Morgunblaðið - 15.10.2014, Qupperneq 16

SUÐURNES2014Á FERÐ UMÍSLAND
MORGUNBLAÐIÐ MIÐVIKUDAGUR 15. OKTÓBER 2014
VITINN 2014
Guðmundur Magnússon
gudmundur@mbl.is
„Vissum áfanga er í raun lokið hjá
okkur með framleiðslunni en ætl-
unin er að framleiða vöruna úr
jarðsjó úr hraunlögum við Reykja-
nesvirkjun. Því yrði um að ræða
innlenda framleiðslu á heilsuvörum
úr hráefnum sem ekki er verið að
nýta í dag,“ segir Egill Þórir Ein-
arsson, efnaverkfræðingur og
stjórnarmaður nýsköpunarfyrirtæk-
isins Arctic Sea Minerals (áður Arc-
tic Sea Salt).
Draga úr natríumnotkun
Fyrirtækið hefur unnið að því
undanfarin tvö ár að þróa nýja lausn
til að draga úr natríumnotkun. Unn-
ið er að vöruþróun í húsnæði fyrir-
tækisins á Ásbú og hefur verkefnið
hlotið veglega styrki úr Tækniþró-
unarsjóði og í fyrra fékk það styrk
úr Vaxtarsamningi Suðurnesja.
Forsvarsmenn fyrirtækisins
benda á að einn af hverjum sjö jarð-
arbúum, um einn milljarður manna,
þjáist af of háum blóðþrýstingi. Of
mikil natríumneysla í hinum vest-
ræna heimi sé stór orsakaþáttur
sem valdi of háum blóðþrýstingi.
WHO, Alþjóðaheilbrigðismálastofn-
unin, hafi gefið út ákveðnar leiðbein-
ingar um verulega minnkun á notk-
un natríums (salts) í matvæla-
framleiðslu. Venjulegt borðsalt er
um 40% natríum sem útskýrir hvers
vegna flest fólk í hinum
vestræna heimi neytir
of mikils natríums. Salt
gegnir ýmiss konar
hlutverki í mat-
vælaframleiðslu ásamt
því að vera mikilvægt
vegna bragðeiginleika
og því er ekki einfalt
mál að draga úr notkun
salts til að minnka
natríumnotkun.
Forsvarsmenn Arctic Sea
Minerals segja að til að draga úr
natríumnotkun hafi matvælafram-
leiðendur og neytendur verið að
skipta út natríum fyrir annars konar
sölt eins og kalíum- og magn-
esíumsölt. Vandamálið við þá lausn
sé að kalíum og magnesíum hafi ekki
það góða saltbragð sem neytendur
séu vanir og því hafi lausnin ekki
notið mikils fylgis hjá neytendum.
Sama bragðið áfram
Arctic Sea Minerals hefur unnið
að nýrri lausn sem felst í því að krist-
alla öll söltin í nýju
blöndunni saman í eitt
saltkorn. Þegar það er
gert þá er hægt að búa til
„ný“ saltkorn sem hafa
allt að 58% minna natr-
íum en venjulegt borðsalt
en svipað saltbragð og
neytendur eru vanir að
upplifa.
Gangi áform Arctic
Sea Minerals eftir gætu
þau skapað fjölda starfa og tals-
verðar tekjur á Suðurnesjum.
Framleiðsla heilsu-
salts í undirbúningi
 Mun minna natríum en í borðsalti en sama bragð
Ljósmynd/Arctic Sea Minerals
Prófanir í gangi Tilraunastofa Arctic Sea Minerals er í skemmu á gamla varnarsvæðinu á Ásbrú.
 Löggæslu- og björgunarbraut er
meðal þeirra brauta sem boðið er
upp á í Fjölbrautaskóla Suðurnesja.
Þetta er tveggja ára braut og Guð-
laug M. Pálsdóttir aðstoðarskóla-
meistari skólans segir að flestir
þeirra sem nema við brautina hafi
áhuga á lögreglu- eða slökkviliðs-
störfum. Þá hafi margir áhuga á
björgunarstörfum. „Eftir því sem ég
best veit erum við eini skólinn á land-
inu sem er með braut eins og þessa,“
segir Guðlaug.
Löggæslu- og björgunarbrautin var
sett á laggirnar árið 2010. Hún er ein
fimm stuttra starfsnámsbrauta við
skólann og var þeim komið á vegna
mikillar eftirspurnar eftir styttra
námi. Hinar fjórar eru ferðaþjón-
ustubraut, heilbrigðis- og fé-
lagsþjónustubraut, tölvuþjón-
ustubraut og verslunar- og
þjónustubraut.
„Við vildum hvetja nemendur, sem
ekki vilja í langskólanám af ýmsum
ástæðum, til að ljúka námi með ein-
hverju prófi. Það hentar ekkert öllum
að fara í langt verknám eða í stúd-
entsnám,“ segir Guðlaug.
Námsefni brautarinnar var skipu-
lagt í samráði við ýmsa aðila, m.a.
Landsbjörg og meðal námsgreina eru
skyndihjálp, almannavarnir, björgun,
kortalestur og útivist.
Að sögn Guðlaugar er mikil fjöl-
breytni í nemendahópnum á braut-
inni og hún segir karla vera þar í
meirihluta. Hún segir marga sem
hafa lokið námi á brautinni hafa farið
til starfa í lögreglu eða slökkviliði.
Þeir sem ljúka námi á henni eða öðr-
um af stuttu námsbrautunum geta
haldið námi áfram og þannig lokið
stúdentsprófi. annalilja@mbl.is
Nýstárleg námsbraut
á Suðurnesjunum
Ljósmynd/fss.is
Nýtt nám Mikil eftirspurn eftir styttra námi við Fjölbrautaskóla Suðurlands
leiddi til fimm nýrra námsbrauta. Ein þeirra er löggæslu- og björgunarbraut.
Anna Lilja Þórisdóttir
annalilja@mbl.is
Það er ekki amalegt að fá leið-
sögn þjálfara NBA-liðs og hitta
heimsfrægar körfuboltastjörnur.
Þetta fengu 13 kátar körfubolta-
stelpur, sem æfa körfubolta með
UMFG í Grindavík, að reyna í
sumar þegar þær fóru í körfu-
boltabúðir á vegum bandaríska
NBA-liðsins Philadelphia 76ers í
borginni Fíladelfíu í Bandaríkj-
unum. Þar stunduðu þær æfingar
í hópi ungs körfuboltafólks,
stráka og stelpna, frá yfir 20
löndum alls staðar að úr heim-
inum.
Stelpurnar eru á aldrinum
14-16 ára og einn fararstjóra var
Atli Geir Júlíusson þjálfari sem
segir að undanfarin ár hafi hópar
frá UMFG farið á hina ýmsu staði
í Bandaríkjunum í áþekkar æf-
ingabúðir. „Þarna voru stelp-
urnar komnar í mekka körfubolt-
ans þar sem æfingar eru frá
morgni til kvölds, einstaka sinn-
um frí á milli. Þetta snýst bara
um að vera í körfu og þetta var
engin afslöppunarferð,“ segir
Atli. „Þeim gekk virkilega vel, á
lokadeginum voru spilaðir úr-
slitaleikir og stelpurnar fengu
fullt af verðlaunum.“
Hann bætir við að för í slíkar
æfingabúðir hafi margþættan
ávinning. „Þetta er að vissu leyti
gulrót til að halda krökkunum
áfram í skipulögðu íþróttastarfi
sem hefur auðvitað gríðarlegt
forvarnagildi. Þetta er líka hugs-
að fyrir þá sem vilja ná langt í
íþróttinni; áhuginn verður meiri
þegar farið er í svona æfingabúð-
ir og svo er þetta auðvitað gott
tækifæri fyrir ungt körfubolta-
fólk að sýna sig í Bandaríkjunum
og auka líkurnar á því að fá
körfuboltastyrk í góðan háskóla.“
Söfnuðu fyrir ferðinni
Í búðirnar komu m.a. núver-
andi og fyrrverandi NBA- leik-
menn sem miðluðu stúlkunum af
Fóru í æfingabúðir
Philadelphia 76ers
 Áhuginn verður meiri þegar farið er
í æfingabúðir, segir körfuboltaþjálfari
Ljósmynd/Atli Geir Júlíusson
Knáar UMFG-stelpurnar ásamt Atla Geir úti í Fíladelfíu í sumar. Í æf-
ingabúðunum var spilaður körfubolti alla daga frá morgni til kvölds.
 Á ferð um Ísland 2014 er níu vikna ferðalag ljósmyndara og blaða-
manna Morgunblaðsins. Í dag lýkur umfjöllun um Suðurnes og á morg-
un hefst umfjöllun um sveitarfélögin á höfuðborgarsvæðinu, fyrir utan
Reykjavík. Ferðalaginu lýkur síðan í Reykjavík í lok október. Umsjón
með ferðalaginu hefur Anna Lilja Þórisdóttir blaðamaður sem tekur við
ábendingum um efni í netfanginu annalilja@mbl.is.
Í ferðalaginu hefur sérstök áhersla verið lögð á vaxtarbrodda í at-
vinnulífinu undir merkinu Vitinn 2014. Í lok ferðarinnar mun Morg-
unblaðið veita einu fyrirtæki í hverjum landshluta sérstaka viðurkenn-
ingu. Einnig verður veitt viðurkenning á landsvísu. Umsjón með
Vitanum 2014 hefur Guðmundur Magnússon blaðamaður sem tekur við
ábendingum í netfanginu vitinn@mbl.is.
Níu vikna ferðalag með
áherslu á atvinnulíf
VI
TINN
2014