Fréttablaðið - 26.09.2013, Síða 46

26. september 2013 FIMMTUDAGUR| MENNING | 34
HVAÐ?
HVENÆR?
HVAR?
FIMMTUDAGUR
26. SEPTEMBER
Opnanir
17.00 Málverkasýning Ragnheiðar
Guðjónsdóttur, Nánd, verður opnuð í
Kirsuberjatrénu við Vesturgötu 2 í dag.
Pub Quiz
22.00 Orri á X-inu og Matti í Popplandi
eru spurningahöfundar og spyrlar á
Quiz á Bar 11. Húsið opnar klukkan 21.
Tónlist
20.30 Tónleikaröðin Sérfræðingar að
sunnan! hefst með tónleikum hljóm-
sveitarinnar Kimono í Hofi í kvöld.
Eyfirska hljómsveitin Buxnaskjónar sér
um upphitun. Miðaverð er 2.000 krónur
en námsmenn fá 25 prósenta afslátt.
21.00 Jana María og hljómsveit
skemmta á Café Rosenberg.
Upplýsingar um viðburði sendist á
hvar@frettabladid.is og einnig er hægt
að skrá þá inni á visir.is.
„Þetta er góður, árviss dagur
sem kennarar eru jafnan dug-
legir að taka þátt í,“ segir Auður
Hauksdóttir, forstöðumaður
Stofnunar Vigdísar Finnbogadóttur,
um evrópska tungumáladaginn og
drepur á nokkur atriði hátíðadag-
skrár sem hefst í Bratta klukkan
fjögur í dag. Yfirskriftin er Tungu-
málakennsla í takt við tímann.
Meðal efnis er erindi Michael
Dal, dósents í dönsku, um mögu-
leikana sem tölvutæknin felur í
sér. „Ég veit að mörgum kennurum
er umhugað um að efla hæfileika
nemenda til að tjá sig. Tölvan getur
bætt þar heilmiklu við ef hún er
notuð í þágu námsins,“ bendir
Auður á og rifjar upp að þegar hún
hafi kennt dönsku í framhalds-
skólum hafi hún beðið vini sína í
Danmörku að fylgjast með dag-
skrá ljósvakamiðla, taka upp valið
efni og senda sér í pósti. „Ég gat
svo spilað efnið í tímum viku til
hálfum mánuði seinna og þetta
þótti flott þá. Núna gerir tæknin
mögulegt að vera með tungumál í
tölvum inni í kennslustund og það
ætti að geta bætt nýjum víddum
inn í kennsluna, þannig að hún skili
meiri árangri.“
Auður segir marga skóla hafa
byrjað tungumálakennslu mjög
snemma, jafnvel á leikskólastigi,
sem val. „Þá er verið að nýta hæfi-
leika ungra barna til að tileinka sér
talmál og framburð. Á samkomunni
í dag mun Sólveig Simha frönsku-
kennari, sem hefur mikla reynslu
af því að kenna ungum börnum
frönsku, útskýra hvaða aðferðum
hún beitir,“ segir Auður. Hún nefnir
líka Idu Semey og Ásdísi Þórólfs-
dóttur, spænskukennara í MH, sem
hafa verið að kenna þriðja tungu-
mál. „Þær lýsa því hvernig þær
nota tónlist og myndir til að hjálpa
nemendum að tjá sig. Það mikilvæg-
asta er að menn noti tungumálið,“
bendir hún á og segir marga tungu-
málakennara hafa áhyggjur af stöðu
þriðja máls í skólakerfinu.
Auður segir áhugavert að skoða
hver staða enskunnar sé hér á
landi. „Börn hafa ensku mun
meira á takteinum nú en áður.
Þetta þarf skólakerfið að nýta og
gera þau afbragðsgóð í ensku, hvað
stílbrögð og orðaforða snertir. Það
eru ögranir í því og Björn Gunn-
laugsson, enskukennari og skóla-
stjóri grunnskólans á Dalvík ætlar
að fjalla um það,“ segir Auður. „Við
reynum að nálgast efnið út frá ólík-
um sjónarhornum, spáum í hvaða
ögrandi verkefnum við stöndum
frammi fyrir og fáum kennara sem
náð hafa góðum árangri í tungu-
málakennslu til að miðla fróðleik.“
Stofnun Vigdísar Finnbogadóttur
í erlendum tungumálum stendur
að hátíðadagskránni í sam-
vinnu við mennta- og menningar-
málaráðuneytið og STÍL – samtök
tungumálakennara á Íslandi.
Aðgangur er ókeypis og öllum
heimill. gun@frettabladid.is
Það mikilvægasta er að
menn noti tungumálið
Evrópski tungumáladagurinn er í dag. Hátíðadagskrá í tilefni hans verður í Bratta, fyrirlestrasal Mennta-
vísindasviðs HÍ í Stakkahlíð, og hefst klukkan 16. Yfi rskrift in er Tungumálakennsla í takt við tímann.
FORSTÖÐUMAÐUR STOFNUNAR VIGDÍSAR FINNBOGADÓTTUR „Við fáum
kenn ara sem náð hafa góðum árangri í tungumálakennslu til að miðla fróðleik,“
segir Auður. FRÉTTABLAÐIÐ/VILHELM
MEISTARAMÁNUÐUR Á STÖÐ 2
SETTU ÞÉR MARKMIÐ
Þúsundir Íslendinga hafa tekið þátt í Meistaramánuðinum
á síðustu árum og í ár ætlar Stöð 2 að slást í hópinn.
Fylgstu með Meistaramánuðinum út allan október.
Karen Kjartansdóttir og Þorsteinn Kári Jónsson stýra þættinum.
Skráðu þig til leiks á meistaramanudur.is og Stöð 2 fylgir þér alla leið.
#meistaram
FYRSTI ÞÁTTUR Í KVÖLD KL.19:20 Í OPINNI DAGSKRÁ