Fréttablaðið - 19.07.2013, Side 2

19. júlí 2013 FÖSTUDAGUR| FRÉTTIR | 2
UMHVERFISMÁL Lundaveiðar
hefjast í Vestmannaeyjum í dag
eftir tveggja ára hlé. Bæjar-
stjórnin samþykkti í gær að
veiða mætti í fimm daga frá og
með deginum í dag. Veiðitíma-
bilið var 55 dagar á árum áður.
Georg Arnarsson, sem veitt
hefur lunda í 35 ár, fagnar
ákvörðuninni þótt hann segist
helst hafa viljað veiðidaga í
ágúst líka. Algjör forréttindi séu
að geta setið úti í náttúrunni og
háfað sér nokkra fugla í soðið.
„Ég heyri á öðrum veiði-
mönnum að Eyjamenn eru
þegar byrjaðir að hringja og
kvabba um hvort þeir geti ekki
reddað nokkrum fuglum. Lund-
inn er ekki bara eign þeirra sem
veiða hann og ég hef fyrir mitt
leyti sagt við fólk að ég gefi því
kannski smakk ef það kemur
í tjaldið hjá mér á þjóðhátíð,“
segir Georg.
Harðar umræður urðu um
málið á bæjarstjórnarfundinum.
Bæjarfulltrúar V-lista kváðust
harma ákvörðun meirihluta
sjálfstæðismanna. Við Frétta-
blaðið segist Kristín Jóhanns-
dóttir, úr V-listanum, treysta
mati sérfræðinga Náttúrustofu
Suðurlands og margra annarra
sérfróðra sem telja viðkomu
lundastofnsins of litla til þess að
tímabært sé að taka veiðarnar
upp. Á bæjarstjórnarfundinum
benti hún á að hægt væri að
halda í hefðir með því að veiða
lundann en merkja hann síðan
og sleppa.
Að sögn Kristínar segja þeir
sem mæla með veiðunum að
lundaveiðimenn muni taka tillit
til stöðunnar og gæta hófs. „Það
á auðvitað við um marga þeirra
en ég hef samt áhyggjur að
það séu ekki allir jafn ábyrgir.
Mér finnst í góðu lagi að menn
borði eitthvað annað en lunda á
þjóðhátíð,“ segir Kristín.
Eins og bæjarfulltrúar meiri-
hluta Sjálfstæðisflokks er Georg
ekki sammála mati Náttúrustofu
Suðurlands á stöðu lundastofns-
ins. Mikið sé af fugli.
„En þó að stofninn sé gríðar-
lega sterkur er maður uggandi
yfir hvernig nýliðunin hefur
verið í pysjunni. Ég ætla að
skreppa og ná mér í soðið en
bara ef ég sé að það er ungfugl
og gott flug og ástandið í lagi.
Ef það er lélegt ástand þá fer ég
ekki í veiði,“ segir Georg Arnar-
son. gar@frettabladid.is
Eyjamenn veiða lunda
eftir bann í tvö sumur
Meirihlutinn í bæjarstjórn Vestmannaeyja samþykkti í gær að heimila lundaveiðar
í fimm daga frá og með deginum í dag. Náttúrustofa Suðurlands mælti gegn veið-
unum sem legið hafa niðri í tvö ár vegna lélegrar nýliðunar í lundastofninum.
STOFNINN STERKUR Georg Arnarson telur lundastofninn gríðarsterkan en kveðst
uggandi yfir nýliðuninni. MYND/ÓSKAR P. FRIÐRIKSSON
DÓMSMÁLIÐ ÞINGFEST Í GÆR Daníel Isebarn, lögmaður Stúdentaráðs (t.v.), Sigur-
björn Magnússon, lögmaður LÍN, og Einar Karl Hallvarðsson, lögmaður ríkisins, í
Héraðsdómi í gær. FRÉTTABLAÐIÐ/DANÍEL
DÓMSMÁL Stúdentaráð hefur nú höfðað mál gegn Lánasjóði íslenskra
námsmanna og íslenska ríkinu vegna breytinga á úthlutunarreglum
sjóðsins. Málið var þingfest í Héraðsdómi í gær.
Samkvæmt nýjum reglum munu námsmenn þurfa að sýna fram á 73
prósenta námsframvindu, frá og með 1. september, til þess að fá lán
frá sjóðnum. Áður var krafist 60 prósenta námsframvindu.
Stúdentaráð fer fram á að úthlutunarreglurnar verði dæmdar
ógildar, meðal annars vegna of skamms fyrirvara. „Breytingarnar
teljum við bæði ómálefnalegar og ólöglegar. Það verða væntanlega
hundruð nemenda sem missa rétt sinn til námslána og flosna upp úr
námi í kjölfarið,“ segir Daníel Isebarn, lögmaður Stúdentaráðs. - le
Stúdentaráð höfðar mál gegn LÍN og íslenska ríkinu:
Hundruð missa rétt sinn til láns
Sigurður, eru spellvirkjarnir
búnir að skáka ykkur?
„Þeir halda það en gera sér ekki
grein fyrir að við erum að spila
damm.“
Spellvirkjar hafa valdið skemmdum á
skúlptúr sem Sigurður Arent Jónsson og tveir
aðrir hönnuðu. Skúlptúrinn er á Bernhöfts-
torfunni þar sem menn spiluðu gjarnan skák
á árum áður.
Mér
finnst í góðu
lagi að menn
borði eitthvað
annað en
lunda á
þjóðhátíð.
Kristín Jóhannsdóttir
bæjarfulltrúi V-lista
TRÚMÁL Stuðningsfólk Gunnars í
Krossinum telur að hann eigi að
hefja störf á ný hjá söfnuðinum sem
fyrst, samkvæmt yfirlýsingu sem
send var út í gær.
Árlegur aðalfundur Krossins var
haldinn 3. júní síðastliðinn en þar
átti að skipa í nýja stjórn.
Á fundinum voru stuðningsmenn
Gunnars í miklum meirihluta en
núverandi stjórn og stuðningsmenn
hennar voru með umboð frá öðrum
safnaðarmeðlimum sem treystu sér
ekki á fundinn.
Vegna deilu
u m lög mæti
umboðanna í
kosningunni
leystist fundur-
inn upp og urðu
safnaðarmeðlim-
ir afar heiftugir
samkvæmt heim-
ildum Frétta-
blaðsins. Kallað
var til lögreglu sem batt enda á
upplausnarástand á fundinum.
Ekki hefur enn verið haldinn
aðalfundur hjá Krossinum í ár.
Samkvæmt samþykktum safnaðar-
ins á fundurinn að vera haldinn í
apríl ár hvert eða eftir ákvörðun
stjórnar.
Í yfirlýsingu krefst stuðnings-
hópurinn þess að núverandi stjórn
Krossins víki eða boði til nýrra
kosninga strax.
„Við viljum Gunnar Þorsteins-
son aftur sem leiðtoga kirkjunnar
enda aldrei orðið vör við neitt ósið-
legt í hans fari. Við teljum ásakanir
þeirra kvenna sem báru á hann
sakir rökleysu og að þær snúist um
völd og yfirráð í kirkjunni,“ segir í
yfirlýsingunni.
Sigurbjörg Gunnarsdóttir, núver-
andi forstöðumaður Krossins og
dóttir Gunnars, segir að málið sé
í skoðun og verið sé að kanna lög-
mæti kosninganna. „Þegar ferlinu
lýkur verður boðað til fundar
og kosið um nýja stjórn,“ segir
Sigurbjörg og fullyrðir að málið
snúist ekki um valdabaráttu við
föður sinn.
- le
Óformlegur stuðningshópur Gunnars telur ásakanir um kynferðisbrot rökleysu og snúast um völd:
Vilja fá Gunnar í forystu Krossins á ný
GUNNAR
ÞORSTEINSSON
DÓMSMÁL Hæstiréttur staðfesti í
gær úrskurð Héraðsdóms Vestur-
lands um að karlmaður sem grun-
aður er um kynferðisbrot gegn
tveimur stúlkum skuli sæta far-
banni til 19. september.
Sýslumaðurinn á Akranesi ósk-
aði eftir farbanninu þar sem rann-
sókn er enn í gangi í þeim tilgangi
að tryggja nærveru mannsins á
landinu þar sem hann liggur undir
rökstuddum gruni um brot.
Meint brot eiga að hafa hafist
árið 2007 og staðið fram á mitt
sumar 2012. Í öðru málinu barst
kæra frá barnavernd en í hinu frá
föður stúlkunnar. - le
Úrskurðaður í farbann:
Ásakaður um
kynferðisbrot
LÍBANON, AP Leila Zerrougui,
fulltrúi Sameinuðu þjóðanna gagn-
vart börnum og stríðsátökum,
segir að stríðsátökin í Sýrlandi
hafi lagt líf fjölmargra barna í
rúst. Hún hefur verið í Sýrlandi
undanfarna daga og einnig heim-
sótt flóttamannabúðir í nágranna-
ríkjunum.
Í gær átti hún fund í Líbanon
með fulltrúum bæði sýrlenskra
stjórnvalda og uppreisnarmanna.
Þar sagði hún að þegar stríðinu
lýkur þá „þurfið þið að takast á við
heila kynslóð barna sem hafa misst
af bernsku sinni, sem verða bæði
full haturs og ólæs“. - gb
Áhrif stríðs á börn í Sýrlandi:
Verða ólæs og
full heiftar
SJÁVARÚTVEGUR Þvingunaraðgerðir
Evrópusambandsins (ESB) í formi
löndunarbanns á makríl og skyldum
afurðum hefðu lítil sem engin
áhrif á íslensk útgerðarfyrirtæki.
Stærstur hluti aflans frá Íslandi er
seldur til ríkja utan ESB, þá aðal-
lega Rússlands og Nígeríu.
Ágreiningur Íslands, Noregs og
ESB um hlutdeild í makrílstofninum
hefur staðið yfir í fjögur ár án
niðurstöðu.
Samkvæmt skýrslu sjávarútvegs-
og landbúnaðarráðuneytisins hefur
makríll komið eins og himnasend-
ing inn í íslenskt efnahagslíf og
námu tekjur þjóðarbúsins af fisk-
tegundinni 24,5 milljörðum króna
árið 2011 og 26 milljörðum króna
árið 2012.
Evrópuþingið samþykkti í fyrra
reglugerð um aðgerðir gegn ríkjum
sem stunda ósjálfbærar veiðar á
fisktegundum sem deilt er um, þar
á meðal makríl. Mikill þrýstingur
er á sjávarútvegsstofnun ESB um að
beita þessari reglugerð.
Iceland Seafood er einn stærsti
endursöluaðili makríls á Íslandi og
telur Friðleifur Friðleifsson, fram-
kvæmdastjóri sölusviðs fyrirtæk-
isins, að löndunarbann á makríl
myndi lítil sem engin áhrif hafa á
sölu makríls.
„Við seljum nánast ekki neitt af
makríl til ríkja Evrópusambands-
ins og því hefði bannið engin áhrif,“
segir Friðleifur.
- þþ
Löndunarbann á makríl hefði lítil sem engin áhrif á íslensk útgerðarfyrirtæki:
Aðgerðir ESB hafa engin áhrif
MAKRÍLLINN HIMNASENDING Makríllinn hefur góð áhrif á þjóðarbú Íslendinga.
FRÉTTABLAÐIÐ/ÓSKAR P. FRIÐRIKSSON
SPURNING DAGSINS
Hörku-
spennandi
saga
Eftir höfund
Góða nótt,
yndið mitt
Leyndarmál, lygar
og svikin loforð
- sannleikurinn
kemur alltaf í ljós
SG / MBL