Morgunblaðið - 03.01.2014, Blaðsíða 26

26 | MORGUNBLAÐIÐ
L
esendur ættu flestir að
kannast við Pilates æf-
ingakefið sem slegið hefur
í gegn víða um heim. Hér
á landi má finna nokkra
staði sem bjóða upp á Pilates-
æfingar en þeirra á meðal er JSB
þar sem Anna Þorsteinsdóttir stýr-
ir tímum í Fit.Pilates.
„Finna má mörg aðskilin æf-
ingakerfi innan Pilates-hugmynda-
fræðinnar og er Fit.Pilates eitt
þeirra. Sérkenni Fit.Pilates er að
þar er notast við stóra æfingabolta.
Í æfingunum erum við því að nota
óstöðugt undirlag og reynum fyrir
vikið á innri jafnvægisvöðva lík-
amans. Þetta eru litlu vöðvarnir
sem liggja upp eftir hryggnum og
kviðnum og stuðla að því að við
getum haldið góðu jafnvægi við
daglegar athafnir,“ útskýrir Anna.
Margir óttast tækjasalina
Fit.Pilates, eins og önnur æf-
ingakerfi Pilates, er stundað án alls
hamagangs, eins og Anna orðar
það, en þar með er ekki sagt að æf-
ingarnar geti ekki reynt á og skilað
góðum árangri fyrir þá sem eru í
leit að fallegra vaxtarlagi og færri
aukakílóum. „Mikil áhersla virðist
lögð á það nú til dags að til að
komast í gott form verði að hamast
með lóðum og spretta á hlaupa-
brettum. Fyrir vikið skelfast marg-
ir við það eitt að koma inn í líkams-
ræktarstöð. Pilates-æfingar fara
fram í rólegheitum, lausar við allan
hamagang, en geta samt tekið rosa-
lega mikið á ef rétt er að þeim
staðið, hvað þá þegar unnið er á
æfingabolta og líkaminn þarf stöð-
ugt að vinna að því að halda jafn-
vægi.“
Æfingarnar eru gerðar án allra
lóða og notast eingöngu við líkams-
þyngdina. „Þetta eru æfingar sem
móta líkamann vel og við tökum
sértakar áhersluæfingar til að móta
fallegri rassvöðva og læri, styrkja
handleggi og kviðvöðva.“
Fyrir venjulegar konur
Ýmsar spengilegar stjörnur úr
Hollywood hafa lofað og prísað
Pílates en Anna segir ekki þurfa að
vera með kvikmyndastjörnuvaxta-
lag til að hafa gagn og gaman af
Fit.Pilates-æfingatímum. „Þessar
æfingar eiga að henta öllum, þar á
meðal fólki sem glímir við stoðkerf-
isvandamál og á erfitt með að gera
aðrar æfingar. Æfingarnar gera
stoðkerfinu gott og hjálpa til að
bæta jafnvægið. Karlar eiga líka
erindi í Pilates en JSB er þó fyrir
konur eingöngu og fæ ég þar til
mín í tíma konur á öllum aldri og í
misjafnlega góðu formi. Hlutverk
kennarans í Fit.Pilates er ekki síst
að lesa vel í salinn og velja æfingar
sem koma til móts við þá ein-
staklinga sem þar eru, hvort sem
þar eru stórar konur eða nettar,
ungar eða aldnar.“
Anna segir að enginn þurfi að
vera feiminn við að prufa Fit.Pila-
tes, og boltaæfingarnar kalli ekki á
mikla fimleika. „Það er alltaf ein-
hver sem rennur á rassinn í hverj-
um tíma en það er bara hluti af æf-
ingunum og ekkert til að skammast
sín fyrir, né heldur eitthvað til að
óttast enda ekki um langt fall að
ræða og mjúkt undirlag sem dreg-
ur í sig fallið. Jafnvel ef konur eru
komnar af allraléttasta skeiði og
finnst jafnvægið ekki eins gott og
það var eitt sinn þá eiga þær ekki
að hika við að koma í tíma því að
æfingarnar hér þjálfa og bæta jafn-
vægisskynið. Vöðvarnir og jafn-
vægisviðbrögðin sem eru þjálfuð í
tímunum eru svo ekki aðeins að
hjálpa til við að halda líkamanum í
formi heldur koma sér líka vel í
snjó og hálku eins og nú enda erum
við að þjálfa sömu vöðvana og
hjálpa til við að halda fótunum á
jörðinni í fljúgandi hálku.“
Aðspurð hvaða árangurs má
vænta segir Anna að miklu skipti
að vera raunsær og muna að ekk-
ert æfingakerfi sé töfrapilla sem
lagi allt fyrir alla. „En með því að
stunda Fit.Pilates samviskusamlega
og huga vel að mataræðinu er þetta
ein leið til að grennast og rækta
hraustan líkama.“
ai@mbl.is
Góðar æfingar en lausar
við allan hamagang
Með því að gera æfingar á
bolta er reynt á alla litlu
stoðkerfisvöðvana. Í
Fit.Pilates eru líka gerðar
æfingar gagngert til að
móta maga, rass og læri.
Kraftur Þar sem unnið er með óstöðugt undirlag fá jafnvægisvöðvarnir
mikla þjálfun, brenna hitaeiningum og bæta íkamann á ýmsa vegu.
Lausn Anna Þorsteinsdóttir segir Fit Pilates eiga að geta höfða til allra
og m.a. henta þeim sem eiga erfitt með að stunda aðrar iþróttir.
Úps Anna segir alltaf
einhvern renna til á
æfingum, en það sé
bara skondið.
Morgunblaðið/Ómar
… Heilsurækt fyrir konur
Þarabakki 3 ~ 109 Reykjavík ~ sími 566 6161 ~ curves.is
Æfingin hjá okkur
tekur aðeins
30 mínútur
Hringdu og fáðu frían prufutíma
Bjóðum einnig
upp á trimform
Einnig bjóðum við upp á trimform og í janúar
mun hefjast hressilegt 6 vikna lífstílsnámskeið.
Námskeiðin verða einu sinni í viku kl 19:30 og verða
með ýmsum fróðleik og skemmtilegheitum ásamt
hressandi æfingum. Konur sem koma á námskeiðið fá
frían aðgang að stöðinni í 6 vikur.
Curves er heilsurækt fyrir konur. Það tekur einungis
30 mínútur á dag að koma sál og líkama í betra form.
Við tökum vel á móti ykkur og bjóðum upp á notalegt
andrúmsloft og skemmtilegan félagsskap.
Fyrir nánari upplýsingar getur þú sent póst á
curves@curves.is eða hringt í síma 5666161.
Skráning er hafin.
Gleðilegt nýtt heils
uár!