Morgunblaðið - 20.10.2014, Blaðsíða 32
Steinþór Guðbjartsson
steinthor@mbl.is
Atli Hilmarsson, einn af „strákun-
um okkar“ í handboltanum, er
byrjaður að aðstoða efnilega hand-
boltamenn, karla og konur, til að
komast í atvinnumennsku, einkum
í Þýskalandi, í samstarfi við þýsk-
an umboðsmann. „Mér rennur
blóðið til skyldunnar,“ segir hann
og vísar til reynslu sinnar sem
leikmaður, þjálfari og ekki síst
sem faðir atvinnumanna.
Landsliðsfólkið Arnór og Þor-
gerður Anna, börn Atla og Hildar
Kristjönu Arnardóttur, hafa gert
það gott í atvinnumennsku í hand-
bolta og þar hefur Björn Schultz,
sem rekur umboðsmannafyrir-
tækið inteam-sports í Leipzig í
Þýskalandi (inteam-sports.com)
verið þeim innan handar. Þannig
kynntist Atli störfum hans og nú
er hann farinn að aðstoða hann.
„Ég bendi honum á líklega leik-
menn og hann kemur þeim síðan á
framfæri,“ segir Atli.
Velferð leikmanna aðalatriði
Björn Schultz og Atli kynntust
eftir að sá fyrrnefndi hafði greitt
götu Arnórs frá AG í Danmörku
til Flensborgar í Þýskalandi eftir
Ólympíuleikana í London fyrir
rúmlega tveimur árum.
„Bæði Arnór og Þorgerður
Anna hafa lent í miklum
meiðslum, hann sleit hásin og hún
er búin að fara í tvær axlar-
aðgerðir, en í báðum tilfellum hef-
ur Björn hugsað fyrst og fremst
um velferð þeirra en ekki að koma
þeim áfram til annars félags í von
um hagnað af sölu,“ segir Atli.
„Persónuleg mál eins og trygg-
ingar og hvað gerist eftir að ferl-
inum lýkur skipta miklu máli og á
þau leggur Björn áherslu, sem er
mikilvægt og kveikti í mér,“ held-
ur hann áfram.
Atli bendir á að þegar hann hafi
starfað sem þjálfari hafi foreldrar
oft leitað til hans, þegar umboðs-
menn hafi bankað á dyrnar, og
þörf sé á svona aðstoð. „Ég þekki
vel þennan heim og það er mik-
ilvægt að fólk geti fengið góðar
upplýsingar, þegar boð um at-
vinnumennsku berast. Ég er í
góðum tengslum hér heima og er
á staðnum, sem er ekki síst mik-
ilvægt. Ég hef haft samband við
leikmenn, sem mér finnast áhuga-
verðir, að fyrra bragði og komið
þeim í samband við Björn Schultz
en leikmenn hafa líka samband við
mig og leita ráða.“
Atli bendir á að Björn Schultz
hafi einnig áhuga á að koma ís-
lenskum knattspyrnumönnum að í
Þýskalandi og geti verið liðum
innan handar við að fá þýska leik-
menn til Íslands. „Aðalatriðið er
að allir samningar séu gerðir af
fagmönnum, eins og almennt er í
fótboltanum, en því miður er víða
pottur brotinn í handboltanum.“
Styrkt til atvinnumennsku
Atli í samstarfi
við þýskan um-
boðsmann
Morgunblaðið/Eggert
Ráðgjafi Atli Hilmarsson, fyrrverandi leikmaður og þjálfari, aðstoðar íþróttafólk við að komast í atvinnumennsku.
MÁNUDAGUR 20. OKTÓBER 293. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Festust saman í samförum í sjónum
2. Alls ekkert ferðaveður á morgun
3. Búið ykkur undir snjókomu
4. Tilkynnti eigin ölvunarakstur
»MEST LESIÐ Á mbl.is
FÓLK Í FRÉTTUM
Stórsveit Reykjavíkur heldur tón-
leika á Björtuloftum í Hörpu í kvöld
kl. 21. Flutt verður tónlist af „Incred-
ible Journey“, plötu tónskáldsins, út-
setjarans og saxófónleikarans Bobs
Mintzer. Stjórnandi á tónleikunum
verður Sigurður Flosason.
Stórsveit flytur verk
eftir Bob Mintzer
Listmunaupp-
boð verður haldið
í Gallerí Fold við
Rauðarárstíg í
dag kl. 18. Boðin
verða upp ríflega
hundrað listaverk,
m.a. eftir 14 lista-
menn sem fæddir
eru fyrir 1900. Sá
elsti er Sölvi Helgason sem var fædd-
ur 1820. Einnig eru boðin upp olíu-
málverk eftir Þórarin B. Þorláksson
(f. 1866) og Mugg (f. 1891).
Listaverk gamalla
meistara boðin upp
Tékkneski myndlistarmaðurinn Mo-
nika Frycová heldur fyrir-
lestur um feril sinn og
vinnuaðferðir í
fyrirlestrarsal myndlist-
ardeildar Listaháskóla
Íslands að Laugar-
nesvegi 91 í dag kl.
12.30. Monika fjallar
m.a. um verkefnið PURE
MOBILE vs. DOLCE VITA
og ferðalag sitt á
mótorhjóli frá Seyð-
isfirði til Portúgals.
Monika Frycová ræð-
ir vinnuaðferðir sínar
Á þriðjudag Norðvestan 13-23 m/s, hvassast norðaustantil. Snjó-
koma um landið norðanvert, en úrkomulaust syðra. Lægir vestan-
lands um kvöldið og léttir til. Frost víða 0 til 4 stig.
SPÁ KL. 12.00 Í DAG Norðan hvassviðri eða stormur, 15-
23 m/s, en hægari vindur syðra og eystra fram eftir degi.
Snjókoma norðantil, en smáél syðra. Frost víða 0-5 stig.
VEÐUR
Markaþurrð Mario Balotelli
hélt áfram um helgina þegar
Liverpool komst upp í fimmta
sæti ensku úrvalsdeildarinnar.
Liðið var þó ekki sannfærandi
gegn botnliði QPR sem skor-
aði tvö sjálfsmörk, en loka-
mínútur leiksins voru æsilegar
og réðust úrslitin í blálokin.
Þá skoraði Sergio
Agüero fernu fyrir
Manchester City sem
eltir Chelsea í topp-
baráttunni. »6
Liverpool hjálpað í
fimmta sætið
Lærisveinum Arons Kristjánssonar í
danska liðinu KIF Kolding gengur vel
en liðið er með örugga forystu í deild-
inni og í gær gerði liðið jafntefli við
stjörnum prýtt lið Barcelona í Meist-
aradeild Evrópu. Kolding jafnaði met-
in úr vítakasti undir lok leiksins. »8
Aron gerir það gott
með lið KIF Kolding
Rúnar Kristinsson, þjálfari KR,
staðfesti í samtali við Morg-
unblaðið í gær að hann muni
hefja viðræður við Lilleström á
næstu dögum. Rúnar, sem hefur
gert frábæra hluti með KR-liðið,
kemur sterklega til greina sem
næsti þjálfari norska úrvalsdeild-
arliðsins en Rúnar lék með Lille-
ström á árum áður. »1
Rúnar mun ræða við
Lilleström
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Atli Hilmarsson á langan feril að baki í
handboltanum og lék meðal annars 135
landsleiki, sem hefðu orðið mun fleiri ef
ekki hefðu komið til forföll vegna
meiðsla. Hann spilaði fyrst með meist-
araflokki Fram 1978, þá 19 ára, og fór í at-
vinnumennsku til Þýskalands 1981. Hann
kom aftur heim 1983, fór aftur til Þýska-
lands 1984 og eftir Ólympíuleikana í Seo-
ul í Suður-Kóreu 1998 lék hann í tvö og
hálft tímabil á Spáni, en varð þá að hætta
vegna meiðsla. Þá tók þjálfaraferillinn
við, hjá körlum og konum bæði heima og erlendis, þar til í fyrra.
Inteam-sports er með nokkra íslenska leikmenn á sínum snærum.
Landsliðsmenn eins og Arnór Atlason, Sverre A. Jakobsson, Björgvin Pál
Gústavsson, Kára Kristjánsson, Bjarka Má Gunnarsson, Ólaf Gústafsson og
Stefán Rafn Sigurmannsson. Í hópi kvenna eru Þorgerður Anna Atladóttir,
Birna Berg Haraldsdóttir og Sunna Jónsdóttir.
Mikil reynsla auðveldar starfið
ATLI HILMARSSON, LEIKMAÐUR, ÞJÁLFARI OG RÁÐGJAFI
Þjálfarinn Atli Hilmarsson