Fréttablaðið - 01.10.2013, Qupperneq 18

FÓLK|HEILSA
Halla Frímannsdóttir heilunarþerapisti, betur þekkt sem Halla himintungl, kynntist Chi Nei Tsang-maganuddi fyrir nokkrum árum. „Á
veturna vinn ég sem heilunarþerapisti á lúxus heilsu-
hælum og heilsulindum í Asíu. Þar er maganudd mikið
notað þegar fólk er að detoxa til að flýta fyrir ferlinu
og hjálpa líffærum til að koma sér í innra jafnvægi,“
upplýsir Halla. Hún fékk sjálf að njóta maganudds og
nuddar sig reglulega sjálf. „Ég fann fljótt að þetta gerði
mikið fyrir mig. Ég fann punkt sem alltaf var hnútur
við en hann tengdist brjósklosi í baki,“ segir Halla og
vill kynna Chi Nei Tsang-maganuddið fyrir Íslending-
um en það hefur rutt sér til rúms víða á Vesturlöndum
síðustu ár.
Chi Nei Tsang-maganuddið kemur úr kínverskri
lækningafræði og hefur verið notað í Asíu í þús-
undir ára. „Nuddið gengur út á að nudda yfir nafla
og magasvæði þar í kring. Nuddið hjálpar meltingar-
kerfinu og öðrum innri líffærum við að losna við innri
orkustíflur,“ lýsir Halla og telur að nuddið gagnist við
ýmsum kvillum, til dæmis meltingarvandamálum,
magaónotum, hægðatregðu, magaþembu eða bólgum
í meltingarvegi.
Halla segir tilfinningar oft koma fram í maganum.
„Til dæmis tölum við um að fá hnút í magann eða vera
með fiðrildi í maganum. Í raun er talið að sjötíu pró-
sent af vanlíðan og ónotum fólks taki sér bólfestu í til-
finningum og meltingarvegi,“ segir Halla og vill meina
að hægt sé að vinna á þeirri vanlíðan með maganuddi.
Halla segir afar mikilvægt að hlúa vel að innri líffær-
um á borð við maga, lifur, nýru, smáþarma og blöðru-
hálskirtil. Hún vísar í rannsóknir Michaels Gershon,
prófessors við Columbia-háskóla í New York. „Gershon
kom fram með þá vitneskju fyrir fjórtán árum að 95
prósent af framleiðslu serótóníns færu fram í melting-
arveginum,“ segir Halla og telur að maganuddið getið
hjálpað til að koma meltingar starfseminni í jafnvægi.
Halla skipuleggur nú námskeið í Chi Nei Tsang-
maganuddi í lok október en slíkt námskeið hefur ekki
verið haldið hér á landi áður. Annars vegar býðst
fólki eins dags námskeið í sjálfsmaganuddi og hins
vegar getur fólk sótt fjögurra daga námskeið í Chi Nei
Tsang-maganuddi. Kennararnir eru frá Sviss og hlutu
þjálfun hjá grandmeistaranum taílenska Mantak Chia,
en hann hefur dýpkað og stílfært Taó-fræðin síðast-
liðna áratugi. Einnig verður fyrirlestur eitt kvöld um
Taó-heilsufræðin. Skráning á námskeiðið rennur út
7. október en nánari upplýsingar má nálgast á www.
magicmoonhealer.com.
NUDDIÐ HJÁLPAR MELTINGUNNI
HEILSA Halla Frímannsdóttir Himintungl vill kynna Chi Nei Tsang-maganuddið fyrir Íslendingum. Nuddið hefur verið notað í Asíu í
þúsundir ára en hefur síðastliðin ár verið að ryðja sér til rúms á Vesturlöndum.
MAGANUDD
Chi Nei Tsang-
maganudd byggir
á fornum Taó-
heilunarfræðum.
Nuddið á að
hjálpa meltingar-
kerfinu og öðrum
innri líffærum við
að losna við innri
orkustíflur.
NORDICPHOTOS/GETTY
Það hefur mikið verið rætt um bágborinn tækjakost Land-spítalans á undanförnum
mánuðum. Hjartaþræðingarstofan
er þar ekki undanskilin. Elsta þræð-
ingartækið er orðið 16 ára gamalt
og komið langt fram yfir það sem
getur talist eðlilegur endingartími.
Því hefur reyndar verið vel við
haldið en það er orðið gríðar lega
aðkallandi að fá nýtt tæki. Því eldri
sem tækin eru því minni verða
myndgæði og viðhaldsdagar fleiri.
Það er eitt af allra brýnustu verk-
efnum sjúkrahússins í tækjakaupa-
málum að fá nýtt hjartaþræðingar-
tæki. Slíkt tæki er þó frekar dýrt og
kostar um 160 milljónir króna. Eins
og flestum er kunnugt hefur fé til
tækjakaupa á sjúkrahúsinu verið af
mjög skornum skammti og oftar en
ekki höfum við þurft að reiða okkur
á gjafafé þegar kaupa á ný mikilvæg
tæki. Stuðningur einkasjóða, eins
og sjóðs Jónínu heitinnar Gísla-
dóttur, hefur verið mjög mikilvægur
í þessu tilliti. Sömuleiðis höfum
við notið velvilja sjúklingasamtaka,
eins og Hjartaheilla og svo ýmissa
félagasamtaka.
Brjóstverkir eru algeng komu-
ástæða á bráðamóttökur Land-
spítala. Þó mismunagreining
brjóstverks sé fjölbreytt er hann
í mörgum tilfellum vegna bráðs
kransæðasjúkdóms. Bráðum krans-
æðasjúkdómi er skipt í þrjá flokka
eftir birtingarmynd, útliti hjarta-
línurits og niðurstöðum blóðprufa,
sér í lagi svokallaðra hjartaensíma.
Þessi skipting er mikilvæg þar sem
bráðleiki vandamálsins og upphafs-
meðferð er talsvert breytileg eftir
flokkunum.
Við bráða kransæðastíflu er lagt
ofurkapp á að opna hina lokuðu æð
sem allra fyrst. Stigvaxandi fram-
farir hafa orðið í meðferð á bráðum
kransæðasjúkdómum á síðustu
tveimur áratugum og hafa þær ekki
síst átt sér stað í ítarlegri skoðun
og inngripum sem unnt er að gera
á kransæðum með hjartaþræð-
ingartækni. Þar ber kannski hæst
möguleika á greiningu á alvarlegum
kransæðasjúkdómi og svo víkkun
kransæðaþrengsla gjarnan með
ísetningu á svokölluðu stoðneti á
þrengslasvæðinu.
Við bráða kransæðastíflu er
tafarlaus kransæðaþræðing með
víkkun á lokuðu æðinni nú kjör-
meðferðin. Með kransæðavíkkun
opnast æðin í yfir 90% tilfella en
með lyfjameðferð í milli 50 og 60%
tilfella. Vakt er haldið út á hjarta-
þræðingarstofunni alla daga, allan
ársins hring, og meðaltími frá því
að einstaklingur kemur inn á sjúkra-
húsið með bráða kransæðastíflu
þar til að hann er kominn í hjarta-
þræðingu er að meðaltali rúmlega
40 mínútur. Þessi nálgun hefur
leitt til lækkunar á þrjátíu daga
dánartíðni eftir kransæðastíflu úr
rúmlega 11% um aldamótin í 4-5% á
síðustu 2-3 árum. Þessi dánartíðni
er nú með því lægsta sem þekkist á
heimsvísu.
Nú fer fram mikið átak af hálfu
Hjartaheilla og Neistans við að
styðja okkur við kaup á nýju hjarta-
þræðingartæki. Vil ég hvetja lands-
menn til að taka vel í þeirra beiðni.
Verkefnið að þessu sinni er mjög
brýnt.
MIKILVÆGI
HJARTAÞRÆÐINGA
HJARTAHEILL Davíð O. Arnar, yfirlæknir Hjartagáttar Landspítala, skrifar um
mikilvægi hjartaþræðingar í meðferð bráðrar kransæðastíflu.
YFIRLÆKNIR Davíð O. Arnar, yfirlæknir Hjartagáttar Landspítala. MYND/LÆKNABLAÐIÐ
HALLA HIMINTUNGL Stendur fyrir námskeiði í maganuddi.
MYND/INGVAR ÖRN SIGHVATSSON
Save the Children á Íslandi