Frúin - 01.02.1963, Blaðsíða 18

„Litlu systur Jesú" búa á þriðju hœð. Þœr eru kaþólskar nunnur og
hafa útbúið örlítið klaustur í verksmiðjuhverfinu fyrir austan Akurs-
elfu í Osló.
-----------------------------------------------------------------------------
síðan í vinnuna. Blaðamaðurinn fékk
systurnar þrjár til að leyfa sér að
fara með þeim á fund Pater Raulin,
sem er ábóti í Dominika-klaustrinu.
Pater Raulin er hár maður, dökkur
yfirlitum, í hvítri hempu með rósa-
kraga um hálsinn. Hann fékk okkur
bækur og ritlinga um stofnanda
hreyfingarinnar Charles de Fou-
could.
— „Litlu systur Jesú“ eru mjög
hógværar og kyrrlátar í starfi sínu,
sagði hann. Þær eru hræddar við að
þær kunni ekki norsku nógu vel til
þess að efna klausturheit sitt. Klaust-
ur er annars lokaður félagsskapur,
einangraður frá umheiminum. En
litlu systur Jesú og litlu bræður Jesú,
eða smásysturnar og smábræðurnir,
eins og þau eru venjulega kölluð,
fara út í heiminn, meðal fólksins, í
smáhópum.
Þau vinna líknarverk sín meðal
fátækra og sjúkra. Þau taka þátt i
lífsbaráttunni meðal fátækasta fólks-
ins.
Takmarkið er að deila kjörum með
þeim fátækustu og létta þeim lífið.
Starf þeirra er ekki heldur fólgið í
prédikun eða vitnunum. Þau vígja
líf sitt guði með starfi sínu og hegð-
un. Hugmyndina að þessu klaustur-
lífi, sem ef til vill á eftir að hafa
mikil áhrif á klausturreglur kaþólsku
kirkjunnar, á franskur liðsforingi,
fæddur 1858. Hann lifði léttúðugu
lífi þar til hann varð þrítugur að
aldri en breytti líferni sínu og gerð-
ist sanntrúaður, varð munkur og tók
síðar prestvígslu og yfirgaf klaustr-
ið. Hann hóf starf sitt í Afríku, með-
al fáfækra. Kristur, hinn fátæki
meðal hinna fátæku, var fyrirmynd
hans. „Ég fann mig ekki kallaðan
til að líkjast honum í lífi hans og
starfi, ég gat ekki prédikað, en ég
fann mig knúinn til að lifa hinu auð-
mjúka lífi, sem timburmannssonur-
inn í Nazaret lifði,“ skrifaði hann. í
bæn, vinnu og hjálparstörfum lifði
hann meðal íbúanna í bænum Tam-
anrasset, sem er i hinum brennheita
fjallgarði Hoggar í Afríku. íbúarn-
ir litu á hann sem vin og heilagan
mann, en enginn snerist til hans trú-
ar. Árið 1916 var hann drepinn af
herskáum flokki innfæddra manna.
Hann lifði það ekki að sjá ósk sína
eða áform rætast, en árið 1930 var
hugmynd hans tekin upp að nýju og
árið 1939 var smásystrareglan stofn-
uð og í dag eru smásystur starfandi
í flestum löndum heims. „Jesú litlu
systur“ hafa sitt eigið tákn eða
merki. Það er rautt hjarta, sem rauð-
um kross er stungið í. Merkið stóð
á dyrum þeirra. Myndu þær taka á
Charles de Foucauld var liðsforingi,
en gerðist munkur og starfaði meðal
innfæddra í Sahara-eyðimörkinni.
Hann stofnsetti smásystraregluna.
móti blaðamanni og ljósmyndara?
Dyrnar vo'ru opnaðar vinsamlega
fyrir okkur báðum. Við vorum boðn-
ir inn í lítið, hvítþvegið eldhús.
Systurnar tóku brosandi á móti
okkur. Merki hreyfingarinnar var
saumað á ljósbláu, víðu og síðu,
dragtirnar þeirra. Franskur hreimur
var á norskunni þeirra.
Smásysturnar spurðu um erindi
okkar og þegar þær heyrðu að við
höfðum verið hjá Pater Raulin og
fengið allt að vita um hreyfinguna
og Charles de Foucauld, „Jesú litla
bróður“, sögðu þær að hann væri
það mikilvægasta, þær væru einskis
virði.
— En gjörið svo vel að koma inn
og fá ykkur sæti.
Systurnar höfðu sett skilrúm í
þetta eina herbergi íbúðarinnar, svo
að það var í senn stofa, kapella og
svefnherbergi. Bak við blátt forhengi
var kapellan. Minni kirkja mun ekki
vera til í Noregi. Samt sem áður var
hún hátíðleg og fögur.
Systurnar höfðu skreytt hana með
höndum kærleikans, saumað altaris-
klæði og messuhökul, þær höfðu prýtt
hana blómum og ljósum í fallegum
stjökum.
Svefnherbergið fengum við ekki
að sjá, en „stofan“ var heldur minni
en kapellan og var hún máluð í
mildum, ljósrauðum lit.
— Við höfum málað hana sjálfar,
í Noregi mála allir sjálfir, sögðu syst-
urnar.
Systurnar voru mismunandi, bæði
í útliti og aldri. í huganum skýrð-
um við þær: „Stóru systur“, „Milli-
systur“ og „Litlu systur“. „Stóra syst-
ir“ heitir (hún skrifaði sjálf nöfn
þeirra með blokkstöfum, í vasabók
okkar): „Litla systir“ Andrée Made-
leive de Jesus. Hún er frá Norður-
Frakklandi og hefur verið systir í
reglunni í 8 ár, þar af 6 i Noregi.
Hún vinnur í verksmiðju hálfan dag-
inn því að hún er húsmóðir og hús-
bóndi á heimili þeirra systranna.
„Millisystir“ heitir: Litla systiir
18
FRÚIN