Morgunblaðið - 20.10.2014, Blaðsíða 16

16
MORGUNBLAÐIÐ MÁNUDAGUR 20. OKTÓBER 2014
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Forðum tíðvar sérdeil-is ánægju-
legt að fylgjast
með lýsingum í út-
varpi frá knatt-
spyrnuleikjum. Í
lögum um Ríkisútvarpið hefur
óralengi verið tekið hátíðlega
fram að þar á bæ skyldu menn
vera óhlutdrægir. Fréttamenn
hafa einatt túlkað þessi laga-
fyrirmæli svo, að í þeim fælist
ekki annað en að þeir skyldu
standa fast með sínum. Ekki
hefur öllum líkað það. En þeg-
ar hinn góðkunni íþróttalýs-
andi fór mikinn á kappleikjum
Íslands við óvinina (útlendinga)
kvartaði enginn þótt hann
gengi jafnvel lengra en koll-
egarnir á fréttastofunni, rétt
eins og hlutleysiskrafan hefði
aldrei náð inn fyrir útvarpslóð-
ina. Þegar liðsmenn óvinaliðs-
ins spörkuðu ógætilega í okkar
menn hrópaði hann að slíkir
fautar ættu ekki að fást við
fagrar íþróttir. Þegar okkar
menn snertu örlítið á óvininum,
þó þannig að þeir þeyttust til
og voru í framhaldinu bornir
rif- og rófubrotnir af velli,
fylgdi þeim sú kveðja að okkar
menn væru sem betur fer fastir
fyrir. Enginn ágreiningur var
gerður við þau orð, hvorki á
vellinum né kringum viðtækin.
En þessi háttur er ekki
bundinn við fréttastofu eða fót-
boltafræðinga. Þegar frú
Thatcher varð fyrst kvenna
forsætisráðherra
Breta sagði einn
helsti foringi
áhugakvenna um
kvennalista að
þetta markaði eng-
in skil fyrir konur.
Frú Thatcher væri nefninlega
karlkona. Þá var átt við að
járnfrúin væri ekki vinstri-
kona. En það mátti ekki segja
beint, því baráttukonur fyrir
kvennaframboði sögðust hafn-
ar yfir venjulega flokkadrætti
og með háleitari markmið í sínu
farteski.
Útvarpið okkar, einasta
stofnun landsins sem starfar í
þjóðarþágu, samkvæmt yfir-
lýsingu Alþingis sjálfs (sem
hvergi er tekið fram að Alþingi
geri sjálft), flutti af ákafa mikl-
ar fréttir um hræðilega „leka“
úr innanríkisráðuneytinu, um
að umsækjandi um landvist-
arleyfi hér væri alls ekki sá
pappír sem aðdáendur hans
héldu að fjölmiðlum. Kastljós
þessarar sömu stofnunar veit
nú allt um meintan „leka“ úr
Samkeppniseftirlitinu, sem
virðist komið í bullandi sam-
keppni um leka við innanrík-
isráðuneytið.
Ríkisútvarpið gæti sparað
skattgreiðendum fúlgur fjár, ef
það upplýsti um þennan leka.
En „RÚV“ er ekki líklegt til
þess, því að það gerir upp á
milli „leka“ rétt eins og
kvennaframboð, sem sorteraði
konur eftir sínum smekk.
Sínum augum lítur
hver á lekana og
skiptir þá mestu
hver á lekana}
Lekamál leka niður
Helgi HrafnGunnarsson,
þingmaður Pírata,
lýsir þeirri skoðun
sinni í grein hér í
blaðinu um helgina
að tryggja þurfi að
hryðjuverkamennirnir í Ríki ísl-
ams hafi aðgang að netinu til að
koma áróðri sínum á framfæri.
Hann telur það ekki nauðsyn-
legt vegna réttar þeirra til að tjá
sig heldur réttar hans og ann-
arra til að kynna sér sjónarmið
þeirra. Til að sjá illskuna eigin
augum.
Hann færir einnig eftirfar-
andi rök fyrir þessu: „Öfgafullir
múslimar munu alltaf hafa að-
gengi að þessu efni í næstu rót-
tæku mosku.“ Þetta er vissulega
athyglisverð ábending og um-
hugsunarverð, en Helgi Hrafn
er ekki einn um að benda á
þessa hættu sem fylgi slíkum
moskum. Slík aðvörunarorð
hafa oft verið sett fram þó að
þau séu stundum fordæmd sem
fordómar.
Ríki íslams hefur tekist að
véla til sín mikinn fjölda ungra
Vesturlandabúa með áróðri sín-
um. Nokkur þúsund þeirra hafa
gengið svo langt að ferðast til
átakasvæðanna og
taka upp vopn fyrir
hinn illa málstað.
Víst má telja að
mikill fjöldi ann-
arra, sem ekki hafa
tekið það stóra
skref, hafi engu að síður í raun
gerst liðsmenn Ríkis íslams og
séu þar með tifandi tíma-
sprengja.
Í fréttaskýringu í sunnudags-
blaði Morgunblaðsins var fjallað
um það hvernig hægt væri að
breyta strákum í skrímsli og
vitnað til lýsinga fyrrverandi
blóðþyrsts stríðsherra frá Líb-
eríu, Joshua Milton Blahyi. Sá
bjó til stórhættulega stríðs-
menn úr átta til tólf ára strákum
og fullyrðir að svipuðum aðferð-
um megi beita á eldra fólk, svo
sem unga fólkið sem gengur til
liðs við Ríki íslams. Aðalatriðið
sé að fólkið komi sjálfviljugt og
þá megi móta það og gera að
harðsvíruðum ofbeldismönnum.
Lýsingar Blahyi benda til
þess að full ástæða sé til að tak-
marka möguleika leiðtoga Ríkis
íslams til að tæla til sín nýja
liðsmenn, hvort sem það er í
gegnum netið eða eftir öðrum
leiðum.
Boðskapur illmenn-
anna er hættulegur
á hvaða formi sem
hann er settur fram}
Vinna þarf gegn áróðrinum
Þ
egar ég hóf framhaldsnám mitt í
útlöndum varð ég áþreifanlega
var við það að ég var nokkru eldri
en samnemendur mínir frá öðrum
löndum, enda hafði ég gengið hina
dæmigerðu íslensku skólagöngu, tíu ár í
grunnskóla, fjögur ár í menntaskóla (og mun-
aði litlu að þau yrðu fimm), þrjú og hálft ár í
háskóla, og um það bil níu mánuðir sem fóru í
að vinna, því að ég vildi ekki fara í meist-
aranám hérlendis. Ég var því um þremur ár-
um eldri en flestir á svæðinu, og sumum þótti
ég hreinlega vera ævaforn, þó ég væri ekki
nema um 24 ára gamall. Þessi aldursmunur á
íslenskum nemendum og erlendum þykir víst
ekki vera nógu góður. Það er skiljanlegt, að
eitt keppikefli menntamálayfirvalda hér sé að
stytta nám, þannig að Íslendingar ljúki fyrr
námi og fari fyrr út á vinnumarkað, og stytting fram-
haldsskólans um eitt ár er eitt af því sem nefnt hefur ver-
ið.
En er það jafnauðvelt og að segja það? Með því að
stytta framhaldsskólann um heilt ár er verið að skera af
einn fjórða af námstíma þeirra. Væntanlega er hug-
myndin sú að meira verði kennt á þeim tíma sem eftir
standi, en tæpt er að það sé raunhæft markmið. Í áfanga-
kerfi þýðir það annaðhvort að hver áfangi fjalli um
meira, eða að nemendur neyðist til þess að taka fleiri
áfanga. Í bekkjarskólum þýðir það einfaldlega að vatna
þarf út kennsluna á tímanum sem eftir stendur, sé ætl-
unin að farið sé yfir sama efni.
Eða, breytingin getur þýtt það, að 25% af
því sem nú er kennt, verði það hreinlega ekki
lengur. Og hvaðan mun sá niðurskurður
koma? Eða verður það efni fært niður í
grunnskólana? Mega þeir við því?
Ég fékk þann heiður nýlega að taka viðtal
við frú Vigdísi Finnbogadóttur um kosti þess
að kenna tungumál, en tilhneigingin í
menntakerfinu er að láta allan niðurskurð og
sparnað koma fram í tungumálakennslunni.
Vigdís benti þó á að sá sparnaður væri dýr því
að margt annað færi með tungumálakunnátt-
unni sem ekki væri metið til fjár. Og þar kom
ekki til af góðu einu því að sjálf þurfti Vigdís
að koma að til þess að latínuskólinn gamli
fengi að halda áfram með latínukennslu.
Stytting náms í framhaldsskólum í þrjú ár
getur verið góðra gjalda verð en þarf að neyða þá breyt-
ingu yfir alla skólana? Menntaskólinn á rætur sínar að
rekja til Skálholtsskóla og sumar hefðir hans eru eldri en
skólabyggingin sjálf eða skólinn í núverandi mynd. Það
er ekki elítismi eða hroki að biðja um að ekki verði allir
skólar steyptir í sama mótið. Skólinn hefur beðið um
undanþágu frá því að stytta námstímann niður í þrjú ár,
hvers vegna má ekki veita hana? Líkt og Hraðbraut á
sínum tíma bauð upp á stúdentspróf á tveimur árum gæti
það verið val sumra nemenda að taka sér aukaár í fram-
haldsskóla. Það gæti þá verið eitt af mörgum sérkennum
Menntaskólans í Reykjavík. sgs@mbl.is
Stefán Gunn-
ar Sveinsson
Pistill
Að fórna sérkennunum
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
BAKSVIÐ
Helgi Bjarnason
helgi@mbl.is
Óvissa ríkir um forystuLandssambands hesta-mannafélaga og um þaðhvar Landsmót hesta-
manna verður haldið 2016 eftir að
upp úr sauð á aðalfundi LH sem hald-
inn var á Selfossi um helgina. Har-
aldur Þórarinsson, formaður LH síð-
ust sex árin, sagði af sér eftir að
fundurinn samþykkti ályktun gegn
ákvörðun stjórnar um að hefja við-
ræður um að halda landsmótið á
Kjóavöllum í Garðabæ og Kópavogi
auk þess sem formaðurinn sætti sig
ekki við að vera sakaður um lögbrot
og óheiðarleg vinnubrögð.
Staðarval landsmóta hefur lengi
verið eitt erfiðasta deilumál hesta-
manna og oft soðið upp úr þegar
ákvarðanir hafa verið teknar. Lands-
mótið 2016 er engin undantekning frá
því. Fyrir þremur árum ákvað LH að
ganga til viðræðna við eigendur
mótssvæðisins á Vindheimamelum í
Skagafirði um að halda mótið. Enn
hefur ekki verið gengið frá samn-
ingum um það.
Frá því landsmótinu á Gadd-
staðaflötum við Hellu lauk sl. sumar
hefur umræðan innan stjórnar LH
verið að þróast. Niðurstaðan náðist
þó ekki fyrr en fyrr í þessum mánuði
og var ákveðið að draga til baka vilja-
yfirlýsingu um að halda mótið í
Skagafirði en ganga til samninga við
hestamannafélagið Sprett í Kópavogi
og Garðabæ um að halda mótið 2016
á Kjóavöllum. Þar hefur verið byggð
upp myndarleg aðstaða. Jafnframt
var ákveðið að ganga til viðræðna við
hestamannafélagið Fák um að halda
mótið 2018 í Víðidal í Reykjavík.
Skagfirðingar fengu stuðning
Forystumenn hestamanna í
Skagafirði voru vægast sagt óhressir.
Mættu þeir í vígahug á aðalfund LH
sem haldinn var á Selfossi á föstudag
og laugardag. Tillaga sem þeir lögðu
fram um að stjórn LH kæmi fram af
heiðarleika og stæði við fyrri ákvörð-
un um að ljúka samningaviðræðum
við Skagfirðinga um að halda mótið á
Vindheimamelum var samþykkt með
84 atkvæðum gegn 67. Í umræðum
um landsmótsmál á þinginu og um
umrædda tillögu höfðu fulltrúar
Skagfirðinga uppi orð um að vinnu-
brögð stjórnar LH væru ódrengileg.
Fulltrúar Rangæinga sem standa að
landsmótssvæðinu á Hellu tóku undir
en þeir höfðu sóst eftir að halda mótið
2018 en ekki fengið undirtektir. Um-
ræðan snérist upp í það að miðað við
kröfur LH um aðstöðu yrði ekki
hægt að halda mótin annars staðar
en á höfðborgarsvæðinu.
Starfsstjórn til bráðabirgða
Í tilfinningaþrunginni ræðu sem
Haraldur Þórarinsson hélt þegar til-
lagan hafði verið samþykkt lýsti hann
því yfir að hann segði af sér for-
mennsku. Hann var einn í kjöri til
formanns og hefði verið sjálfkjörinn
ef þetta hefði ekki komið til. Í fund-
arhléi sem þá var gert kom í ljós að
öll stjórnin studdi formanninn og
myndi einnig segja af sér en stjórn-
armenn höfðu ekki beitt sér í um-
ræðum um landsmótsmálið.
Jónína Stefánsdóttir, talsmaður
hestamannafélaganna í Skagafirði,
fagnaði ákvörðun formannsins í sam-
tali við mbl.is á laugardag og tók
fram að unnið hefði verið að tillögu
um vantraust á formanninn, áður en
hann tók sjálfur af skarið.
Ákveðið var að fresta kosningum
til framhaldsaðalfundar sem haldinn
verður 8. nóvember. Kjörnefnd und-
irbýr kosningarnar. Fyrir liggur að
framkvæmdastjóri LH hættir líka
um mánaðamót. Stjórnarmenn féll-
ust á að starfa sem starfsstjórn fram
að framhaldsaðalfundi.
Sauð upp úr pottinum
hjá hestamönnum
Morgunblaðið/Eva Björk
Hver kemur fyrstur í mark? Þótt ákveðið hafi verið að ræða betur við
Skagfirðinga hefur ekki verið ákveðið hvar landsmót 2016 verður haldið.
„Það er frumskylda þeirra sem
á halda hverju sinni að búa
landsmótunum þá umgjörð að
þau geti þróast og dafnað til
hagsbóta fyrir íslenska hest-
inn. Það á ekki að sníða mótin
ofan í einhver tiltekin svæði
sem auka verulega áhættuna
af rekstri þeirra. Það gerir allt
dýrara og erfiðara fyrir gesti
mótanna og eigendur hest-
anna,“ segir Haraldur Þór-
arinsson.
Hann telur að umræðan hafi
orðið ómálefnaleg, snúist um
tilfinningar en ekki efnisleg
rök eða forsendur ákvörðunar
stjórnar LH. Það sé því viss
léttir að vera hættur.
„Það voru samantekin ráð
Rangárbakka- og Gullhyls-
manna að spila á þá strengi að
þetta snerist um landsbyggð-
ina gegn þéttbýlinu og allt
væri að fara til Reykjavíkur, en
ekki að ræða um það hvar best
væri að hafa mótið og efla
það.“
Snerist um
tilfinningar
HARALDUR ÞÓRARINSSON