Morgunblaðið - 27.09.2014, Side 16

16 FRÉTTIRInnlent
MORGUNBLAÐIÐ LAUGARDAGUR 27. SEPTEMBER 2014
Touring Cars is seeking
new partners
Touring Cars is the market leader in motorhome rental
business since 1982. Do you want to be part of our
success story and gain access to hundreds of travel
agencies around the world selling your motorhome
rental product?
Contact us today to learn more!
touringcars.eu info@touringcars.eu +354 7830722
Öryrkjabandalag Íslands (ÖBÍ) fagn-
aði í gær flutningum í nýtt húsnæði í
Sigtúni 42 í Reykjavík, sem bandalag-
ið keypti fyrir arf frá Ólafi Gísla
Björnssyni sem lést árið 2002. ÖBÍ
var áður í leiguhúsnæði í Hátúni, sem
uppfyllti ekki fyllstu kröfur um að-
gengi en nýja húsnæðið er til fyrir-
myndar hvað það varðar, að sögn Ell-
enar Calmon, formanns ÖBÍ.
Bandalagið naut aðstoðar Hörpu
Ciliu Ingólfsdóttur hjá adgengi.is
varðandi tæknilegar lausnir en í nýja
húsnæðinu eru m.a. rafknúnir vaskar
og salerni, sem hægt er að hækka og
lækka, rafknúnar hurði og leiðarlínur
í gólfum fyrir sjónskerta. „Þetta er
mjög tæknilegt allt saman og það
þurfti að leita fanga eftir aðgengileg-
um tæknibúnaði. Sumt var pantað
beint að utan og á sér jafnvel ekki fyr-
irmynd hér á landi, þannig að við er-
um að vona að við séum með hálfgert
sýningarhúsnæði fyrir fólk sem þarf
að breyta aðgenginu hjá sér,“ segir
Ellen.
Umfangsmikil starfsemi
Ellen segir leitina að húsnæði hafa
staðið yfir í mörg ár en bandalagið
hafi ekki haft bolmagn til að fjárfesta í
nýjum skrifstofum ef ekki hefði kom-
ið til gjafarinnar frá Ólafi Gísla, sem
arfleiddi ÖBÍ að þremur fasteignum
og ríkisskuldabréfum. „Þetta er al-
gjörlega ómetanlegt og það er leitun
að annarri eins fórnfýsi í þágu öryrkja
og fatlaðs fólks,“ segir Ellen.
Hjá bandalaginu starfa á bilinu 10-
12 starfsmenn en starfsemi þess er
afar umfangsmikil. „Við erum að
sinna 37 aðildarfélögum og félagar
aðildarfélaganna eru 29 þúsund. Það
eru um 9% þjóðarinnar,“ segir Ellen.
ÖBÍ vinni ötullega að því að veita
stjórnvöldum aðhald, vinna umsagnir
um lagafrumvörp og fulltrúar þess
sitji m.a. í nefndum, ráðum og starfs-
hópum, svo eitthvað sé nefnt.
holmfridur@mbl.is
Keyptu nýtt húsnæði
fyrir rausnarlega gjöf
 ÖBÍ flutt í Sigtún 42  Aðgengismálin til fyrirmyndar
Morgunblaðið/Golli
Nýju húsnæði fagnað Öryrkjabandalagið flutti í Sigtúnið í byrjun ágúst.
Skrifstofur bandalagsins eru í A-álmu en það leigir B-álmuna út.
Vilhjálmur A. Kjartansson
vilhjalmur@mbl.is
Sektarákvörðun Samkeppnisstofn-
unar um meint samkeppnislagabrot
Mjólkursamsölunnar, MS, verður að
aðgreina frá þeim gífurlega árangri
sem náðst hefur í núverandi kerfi, að
sögn Sigurðar Inga Jóhannssonar,
sjávarútvegs- og landbúnaðarráð-
herra.
„Mér finnst mikilvægt þegar rætt
er um mál Mjólkursamsölunnar, að
gerður sé greinarmunur á annars
vegar þeim þáttum sem lúta að
meintu samkeppnislagabroti fyr-
irtækisins og hins vegar því kerfi sem
við búum við í mjólkuriðnaði. Nú er
tekið við ákveðið ferli í máli MS sem
endað getur með dómsmáli og reyn-
ist rétt að um samkeppnislagabrot
hafi verið að ræða mun ekki nokkur
maður verja slíkt athæfi. Kerfið sem
mjólkuriðnaðurinn vinnur eftir er svo
annað mál en það hefur skilað mikilli
hagræðingu til bæði framleiðenda,
það er bænda, og neytenda,“ segir
Sigurður.
Hann segir að með breytingu á
lögum um framleiðslu, verðlagningu
og sölu á búvörum árið 2004 hafi
náðst töluverð hagræðing í kerfinu.
Samkvæmt tölum úr ráðuneytinu er
ávinningur framleiðenda 14% um-
fram vísitölu á árunum 2005 til 2014.
Allir sitji við sama borð
„Til að hægt sé að safna saman
mjólk á sama verði frá bændum um
allt land verður að vera einhvers kon-
ar kerfi fyrir hendi. Í flestum löndum
sem við berum okkur saman við eru
sett einhvers konar sérlög um mjólk-
urframleiðslu, líkt og gert er hér á
landi,“ segir Sigurður. Það tryggi
jafnræði bæði framleiðenda og neyt-
enda. „Bóndi sem býr við Ísafjarð-
ardjúp fær sama verð fyrir mjólkina
og bændur sem búa á öðrum stöðum
á landinu. Hinn þátturinn er að öll
smávöruverslun á landinu sitji við
sama borð og kaupi mjólk á sama
verði. Neytandinn fær þá mjólkina á
sambærilegu verði, þó smásöluálagn-
ing sé frjáls.“ Sigurður segist því
leggja áherslu á að halda þessum
gildum núverandi laga við og útfæra
þau enn betur yfir á mjólkurfram-
leiðsluna sjálfa. Hann segist fagna af-
greiðslu verðlagsnefndar búvara á
beiðni fyrirtækisins Örnu ehf. í Bol-
ungarvík sl. desember um verðlagn-
ingu á óunninni hrámjólk sem félagið
keypti af MS.
„Komist var að niðurstöðu um
ákveðið verð, sem er 91,40 kr. á lítra
án vsk. Með þessu erum við komin
með ígildi kerfis þar sem smærri að-
ilar geta keypt mjólk af stærri aðilum
á föstu verði. Það skapar grundvöll
fyrir fjölbreyttari flóru minni fyr-
irtækja sem ég tel æskilegt.“
Þrátt fyrir ávinning núverandi
kerfis hafa ákvæði búvörulaga sem
undanskilja afurðastöðvar í mjólk-
uriðnaði frá ákvæðum samkeppn-
islaga verið gagnrýnd. Sigurður segir
endurskoðun kerfisins vera fram-
undan og erfitt sé að gefa sér fyr-
irfram hver niðurstaða þeirrar vinnu
verði.
„Á sínum tíma voru afurðastöðvar
mjög margar og óhagræði í greininni.
Því má vel skoða hvort við séum búin
að ná hagræðingunni. Endurskoðun
á kerfinu er framundan hjá okkur.“
Endurskoðun framundan
Undirbúningur fyrir endurskoðun
á kerfinu sem íslenskur landbúnaður
vinnur innan er langt kominn og seg-
ist Sigurður vona að sú vinna nýtist
vel við að undirbúa grundvöll næstu
búvörusamninga. „Frá því ég kom
inn í ráðuneytið í fyrrasumar hef ég
viljað skoða hvernig kerfið hefur
reynst og hvernig umhverfi landbún-
aðarins er, m.a. til grundvallar næstu
búvörusamningum. Þess vegna sett-
um við á nokkra starfshópa til að
meta t.d. tollamál og skoða þá hvern-
ig tollvernd hefur reynst. Eins verða
til skoðunar tækifæri okkar á erlend-
um mörkuðum og skýrsla um þessi
mál er væntanleg á næstu dögum,“
segir Sigurður, sem óskaði einnig eft-
ir því við Hagfræðistofnun Háskóla
Íslands að hún gerði athugun á gild-
andi búvörusamningum og núgild-
andi kerfi. „Ég á von á því að Hag-
fræðistofnun Háskóla Íslands skili
sínum niðurstöðum á næstu dögum
en þar er verið að fara nákvæmlega
yfir það hvernig þróun kerfisins hef-
ur reynst frá 2004 og hvernig búvöru-
samningarnir hafa reynst með tilliti
til framleiðenda, neytenda og iðn-
aðarins.“
Í núgildandi búvörusamningum er
ákvæði þess efnis að settur verði á
laggirnar sérstakur starfshópur til að
meta þróun samningsins og hefur sá
hópur þegar hafið störf. Sigurður
segir það ótímabært að segja til um
hvaða breytingar verði gerðar en
framundan sé mikil vinna í endur-
skoðun kerfisins. „Á grundvelli
þeirra athugana sem þegar hafa verið
gerðar mun ég leggja til stofnun
þverpólitísks hóps af löggjafar-
þinginu sem fari yfir kerfið frá A til
Ö.“
Landbúnaðarkerfið endurskoðað
 Mikilvægt að halda í jafnræðið sem búvörulögin tryggja í mjólkurframleiðslu  Hagræðingu kerf-
isins skilað til framleiðenda og neytenda  Þverpólitísk þingnefnd endurskoði kerfið í heild sinni
Morgunblaðið/Golli
Endurskoðun Sigurður Ingi Jóhannsson segir að landbúnaðarkerfið verði endurskoðað í heild sinni.
Fyrirhugaður flutningur Fiskistofu
til Akureyrar hefur sætt harðri
gagnrýni. Starfsfólk Fiskistofu hef-
ur mótmælt flutningnum og aðeins
forstjóri stofnunarinnar hefur lýst
áhuga á að flytja norður. Í ályktun,
sem starfsfólkið samþykkti á fundi
í gær, er ráðherra hvattur til að falla
þegar í stað frá hugmyndum um
flutning stofnunarinnar, sem virðist
afar misráðinn og undirbúningi
áfátt, eins og það er orðað.
„Það er vitað að meiriháttar
breytingar á starfsemi stofnana,
t.d. flutningur höfuðstöðva, munu
þýða að þær veikjast til skamms
tíma en ég er ekki í nokkrum vafa
um að flutningurinn mun styrkja
Fiskistofu til lengri tíma,“ segir Sig-
urður Ingi, sem ákvað sem sjáv-
arútvegsráðherra að flytja höf-
uðstöðvar Fiskistofu norður.
Eyjafjarðarsvæðið er vel til þess
bært að mati ráðherrans að taka
við Fiskistofu enda öflug útgerð á
svæðinu og sterkt háskólasamfé-
lag. „Það er stefna ríkisstjórn-
arinnar að flytja fleiri störf út á land
en þar hefur opinberum störfum
fækkað eftir hrun á sama tíma og
þeim hefur fjölgað á höfuðborg-
arsvæðinu.“
Eflir stofnunina til lengri tíma
FLUTNINGUR FISKISTOFU TIL AKUREYRAR