Fréttir - Eyjafréttir - 31.08.2000, Blaðsíða 19

Fimmtudagur 31. ágúst 2000
Fréttir
19
Landssímadeild kvenna: Þór/KA 0 - IBV 7
Stefnan sett á þríðja sætið
ÍBV mætti sameiginlegu liði
Þórs/KA á Akureyri en fyrri leikur
liðanna í Eyjum endaði með aðeins
eins marks sigri IBV og Eyjastúlkur
því við öllu búnar. Stelpurnar
sýndu það í leiknum að þær geta
skorað mörk gegn lakari liðum
enda urðu lokatölur leiksins 0-7, sjö
marka sigur sem hefði jafnvel getað
verið enn stærri.
ÍB V var mun betri aðilinn í leiknum
og kláruðu stelpumar leikinn í fyrri
hálfleik enda var staðan 0-5 þegar
liðin gengu til búningsherbergja í
leikhléi. Ensku leikmennimir vom
áberandi í leik ÍBV, skomðu reyndar
öll mörkin, en fremstar í flokki ÍBV
fóm Samantha Britton, sem skoraði
fjögur mörk ÍBV í leiknum og Karen
Burke sem skoraði tvö.
Nú hefur deildin þróast þannig að
baráttan um meistaratitilinn stendur
milli KR og Breiðabliks, en þær síðar-
nefndu hafa þriggja stiga forystu þegar
tveimur leikjum er ólokið. IBV getur
hins vegar náð þriðja sætinu með því
að sigra í síðustu tveimur leikjum
sínum, að því gefnu að Stjaman tapi
báðum sínum leikjum. Sá möguleiki
er alls ekki svo íjarlægur, Stjaman
þarf að mæta ÍBV á Hásteinsvelli í
næsta leik og svo Breiðabliki í loka-
leiknum, en líklega þurfa Blikastúlkur
að sigra í leiknum til að tryggja sér
titilinn. ÍBV mun hins vegar mæta FH
í Hafnarfirði í síðasta leik en sá leikur
ætti að öllu eðlilegu að vinnast. Þar
með mundi ÍBV ná besta árangri
sínum til þessa en liðið hefur nú þegar
jafnað stigamet sitt í efstu deild sem er
20 stig.
Heimir Hallgrímsson var að vonum
ánægður með sigurinn. Við skomð-
um fljótlega í leiknum og eftir það þá
var þetta engin spuming. Þrátt fyrir að
ensku stelpumar hafi skorað mörkin
þá var ég mjög ánægður með liðið en
samt sem áður hefðum við getað
skorað fleiri mörk í seinni hálfleik.
Það er bara erfitt að halda áfram fullri
keyrslu á svona slökum liðum og því
varð sigurinn fyrir vikið ekki stærri.
Nú setjum við stefnuna á þriðja sætið
og ef við náum góðum úrslitum gegn
Stjömunni á miðvikudaginn (í gær) þá
eigum við góða möguleika á því.“
Úrslit ÍBV og Stjömunnar í Lands-
símadeild kvenna vom ekki kunn
þegar blaðið fór í prentun.
Knattspyrna 3. deild B-riðill: Átta liða úrslit
KFSfcllút
KFS á sér dygga stuðningsmenn sem örugglega mæta til leiks næsta
vor.
Knattspyrna
Bjarnólfur ræðir við ÍBV
KFS féll út úr úrslitakeppni
3.deildar þegar liðið gerði jafntefli í
framlengdum leik, 4 - 4 í seinni leik
sínum gegn Þrótti frá Neskaupstað.
Fyrri leikur liðanna fór fram á
laugardaginn en hann tapaðist 2-3
og því tapaði KFS samanlagt 6-7 í
viðureignum liðanna í 8-liða úr-
slitum 3. deildar.
Fyrri leikur liðanna var góð
skemmtun fyrir íjölmarga áhorfendur
sem fylgdust með leik liðanna. KFS
byrjaði leikinn mjög vel en fyrsta
mark leiksins kom þó ekki fyrr en eftir
tæplega hálftíma leik þegar Magnús
Steindórsson kom KFS yfír eftir
laglegan samleik heimamanna. En lið
gestanna var mjög sterkt, m.a. með
þrjá mjög góða erlenda leikmenn og
náðu þeir að jafna leikinn eftir
vamarmistök KFS. En Oðinn
Sæbjömsson kom KFS aftur yfir með
góðu skallamarki rétt íyrir leikhlé og
staðan því 2-1 fyrir KFS í hálfleik.
Seinni hálfleikur var hins vegar mjög
illa leikinn af hálfu KFS og virtust
leikmenn liðsins missa algjörlega
taktinn. Liðið virkaði þreytt, enda
vom aðstæður mjög erfiðar á Helga-
fellsvellinum og kannski gæði
knattspymunnar eftir því. Gestimir
skomðu tvö heldur ódýr mörk áður en
yfir lauk og tryggðu sér dýrmætan 2-3
útisigur. Handknattleiksmaðurinn
Sigurður Bragason átti stórleik í marki
KFS, varði m.a. vítaspymu en annars
var fátt um fína drætti hjá KFS.
Seinni leikur liðanna fór
fram á þriðjudag fyrir austan og átti
KFS mjög góðan leik. Staðan í
hálfleik var 1-3, Eyjamönnum í vil og
útlitið gott. KFS lék svo einum fleiri
allan seinni hálfleik, en eins og í fyrri
leiknum þegar KFS-menn vom einum
fleiri bættu Þróttarar við marki og
staðan eftir 90 mfnútna leik því 2-3 og
staðan því jöfn í einvígi liðanna. Þá
varð að grípa til framlengingar þar
sem heimamenn skomðu tvö mörk á
meðan KFS skoraði eitt og þar með
komust Austfirðingar áfram. Hjalti
Kristjánsson sagði eftir leikinn að
þrátt fyrir að vera úr leik þá væri hann
nokkuð sáttur við tímabilið. „Maður
er náttúmlega miður sín eftir að hafa
komist svo nálægt því að komast
áfram en það verður ekki sagt annað
en að leikmenn KFS hafi verið að
standa sig frábærlega í leiknum. Við
réðum leiknum lengst af, komumst
yfir eftir aðeins tvær og hálfa mínútu
og emm yfir í hálfleik 1-3. Við
spiluðum einum fleiri hluta úr fyrri
hálfleik og út leikinn en það virtist
bara efla heimamenn. Þróttarar em
með mjög gott lið og þar innanborðs
einn Júgóslava sem að mínu mati er
að leika í vitlausri deild. Þetta er í
fyrsta skipti sem við spilum í úrslitum
þannig að við verðum að nýta okkur
þessa reynslu næsta sumar. Það góða
við það að hafa unnið leikinn sjálfan
er að þar með komumst við í
deildarbikarkeppni KSI og fáum þar
góða æfingaleiki fyrir næsta sumar.“
Mörk KFS: Sindri, Lúðvík, Heimir
og Þorsteinn.
Heyrst hefur að Bjarnólfur Lárus-
son atvinnumaður í knattspyrnu sé
á leiðinni heim og ætli að spila með
IBV á næsta tímabili.
„Eg vil nú sem minnst segja um
það hvort ég sé á leiðinni heim ttl Eyja
eða ekki en ég neita því ekki að ég hef
haft samband við þá með það í huga
að spila með IBV næsta sumar. Fyrir
mér er þetta aðeins einn af þeim
möguleikum sem ég hef í stöðunni og
ég er að velta þessum hlutum fyrir
mér eins og er. En ég vil bara taka
það fram að það hefur ekki verið
skrifað undir neitt ennþá, þetta em enn
sem komið er bara viðræður sem em á
fmmstigi."
Asmundur Friðriksson formaður
knattspymudeildar ÍBV neitaði því
ekki að Bjamólfur hefði haft samband
við þá. „Það er rétt að Bjamólfur
hefur haft samband við okkur en eins
og staðan er núna þá er ekkert fast í
hendi með það. En við emm að
sjálfsögðu reiðubúnir að ræða við
hann og fögnum því að hann vilji
koma heim til Eyja en eins og ég segi
þá er þetta allt á frumstigi og ekkert
hægt að segja meira um málið.“
Evrópukeppnin
Úr leik
ÍBV lék síðari leikinn í Evrópu-
keppni félagsliða þegar liðið mætti
Hearts á heimavelli Skotanna
síðastliðinn fimmtudag. Ljóst var
fyrir leikinn að möguleikar ÍBV á
áframhaldandi þáttöku f keppninni
voru litlir sem engir, enda tapaðist
heimaleikurinn 0-2 og ólíklegt að
IBV tækist að vinna það upp í
Skotlandi.
En leikmenn ÍBV hrifu u.þ.b. 10
þúsund skoska áhorfendur með sér
með mikilli baráttu allan leikinn og
þrátt fyrir að vera 3-0 undir þá hélt
liðið áfram að beijast og sækja að
Skotunum. Því miður tókst liðinu
ekki að skora en með smá heppni
hefði ÍBV getað skorað eitt til tvö
mörk í leiknum.
Knattspyrna: Yngri flokkarnir
Annar flokkur vann KR
Annar flokkur karla er sá flokkur
í yngri flokkum drengja IBV sem
heldur uppi heiðri Eyjanna. Liðið
er í harðri sex liða baráttu um
Islandsmeistaratitilinn ásamt því
að vera í undanúrslitum bikar-
keppninnar.
Liðið mætti KR í Frostaskjóli á
þriðjudaginn og var um hörkuviður-
eign að ræða, enda KR í þriðja sæti
með 21 stig fyrir leikinn en IBV í því
fimmta með 19 stig. En strákamir
mættu mjög ákveðnir til leiks og
komust fljótlega yfir. KR náði þó að
jafna fyrir leikhlé en aftur komust
Eyjapeyjar yfir. KR-ingar neituðu að
gefast upp og jöfnuðu aftur, 2-2 en
síðustu 25 mínútumar léku Eyja-
peyjar eins og þeir gera best og
uppskám góðan útisigur á KR. 2-4 og
em þar með komnir í annað sætið,
aðeins þremur stigum á eftir efsta
liðinu, Keflavík.
Þriðji flokkur karla er fallinn niður
úr A riðli en liðið var fallið áður en
að leik þess gegn sameiginlegu liði
Keflvíkinga og Njarðvíkinga kom.
Leikurinn fór fram á sunnudaginn og
áttu leikmenn ÍBV erfitt uppdráttar í
leiknum enda vom strákar úr Ijórða
flokki áberandi í byrjunarliðinu.
Leikurinn endaði með 0-2 sigri gest-
anna. ÍBV hefur ekki enn tekist að
vinnaleik en gert þrjú jafntefli.
Annar flokkur kvenna lék gegn
Þór/KA á sunnudagsmorguninn og
léku Eyjastúlkur á als oddi í leiknum.
Gestimir komust nánast ekkert
áleiðis gegn IBV og var staðan í
hálfleik 4-0 fyrir ÍBV. Stelpumar
bættu við tveimur mörkum áður en
yfir lauk en síðasta orðið áttu
gestimir sem náðu að skora eitt mark.
Lokatölur urðu því 6-1 fyrir IBV og á
liðið nú ágætis möguleika á að enda
tímabilið í öðm sæti.
Mörk ÍBV: Kelly 2, Ásta Hrönn 2,
Ema og Berglind.
Stelpumar í 4. flokki kv. hafa lokið
keppni í sumar, úrslitin fóm fram
helgina 19.-20. ágúst á Selfossi. B-
liði fór í úrslitin en A liðið sat eftir í
fjórða sæti síns riðils.
B-liðið lenti í riðli með Fylki og
Þór Akureyri, leikurinn tapaðist á
móti Fylki enn svo unnu þær Þór Ak
2-1 í hörku leik sem var í rauninni
aldrei í hættu þótt úrslitin segi
kannski annað. Þær spiluðu svo um
3.-4. sætið við Breiðablik, eitt
sterkasta lið á landinu og sá leikur
tapaðist þar sem UBK stelpumar
höfðu allan leikinn í höndum sér
þannig að 4 sætið varð ÍBV-
stelpnanna.
Siggi Braga íVíking
Heyrst hefur að Sigurður Bragason,
handknattleiksmaður, sé að íhuga
að ganga til liðs við Víking, en
Víkingur spilar í 2. deildinni í vetur
enda féll liðið síðasta tímabil.
Sigurður er í námi í Reykjavík og
var það reyndar líka síðasta tímabil
en spilaði þá með ÍBV. „Ég reyndi
þetta í fyrra en það er bara svo erfitt
að maður nær engum árangri sem
leikmaður með svona fyrirkomu-
lagi. Það er reyndar ekki alveg á
hreinu að ég spili með Víking,
Fram er líka inni í myndinni en
líklega mun ég spila með Vík-
ingum “
Andrea ekki með í
vetur
Handknattleikskonan Andrea Atla-
dóttir hefur ákveðið að leggja skóna
á hilluna en eins og allir vita gekk
hún til Iiðs við ÍBV, eftir áralanga
fjarvem, í fyrra og var einn sterkasti
hlekkur liðsins þegar á leið.
Guðbjörg Guðmannsdóttir, Hind
Hannesdótúr, Anita Andreassen og
Mette Einarsen eru líka famar og
eins og allir sjá þá mega fá lið við
að missa jafn sterka leikmenn og
þessa. Það er því allt útlit fyrir að
veturinn eigi eftir að verða liðinu
mjög erfiður.
Handboltafólkið
komið heim fró
Spóni
Eins og undanfarin ár fór
handknattleiksfólk ÍBV í æfinga-
ferð suður á bóginn til að stilla
saman strengina fyrir komandi átök.
Þetta árið var haldið til Spánar þar
sem bæði meistaraflokkur karla og
kvenna æfði og keppti við mjög
góðar aðstæður.
Sex Eyjamenn í
landsliðinu
Þorbjöm Jensson hefur nú valið 17
manna æfingahóp fyrir Heims-
meistarakeppnina sem fram fer í
Frakklandi í sumar, en landsliðið
mun spila nokkra æfingaleiki gegn
liðum af höfuðborgarsvæðinu í
vikunni. I hópnunt eru hvorki fleiri
né færri en sex Eyjamenn, þar af
tveir sem spila með IBV. Þeir em
Guðfinnur Kristmannsson, Erlingur
Richardsson, Amar Pétursson,
Gunnar Berg Viktorsson, Sebastian
Alexandersson og Birkir ívar
Guðmundsson.
Framundan
Sunnudagur 3. september
Kl. 14.00 FH-ÍBV Landssímadeild
kvenna
Kl. 14.00 2. flokkur karla undan-
úrslit bikarsins
Mánudagur 4. september
Kl. 17.30 ÍBV-KR 2. fl. kvenna.
Úrslit bikarsins fara fram á Hvols-
velli.
Þriðjudagur 5. september
Kl. 17.30 ÍBV-Fylkir Undanúrslit
Coca Cola-bikarsins
Fimmtudagur 7. september
Kl. 18.00 ÍBV-Fylkir 2. fl. karla