Morgunblaðið - Sunnudagur - 08.12.2013, Page 49

8.12. 2013 MORGUNBLAÐIÐ SUNNUDAGUR 49
fimm hæða húsi með lyftu og þernum og þeg-
ar ég var búinn að mála hana bað hún mig að
hringja niður í aðstoðarkonurnar til að láta
þær borga mér, en það svaraði enginn svo
hún bað mig að fara með lyftunni niður í
kjallara til að finna þær. Ég var orðinn dálít-
ið pirraður, vildi bara fá peningana mína og
fara því verkefnið var búið. Svo kem ég nið-
ur, stíg út úr lyftunni og sé engar aðstoð-
arkonur, bara einhvern kall þarna sem snýr
baki í mig og er að lesa blað. Ég reyni að hóa
í hann og segist vera að leita að einhverjum
til að borga mér, en hann heyrir greinilega
ekki neitt svo ég labba aftan að honum, er að
fara að pikka í hann og segi svona „Sorry,
but …“ – þá snýr hann sér við og ég sé að
þetta er Sting! Og hann bara sagði „How can
I help you?“ Ég vissi ekkert að ég væri
staddur heima hjá honum, ég hafði ekkert
fattað að ég var að farða konuna hans; ég
hafði séð einhvers staðar að hún héti Trudy
en ekkert spáð í það. En Sting varð ekkert
fúll og fann bara fyrir mig einhvern sem
borgaði mér.“
Fortíðin liðin
Eins kátur og lífsglaður og Ísak kemur fyrir
sjónir er margt í fortíð hans ekkert gleðiefni.
Hann hefur tjáð sig um það áður í fjölmiðlum
að æskuárin hafi ekki verið neinn dans á rós-
um. Til 11 ára aldurs bjó hann á Ólafsfirði og
glímdi við erfiðar heimilisaðstæður, ofvirkni,
athyglisbrest og ofsakvíða, auk vitneskjunnar
um að hann væri samkynhneigður. Hann var
því vinalaus og lagður í einelti og skánaði
ástandið ekkert þegar hann flutti með móður
sinni til Reykjavíkur og unglingsárin gengu í
garð. Á endanum var hann vistaður á með-
ferðarheimili. Ein aðferðin sem Ísak notaði til
að losna þaðan var að tileinka sér „full-
komna“ hegðun og byrgja sitt raunverulega
sjálf inni. „Ég ákvað bara að verða vélmenni
og leika hlutverk, til að falla inn í hópinn,“
segir hann og hreyfir sig vélrænt til áherslu.
Hann þróaði þannig með sér áráttuhegðun
og tók sig til að mynda á og léttist um tugi
kílóa á nokkrum mánuðum með öfgakenndu
mataræði og stífri líkamsrækt. En það tók á
að halda sjálfum sér í höftum og að lokum
var Ísak farinn að ímynda sér allavega
heilsukvilla, sem voru svo raunverulegir fyrir
honum að hann fann til, allt þar til hann hafði
farið í sína vikulegu heimsókn upp á Lækna-
vakt og fengið úrskurð fagaðila um að ekkert
amaði að, þá snarlagaðist kvillinn.
En smátt og smátt áttaði Ísak sig á því að
hann yrði bara að vera hann sjálfur og láta
skort á umburðarlyndi annarra ekki halda
aftur af sér. „Þrátt fyrir alla erfiðleika hefur
mig alltaf, í undirmeðvitundinni, langað til að
ná langt og þótt ég lendi í ýmsu er ég alltaf á
uppleið. Ég hef alltaf sett mér markmið og
aldrei gefist upp. Ég hugsaði alltaf með mér
að ég skyldi sýna þessu fólki hvað ég gæti.“
Enda vill hann ekki dvelja mikið við fortíð-
ina, hún er liðin. „Ég fór norður á ættarmót í
fyrra og fór þar með frænda mínum í partí
og hitti strákana sem ég var með í skóla. Og
þeir báðu mig allir afsökunar. Mér fannst það
svo fallegt hjá þeim, eftir allan þennan tíma.“
Og Ísak hikaði ekki við að fyrirgefa þeim.
„Mér finnst ekki nein ástæða til að halda í
einhverja reiði, fólk þroskast og lærir af mis-
tökunum og allt það sem ég hef lent í er ég
að nota í dag í öllu sem ég geri. Þegar ég
teikna og mála, hvert einasta strik sem ég
geri er túlkun á því hvernig mér líður og
hvernig mér hefur liðið. Ég teikna mjög mik-
ið, þegar mér líður illa þá teikna ég, það er
meðferðin mín.“
Glaður!
Nú virðist Ísak hins vegar vera kominn á
mjög góðan stað í lífinu og hvað svo sem
hann segir er hann yngri en lífsreynsla hans
og velgengni gefa til kynna. En hvert stefnir
hann næst? „Mig langar að taka förðunina á
annað stig, blanda meira saman meiköppi og
teikningunum mínum og gera þetta meira að
listgrein, tengja þetta allt saman. Mig langar
líka rosalega mikið til að halda sýningu á
teikningunum mínum heima, ég er að plana
það reyndar.“
Ísak hefur samt enga löngun til að fara út í
eigin viðskiptarekstur, opna stofu eða mark-
aðssetja vörur. „Ég er rosa mikill bóhem, ég
er engin businesstýpa. Mig langar bara að
vera í svona verkefnum, mig langar ekki að
eiga mikinn pening, ég vil vera með ein-
hverjum sem ég elska og eiga lítið hús og
kannski hund og bara vera glaður! Maður lif-
ir bara einu sinni og mér finnst lífið ekki snú-
ast um að eiga peninga, ég vil bara lifa einn
dag í einu og vera glaður á hverjum degi.“
Ísak Freyr Helgason förð-
unarfræðingur býr í einni lífleg-
ustu borg heims, vinnur fyrir
þekktustu tískublöðin og
farðar ríka og fræga fólkið í
London. Sumir myndu ef til
vill telja að draumar þessa
unga manns hafi þegar ræst
þótt hann sé ekki nema 23 ára.
Ísak hryllir sig, hlær og bandar frá
sér hendinni „Ég þoli ekki þegar
fólk segir þetta! Hvað ég sé rosa-
lega ungur!“ En því verður ekki
neitað að á rétt rúmu ári hefur
hann komist ótrúlega langt í
tískuborginni London og eftir þrjá
mánuði flýgur hann til Los Angel-
es til að farða Hollywood-
stjörnurnar fyrir Óskarsverð-
launahátíðina.
Aldur
er af-
stæður
Hjónin Trudy
og Sting. Ísak
farðaði Trudy
á heimili
þeirra en átt-
aði sig ekki á
því fyrr en
hann ætlaði
að rukka sjálf-
an Sting fyrir
að farða eig-
inkonu hans.
AFP
ÞÚ FINNUR JÓLATILBOÐ DAGSINS Á OB.IS
Ef þú kaupir jólatilboð
dagsins ferðu í jólapott ÓB.
Daglega er dreginn út gulllykill ÓB sem veitir 20 kr. afslátt
af lítranum í 10 skipti.
200.000 króna eldsneytisúttekt dregin út á aðfangadag!
8. DES
40%
AFSLÁTTUR AF
RAFHLÖÐUM
HJÁ OLÍS MEÐ ÓB-
LYKLINUM.