Morgunblaðið - 15.10.2014, Page 6

6 FRÉTTIRInnlent
MORGUNBLAÐIÐ MIÐVIKUDAGUR 15. OKTÓBER 2014
Agnes Bragadóttir
agnes@mbl.is
Kári Stefánsson, forstjóri Íslenskr-
ar erfðagreiningar (ÍE), segir að
það sé síður en svo vísbending um
að Íslensk erfða-
greining sé að
draga úr sam-
starfi við Háskóla
Íslands að segja
leigusamningi
Reiknistofnunar
HÍ hjá Íslenskri
erfðagreiningu
upp.
Fram kom í
frétt hér í Morg-
unblaðinu í gær að ÍE hefði sagt
Reiknistofnun HÍ upp leigusamn-
ingi og að Reiknistofnun myndi um
næstu áramót flytja starfsemi sína
að Neshaga 16.
„Þvert á móti erum við að auka
samstarfið við Háskólann,“ sagði
Kári í samtali við Morgunblaðið í
gær.
Erum að búa til pláss
„Reiknistofnun Háskólans hefur
leigt af okkur hjá Íslenskri erfða-
greiningu húsnæði um nokkurn
tíma, eða frá 2009. Starfsemi
Reiknistofnunar skarast á engan
máta við það sem við hjá Íslenskri
erfðagreiningu erum að gera. Við
höfum verið að auka aðeins við
starfsemi okkar og ráða inn nýtt
fólk.
Við höfum mikinn áhuga á því að
lífvísindafólkið úr Háskóla Íslands
komi þarna inn til okkar, því við er-
um að vinna í samvinnu við allt
þetta lífvísindafólk – í samvinnu
sem hefur gengið mjög vel,“ sagði
Kári.
Tiltölulega „happy marriage!“
Hann segir að bæði lífvísindafólk-
ið í Háskólanum og starfsfólk ÍE
hafi áhuga á að auka nándina á milli
hópanna.
„Eitt af því sem við vorum að
gera með því að segja upp Reikni-
stofnun HÍ er að búa til pláss svo
lífvísindafólkið geti komið inn. Þetta
er ekki merki um versnandi eða
minnkandi samvinnu við Háskóla
Íslands. Þvert á móti sýnir þetta að
við erum að auka hana og viljum
auka hana. Við eigum yfir að ráða
miklu af tækjum, tólum og efnivið
sem þetta lífvísindafólk gæti nýtt ef
það væri hjá okkur. Þannig að að ég
hugsa að þetta gæti bara orðið til-
tölulega „happy marriage!“,“ sagði
Kári Stefánsson.
Íslensk erfðagreining er
að auka samstarfið við HÍ
 Vill fá lífvísindafólk Háskólans inn til ÍE  Góð samvinna
Kári
Stefánsson
Morgunblaðið/RAX
Nánd Íslensk erfðagreining eykur samstarfið við Háskóla Íslands.
Ágúst Ingi Jónsson
aij@mbl.is
Í rúmlega hálft ár hefur megrunar-
efni fyrir gæludýr með efni, sem
unnið er hjá Primex á Siglufirði,
verið á boðstólum hjá verslanakeðj-
unni Walmart í Bandaríkjunum.
Salan hefur farið vel af stað og víst
er að eftir töluverðu er að slægjast
með því að komast inn á gælu-
dýramarkaðinn í Bandaríkjunum.
„Þessi markaður veltir milljörðum
Bandaríkjadala á ári og offita meðal
hunda og katta er mikið vandamál í
Bandaríkjunum,“ segir Sigríður
Vigdís Vigfúsdóttir, markaðsstjóri
hjá Primex á Siglufirði. Efnið er
mikið notað í fæðubótarefni fyrir
fólk.
Gætu selt meira
Efnið nefnist LipoSan og er fitu-
bindiefni með náttúrulegum trefj-
um. Það er framleitt úr kítósan sem
er afleiða af kítíni sem er einangrað
úr rækjuskel hjá Primex á Siglu-
firði. Kítósan hefur þann eiginleika
að draga til sín fitu úr fæðunni sem
neytt er og hindra upptöku hennar.
Varan, sem er sérhönnuð sem
megrunarvara fyrir hunda og ketti,
fæst hjá Walmart og fylgja henni
góð ráð frá dýralækni.
Primex kaupir rækjuskel frá öll-
um rækjuverksmiðjum á landinu að
einni undanskilinni, en rækjuverk-
smiðjur eru nú starfandi á Siglu-
firði, Sauðárkróki, Hvammstanga,
Hólmavík, Bolungarvík og Grund-
arfirði. Sigríður segir að mögulegt
væri að framleiða og selja mun
meira af kítósan ef framboð á
rækjuskel væri meira, en rækjuafli
hefur dregist saman hér við land. Í
ár er áætlað að útflutningsverðmæti
frá Primex verði um 700 milljónir
króna og þar starfa 14 manns.
Í fæðubótarefni fyrir fólk
„LipoSan er selt um allan heim til
að nota í fæðubótarefni fyrir fólk og
meðal viðskiptavina okkar eru fyrir-
tæki eins og Herbalife, Nuskin og
Now Foods,“ segir Sigríður. „Einn-
ig er varan seld í sama tilgangi sem
lausasölulyf í sumum löndum til að
uppfylla mismunandi lög og reglur
eftir löndum, t.d. í Þýskalandi.
Síðan 2010 höfum við verið í sam-
starfi og unnið að þróun með banda-
rísku stórfyrirtæki sem sérhæfir sig
í gæludýrum og það er ótrúlegur
heimur að kynnast. Árangurinn af
þessum fyrstu mánuðum á sölu á
LipoSan í Walmart lofar góðu um
framhaldið. Nýlega gerðum við líka
samning við þetta bandaríska fyrir-
tæki um sölu á sáraspreyi fyrir
gæludýr í Bandaríkjunum með efni
úr kítósan,“ segir Sigríður.
Viðskipti víða um heim
Langstærstur hluti framleiðslu
Primex er til útflutnings en brot af
framleiðslunni á Siglufirði er nýtt í
eigin neytendavörur undir vöru-
merkjunum LipoSan og ChitoClear
og er hluti þeirrar framleiðslu einn-
ig seldur til Þýskalands. ChitoClear
er græðandi og dregur úr sársauka
og kláða í og við sár og er notað í
snyrtivörur, sáragræðandi vörur og
lyf.
„Efnið, sem á uppruna í rækju-
skelinni, er selt mjög víða og í fjöl-
mörgum löndum eru framleiddar
vörur þar sem efni frá okkur er not-
að samkvæmt sérleyfi. Asía er orðin
okkar stærsti markaður, en við selj-
um einnig mikið til Evrópu og
Bandaríkin eru vaxandi markaður,“
segir Sigríður.
Gæludýrin sett í megrun
 Efni úr rækjuskel frá Siglufirði notað í megrunarlyf fyrir dýr  Til sölu í Wal-
mart  Offita gæludýra vandamál  Primex flytur út fyrir um 700 milljónir í ár
Morgunblaðið/Sigurður Ægisson
Primex á Siglufirði Sigríður Vigdís Vigfúsdóttir við sekk af kítósan, en
efnið er unnið úr rækjuskel. Fjórtán manns starfa hjá fyrirtækinu.
Pilluglas
Megrunarlyf
fyrir gæludýr
með hollráðum
dýralæknis.
AFP
Á hátíð kattaunnenda Gæludýra-
markaður veltir háum upphæðum.
Værðarlegur Offita hrjáir mörg
gæludýr í Bandaríkjunum.
Evrópusambandið hefur sett fram
kröfur um aukna hlutdeild í veiðum
á kolmunna á næsta ári. Ekki liggur
fyrir hversu mikla aukningu sam-
bandið fer fram á, en ekki er útlit
fyrir að samkomulag um veiðarnar
náist á fundi strandríkja, sem lýkur í
London í dag. Þar verður síðari
hluta vikunnar rætt um veiðar á
norsk-íslenskri síld, en sá stofn hef-
ur gefið mjög eftir á síðustu árum.
Á síðasta ári var meðal annars
deilt um við hversu hátt veiðihlutfall
ætti að miða í kolmunna; Norðmenn
vildu leyfa mestar veiðar, en Íslend-
ingar minnst. Niðurstaðan var að
miða við ákveðna tonnatölu og bíða
með ákvörðun um veiðihlutfall til
þessa árs. Stjórnun kolmunnaveið-
anna verður því væntanlega rædd
frekar síðar í haust.
Það er rifjað upp í Fiskaren í Nor-
egi í gær að það hafi tekið strandrík-
in 21 samningafund áður en samið
var um skiptingu kolmunnaafla árið
2006. Samkvæmt þeim samningi
koma 30% í hlut Evrópusambands-
ins, Færeyjar og Noregur eru með
tæplega 26% hvor þjóð og Íslend-
ingar með 17,6%. Þessa skiptingu
vill ESB taka upp og endurskoða.
aij@mbl.is
ESB vill
meira af
kolmunna
 Strandríki ræða
stjórnun veiðanna
Ljósmynd/Börkur Kjartansson
Göngin
lokuð!
Hvalfjarðargöng
verða lokuð vegna malbikunar
frá því kl. 20 að kvöldi
föstudags 17. október 2014
til kl. 6 að morgni mánudags
20. október 2014.