Morgunblaðið - 03.01.2014, Síða 23

Þ
egar kafað er í íþrótta-
fræðin kemur í ljós að þjálf-
arar eru ósammála um
hversu lengi á að gera
þrekæfingar ef markmiðið er að
missa fitu og móta kroppinn. Sumir
vilja meina að það sé nóg að taka
stuttan sprett á hlaupabrettinu á
meðan aðrir standa fast á því að
fitan fari ekki að hverfa fyrr en eft-
ir hálftíma og jafnvel klukkutíma
hið minnsta af þrekæfingum, hvort
heldur á bretti, æfingahjóli eða í
róðrarvél.
Hitt sem allir eru sammála um
er að þrekæfingar á tæki geta ver-
ið drepleiðinlegar, hvort sem þær
vara í 10 mínútur eða 110 mínútur.
Sumir reyna að láta tímann líða
hraðar með því að horfa á sjón-
varpið um leið, hlusta á tónlist eða
jafnvel lesa bók, en fyrir flesta
duga slík trix ekki til að gleyma
þreytunni og streðinu.
Tölvuleikur með
hreyfiskynjara
Nú kann loksins að hafa komið
fram á sjónarsviðið hjálpartækið
sem gerir þrekæfingarnar að
skemmtilegum leik – bókstaflega.
Goji Play kemur úr smiðju sömu
snillinga og bjuggu til Guitar Hero-
tölvuleikina. Eru hér á ferð leikja-
rofar og hreyfiskynjari sem tengj-
ast við spjaldtölvu eða snjallsíma
frá Apple, ásamt safni sérhannaðra
tölvuleikja sem bregðast við skip-
unum frá leikjarofunum og hrey-
fiskynjaranum.
Með nokkrum smellum er hægt
að gefa til kynna hvers konar æf-
ingatæki er verið að nota og leik-
urinn aðlagar sig því. Leikjarofana
má festa á handföngin á hlaupa-
bretti eða þrekhjóli og hreyfi-
skynjarinn festist með smellu á
íþróttafötin.
Jákvæð ummæli
Græjan er nýfarin í sölu vest-
anhafs og kostar þar 100 dali án
skatta og flutningskostnaðar. Enn
sem komið er má aðeins finna sex
umsagnir um Goji Play á Amazon
en þær eru almennt jákvæðar og
virðist sem leikurinn dreifi hug-
anum frá átökunum við æfingarnar
og láti tímann líða mjög hratt.
Forritið heldur utan um árang-
urinn frá einni æfingu til þeirrar
næstu og hægt er að skrá ólíka
notendur svo hver meðlimur fjöl-
skyldunnar getur notað forritið
sem sinn persónulega þjálfara, leik-
félaga og æfingabókhaldsforrit.
ai@mbl.is
Æfingarnar verða
skemmtilegur leikur
Tækni Stjórnhnappar eru festir á handfang æfingatækisins og hreyfiskynjari á íþróttafötin.
Gleði Með því að leikjavæða þrekæfingarnar á tíminn að líða hraðar og æfingin að verða skemmtilegri.
Stuð Forritið lagar sig að æfing-
unni sem stunduð er.
MORGUNBLAÐIÐ | 23
Suðurlandsbraut 12 l 108 Reykjavík l S. 557-5880 l kruska@kruska.is l kruska.is
SENDUM Í FYRIRTÆKI OPIÐ VIRKA DAGA FRÁ 11-21