Morgunblaðið - 10.12.2013, Blaðsíða 17

FRÉTTIR 17Innlent
MORGUNBLAÐIÐ ÞRIÐJUDAGUR 10. DESEMBER 2013
„Þetta er að verða með undarlegustu
aðalmeðferðum,“ sagði Vilhjálmur H.
Vilhjálmsson, verjandi Stefáns Loga
Sívarssonar, fyrir Héraðsdómi
Reykjavíkur í gær. Reiddist hann þá
því að tímasetningar skyldu ekki
standast. Þegar Arngrímur Ísberg
dómsformaður sagði að það gæti ekki
verið, enda væri Vilhjálmur eldri en
tvævetur í stórum aðalmeðferðum,
en klykkti út með að segja „Þú ert
reyndar svo unglegur að það er varla
trúlegt“ mildaðist Vilhjálmur allur og
þakkaði hrósið. Fleira kom auðvitað
til, krafa um fjölmiðlabann og að end-
urnýjuð og ítarlegri krafa um að sak-
borningar vikju úr salnum þegar
fórnarlamb bar vitni.
Ástæða er fyrir því að byrja frétt
um þetta mál á öðru en efninu. Málið
er hryllilegt, sama hvernig það fer.
Svaf hjá barnsmóður Stefáns
Það er óumdeild staðreynd hvað
sem öðru líður að ungur maður var
sviptur frelsi sínu af ókunnugum
mönnum í tæpan sólarhring, hann
var þvingaður til að taka inn óþekkt
lyf, sprautaður með óþekktum lyfjum
og mátti sæta verulegum barsmíðum
á þessum tíma af hendi margra karl-
manna. Og það sem þessi ungi maður
hafði sér til sakar unnið var að
stunda skyndikynni.
Hann vissi það ekki þá en í gleð-
skap hitti þessi ungi maður barns-
móður og fyrrverandi kærustu Stef-
áns Loga og enduðu þau kynni með
skyndikynnum. Samkvæmt því sem
kemur fram í ákæru og í máli unga
mannsins tók Stefán Logi þessu svo
illa, að ungi maðurinn endaði rugl-
aður af óþekktum töflum, nakinn
nema í svörtum ruslapoka, bundinn
við burðarbita í húsi á Stokkseyri.
Þar sá hann ofsjónir og hafði þá sætt
sig við að hann væri að ljúka sínu
æviskeiði.
„Ég veit ekkert um þetta“
Stefán Logi var nýklipptur, með
síðdegisskugga, þrekvaxinn og vel til
fara. „Ég veit ekkert um þetta mál,
man ekki eftir þessu.“ Hann af-
greiddi málið strax í upphafi. Eftir
þetta átti saksóknari erfitt upp-
dráttar, svona þangað til að hann
spurði hvort Stefán Logi vildi ekki
segja eitthvað um málið. „Það er
margt sem ég vil segja en það er lög-
fræðingur minn sem kemur því til
skila.“
Hvað varðar umrædda konu sem
samkvæmt ákæru var kveikjan að
því ofbeldi sem ákært er fyrir sagði
Stefán Logi: „Þetta kemur mér ekk-
ert við. Ég var ekki búinn að vera
með henni í heilt ár og kominn með
aðra kærustu. Hún vildi ekki einu
sinni þiggja frá mér jólagjafir eða af-
mælisgjafir. Og ekki að ég legði inn á
framtíðarreikning fyrir barn okkar.“
Fyrir utan það sagðist hann hafa ver-
ið handleggsbrotinn á báðum hand-
leggjum og hefði því ekki getað beitt
neinn ofbeldi.
Allir sakborningar neita sök í mál-
inu og ítarlega er fjallað um hvern og
einn á mbl.is.
Klæddur í poka og bundinn við staur
 Aðalmeðferð hófst í máli ákæruvaldsins gegn Stefáni Loga Sívarssyni og fleirum fyrir héraðsdómi
 Karlmaður segist hafa verið sviptur frelsi og þvingaður til að gleypa lúkufylli af óþekktum töflum
Morgunblaðið/Rósa Braga
Stefán Logi Allir sakborningar í málinu eru í haldi og hafa verið frá því
rannsókn málsins hófst. Hér koma fangaverðir með Stefán Loga Sívarsson.
Málin rædd Sjónvarpstökumaður, réttargæslumenn, saksóknari og verj-
andi Stefáns Loga Sívarssonar. Það er líf og fjör í Héraðsdómi Reykjavíkur.
„Þeir standa í kringum mig og ég fæ högg úr öllum áttum. Það eru not-
aðar kylfur við þetta og hnefar. Ég man eftir andartakinu þegar ég
missi tönn og vörin fer í sundur. Þeir öskra á mig að ég hafi sofið hjá
fyrrverandi kærustu Stefáns Loga og hann spyr mig út í það. Ég gengst
við því en hann vill meina að þetta hafi verið meira en ein nótt og
krefst þess að fara inn á Facebook-aðganginn minn. Og hann fer þang-
að inn en finnur ekki neitt. Ég hafði ekki haft nein samskipti við þessa
stúlku.“
[...] „Stefán Blackburn var að velta fyrir sér hvort hann gæti brotið á
mér löppina með kylfu og lamdi mig svo gríðarlega fast rétt fyrir neðan
kálfann. Svo byrja lyfin að „kikka inn“ og ég hætti að geta varist.
Missti tönn og vörin í sundur
FÓRNARLAMBIÐ SEGIR SÖGU SÍNA