Fréttir - Eyjafréttir - 13.02.2003, Blaðsíða 17

Fimmtudagur 13. febrúar 2003
Fréttir
17
Bréf til félagsmálaráðuneyiisins vegna Þróunarfélagsins:
Hver fékk að sjá bréfið?
-var helsta deilumál meiri- og minnihlutans sem neitar að hafa séð lokaútgáfuna sem
var þó send með rafpósti til eins fulltrúans
Svarbréf Vestmannaeyjabæjar til
félagsmálaráðuneytisins vegna Þró-
unarfélagsins var lagt fram á fundi
bæjarráðs á mánudag.
Stefán Jónasson (V) óskaði eftir að
bóka eftirfarandi: „Vakin er athygli á
að hér er um að ræða svarbréf meiri-
hlutans. Svör bæjarfulltrúa Vest-
mannaeyjalistans hafa verið send
ráðuneytinu sérstaklega."
Guðjón Hjörleifsson (D) og Andrés
Sigmundsson (B) bókuðu á móti að
svörin sem send voru væru svör
bæjarstjóra íyrir hönd Vestmannaeyja-
bæjar. Ennfremur segir: „Á síðasta
fundi var tekið að hluta tillit til athuga-
semda fulltrúa Vestmannaeyjalistans
og honum sent bréfið fullgert áður en
það var sent til ráðuneytisins. Fulltrúar
V-listans geta ekki bæði beðið um
breytingar á bréfi til ráðuneytisins svo
og senda síðan sérálit og ekki kannast
við aðkomu sína að bréfi sem
bæjarstjóri sem embættismaður hefur
sent ráðuneytinu og kynnti á síðasta
bæjarráðsfundi. Vinnubrögð V-listans
í þessu máli dæma sig sjálf." Stefán
vísaði í fyrri bókun sína.
I bréfinu til ráðuneytisins er farið
yfir málefni Þróunarfélags Vest-
mannaeyja og segir m.a. að frá
stofnun hall félagið verið rekið sem
stjálfstæð rekstrareining og vísað til
laga um stofnanir sveitarfélaga.
Upphaflega var ÞV í 80% eigu bæjar-
ins en við sölu Bæjarveitna Vest-
mannaeyja minnkaði hlutfallið niður í
60%. I dag eru Vestmannaeyjabær og
stofnanir hans aftur komin í 80%
eignarhlut eftir að samkomulag var
undirritað milli Hitaveitu Suðumesja
og bæjaryfirvalda. í bréfinu segir að
Vestmannaeyjabær sé að endurskoða
allan rekstur Þróunarfélagsins enda
hafi starfsgrundvöllur þess breyst á
undanfömum mánuðum.
„Varðandi frágang ársreikninga
félagsins í framtíðinni er það atriði því
með öllu óljóst, því ekki liggur fyrir
hvort félagið verður starfandi sjálfstætt
í breyttri mynd eða verði lagt niður og
rekin skrifstofa hjá aðalsjóði. Þær
upplýsingar munu berast ráðuneytinu
um leið og sú ákvörðun liggur fyrir
sem væntanlega mun verða í febrúar-
mánuði í tengslum við gerð fjárhags-
áætlunar. Því munu upplýsingar um
önnur atriði þessa liðar liggja fyrir í
kjölfar þeirrar ákvörðunar."
Bókhald félagsins fyrir síðasta ár er
tilbúið samkvæmt bréfinu og verður
lagt fram um leið og ársreikningar
Vestmannaeyjabæjar fyrir árið 2002.
Ráðuneytið spurði hvort bæjaryfirvöld
teldu heimild fyrir veitingu ábyrgða
vegna Þróunarfélagsins og er því
svaraðjátandi íbréfinu. „Þróunarfélag
Vestmannaeyja er í meirihlutaeign
Vestmannaeyjabæjar og er því eins og
áður hefur komið fram, sjáfstæð
rekstrareining sveitarfélagsins."
I lok bréf ráðuneytisins eru rakin
nokkur atriði sem óskað er eftir frekari
upplýsingum um og vildi Vest-
mannaeyjabær koma nokkmm
atriðum á framfæri. „Rétt er það sem
kemur fram í bréfi ráðuneytisins að
ágallar hafi verið í fundargerðum
félagsins. Þeim ágöllum var hins
vegar bætt úr um leið og þeir komu í
Ijós og voru fundargerðir færðar sem
láðst hafði að færa inn í fundar-
gerðabókina. Allir stjórnarmenn utan
eins hafa ritað undir þær fundar-
gerðir."
Segir líka í bréfinu að ekki sé
ágreiningur meðal eigenda félagsins
um skuldbindingar þess. „Innan
bæjarstjómar Vestmannaeyja, sem er
einn eigenda, hefur verið ágreiningur
um einstakar ákvarðanir og hefur
afstaða bæjarstjómarmanna tekið mið
af skoðunum hvers og eins bæjarfull-
trúa. Meirihluti bæjarstjórnar, sem
einn eigandi Þróunarfélagsins, hefur
ítrekað staðfest ákvarðanir og skuld-
bindingar Þróunarfélags Vestmanna-
eyja gagnvart samningsaðilum sínum
þannig að ekki er deilt um meðal
eigenda Þróunarfélagsins hverjar
skuldbindingar félagsins era.“
Að lokum er bókhaldsmálið rakið
þar sem stór hluti bókhaldsins tapaðist
í meðför fyrrverandi framkvæmda-
stjóra félagsins. Rakin er sagan og
hvemig tókst að ná að rekja allar
færslur til baka þannig að endur-
skoðendur töldu fullnægjandi grein
gerða fyrir öllum fjárreiðum ÞV.
„Vestmannaeyjabær áskilur sér rétt
til að tjá sig frekar um önnur atriði
sem talin er þörf á að upplýsa ráðu-
neytið frekar um við meðferð
málsins."
Undir bréfið skrifar svo Ingi
Sigurðsson bæjarstjóri. Bréf bæjar-
fulltrúa Vestmannaeyjalistans verður
væntanlega lagt fyrir fund bæjarráðs
nk. mánudag.
Fengum ekki að sjá bréfið
Stefán Jónasson bæjarfulltrúi Vest-
mannaeyjalistans segir rangt að full-
trúar þeirra hafi fengið að sjá bréfið
áðuren það fór til ráðuneytisins. „Eins
og bókað var á fundi bæjarráðs 3.
febrúar sl. voru drögin send til yfir-
lestrar en það er ekki rétt að við höfum
fengið að sjá bréfið fullbúið áður en
það fór í ráðuneytið."
Andrés Sigmundsson bæjarfulltrúi
Framsóknarflokksins og formaður
bæjarráðs segir það ekki rétt að bæjar-
fulltrúar V-listans hali ekki fengið að
sjá bréfið. „I fyrsta lagi fómm við vel
yfir drög að bréfinu lið fyrir lið á
bæjarráðsfundi 3. febrúar. Þá tókum
við til greina margar athugasemdir frá
fulltrúa minnihlutans. Hún bað um
fundarhlé þá og fór fram til að hringja
í ráðgjafa sína varðandi Þróunar-
félagið, þannig að þau fengu svo
sannarlega að koma sínu að. I öðm
lagi þætti mér voða gott ef þau kæmu
málum þannig fyrir að venjulegt fólk
skilji hvert þau em að fara. Fyrst
agnúast þau út í Þróunarfélagið og svo
vilja þau endurvekja það. Núna senda
þau sitt eigið bréf eftir að hafa komið
sjónarmiðum sínum á framfæri í bréfi
bæjarstjórans. Ég tel að Ingi Sigurðs-
son bæjarstjóri eigi þetta ekki skilið frá
fulltrúum minnihlutans."
Ingi Sigurðsson staðfesti í samtali
við Fréttir að bréfið var sent til Guð-
rúnar Erlingsdóttur í gegnum tölvu-
póst áður en það fór í félags-
málaráðuneytið. Ingi lagði það fram
með þeim breytingum sem komu fram
á fundi bæjarráðs fyrr um daginn. Ingi
sendi fjóruin bréfið kl. rétt rúmlega
ellefu um kvöldið og þar á meðal á
netfang Guðrúnar.
Hún sagði að það hafi komið skýrt
fram í bókunum í bæjarráði 3. febrúar
s.l. að bæjaifulltrúar Vestmannaeyja-
listans hefðu ekkert meira um bréfið
að segja.
„Það er rétt sem komið hefur fram
að Ingi sendi bréfið til mín með
tölvupósti milli kl. 23.00 og 24.00 á
mánudagskvöldið. Við erum ekki á
vakt allan sólarhringinn við tölvuna
að kanna póst, enda hefði það engu
máli skipt hvenær bréfið barst, það
sem við erum að ósátt við er að tillit
var tekið til sumra ábendinga frá V-
listanum en ekki margra þeirra
ábendingasem skiptu miklu máli. Við
töldum það sjálfsagaðan rétt að fá að
gera breytingar á bréfinu og fyrst
veigamikil atriði að okkar mati voru
ekki tekin til greina völdum við þann
kost að senda það sem á vantaði til
ráðuneytisins Hvort við sáum bréfið
áður en það fór í ráðuneytið eða ekki
skiptirengu, menn voru búnir að loka
málinu f bæjarráði seinnipartinn á
mánudaginn."
Vel heppnuð Útivistarferð til Eyja:
Gladdi mitt gamla Eyjahjarta hvað fólkið var ánægt
-og margir vilja koma aftur hingað að sumri til, sagði Fríða Hjálmarsdóttir fararstjóri
Tæplega sextíu félagar í Utivist
komu í heimsókn til Eyja uni þar
síðustu helgi. Fólkið kom með
Herjólfi á fóstudegi og dvaldi hér
fram á sunnudag. Haldið var í
göngu um eyjuna á laugardeginum
en fararstjóri var Fríða Hjálmars-
dóttir, en hún er fædd og uppalin í
Eyjum. Hópurinn var ánægður
með dvölina hér og móttökurnar
og Fríða segir þær stórkostlegar.
„Félagar úr Svarta genginu tóku á
móti okkur þegar við komum og
keyrðu okkur og farangrinum á
áfangastað. Gistiaðstaðan er mjög
góð bæði hjá Ellu á Heimi og
Hreiðrinu sem Sigurgeir og Rut reka,
nánar tiltekið á Hrafnabjörgum við
Hásteinsveg. Hópurinn gekk um
eyjuna á laugardeginum, m.a. út á
Skans þar sem Stafkirkjan og
Landlyst voru skoðuð. Sumir fóru
upp á Eldfell, það var misjafnt hversu
langt fólk fór, allt eftir aðstæðum en
veðrið hefði mátt vera betra. Það var
samt allt í lagi og gaman að það
skyldi vera snjór. Margir notuðu
tækifærið og skoðuðu miðbæinn og
það var góður rómur gerður að
veitingastöðum í bænum, bæði
Lantemu og Café Maríu."
Hugmyndin að ferðinni hingað áttu
Guðfinnur Pálsson, rekstrarstjóri
Friða Hjálniarsdóttir, fararstjóri, segir félögum Útivistar frá atburðum sem tengjast Skanssvæðinu.
A myndinni má einnig sjá Sigurstein Oskarsson en hann aðstoðaði Fríðu við leiðsögnina.
Samskipa í Eyjum, en hann er fyrr-
verandi framkvæmdastjóri Útivistar
og Árni Jóhannsson, formaður
félagsins. „Um kvöldið var frábært
þorrablót en þetta er ljölmennasta blót
sem ég man eftir frá því ég fór að
ferðast með félaginu eða í um það bil
tuttugu og fimm ár. Á sunnudeg-
inum fórum við út í Kaplagjótu og
skoðuðum Fiskhella og fleira. Það
gleður mitt gamla Eyjahjarta hvað
fólkið var ánægt og margir vilja koma
aftur hingað að sumri til. Við hjá
Útivist erum þakklát öllum sem tóku
á móti okkur og^ ég vil sérstaklega
nefna Sigurstein Oskarsson og Sigurð
Georgsson sem skipulögðu gönguna
með okkur og voru ómetanlegir f allri
sinni aðstoð,“ segir Fríða en a.m.k.
tvær ferðir verða famar hingað á
vegum Útivistará næsta ári.
Útivistarfélagar gengu um nýja hraunið og skoðuðu m.a. rústir
húsa sem stóðu við Urðaveg.