Morgunblaðið - 03.01.2014, Blaðsíða 12

12 | MORGUNBLAÐIÐ
V
ið bjóðum erlendum brimbrettaáhugamönnum
og ævintýrafólki allan ársins hring upp á ein-
stakt tækifæri til að ferðast um landið undir
leiðsögn, sjá það frá óvenjulegu sjónarhorni og
bruna á brimbretti við óviðjafnanlegar að-
stæður,“ segir Ingólfur Már Olsen, leiðsögumaður og eig-
andi ævintýra- og afþreyingarfyrirtækisins Arctic Sur-
fers.
Sjálfur hefur Ingólfur stundað brimbretti á Íslandi í 15
ár og snjóbretti enn lengur, en meðal annarra áhugamála
hans á sviði útivistar má nefna íshokkí, hjólabretti,
straumvatnsíþróttir og jöklaklifur. „Arctic Surfers er
fyrsta fyrirtækið á Íslandi sem býður upp á ævintýra-
brunferðir, þar sem við eltumst við bestu öldurnar í bland
við aðra skemmtilega útivist og afþreyingu, og veitum
ferðamönnum innsýn í menningu okkar með íslenskum
mat og tónlist.“
Besta brimið
Hann segir Ísland vera eftirsóttan áfangastað meðal
brimbrettafólks, sem komi alls staðar að. „Okkar kúnna-
hópur er mestmegnis erlendir ferðamenn, karlar og konur
á öllum aldri. Við höfum farið með fólk frá 15 og upp í 65
ára í sjóinn. Brimbrettabrun á Íslandi og landið í heild
sinni er einstakt; þetta snýst ekki bara um brunið heldur
allt ferðalagið. Hér eru öldur og aðstæður á heimsklassa
en það skiptir öllu máli að fara á réttu staðina, á réttu dög-
unum. Íslenskt veður getur verið óútreiknanlegt og það er
íslenskt brun líka. Hjá Arctic Surfers erum við sérhæfðir í
því að leita uppi öldu dagsins; spá í spilin, lesa í veðrið og
aðstæður og finna þá staði sem eru með besta brimið
hverju sinni.“
Ingólfur hefur starfað sem leiðsögumaður í 10 ár, á
fjöllum og í straumvatni. Hugmyndina að Arctic Surfers
fékk hann ásamt félaga sínum Erlendi Þór Magnússyni,
leiðsögumanni og ljósmyndara, árið 2009. „Þessi hug-
mynd okkar er búin að vera í þróun í nokkur ár og við er-
um fyrst núna að skríða út úr skelinni. Elli hefur raunar
snúið sér alfarið að ljósmyndun og Hreinn Elíasson, brim-
brettaáhugamaður og markaðsfræðingur, og Hlynur
Helgi Hallgrímsson viðburðastjóri bæst í hópinn. Við þre-
menningarnir erum með ýmislegt spennandi í undirbún-
ingi í brimbrettaferðamennsku, sem við munum kynna
innan skamms.“
Krefjandi aðstæður
Þeir félagar stunda sjálfir brimbretti hérlendis allt árið
um kring. „Við brunum vetur, sumar, vor og haust. Á vet-
urna er það myrkrið en ekki kuldinn sem hrellir okkur.
Hér eru margir fallegir staðir sem bjóða upp á gott brun
og við förum um allt land með ferðamenn. Vestfirðir,
Norðurland, Austfirðir, Suðurland, Reykjanes, Reykja-
vík; á rétta deginum er hægt að bruna á öllum þessum
svæðum í heimsklassaöldum.
Við sérhæfum okkur í því að fara með meðalvana og allt
upp í atvinnumenn í íþróttinni. Þetta fyrirkomulag gerir
okkur kleift að eltast við aðstæður sem geta verið mjög
krefjandi og spennandi. Við skipuleggjum hverja ferð eft-
ir getu þátttakenda. Arctic Surfers býður einnig upp á prí-
vatferðir þar sem farið er með lokaðan hóp; þá er farið yfir
undirstöðuatriðin og bruna við aðstæður sem henta öllum.
Við útvegum góðan búnað í allar okkar ferðir; bretti, galla
og aukahluti auk þess auðvitað að gefa góð ráð. Jafnframt
leigjum við út búnað til fólks sem hefur einhverja reynslu
af íþróttinni og beinum því á rétta staði.
Vaxandi vinsældir
Inn á milli förum við með litla eða miðlungsstóra ís-
lenska starfsmannahópa í brunferðir, þar sem við veitum
kennslu og kynnum sportið og allt sem því fylgir. Það lær-
ir enginn að bruna á einni helgi en samt er hægt að ná
góðum árangri og skemmta sér konunglega. Það tekur
nokkur ár að ná almennilegum tökum á sportinu, en þetta
verður líka bara skemmtilegra og hættir aldrei að vera
spennandi.“
Aðspurður segir Ingólfur brimbrettaiðkun eiga vaxandi
vinsældum að fagna hér á landi. „Það er lítill og nokkuð
þéttur hópur sem stundar brun á Íslandi, allt árið um
kring. Þessi hópur fer stækkandi, hægt og rólega, en það
er ekki fyrir hvern sem er að stunda brimbretti um hávet-
ur á Íslandi. Þetta er mjög líkamlega erfitt sport og
tæknilegt. Við erum að eltast við brim í síbreytilegum veð-
uraðstæðum. Brimbrettabrun þarf alls ekki að vera
hættulegt en getur verið það ef ekki er varlega farið.
Bjart framundan
Brimbrettabrun er ungt sport á Íslandi. Eitt af því sem
gerir það svo magnað hér og umtalað erlendis er hvað það
eru fáir í sjónum á góðum dögum. Það er einmitt það sem
fólk sækist eftir. Það er flókin formúla að eltast við gott
brun og búa til ógleymanleg ævintýri fyrir fólk, plön
breytast oft skyndilega í takt við íslenskt veðurfar, en það
er hluti af upplifuninni. Arctic Surfers vex hratt og við-
skiptavinir okkar eru ánægðir með það sem við höfum upp
á að bjóða. Það er því óhætt að segja að það séu spennandi
tímar framundan hjá okkur sem tilheyrum íslenskri brun-
menningu.“
beggo@mbl.is
Ævintýri við
Íslandsstrendur
Ingólfur Már Olsen, leiðsögumaður og stofnandi Arctic Surfers,
ferðast um landið með erlent brimbrettaáhugafólk og leitar uppi
bestu öldurnar, þar sem vetrarveður setur sjaldan strik í reikninginn.
Ljósmyndir/Elli Thor photography.
Brimbrettaiðkun „Það er lítill og nokkuð þéttur hópur sem stundar
brun á Íslandi, allt árið um kring,“ segir Ingólfur Már Olsen.
Brim „Brimbrettabrun á Íslandi og
landið í heild sinni er einstakt;
þetta snýst ekki bara um brunið
heldur allt ferðalagið. Hér eru öld-
ur og aðstæður á heimsklassa.“
Ísland „Hjá Arctic Surfers erum við
sérhæfðir í því að leita uppi öldu
dagsins; spá í spilin, lesa í veðrið og
aðstæður og finna þá staði sem eru
með besta brimið hverju sinni.“
Berocca® Performance er einstök samsetning
af B vítamínunum, C vítamíni, magnesíum og zínki.
Bættu frammistöðu þína með Berocca
- rannsóknir hafa sýnt að það ber árangur.
UPP Á ÞITT BESTA!
SYKUR
LAUST