Morgunblaðið - 24.05.2014, Síða 4

4 FRÉTTIRInnlent
MORGUNBLAÐIÐ LAUGARDAGUR 24. MAÍ 2014
Kaupum alla bíla
Hærra uppítökuverð
Við staðgreiðum bílinn þinn og þú getur þar með
fengið staðgreiðsluafslátt af nýja bílunum.
Sendu okkur upplýsingar í gegnumwww.seldur.is
og við sendum þér staðgreiðslutilboð
þér að kostnaðarlausu.
Baldur Arnarson
baldura@mbl.is
Sigmundur Davíð Gunnlaugsson for-
sætisráðherra telur nýtt álit sendi-
nefndar Alþjóðagjaldeyrissjóðsins
um stöðuna í íslensku efnahagslífi
sýna að batinn í efnahagsmálum sé
hraðari en sjóðurinn áætlaði. Það sé í
takt við upplifun ráðherra af stöðu
þjóðarbúsins þegar efnahagsmálin
komu til umræðu á ríkisstjórnarfundi
í Ráðherrabústaðnum í gær, á eins
árs afmæli ríkisstjórnarinnar.
Sendinefndin kynnti álit sitt í gær-
morgun og er það hluti af eftirfylgni
við efnahagsáætlun íslenskra stjórn-
valda og AGS sem lauk í ágúst 2011.
Segir þar að útlit sé fyrir 3% hag-
vöxt næstu ár og að verðbólga muni
aukast á næsta ári, enda sé hagkerfið
að nálgast fulla framleiðslugetu.
Vikið er að fyrirhugaðri 80 millj-
arða niðurfærslu verðtryggðra íbúða-
lána með þeim orðum að hægt væri að
nýta féð til „annarra áríðandi þarfa“.
Það er ekki rökstutt frekar.
„Svörin sem Alþjóðagjaldeyris-
sjóðurinn kynnti eru á heildina litið
mun jákvæðari en ég átti von á, m.a.
hvað varðar afstöðu hans til skulda-
leiðréttingarinnar. Miðað við hvernig
fulltrúar sjóðsins hafa fjallað um þau
mál undanfarin ár átti ég satt að segja
ekki von á að þeir yrðu jafn jákvæðir
og þeir voru. Mér sýnist þeir telja að
það sé ekki ástæða til þess að hafa
eins miklar áhyggjur af ríkisfjármál-
unum og þeir höfðu haft áður.“
Meira svigrúm til fjárfestinga
Hann segir batann í efnahagslífinu
skapa svigrúm til fjárfestinga.
„Áþreifanlegt dæmi um þetta er sú
ákvörðun sem var tekin í gær [í fyrra-
dag] í vísinda- og tækniráði og á rík-
isstjórnarfundinum um stóraukin
framlög til nýsköpunar, rannsóknar-
og þróunarverkefna. Menn eru sam-
mála um að slík fjárfesting sé nauð-
synleg en vildu fyrst að ríkisfjármál
kæmust í jafnvægi, að ekki yrði ráðist
í lántökur til að fjárfesta umfram
framlög sem hafa verið ákveðin.
En nú þegar við erum að okkar
mati búin að ná tökum á ríkis-
fjármálum – þótt auðvitað megi ekki
slá slöku við – erum við komin í að-
stöðu til þess að fjárfesta, m.a. á
þessu sviði. Um leið er ráðist í það
sem hefur kannski verið í svolítilli
biðstöðu og maður hefði viljað að
hefði getað gerst hraðar, en er þó að
fara í gang núna. Þar á ég við byggða-
málin,“ segir Sigmundur Davíð sem
fagnar þeirri ákvörðun ríkisstjórnar-
innar í gær að færa störf úr ráðuneyt-
unum, eða ríkisstofnunum, til emb-
ætta sýslumanna vítt og breitt um
landið. Hann vilji halda áfram á þeirri
braut á næstu árum.
Sigmundur Davíð telur að „menn
eigi að geta haldið þeirri áætlun“ að
opna nýjan Landspítala árið 2020,
líkt og Páll Matthíasson, forstjóri
spítalans, telur raunhæft.
Hönnun Landspítala sé vönduð
Hann telur skipulagshliðina ekki
Þránd í götu framkvæmdarinnar.
„Þetta er auðvitað mjög góð spurn-
ing. Ég hef enda talið skipulagshlið-
ina ákveðna fyrirstöðu í þessu máli.
Því þegar ráðist er í svona stóra
framkvæmd, sem kostar svona mikið,
vilja menn að sjálfsögðu að hún sé
unnin skynsamlega. Að menn sitji
ekki uppi með eitthvað sem getur
orðið vandamál út frá ýmsum hliðum
skipulagsmála. Þá á ég ekki aðeins
við hinar áþreifanlegu hliðar. Það er
þannig að mínu mati mjög mikilvægt
þegar heilbrigðisstofnun er byggð að
hún sé til þess fallin, og umhverfið
líka, að láta fólkinu líða betur, frekar
en verr. Þannig að það verður alls
ekki sama hvernig að hönnun er stað-
ið,“ segir Sigmundur Davíð sem telur
að nýta þurfi sumarið vel í þessu efni.
»24
 Forsætisráðherra telur nýtt álit AGS sýna hraðari efnahagsbata en spáð var  Bjartsýni hafi ríkt á
ársafmæli ríkisstjórnar  Búið sé að ná tökum á ríkisfjármálum  Nýr Landspítali verði tilbúinn 2020
Þjóðarskútan sé komin á skrið
Morgunblaðið/Árni Sæberg
Svigrúm Sigmundur Davíð Gunnlaugsson horfir til fjárfestinga.
Morgunblaðið/Árni Sæberg
Tvær ljósmyndasýningar Ragnars
Axelssonar, ljósmyndara Morg-
unblaðsins, verða opnaðar í dag.
Önnur í Ljósmyndasafni Reykja-
víkur og hin í Nuuk á Grænlandi.
Sýningin í Reykjavík er liður í
Listahátíð og heitir Spegill lífsins.
Ragnar er staddur á Grænlandi og
mun ávarpa sýningargesti í
Reykjavík í gegnum fjar-
fundabúnað, ef tæknin leyfir.
„Ég býð alla velkomna á sýn-
inguna og þakka þeim sem mæta,“
sagði Ragnar. „Maður getur ekki
verið á tveimur stöðum í einu.
Spegill lífsins speglar samtímann
en ekki sjálfan mig. Mér finnst
fjölmiðlun í dag snúast of mikið
um fjölmiðlafólk. Það er ef til vill
táknrænt að ég verð ekki á staðn-
um.“
Á sýningunni í Reykjavík verða
nokkrar af þekktustu ljósmyndum
Ragnars í nýjum prentunum.
Einnig sýnir hann í fyrsta sinn
myndraðir frá Síberíu og myndir
úr starfi sínu sem fréttaljósmynd-
ari.
Sýningin á Grænlandi er hluti af
Íslandsátaki aðalræðisskrifstofu
Íslands í Nuuk. gudni@mbl.is
Samtíminn
speglaður í
ljósmyndum
Ragnar Axelsson opnar tvær ljósmyndasýningar í dag - í Reykjavík og í Nuuk á Grænlandi
Hanna Birna Kristjánsdóttir innan-
ríkisráðherra hefur heimild ríkis-
stjórnarinnar til að hefja formlegar
viðræður við einkaaðila um undir-
búning, hönnun og lagningu Sunda-
brautar í Reykjavík. Tilgangurinn er
að flýta mögulegum framkvæmdum.
Stýrihópur sem ráðherra skipaði í
apríl hefur það hlutverk að fara yfir
hvaða samgönguframkvæmdir
henta fyrir samvinnu við einkaaðila.
Hreinn Haraldsson vegamálastjóri
segir að við val á verkefnum þurfi
þau skilyrði að vera fyrir hendi að
vegfarendur hafi val um að fara aðra
leið og komast þannig hjá gjaldtöku
og að umferðin verði samt það mikil
að hægt verði að greiða fyrir fram-
kvæmdina með gjaldi á notendur.
Hann segir að Sundabrautin sé
augljóslega framarlega í röðinni,
miðað við þessar forsendur. Hreinn
segir að verktakar og fjárfestar hafi
sett sig í samband við Vegagerðina
og lýst yfir áhuga á að fylgjast með
og koma að þessu verkefni, ef farið
yrði út í það.
Unnið var að undirbúningi fyrir
lagningu Sundabrautar á árunum
fyrir hrun. Hún á að liggja yfir El-
liðavog eða Kleppsvík í Gufunes og
þaðan í Geldinganes, Álfsnes og yfir
Kollafjörð og á Vesturlandsveg á
Kjalarnesi. Rætt var um ýmsa kosti,
meðal annars hvar leiðin ætti að
liggja úr Reykjavík og hvaða mann-
virki ætti að reisa.
Sundabraut kostar tugi milljarða
og voru áformin lögð á hilluna eftir
bankahrun. Innanríkisráðherra setti
Sundabraut aftur á dagskrá með því
að setja hana í tillögur að samgöngu-
áætlun sem liggur fyrir Alþingi og
væntanlega verður afgreidd í haust.
helgi@mbl.is
Heimilt að ræða við einkaaðila
 Verktakar og fjárfestar sýna Sundabraut áhuga
Bjarni Benediktsson, fjármála-
og efnahagsráðherra, fagnar
þeirri stefnumörkun ríkisstjórn-
arinnar sem ákveðin hefur verið
um stóraukin framlög til rann-
sókna og nýsköpunar.
„Það er gríðarlega ánægju-
legt að þessari miklu vinnu sé
lokið. Þetta er tímamótavinna.
Það hefur aldrei áður verið ráð-
ist í gerð aðgerðaáætlunar á
sviði nýsköpunar og þróunar
þar sem einstakir aðilar fá skil-
greint hlutverk. Áætlunin er
tímasett og tiltekin markmið
sett fram, að ná fjárfestingu í
rannsóknum og nýsköpun upp í
3% af landsframleiðslu. Við er-
um mjög stolt af þessari vinnu
og allir sem að henni komu.
Þetta er einn liðurinn í því að
fjölga stoðunum í íslensku hag-
kerfi til framtíðar,“ segir Bjarni.
Milljarðar í
nýsköpun
VÍSINDI OG TÆKNI