Morgunblaðið - 20.10.2014, Blaðsíða 2
2 FRÉTTIRInnlent
MORGUNBLAÐIÐ MÁNUDAGUR 20. OKTÓBER 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Helgi Bjarnason
helgi@mbl.is
Vegagerðin hefur ákveðið að óska eft-
ir því við Skipulagsstofnun að um-
hverfismat frá árinu 2006 vegna lagn-
ingar Vestfjarðavegar um Teigsskóg
verði tekið upp. Hreinn Haraldsson
vegamálastjóri segir að starfsmenn
Vegagerðarinnar séu byrjaðir að taka
til nauðsynleg gögn sem fylgja þurfi
beiðni um endurupptöku.
Skipulagsstofnun hafnaði því að
taka fyrir nýja tillögu Vegagerðar-
innar að vegi um Teigsskóg í mats-
áætlun nýs umhverfismats leiða fyr-
ir Vestfjarðaveg um Gufudalssveit.
Forsendan var sú að þeirri leið hefði
verið hafnað þegar umhverfismatið
frá 2006 fór fyrir dómstóla.
Vegagerðin hugðist kæra niður-
stöðuna til úrskurðarnefndar um-
hverfismála. Starfshópur sem skip-
aður var að frumkvæði innanríkis-
ráðherra komst hins vegar að þeirri
niðurstöðu að betra væri að fara að
ráðum Skipulagsstofnunar og óska
eftir endurupptöku á úrskurði um
gamla umhverfismatið á þeim
grundvelli að forsendur væru veru-
lega breyttar. Þá er átt við að nýja
veglínan um Teigsskóg sem Vega-
gerðin vill láta meta á að takmarka
rask á skóglendi og draga úr heildar-
áhrifum framkvæmdarinnar á um-
hverfið.
Tekur a.m.k. eitt ár
Hreinn Haraldsson vegamála-
stjóri fór fyrir hópnum en með hon-
um voru fulltrúar umhverfis- og inn-
anríkisráðherra og sveitarstjóri
Reykhólahrepps. Hreinn segir líkur
á að endurupptaka taki skemmri
tíma en kæra. Einnig er í niðurstöð-
unum horft til þess að Skipulags-
stofnun myndi væntanlega ekki taka
til meðferðar endurupptökubeiðni á
meðan kæra væri til meðferðar. Því
myndi kæra tefja endurupptöku.
Talið er að eitt til eitt og hálft ár
líði frá því að ósk um endurupptöku
verður lögð fram og þar til hægt
verður að sækja um framkvæmda-
leyfi. Þriðja leiðin, að breyta lögum
til að koma vegi um Teigsskóg úr
pattstöðunni, er talin valkostur ef
niðurstaða fæst ekki með endurupp-
tökuleiðinni.
Sveitarstjórn sammála
Sveitarstjórn Reykhólahrepps
hefur einnig ályktað um málið. Telur
sveitarstjórn að sú leið sem hópurinn
mælti með sé farsælust með tilliti til
tíma og framgangs málsins. Í álykt-
uninni er frumkvæði innanríkisráð-
herra í málinu fagnað sem og góðri
samvinnu þeirra ráðuneyta og stofn-
ana sem komu að verkefninu.
Mat á Teigsskógi verði tekið upp
Morgunblaðið/Helgi Bjarnason
Teigsskógur Vegagerðin vill meta
nýja leið í gegnum skóginn.
Talið fljótlegra að fá efnislega niðurstöðu með beiðni um endurupptöku en kæru til úrskurðarnefndar
Þrjár leiðir
» Endurupptökuleið er talin
vænlegust með tilliti til tíma.
» Kæruleiðin er lakari vegna
tímans sem þarf til að úrskurða
um kæru um matsáætlun.
» Lagasetningarleið væri val-
kostur ef niðurstaða fæst ekki
með endurupptöku.
Viðar Guðjónsson
vidar@mbl.is
Rekstur Domino’s hefur farið vel af
stað í Noregi. Svo vel að rekstrarað-
ilar hættu að auglýsa til þess að
reyna að anna eftirspurn eftir að
fyrsti staðurinn var opnaður í Ósló
fyrir skömmu en stefnt er að því að
opna annan stað í lok mánaðarins og
þann þriðja í upphafi næsta árs.
Að sögn Magnúsar Hafliðasonar,
rekstrar- og markaðsstjóra hjá
Domino’s í Noregi, er markmiðið að
opna 50 staði í Noregi á næstu átta
árum auk þess að hefja starfsemi í
Svíþjóð. „Við höfum fengið frábærar
viðtökur. Pitsurnar fara vel í Norð-
menn,“ segir Magnús. Hann segir að
hugmyndin hafi kviknað sökum þess
að markaðurinn á Íslandi sé orðinn
nokkuð mettur. „Við fengum þessa
hugmynd þar sem á þessum stöðum
er autt landsvæði ef svo má að orði
komast,“ segir Magnús kíminn.
Allt brjálað
Hann segir að horft hafi verið til
þess að kaupmáttur sé stöðugur í
landinu og gott efnahagsástand. „Í
byrjun varð allt brjálað og við þurft-
um að taka þetta rólega. Því tókum
við þriggja vikna frí frá auglýs-
ingum. Í þessu samhengi má nefna
það að við vorum ekki bara með nýtt
fyrirtæki, heldur líka nýtt starfsfólk
sem ekki er vant slíku afgreiðslu-
álagi,“ segir Magnús.
Domino’s er með umboð frá
Bandaríkjunum til að starfa á Ís-
landi og að sögn Magnúsar var feng-
ið umboð til þess að fara til Svíþjóð-
ar og Noregs líka. „Við erum
rekstraraðilinn og getum svo leigt
umboðið lengra ef það hentar betur.
Það kemur alveg til greina í Stav-
anger og Bergen og þeim stöðum
sem eru fjær Ósló,“ segir Magnús.
Þúsundkalli dýrari í Noregi
Hann segir að í Noregi séu þrjár
pitsukeðjur sem séu með 90-100
pitsustaði hver. Hann segir að Norð-
menn séu ólíkir Íslendingum að því
leyti að þeir séu mjög vanir pitsum
sem eru hlaðnar kjötmeti. Að sögn
Magnúsar er meðalverð á stórri
pitsu í Noregi 3.800 krónur, til sam-
anburðar er það 2.800 krónur á Ís-
landi.
Magnús er sjálfur að flytja út til
þess að fylgja verkinu eftir. Eins
hefur einn reyndur verslunarstjóri
þegar flutt út en að auki hafa þrír Ís-
lendingar fengið vinnu á staðnum.
,,En að sjálfsögðu stefnum við að því
að hafa að mestu Norðmenn í starfi,“
segir Magnús.
Stefna að því
að opna 50 staði
Reka Domino’s í Noregi og Svíþjóð
Hættu að auglýsa vegna álags
Morgunblaðið/Ómar
Stórhuga Magnús Hafliðason mark-
aðs- og rekstrarstjóri Domino’s.
Skúli Halldórsson
sh@mbl.is
Veðurstofan varar við norðanhvass-
viðri eða stormi á landinu í dag með
snjókomu um landið norðanvert. Er
þetta fyrsti norðanhvellur haustsins.
Veður fer kólnandi í dag, frost verð-
ur allt að 5 stigum þegar kemur fram
á daginn en frostlaust með suður-
ströndinni.
Á höfuðborgarsvæðinu er búist við
lítilsháttar slyddu eða snjókomu.
Heldur hægari í kvöld. Hiti verður
um eða rétt yfir frostmarki síðdegis.
Á miðvikudag bregður til austanátt-
ar og dregur þá úr vindi.
Þórarinn Pétursson, formaður
Landssamtaka sauðfjárbænda, segir
að flestir bændur séu vel í stakk bún-
ir fyrir fyrsta hvellinn í haust.
„Mismunandi er eftir því hvernig
vindar blása hvar þetta kemur verst
niður. Á þessum tíma eru flestir með
sauðféð heima við og geta þannig
haft meiri stjórn á því. Smala-
mennsku er lokið og nú eru það bara
þessar svokölluðu eftirleitir sem eru
hálfvegis endalausar,“ segir Þórar-
inn.
Hann segir þennan fyrsta hvell
vetrarins vera í síðara lagi en verið
hefur síðustu ár. „Þetta er miklu
seinna, árið 2012 var þetta nú bara
10. september og megnið af fénu var
þá enn á fjalli.
Í fyrra þurftu bændur norðan-
lands að taka fé snemma á hús og
þeir sem ekki klipptu ullina strax
þurftu að sætta sig við óhreina ull
sem varð þá annars flokks,“ segir
Þórarinn, en hann telur lítið tilefni til
áhyggna núna. „Ef þetta stendur
ekki í nema einn eða tvo daga þá fer
féð út aftur. Bændur fara ekki að
taka fé á hús á þessum tíma nema
snjórinn setjist að. Þetta virðist ekki
eiga að vera langvarandi svo að ég
býst við að féð fari bráðlega út aftur.
Það gerir ekkert til fyrir ullina þó að
féð standi inni í nokkra daga.“
Fyrsti hvellur haustsins
er seinna á ferðinni
Sauðfjárbændur betur í stakk búnir en síðustu tvö ár
Kristni Sigmundssyni og öðrum flytjendum var vel
fagnað í lok frumsýningar á óperunni Don Carlo eftir
Verdi í Íslensku óperunni á laugardagskvöld. Kristinn
fer þar með hlutverk Filippusar konungs, föður Don
Carlo.
Aldarfjórðungur er liðinn síðan hann æfði síðast óp-
eruhlutverk frá grunni á íslensku óperusviði. Þetta er
jafnframt í fyrsta sinn sem óperan Don Carlo er svið-
sett hér á landi, en hún þykir eitt af mögnuðustu verk-
um ítalska meistarans.
25 ár frá því Kristinn æfði síðast hlutverk frá grunni á íslensku óperusviði
Ljósmynd/Gunnar Freyr Steinsson
Vel fagnað í lok frumsýningar
Veðurvaktin spáir því að gasmengun frá eldgosinu í
Holuhrauni muni liggja yfir Austurlandi í dag. Meng-
unin gæti náð frá Vopnafirði og suður í Jökulsárlón.
Virkni eldgossins í Holuhrauni virðist svipuð og að
undanförnu, miðað við það sem sést í vefmyndavélum.
Hraunstraumur frá gígnum Baugi liggur norður og
austur eftir hraunbreiðunni sem orðin er alls um 60
ferkílómetrar að flatarmáli.
Skjálftavirkni heldur áfram í Bárðarbungu. Nokkrir
öflugir skjálftar urðu í og við öskjuna frá laugardags-
kvöldi og fram á sunnudagsmorgun, 4,5 til rúmlega 5
að stærð. Yfirborð Bárðarbunguöskjunnar heldur
áfram að síga og hafði í gær sigið um 15 metra frá því
gps-mælingar hófust 14. september og á fjórða tug
metra frá því hræringarnar hófust um miðjan ágúst.
Jarðskjálftavirkni heldur áfram
Mengun Mikið gas
streymir upp.