónur,“segir
Emil H. Björnsson, faðir drengsins.
Foreldrar kenni börnunum
Óttar Örn Sigurbergsson, inn-
kaupastjóri Elko, bendir á að mik-
ilvægt sé að kenna börnunum að
umgangast sms-leiki á réttan máta.
„Það er heilmargt sem fyrirtæki
innheimta gjald fyrir[...] Ég brýni
fyrir öllum foreldrum að kenna
krökkunum á það hvernig slíkir
hlutir virka og að sumt kostar pen-
inga,“ segir Óttar. Hann bendir á að
hugmyndin sé ekki að fela upplýs-
ingar um gjaldtöku. Ef það sé upp-
lifun einhvers sé það vilji fyrirtæk-
isins að stækka letrið og gera það
sýnilegra.
Auglýsingin birtist á Facebook-
síðu tölvuleikjaþáttarins Game Tíví.
„Okkar markhópur þar er 18-35
ára. Auðvitað verða yngri krakkar
fyrir áhrifum, en það eru foreldr-
arnir sem kaupa leiki, ekki krakk-
arnir,“ segir Óttar.
Lúaleg markaðsherferð
Emil telur að ekki sé hægt að
fylgjast með krökkum sínum öllum
stundum. „Gott og vel. Þeir telja
þetta vera á ábyrgð foreldra. En ef
að þeir eru að stíla inn á það að ekki
séu allir með þekkingu á kostnaði
sem fylgir þátttöku í slíkum leikjum,
þá tel ég það vera lúalega markaðs-
herferð,“ segir Emil.
ELKO kaupir þjónustu af IMM
sem sér um að setja upp sms-leiki af
þessu tagi og hanna auglýsingu fyrir
Facebook. Engilbert Hafsteinsson,
framkvæmdastjóri IMM, segir að
einu sinni hafi komið upp viðlíka til-
vik fyrir sjö árum. Síðan þá hafi það
verið gert enn skýrara að innheimt
sé gjald fyrir þátttöku í slíkum leikj-
um. Hann segir að farið sé eftir öll-
um reglum en stundum séu stafir
óskýrir á auglýsingum sem birtast á
myndum á Facebook. Til að koma í
veg fyrir misskilning hafi því verið
sérstaklega tekið fram í texta í
stöðuuppfærslu sem birtist með
Facebook-auglýsingunni, að gjald
væri tekið fyrir þátttöku. „Þetta
birtist því á tveimur stöðum, bæði í
texta og í auglýsingunni sjálfri. Ég
veit ekki hvað við getum gert
meira,“ segir Engilbert og bætir við:
„Ég skal alveg játa það að textinn
birtist ekki nægilega vel á myndinni,
en við tiltökum það líka í textanum
sem fylgir með að það sé tekið gjald
fyrir hvert sms,“ segir Engilbert.
13 ára eyddi tíu
þúsund krón-
um í sms-leik
 Faðir telur upplýsingar um gjaldtöku
óskýra  Foreldrar kenni börnum
SMS 13 ára drengur eyddi 10 þús-
und krónum í sms-leik.
SMS-leikur
» 13 ára drengur eyddi 10 þús-
und krónum í SMS-leik.
» Faðir er ósáttur og telur að
upplýsingar um gjaldtöku hafi
verið óskýrar í auglýsingu.
» Innkaupastjóri ELKO segir
mikilvægt að foreldrar kenni
börnum að umgangast net-
leiki. Jafnan sé tekið gjald fyrir
þátttöku.
Ómar Friðriksson
omfr@mbl.is
„Ef ekkert gerist í þessari viku er ég
hræddur um að þetta sé komið í
frost fram yfir áramót,“ segir Guð-
brandur Einarsson, formaður
Landssambands íslenskra verslun-
armanna, um þá stöðu sem komin er
upp í kjaraviðræðunum. Sigurður
Bessason, formaður Eflingar, sagði
eftir fund Flóafélaganna með Sam-
tökum atvinnulífsins í gær, að á
meðan einhver möguleiki væri á
samkomulagi yrðu menn að nýta
tímann til fulls. „Það eru jafnmargir
dagar í desember og í öðrum mán-
uðum ársins. Menn eiga að horfa á
það verkefni að koma kjarasamning-
um til enda. Ég er ekkert úrkula
vonar um að það takist en í augna-
blikinu er bil á milli aðila,“ segir
hann.
Aðgerðahópur kemur saman
Allt útlit er fyrir að landssambönd
og félög innan ASÍ muni á næstu
dögum hvert á fætur öðru vísa
kjaradeilum sínum við SA til rík-
issáttasemjara til sáttameðferðar.
Eftir að upp úr slitnaði í viðræðum
samninganefnda ASÍ og SA í liðinni
viku eru landssamböndin og stærstu
stéttarfélögin aftur komin með bolt-
ann og sækja fram hvert með sína
kröfugerð. SGS vísaði kjaradeilunni
til sáttasemjara sl. föstudag. Í gær
ákváðu Flóafélögin eftir tveggja
stunda fund með SA að vísa til sátta-
semjara og samningamenn verslun-
arfólks eiga allt eins von á að sama
verði upp á teningnum eftir við-
ræðufund VR og LÍV með SA í dag.
Sigurður Bessason segir nokkuð
skilja á milli viðsemjenda en þó séu
ekki allir þættir útræddir. Ómögu-
legt sé að segja fyrir um í hvaða átt
samningarnir muni þróast á næstu
dögum og vikum. Aðgerðahópur
SGS kemur saman í vikunni að sögn
Björns Snæbjörnssonar, formanns
sambandsins. Þar á að ræða mögu-
legar aðgerðir til að knýja á um gerð
aðalkjarasamnings við SA.
„Mér fannst við vera á góðu róli í
seinustu viku en eins og staðan er í
dag er ég ekki mjög bjartsýnn. And-
staða SA við krónutölubreytingar
setur málið á byrjunarreit,“ segir
Guðbrandur. Sigurður Bessason
segir erfitt að skilja þá afstöðu SA
að ekki sé svigrúm til bæði krónu-
tölu- og prósentuhækkana. ,,Við höf-
um talið að með því að nálgast málið
á breiðum grunni um að hemja
hækkanir í samfélaginu, hjá ríki,
sveitarfélögum og fyrirtækjum, þá
værum við að ná miklum árangri í að
ná festu í samfélaginu,“ segir hann.
Þorsteinn Víglundsson, fram-
kvæmdastjóri SA, segir að því fari
fjarri að fullreynt sé á milli aðila
hvort ná megi niðurstöðu um launa-
lið kjarasamninga. Menn muni tak-
ast á við það verkefni undir stjórn
sáttasemjara og svo verði tíminn að
leiða í ljós hvort þeim auðnist að
vinna hratt og vel úr því eða ekki.
Meginmarkmið SA um að ná verð-
bólgunni niður er óbreytt og vinnan
miðast áfram við að svigrúm sem
kunni að vera til staðar til launa-
breytinga verði ekki nýtt þannig að
verðstöðugleika verði raskað.
„Við höfum sagt að við erum tilbú-
ir til þess að skoða ýmsar leiðir til að
koma til móts við lægst launuðu hóp-
ana, án þess að það valdi miklu
launaskriði,“ segir Þorsteinn.
„Við teljum að þessi krónutöluleið
hafi um margt reynst mjög vel til
þess að lyfta undir kaupmátt lægstu
launanna á undanförnum árum, en
að núna séu komnar fram ótvíræðar
vísbendingar um að við séum komin
að ákveðnum endamörkum þar, og
þurfum því að horfa til þess með
hvaða öðrum hætti við getum tekið
sérstaklega undir með tekjulægstu
hópunum,“ segir hann.
„Við göngum til viðræðna með
opnum huga hvað það varðar, svo
lengi sem það raskar ekki verðlags-
stöðugleika. Það skilar á endanum
mestum ávinningi fyrir alla hópa að
ná verðbólgunni niður.“
Morgunblaðið/Golli
Í frosti yfir jól? Sumir óttast að kjaradeilur gætu teygst fram yfir áramót.
SA vill koma til móts
við tekjulægsta hópinn
 ASÍ-félög vísa deilum til sáttasemjara hvert á fætur öðru
Botninn
200 g Ljóma
5 egg
4 dl sykur
4 dl hveiti
1 dl kakó
2 tsk lyftiduft
2 tsk vanillusykur
2 dl mjólk
Hitið ofninn í 200 gráður og
smyrjið skúffukökuform.
Bræðið Ljómann og látið hann
kólna.
Hrærið egg og sykur þar til það
verður ljóst og létt.
Blandið hveiti, kakói, lyftidufti
og vanillusykri saman og sigtið
það út í deigið.
Setjið Ljóma og mjólk út í og
hrærið þar til deigið verður
slétt.
Hellið deiginu í bökunarformið
og bakið í miðjum ofni í 20–25
mínútur.
Skúffukaka
Glassúr
75 g Ljóma
1/2 dl sterkt kaffi
4 dl flórsykur
2 msk kakó
2 tsk vanillusykur
Bræðið Ljómann. Setjið
þurrefnin í skál og hrærið
saman við bræddan
Ljómann og kaffið.
Leyfið kökunni að kólna aðeins
áður en glassúrinn er settur á.
Setjið kókosmjölið yfir kökuna
og njótið.