Morgunblaðið - 03.01.2014, Blaðsíða 4
4 | MORGUNBLAÐIÐ
É
g og maðurinn minn velt-
um lengi fyrir okkur nafni
á stöðina og okkur fannst
þetta flott nafn þegar við
duttum niður á það,“ segir
Arna, eins og hún er kölluð, en
stöðin var opnuð þann 1. mars á
síðasta ári. Í nafninu er orðaleikur
sem felur í sér hvatningu eða ákall
til iðkenda „að vera jóga“ eins og
hún útskýrir. Í stöðinni er hins veg-
ar boðið upp á margvíslega heilsu-
þjálfun og þar er fjölmargt í boði
meðfram jógatímum.
„Ég lagði upp með að opna stöð
þar sem öll aðstaða og aðbúnaður
miðar að því að láta gestum og við-
skiptavinum líða vel. Ég lagði
áherslu á að hafa hana fallega inn-
réttaða og að andrúmsloftið væri
notalegt og kósí. Þegar ég skipu-
lagði stöðina var ég að hugsa um
viðskiptavini sem langar ekki að
æfa inni á líkamsræktarstöð en
vilja samt stunda fjölbreyttari þjálf-
un en jóga eingöngu. Þess vegna
blanda ég saman líkamsrækt og
jóga með allt það fólk í huga sem
vill vera þarna einhvers staðar á
milli. Þannig er mín hugsjón með
þessa stöð, að hugsa um fólk sem
vill koma í hlýlega andlegu iðkun en
líka fá líkamsþjálfun. Ég býð upp á
tíma í litlum hópum þar sem per-
sónulegt andrúmsloft og umhyggja
er í öndvegi.“
Bland af öllu því besta
Eins og framar greindi vildi Arna
að útlitið á B Yoga og innrétting-
arnar bæru með sér yfirbragð slök-
unar og vellíðunar. „Þess vegna
kaus ég að hafa útlitið meira í ætt
við spa-stöðvar og heilsulindir, enda
er stöðin frábrugðin því sem flestir
eiga að venjast á jógastöðvum hér á
landi. Sérstaða stöðvarinnar felst
þó fyrst og fremst í framboði mis-
munandi þjálfunar, að sögn Örnu.
Hún er menntaður íþróttafræð-
ingur og hefur unnið við marg-
víslega þjálfun um langt árabil,
meðal annars sem einkaþjálfari,
þolfimikennari og jógakennari.
Reynslu sinni hefur hún safnað og
sett saman í æfingakerfi fyrir kon-
ur sem heitir B Yoga, rétt eins og
stöðin, og er meðal þess sem er að
finna á stundatöflu stöðvarinnar.
„Þar er ég með samsafn af öllu því
besta sem ég hef sankað að mér
gegnum tíðina og má segja að sé
bland í poka af jóga, pilatesæf-
ingum, ballettæfingum, styrkt-
arþjálfun og fleiru – þetta er svona
„best af öllu“-kerfi. Rauði þráð-
urinn er samt sem áður andlegi
þátturinn. Að fólk læri að gera æf-
ingar á meðvitaðan hátt og tengi
þannig líkama, huga og sál. Ég legg
mikið upp úr því að fólk hlusti á lík-
ama sinn og virði þau skilaboð sem
hann sendir. Hjá mér vil ég að fólk
stígi út úr samkeppninni og hama-
ganginum þar sem útlitsdýrkunin
er allsráðandi. Heldur kýs ég að
hugsa þetta frá hinum endanum.
Við erum að byggja upp líkamann
en byrjum á þessu andlega, út frá
umhyggju, kærleika, jákvæðni og
væntumþykju.“
Kolféll fyrir kundalini-jóga
Arna hefur ýmislegt lært um sína
daga þegar kemur að þjálfun og
uppbyggingu líkamans en kolféll
fyrir kundalini-jóga þegar hún
kynntist þeirri grein jógafræðanna.
„Ég lærði hjá Auði Bjarnadóttur í
Jógasetrinu og þó ég hefði þá þegar
verið búin að kynna mér jóga að
einhverju leyti og að sama skapi
búin að prófa ótalmargar leiðir til
líkamsþjálfunar, þá var einhvern
veginn þannig að þegar ég kynntist
kundalini-jóga var það ást við
fyrstu sýn,“ rifjar Arna upp. „Ég
var í meðgöngujóga í Jógasetrinu
og ákvað í framhaldinu að taka
kennsluréttindi, ég var alveg heill-
uð. Strax og ég byrjaði í kundalini
fannst mér eins og ég væri komin
heim. Kundalini jóga er kraftmikið,
fer beint inn í hjartað og er hrað-
virkasta leiðin til að ná jafnvægi á
milli líkama, hugar og sálar. Það er
þó erfitt að ústkýra hvernig þetta
virkar og best að upplifa það á eigin
skinni. Þegar fólk byrjar í kundalini
þá dettur það inn í það og þá verð-
ur ekki aftur snúið. Kundalini
hjálpar okkur að fara beint inn í
ljósið okkar og er eiginlega hrað-
virkasta leiðin fyrir fólk til að
tengjast við sálina og ljósið sitt.“
Alls konar æfingar í rólu
Arna útskýrir að þó hún sjálf
hreinlega elski kundalini þá sé það
engu að síður svo að það sé ekki
endilega fyrir alla. Þess vegna býð-
ur stöðin upp á fleiri tegundir lík-
amsþjálfunar svo eitthvað sé í boði
fyrir sem flesta. Þannig sé B Yoga-
kerfið gerólíkt kundalini-jóga.
„Sumir viðskiptavinir stunda hvort
tveggja og aðrir halda sig við ann-
að hvort,“ útskýrir Arna. Nú í jan-
úar bætist svo við framboðið á
jógatímum þegar B Yoga byrjar að
bjóða upp á nýtt og býsna áhuga-
vert kerfi sem nefnist aerial-yoga.
„Ég er með svona rólu heima hjá
mér og hef sjálf verið að prófa, og
þetta er alveg fáránlega skemmti-
legt. Ég fór svo út í síðasta mánuði
til að læra að kenna þetta og
hlakka mikið til að bjóða við-
skiptavinum upp á þessa tegund
jóga, en eftir því sem ég best veit
hefur engin önnur stöð boðið upp á
aerial-jóga enn sem komið er. Þetta
er aftur á móti orðið gríðarlega vin-
sælt erlendis,“ segir Arna. „Hugs-
unin á bak við aerial-jóga er að
gera æfingar með viðvarandi stuðn-
ing við líkamann, þar eð maður
styðst við róluna, og um leið er
hægt að fara dýpra inn í stöður án
þess að auka álagið á líkamann af
því maður hefur stuðninginn frá
rólunni. Það minnkar til mikilla
muna álag á hryggjarliði og liða-
mót. Það er líka svo skemmtilegt
að það er hægt að fara í allar öf-
ugsnúnu stöðurnar og baksveigj-
urnar með stuðning. Þá er til dæm-
is hægt að hanga á hvolfi og það er
nokkuð sem allir geta gert; fólk
sem aldrei gæti staðið á höndum
eða á haus getur þetta með ról-
unni,“ bætir Arna við. „Ég er viss
um að þetta á eftir að gera mjög
mörgum gott af því rólan virkar
þannig að þegar fólk er komið í
hana fer líkaminn ósjálfrátt í þann
farveg að leiðrétta sig sjálfur. Það
má liggja í henni eins og hengirúmi
og þá er þyngdaraflið að toga og
teygja líkamann til, þegar hann
þarf ekki að halda sjálfum sér uppi.
Hann leitast sjálfur við að smella
allur á réttan stað. Þetta er ótrú-
lega spennandi viðbót og með þessa
þrjá ólíku valkosti – B jóga, kundal-
ini og aerial – vonast ég til að geta
veitt sem breiðustum hópi við-
skiptavina þjónustu á nýju ári.“
Að allir séu sáttir í eigin skinni
Að lokum má benda áhugasömum
á Fésbókarsíðu B Yoga og heima-
síðu stöðvarinnar, www.byoga.is,
þar sem lesa má margs konar hug-
leiðingar um heilbrigðan huga og
hraustan líkama. Rauði þráðurinn í
skrifum Örnu er að allir séu sáttir í
eigin skinni. „Fyrir mér snýst þetta
um að við getum endalaust verið að
borða hollt og hamast en erum
samt ekki endilega ánægð. Mér
finnst að við eigum að byrja á því
að elska það sem okkur er gefið í
vöggugjöf og sættast við það sem
við höfum frá náttúrunnar hendi,
bæði styrkleika og veikleika. Allt
sem við gerum á að vera undir-
strikað af umburðarlyndi og kær-
leika fyrir okkur sjálfum.“
jonagnar@mbl.is
Að tengja líkama, huga og sál
Jógastöðin B Yoga við Net-
hyl býður upp á jógaþjálfun
með persónulegum for-
merkjum. Leiðarljósið er að
líkami, hugur og sál séu
í jafnvægi, eins og Margrét
Arna Arnardóttir, jóga-
kennari og eigandi
stöðvarinnar, segir frá.
Morgunblaðið/Ómar
Vellíðan „Mér finnst að við eigum að byrja á því að elska það sem okkur er gefið í vöggugjöf og sættast við það sem við höfum frá náttúrunnar
hendi, bæði styrkleika og veikleika. Allt sem við gerum á að vera undirstrikað af umburðarlyndi og kærleika fyrir okkur sjálfum.“
Nýjung „Ég er viss um að þetta á eftir að gera mjög mörgum gott af því
rólan virkar þannig að þegar fólk er komið í hana fer líkaminn ósjálfrátt
í þann farveg að leiðrétta sig sjálfur,“ segir Arna um Aerial Yoga.
Jóga „Það sem kundalini-jóga gerir fyrir mann virkar svo fljótt og það
er um leið svolítið erfitt að útskýra hvernig það virkar, því er best að
upplifa það.“ Þegar Arna kynntist kundalini var það ást við fyrstu sýn.