Morgunblaðið - 03.01.2014, Blaðsíða 30

30 | MORGUNBLAÐIÐ
T
ennis er íþrótt sem þú get-
ur spilað alla ævi,“ segir
Jónas Páll Björnsson, fram-
kvæmdastjóri Tennishall-
arinnar við Dalsmára í Kópavogi.
„Þegar maður fer að hugsa um að
breyta um lífsstíl og lifa heilsu-
samlegra lífi er gríðarlega mik-
ilvægt að gera eitthvað sem er
skemmtilegt. Það er jú líklegast að
þú haldir áfram hreyfingunni ef þú
hefur gaman af henni. Sumir fara í
ræktina og hafa gaman af en ég
hef grun um að það sé bara of mik-
il píning fyrir marga. Þess vegna
er tennis prýðileg leið til að fá
hreyfingu. Það felst svo mikill leik-
ur í þessu að þú hefur mjög tak-
markað á tilfinningunni að þú sért
að púla. Eftir því sem þú öðlast
svo meiri færni í sportinu verður
æfingin og hreyfingin betri og
betri, eiginlega án þess að taka eft-
ir því. Það er því algengt að þeir
sem festast í tennis í kjölfar þess
að prófa stundi það út ævina.“ Jón-
as bætir því við, máli sínu til
stuðnings, að spilarar í Tennishöll-
inni séu á aldursbilinu þriggja til
83 ára. „Alþjóðatennissambandið
heldur til dæmis sérstakt mót fyrir
85 ára og eldri og við erum að
skipuleggja mót fyrir heldri iðk-
endur sem haldið verður á næst-
unni. Einnig vorum við með þrjú
Evrópumót hér í húsinu, fyrir 16
ára og yngri.“
Tennis er íþrótt fyrir alla
Að sjá atvinnufólk í tennis keppa
er tilkomumikil sjón þar sem
snerpa, þol og styrkur fara saman.
Ef til vill getur svo virst sem slíkt
sé ekki á færi okkar venjulega
fólksins en Jónas segir tennis engu
að síður íþrótt sem hentar öllum.
„Það er engin spurning að tennis
er fyrir alla. Þetta er krefjandi
sport, en um leið gefandi því það
er virkilega gaman að spila það.
Allir sem spila tennis, líka atvinnu-
menn, byrjuðu einhvern tímann á
því að prófa í fyrsta skipti, án þess
að kunna neitt. Við bjóðum upp á
námskeið fyrir algera byrjendur,
þá sem hafa aldrei tekið í tenn-
isspaða og hafa jafnvel ekkert ver-
ið í íþróttum yfirhöfuð og erum því
alvön að leiðbeina þeim sem eru al-
gerir byrjendur. Fyrstu skrefin
eru alltaf mikilvæg og um að gera
að koma til okkar og fá leiðsögn
kunnáttufólks. Hafa ber í huga,
hér sem annars staðar, að lengi
býr að fyrstu gerð,“ bætir Jónas
við. „Hjá okkur eru fjölmargir iðk-
endur sem hittu varla boltann til
að byrja með en eru í dag virkir
tennisspilarar. Það geta allir orðið
spilarar. Mikilvægast er bara að
fara af stað í réttum hóp og fá
þannig leiðsögn og áskoranir við
sitt hæfi.“
Vinasambönd verða
til á vellinum
Jónas bætir því við að áhersla sé
lögð á að raða iðkendum saman
sem eru á svipuðu reki í spila-
mennskunni og hafa áþekka getu
til að bera. „Þar getur hæglega
myndast góð vinátta í gegnum
skemmtilega hreyfingu og það má
segja að Tennishöllin eigi heið-
urinn af nokkrum góðum vina-
samböndum sem urðu til úti á velli
hjá okkur þegar fólk var að
spreyta sig.“ Jónas rifjar í fram-
haldinu upp sögu af tveimur mönn-
um sem hann raðaði saman til æf-
inga árið 1998. „Þeir eru búnir að
spila saman þrisvar í viku síðan þá
og hafa meira að segja farið í
nokkrar tennisferðir saman til út-
landa.“ Hann bætir því við að
miklu skipti að fá þessa byrj-
endaleiðsögn í upphafi þess að far-
ið er að æfa tennis. „Þá þarf oftar
en ekki að benda mönnum á að
„tóna“ niður sveifluna og höggin og
æfa tæknina þess í stað. Það er
sérlega mikilvægt.“
Félagsmiðstöð fyrir iðkendur
Alls eru sex tennisfélög sem æfa
í Tennishöllinni við Dalsmára; Vík-
ingur, Þróttur, Fjölnir, Tennisfélag
Kópavogs, Tennisfélag Garðabæjar
og Tennisdeild BH í Hafnarfirði.
Tennishöllin skipuleggur svo fjöl-
mörg mót yfir árið í samstarfi við
félögin sex og starfsfólk á vegum
þeirra. Allir aldurshópar geta
mætt til æfinga og eru hópar niður
í þriggja til fjögurra ára aldurinn.
„Yngri hóparnir æfa svokallað
mini-tennis til að byrja með, og í
takt við færni iðkenda eru til dæm-
is notaðir mismunandi boltar, allt
eftir því hversu mikið þeir skoppa
og svo framvegis. Bolti sem fjög-
urra ára barn notar skoppar til
dæmis um 75% minna en hefð-
bundinn tennisbolti og við leggjum
ásamt tennisfélögunum áherslu á
að bjóða æfingaprógramm fyrir
alla krakka. Síðan erum við með
margs konar opna tíma, til dæmis
kvennatíma, þar sem hægt er að
mæta og hitta aðra spilara. Þannig
kynnist fólk oft, byrjar að mæta
þar og fyrr en varir hefur myndast
hópur, eiginlega lítið samfélag.
Tennishöllin er hálfgerð fé-
lagsmiðstöð,“ segir Jónas.
jonagnar@mbl.is
Morgunblaðið/Rósa Braga
Skemmtileg og holl hreyfing
Á nýju ári er jafnan sú
ákvörðun tekin að hreyfa
sig meira en í fyrra og hlúa
þannig betur að heilsunni.
Þegar kemur að því að
finna sér skemmtilega
hreyfingu er tennis kostur
sem vert er að gefa gaum.
Tennis „Þetta er krefjandi sport, en um leið gefandi því það er virkilega
gaman að spila það,“ segir Jónas Páll Björnsson hjá Tennishöllinni.
Spaðar Tennis er spilað
af fólki á öllum aldri.
Sportið nýtur sífellt
vaxandi vinsælda.
Leikur Tennis er íþrótt sem spila má alla ævi, að sögn Jónasar Páls.
Femmenessence og Revolution styðja við og koma jafnvægi á eigin
hormónaframleiðslu án þess að vera hormón
Aukin orka og vellíðan
Fæðubótarefni úr macarót 100% náttúruleg vara með lífræna vottun
Við erum á facebook
Inniheldur hvorki soja (ísóavóna), mulin hörfræ né hormóna
www.facebook.com/Femmenessence.is
www.facebook.Revolution-Macalibrium
www.vistor.is
Fyrir konur á barneignaraldri:
 Jafnar hormónasveiur
 Kemur jafnvægi á tíðahringinn
 Dregur úr sársaukafullum blæðingum
 Dregur úr fyrirtíðaspennu
 Styður við frjósemi og grundvallarheilbrigði
Ætlað konum eftir tíðahvörf:
 Dregur úr hitakófum og nætursvita
 Eykur orku og úthald
 Eykur beinþéttni
 Léttir lund og bjartsýni og bætir svefn
 Dregur úr leggangaþurrki
Fyrir karlmenn á öllum aldri:
 Eykur orku og úthald
 Auðveldar þyngdarstjórnun
 Styður kynferðislega virkni
 Styður hjarta- og æðaker  Styður við frjósemi og grundvallarheilbrigði
Fyrir konur eftir fertugt og þær konur sem
nna fyrir breytingaskeiðseinkennum:
 Dregur úr hitakófum og nætursvita
 Eykur orku og úthald
 Eykur beinþéttni
 Dregur úr pirringi, léttir lund og bætir svefn