Morgunblaðið - 10.12.2013, Blaðsíða 14
14 FRÉTTIRInnlent
MORGUNBLAÐIÐ ÞRIÐJUDAGUR 10. DESEMBER 2013
Egill Ólafsson
egol@mbl.is
Kona á fertugsaldri er í lífshættu
eftir að eldur kom upp í íbúð henn-
ar við Írabakka í Breiðholti í fyrri-
nótt. Konan hlaut brunasár og varð
fyrir reykeitrun. Dóttir hennar, 13
ára, var einnig flutt á spítala með
reykeitrun. Ólafur Snævar Ög-
mundsson, sem býr í næstu íbúð,
segir kraftaverk að mæðgurnar
skuli hafa komist lifandi út úr íbúð-
inni. „Ég heyrði strax og ég vakn-
aði að það ríkti skelfing í íbúðinni
enda var skelfilegt að upplifa
þetta,“ segir Ólafur sem varð vitni
að því þegar nágrannar hans börð-
ust við að komast út úr brennandi
íbúðinni. Ólafur býr ásamt konu
sinni í íbúð við hliðina á íbúðinni
þar sem eldurinn kviknaði.
Stóð í dyragættinni og
kallaði á dóttur sína
„Við vöknuðum við hróp og köll á
hjálp,“ sagði Ólafur í samtali við
mbl.is. „Það búa mæðgur í íbúðinni
og þær voru að kalla hvor á aðra.
Við vöknuðum við þetta og opn-
uðum fram. Þá stóð móðirin í dyra-
gættinni og íbúðin var alelda þar
fyrir innan. Hún var að hrópa á
dóttur sína sem var enn inni í íbúð-
inni.
Ég reyndi að komast inn til henn-
ar en það var ekki möguleiki því
það var svo mikill eldur. Ég fór því
út á svalir og klifraði yfir á sval-
irnar hjá þeim. Það var dálítið op á
svaladyrunum og ég náði að opna
þær. Ég vafði handklæði um andlit-
ið en komst ekki nema inn í miðja
íbúð, þar var allt svart af reyk.
Mjög mikill eldur var í forstofunni.
Ég réð ekkert við þetta en þá var
slökkviliðið að koma.
Það var lán í óláni að slökkviliðið
var uppi í Efra-Breiðholti að
slökkva eld í verslun og þeir voru
komnir til okkar á þremur mín-
útum.
Ég fór því til baka í mína íbúð.
Slökkviliðið var búið að fara út með
konuna mína og mæðgurnar líka.
Þá hafði, eftir því sem konan mín
segir, dóttirin einhvern veginn
komist í gegnum eldhafið og út. Ég
skil hreinlega ekki hvernig henni
tókst það. Hún dró síðan móður
sína lengra fram á ganginn. Stúlk-
an, sem er aðeins þrettán ára, sýndi
alveg ótrúlega hörku og dugnað.“
Klár stúlka
Ólafur sagði að móðirin væri
meira slösuð en dóttirin. „Það sá
verulega á henni. Stelpan virtist
hins vegar við góða meðvitund og
ósærð, en með mikla reykeitrun.
Mér finnst það hins vegar ganga
kraftaverki næst að stúlkan skuli
hafa komist út. Þetta er greinilega
mjög klár stúlka.“
Ólafur var ásamt konu sinni og
mæðgunum fluttur á Landspítala
en fékk að fara heim í morgun að
lokinni skoðun. Kona hans er hins
vegar enn á spítalanum en hún fékk
reykeitrun. Talsverður reykur fór í
íbúð Ólafs.
Íbúum í stigaganginum var gert
að yfirgefa íbúðirnar meðan eld-
urinn var slökktur. Þeir fengu skjól
í tveimur strætisvögnum meðan á
slökkvistarfi stóð.
Morgunblaðið/RAX
Svalir Ólafur klifraði yfir á svalir og reyndi þannig að bjarga dótturinni út.
Kona í lífshættu
eftir eldsvoða
í Breiðholti
Móðirin kallaði í skelfingu á dóttur
sína sem var í brennandi íbúðinni
Morgunblaðið/RAX
Bruni Þegar Ólafur leit fram á gang stóð móðirin í dyragættinni á íbúð sinni
og kallaði á dóttur sína sem var enn inni í brennandi íbúðinni.
Egill Ólafsson
egol@mbl.is
„Það er allt farið,“ segir Piotr Jaku-
bek, sem á og rekur matvöruversl-
unina Mini Market í Drafnarfelli í
Breiðholti, en tugmilljóna tjón varð
þegar eldur kom upp í versluninni í
fyrrinótt. Hann segir brunann vera
mikið áfall.
Piotr hefur rekið verslunina ásamt
konu sinni, Agmieszku Jakubek, í
rúm átta ár. Um er að ræða fjöl-
skyldufyrirtæki sem þau hafa lagt
allt sitt í.
„Við vorum búin að fylla versl-
unina af vörum því það er jafnan
mikil velta í desember. Nú er þetta
allt farið og alls óvíst hvort við náum
að opna aftur fyrir jól,“ segir Piotr.
Piotr og Agmieszka voru sofandi
heima hjá sér þegar þau fengu sím-
hringingu frá öryggisfyrirtæki um
að verslunin væri að brenna. Þau
flýttu sér á staðinn. Þá voru slökkvi-
lið og lögregla komin og slökkvistarf
í fullum gangi. Verslunin var full af
reyk og mikill hiti. Piotr segir að
slökkviliðið hafi verið fljótt að
slökkva eldinn, en tjónið sé mikið af
völdum reyks og hita.
Átti að endurmeta
tryggingar í janúar
Ljóst þykir að eldurinn hefur
komið upp við hurð sem snýr út í
port við verslunina. Eldsupptök eru
ekki ljós, en rannsókn lögreglu mið-
ar m.a. að því að rannsaka hvort
kveiktur hafi verið eldur við hurðina.
Piotr og Agmieszka leigja hús-
næðið. Það er tryggt og lagerinn er
líka tryggður, en Piotr óttast að
hann sé vantryggður. „Ég hafði sam-
band við tryggingafélagið í lok síð-
asta mánaðar og þeir töluðu um að
koma og meta verslunina upp á nýtt í
byrjun janúar.“
Stuttu eftir að slökkviliðinu hafði
tekist að slökkva eldinn í Mini Mark-
et kom tilkynning um eld í íbúð í Íra-
bakka í Breiðholti. Allir slökkvibílar
nema einn voru því sendir í snarhasti
þangað, enda var fólk inni í brenn-
andi íbúðinni.
Tugmilljóna tjón þegar
Mini Market brann
Piotr Jakubek kaupmaður segir brunann vera mikið áfall
Morgunblaðið/RAX
Áfall Piotr Jakubek hefur á átta árum náð að byggja upp fjölskyldu-
fyrirtækið Mini Market, ásamt konu sinni Agmieszku Jakubek.
Tveir brunar á sama tíma
» Slökkvilið höfuðborgar-
svæðisins fékk tilkynningu um
brunann í Drafnarfelli um kl.
3:20 í fyrrinótt.
» Um hálftíma síðar fékk
slökkviliðið tilkynningu um að
eldur logaði í íbúð í Írabakka.
» Slökkvibílar voru þá strax
sendir í Írabakkann enda voru
íbúar þá inni í logandi íbúðinni.
» Mikið tjón varð í báðum
þessum brunum.
Eldur kom upp í fjölbýlishúsi og verslun á sama tíma í Breiðholtshverfi á mánudagsmorgun
Munið að slökkva
á kertunum
Treystið því aldrei að sjálfslökkvandi
kerti slökkvi á sér sjálf
Slökkvilið
höfuborgasvæðisins