Morgunblaðið - 27.09.2014, Síða 10

10 DAGLEGT LÍF
MORGUNBLAÐIÐ LAUGARDAGUR 27. SEPTEMBER 2014
Ármúli 32, 108 Reykjavík
Sími 568 1888
www.parketoggolf.is
Malín Brand
malin@mbl.is
Ragga Gogga kynntist rapp-inu í Brooklyn í NewYork og þar kynntist húnlíka bláfátæku fólki sem
ekki átti fyrir matarbita og vellauð-
ugu fólki sem ekki vissi aura sinna
tal. Hún fór þangað nítján ára göm-
ul, vann sem au-pair og gaumgæfði
hina fjölbreyttu flóru í mannlífi stór-
borgarinnar. Veran þar ytra breytti
sýn ungu konunnar úr Eyjum nokk-
uð en á Íslandi vill hún búa og hefur
gert síðan. Ragga er sölustjóri hjá
Bakarameistaranum og um það bil
tvisvar á ári tekur hún sér hlé frá
störfum til að auðga andann og sinna
listsköpuninni með því að mála.
Núna fagnar hún 10 ára myndlist-
arafmæli og af því tilefni var sýn-
ingin Vinarþel sett upp á Café Mil-
anó í Skeifunni.
„Þessi sýning er tileinkuð vin-
um mínum því ég á rosalega marga
góða vini sem hafa stutt við bakið á
mér,“ segir Ragga og það útskýrir
yfirskrift sýningarinnar. Vináttan
og vinirnir skipa stóran sess í lífi
hennar og þar sem fjölskyldan býr í
Vestmannaeyjum er aldeilis gott að
eiga dygga vini í bænum líka.
Litir hugans og iPod
Áður en málverkin verða til fer í
gang dálítið apparat, ef svo má
segja, því Ragga vill hafa hlutina í
ákveðinni röð. „Ég blanda litina áður
en þeir fara á strigann og nota aldrei
hreina liti úr túbunni heldur skapa
ég mína liti þannig að oft fer langur
tími í að blanda liti því þeir verða að
vera akkúrat. Ég blanda litina með
tónlistina í eyrunum og tónlistin er
stór þáttur í lífi mínu. Það fyrsta
sem ég geri á morgnana er að
kveikja á tónlistinni minni. Ég er
alltaf að versla á tónlist.is því ég
tengi allt í mínu lífi við tónlist,“ segir
hún.
Þegar litirnir eru tilbúnir, tón-
listin í réttri röð á iPod og heyrnar-
tólin komin á sinn stað, strýkur
Ragga yfir penslana og virðir þá að-
eins fyrir sér og svo byrjar ballið!
Tónlistin kallar fram minn-
ingar. „Minningarnar eru tilfinn-
ingar og ég upplifi mínar tilfinningar
í litum. Hausinn á mér er einfaldlega
fullur af alls konar litum, jafnvel lit-
um sem ég sé ekki einu sinni í um-
hverfinu,“ segir Ragga.
Striginn fyrir tilfinningar
Það er sannarlega misjafnt
hvernig við mannfólkið tjáum tilfinn-
ingar okkar. Ragga málar sínar á
striga. Þær brjótast fram þegar hún
hefur safnað þeim vandlega saman
og þá þarf hún að mála. Hún ber þær
nefnilega ekki á borð því tilfinning-
arnar eru hennar einkamál. „Vinnu-
veitendur mínir eru alveg frábærir.
Þeir sýna mér fullan skilning og eru
í raun eins og mín önnur fjölskylda.
Ég mála bara í mesta lagi tvisvar á
ári og fyrir því er algjör skilningur.
Þá fæ ég bara frið, flyt á vinnustof-
una mína hinum megin við ganginn.
Þegar ég dett í þennan gír þá fer ég
bara í annan heim,“ segir Ragga. Þá
sefur hún minna en venjulega og
myndlistin á huga hennar allan sól-
arhringinn. Hún getur verið í mynd-
listargírnum í einhverja daga, viku
eða allt upp í mánuð. Afraksturinn
getur verið sjö málverk eða sautján
málverk, ef sá gállinn er á henni.
Viðfangsefni listakonunnar eru
sjálfur sjóndeildarhringurinn og
æskuslóðirnar í Eyjum. Eyjarnar
eru eins og Ragga Gogga sér þær og
Töfrar kristaltærs
sjóndeildarhrings
Litir sem eiga enga sína líka fyrirfinnast í öllum verkum listakonunnar Ragnheið-
ar Rutar Georgsdóttur, eða Röggu Gogga eins og hún er oftast kölluð. Litina hefur
hún fyrir hugskotssjónum þegar hún byrjar að blanda málninguna og hún byrjar
ekki á málverki fyrr en réttu litirnir eru tilbúnir. Þá setur hún iPodinn í gang,
mundar pensilinn og tekur að töfra á strigann. En aldrei fyrr en litirnir eru klárir.
Litirnir Einstakir litir verða til þegar Ragga Gogga blandar þá. Sjóndeild-
arhringurinn og eyjar eru viðfangsefni hennar í myndlistinni.
Fjölmargir eru farnir að stunda
bogfimi hér á landi og nýtur íþrótt-
in vaxandi vinsælda. Minna hefur
þó verið um kennslu í bogveiði en
nú um helgina verður fyrsta
bogveiðinámskeiðið hér á landi
haldið. Bogveiðifélag Íslands
stendur fyrir námskeiðinu en félag-
ið var stofnað í nóvember 2010 af
áhugafólki um bogveiði.
Kennari kemur að utan til að
kenna bogveiðina því hér á landi
hefur enginn heimild til kennslu á
slíku námskeiði. Námskeiðið verður
haldið í dag og á morgun. Annars
vegar á Eirhöfða 11 í sal 4x4 og
hins vegar á skotsvæði á Álfsnesi.
Allar nánari upplýsingar er að
finna á vef Bogveiðifélags Íslands.
Þar er að auki að finna ýmiss kon-
ar fróðleik um þessa ævafornu
tækni við veiðar sem og um félagið
sjálft.
Vefsíðan www.bogveidi.net
AFP
Veiðimaður Námskeið í bogveiðum verður haldið nú um helgina.
Fyrsta bogveiðinámskeiðið
Í dag á milli klukkan 14 og 17 verður
haldin kínversk menningarhátíð í
Ráðhúsi Reykjavíkur. Hátíðin er á
vegum Konfúsíusarstofnunarinnar
Norðurljósa og er dagskráin fjöl-
breytt. Má þar á meðal nefna hrað-
námskeið í kínversku en það hefst
klukkan 14.30. Kynning á kínverskri
skrautskrift verður þar á eftir og ekki
má gleyma að minnast á sýnikennslu
í mánakökubakstri. Kínversk tónlist
mun óma um ráðhúsið í dag og mun
sópransöngkonan Xu Wen syngja kín-
verskt lag fyrir gesti. Aðgangur er
ókeypis og eru allir velkomnir á
menningarhátíðina.
Endilega …
… mætið á
menningarhátíð
Morgunblaðið/Kristinn
Hátíð Kínversk menning er fjölbreytt.
Alþjóðleg hjartadagurinn er á mánu-
daginn, 29. september. Af því tilefni
er Hjartahlaupið í Kópavoginum.
Vegalengdirnar sem þátttakendur
geta valið um eru 5 og 10 kílómetrar
og er þátttaka ókeypis rétt eins og
fyrri ár. Hlaupið hefst klukkan 10 og
er ræst frá Kópavogsvelli og að
hlaupi loknu verður sérstök hjarta-
ganga um Kópavogsdal. Kópavogs-
bær býður þátttakendum í sund þann
daginn.
Alþjóðahjartasambandið (World
Heart Federation) hvetur aðildarfélög
sín um allan heim til að halda upp á
Hjartadaginn og hér á landi samein-
ast Hjartavernd, Hjartaheill, Neistinn
og Heilaheill um að halda daginn há-
tíðlegan.
Þema hjartadagsins í ár eru sam-
félagið og umhverfi einstaklingsins.
Heilbrigður lífsstíll er mikilvægasta
forvörn gegn hjarta- og æða-
sjúkdómum. Það er því ekki úr vegi
að huga að hjartanu og taka þátt í
hlaupinu eða göngunni og fylla lung-
un af súrefni í Kópavoginum á morg-
un.
Hugað að sjálfu hjartanu
Hjartadagshlaupið haldið í
áttunda skipti á sunnudaginn
Morgunblaðið/Sigurgeir S.
Hjartað Frá Hjartadeginum árið 2011. Þemað í ár er samfélagið og umhverfi
einstaklingsins. Heilbrigður lífsstíll er forvörn gegn hjarta- og æðasjúkdómum.
Skannaðu kóðann
til að fara inn á
vefsíðuna.