Morgunblaðið - 25.02.2014, Blaðsíða 1

Kjartan Kjartansson
kjartan@mbl.is
Þingsályktunartillaga utanríkisráð-
herra um að draga aðildarumsókn-
ina að Evrópusambandinu til baka
er á dagskrá Alþingis í dag. Það
ræðst hins vegar af gangi umræðna
um skýrslu Hagfræðistofnunar um
stöðu aðildarviðræðnanna nákvæm-
lega hvenær hún verður tekin fyrir
að sögn Einars K. Guðfinnssonar,
forseta Alþingis.
Stjórnarandstæðingum var heitt í
hamsi vegna málsmeðferðarinnar á
Alþingi í gær en boðað var til mót-
mæla gegn ákvörðun ríkisstjórnar-
flokkanna að draga umsóknina til
baka á Austurvelli á sama tíma og
þingfundur hófst kl. 15.
Á fjórða þúsund manns var fyrir
utan þinghúsið þegar mest lét að
mati lögreglu. Töluverður hávaði
var á Austurvelli en þeir mótmæl-
endur sem stóðu næst þinghúsinu
börðu og spörkuðu stanslaust í
málmgirðingu sem lögreglan reisti í
kringum húsið. Að öðru leyti fóru
mótmælin þó fram með ró og spekt.
Tillagan um að afturkalla umsókn-
ina var á dagskrá þingsins í gær en
þingforseti tók hana hins vegar aft-
ur af dagskrá eftir fund með þing-
flokksformönnum. Þess í stað lagði
forseti til að þingfundur stæði fram
á kvöld til að hægt væri að halda
áfram umræðum um skýrslu Hag-
fræðistofnunar.
Hart var tekist á um þá ákvörðun
og var farið fram á nafnakall við at-
kvæðagreiðsluna. Sökuðu þingmenn
Samfylkingarinnar og Bjartrar
framtíðar ríkisstjórnina um að ætla
að keyra þingsályktunartillöguna í
gegnum þingið.
Umræða um skýrsluna stóð yfir
fram undir miðnætti og sakaði utan-
ríkisráðherra stjórnarandstöðuna
um að stunda „tilbrigði við málþóf“
þegar óskað var eftir að hann væri í
þingsalnum við umræðurnar. Þegar
þingfundi lauk laust fyrir miðnætti
voru 13 þingmenn enn á mælenda-
skrá um hana.
MESB-skýrslan enn á dagskrá »6
Vinnubrögðum mótmælt
 Tillaga utanríkisráðherra á dagskrá í dag  Rætt um ESB-skýrslu fram undir
miðnætti og áfram í dag  Utanríkisráðherra segir umræðuna „tilbrigði við málþóf“
Morgunblaðið/Golli
Mótmæli Hávaði fylgdi friðsamlegum mótmælum á Austurvelli í gær þar sem fólk kom saman til að mótmæla að umsókn Íslands í ESB verði dregin til baka.
Þ R I Ð J U D A G U R 2 5. F E B R Ú A R 2 0 1 4
Stofnað 1913  47. tölublað  102. árgangur 
FLEIRI VILJA
DEILA HÚSNÆÐI
MEÐ ÖÐRUM
BALOTELLI
MEÐ
BÍLADELLU
KJARNAKONUR
FRAMLEIÐA
MYSUDRYKK
BÍLAR ISLANDUS 10SAMSTARFSVERKEFNI 40
Kort og ferliritar Veðurstofunnar
sýna að óvenjulítill snjór er víðast
hvar í byggðum landsins. Trausti
Jónsson veðurfræðingur fjallaði um
snjóinn í veðurfærslu sinni í gær og
bendir lesendum sínum á að jafnvel í
sumum sveitum landsins sé lítill
snjór.
Undantekninguna frá þessu segir
Trausti þó vera að sjá í tölum frá
Svartárkoti í Bárðardal en þar er
snjór með mesta móti eða jafnmikill
og mest hefur mælst áður í febrúar-
mánuði.
Erfitt að halda veginum opnum
Hlini Gíslason býr í Svartárkoti og
segir hann snjóinn vera meiri núna
en á sama tíma í fyrra. „Það hefur
verið óvenjumikill snjór hérna í vet-
ur og töluvert meiri en í fyrra og þá
er nú mikið sagt,“ segir Hlini sem þó
er ýmsu vanur enda allra veðra von
þegar komið er svo nærri hálendinu.
„Snjórinn er það mikill núna að
erfitt er að halda opnum vegi hingað
til okkar. Um tíma gáfust menn upp
á því að reyna að halda honum opn-
um en síðan var fengin jarðýta til að
ryðja veginn,“ segir Hlini en hann
vill ekki spá um það hvenær snjóinn
taki upp. „Það hefur verið mjög mis-
munandi eftir árum hvenær snjórinn
fer og því treysti ég mér ekki til að
spá um það hvenær hann hverfur í
ár.“ »4
Ljósmynd/Hlini Gíslason
Fengu
jarðýtu til
að ryðja
 Metsnjór í Svartár-
koti  Víða snjólítið
Snjór Jarðýta var fengin til að ryðja
veginn að Svartárkoti í Bárðardal.
 Í viðræðum við for-
svarsmenn Seðlabanka
Bandaríkjanna á árinu
2008 um mögulegan
gjaldeyrisskiptasamning
vildi Seðlabanki Íslands
að slíkur samningur yrði
um 1-2 milljarðar Banda-
ríkjadala, jafnvirði 115-
230 milljarða íslenskra
króna á núverandi gengi.
Þetta kom fram á fundi
peningastefnunefndar
Seðlabanka Bandaríkj-
anna 28.-29. október en allar fund-
argerðir nefndarinnar 2008 hafa nú
verið birtar. Ekki hefur áður verið
greint frá þeirri fjárhæð sem Seðla-
banki Íslands óskaði eft-
ir í viðræðunum en sem
kunnugt er neitaði sá
bandaríski að gera slík-
an skiptasamning við
Seðlabankann. Var talið
að hann myndi ekki skila
tilætluðum árangri.
Seðlabanki Bandaríkj-
anna gerði gjaldmiðla-
skiptasamninga í lok
september 2008 við þrjá
norræna seðlabanka.
Vakti það athygli á þeim
tíma að Seðlabanki Íslands var ekki
á meðal þeirra sem bauðst að taka
þátt í samningunum. hordur@mbl.is
»21
Óskaði eftir 1-2 milljarða dala skiptasamn-
ingi við Seðlabanka Bandaríkjanna 2008
SÍ Reyndi að styrkja
forðann árið 2008.
 „Við lítum á
verkefnið sem
kærkomið tæki-
færi til að skipu-
leggja útiveru,
endurvekja leiki
og virkja krakk-
ana í að stjórna
leikjunum. Með
þessu vinaliða-
verkefni tekst
það og við erum afskaplega
ánægð,“ segir Jónína Magnús-
dóttir, skólastjóri grunnskóla
Fjallabyggðar, sem tók upp svokall-
að vinaliðaverkefni sem Árskóli á
Sauðárkróki innleiddi að norskri
fyrirmynd. »17
Virkja krakkana í að
stjórna leikjum úti
Þótt eldi á helstu tegundum lax-
fiska sé að aukast varð nokkur sam-
dráttur í heildarframleiðslu fisk-
eldis á síðasta ári. Stafar það af því
að þorskeldi minnkar og slátrun á
regnbogasilungi var frestað.
Heildarframleiðsla úr eldi lagar-
dýra nam rúmum 7.000 tonnum á
síðasta ári, samkvæmt upplýs-
ingum sem Matvælastofnun hefur
tekið saman. Er það um 400 tonnum
minna en árið á undan þegar fram-
leiðslan var meiri en verið hefur frá
toppi síðustu laxeldisbylgju, 2006.
Þótt heildartölurnar sýni stöðn-
un í fiskeldi er töluverð aukning í
pípunum. Þannig er aukning í sjó-
kvíaeldi á laxi hjá stærsta fyrirtæk-
inu, Fjarðalaxi, og ný fyrirtæki að
koma inn í framleiðslu. Þá er
áformuð aukning í eldi regnboga-
silungs á næstu árum og ný stöð
hefur hafið matfiskeldi á flúru. »14
Eldi laxfiska eykst en heildarframleiðsla
í fiskeldi minnkaði á milli ára
Morgunblaðið/Helgi Bjarnason
Fossafjörður Sjókvíarnar eru í fallegu
umhverfi og eldið hefur gengið vel.