Fréttablaðið - 08.10.2013, Side 34

8. október 2013 ÞRIÐJUDAGUR| SPORT | 26
Í MÁL Guðjón Þórðarson stefnir
Grindvíkingum.h FRÉTTABLAÐIÐ/VALLI
FÓTBOLTI Árið 2011 var Guðjón
Þórðarson ráðinn þjálfari Grind-
víkinga og gerði þá þriggja ára
samning við knattspyrnudeild
félagsins.
Guðjón stýrði liðinu í eitt tímabil
og féll Grindavík úr Pepsi-deild-
inni haustið 2012. Guðjóni var gert
að hætta með liðið eftir tímabilið
þar sem knattspyrnudeild Grinda-
víkur nýtti sér ákvæði í samningi
sínum við Guðjón og var launalið
sagt upp frá áramótum 2012-13.
Milan Stefán Jankovic var síðan
formlega ráðinn þjálfari liðsins
þann 16. janúar 2013.
Guðjón Þórðarson hefur nú
stefnt knattspyrnudeild Grinda-
víkur vegna vangoldinna launa
og verður málið tekið fyrir þann
15. október í Héraðsdómi Reykja-
ness. Íþróttadeildin hefur heimild-
ir fyrir því að þjálfarinn hafi feng-
ið tilboð frá Grindvíkingum eftir
að tilkynnt var um ráðningu nýs
þjálfara. Tilboðið hafi hljóðað upp
á fimmtíu þúsund krónur á mán-
uði út samninginn en það mun hafa
verið mikil launaskerðing sem
þjálfarinn vildi ekki sætta sig við.
- sáp
Mál Guðjóns gegn Grindavík tekið fyrir
Opus
hægindastóll
með skemli
í áklæði.
ÞEGAR HÖNNUN OG ÞÆGINDI FARA SAMAN
LEVANTO
hægindastóll
með skemli
í leðri.
TIMEOUT
hægindastóll
í svörtu leðri
og hnotu.
PRIME
hægindastóll
í hvítu leðri
og eik.
FÓTBOLTI Undankeppni HM 2014
lýkur eftir slétta viku en þá spilar
Ísland við Noreg ytra. Á föstudag-
inn spilar íslenska landsliðið við
Kýpur á heimavelli.
Ef vel gengur í þessum leikjum
tryggir Ísland sér sæti í umspili
fyrir HM, annars er ballið búið í
bili.
Svíinn Lars Lagerbäck hefur
komið mjög sterkur inn í starf
landsliðsþjálfara og margt breyst
til batnaðar síðan hann tók við.
Samningur hans rennur aftur á
móti út eftir undankeppnina og
menn spyrja eðlilega hvort Knatt-
spyrnusamband Íslands, KSÍ, ætli
sér ekki að framlengja við Svíann.
Talað saman síðan í vor
„Við erum að tala saman um fram-
tíðina. Höfum verið að gera það
síðan í vor. Ekki er ráð nema í tíma
sé tekið,“ segir Geir Þorsteinsson,
formaður KSÍ, léttur.
„Ég er bjartsýnn á að Lars haldi
áfram en það er ekki búið að ganga
frá neinu. Við munum klára þessa
tvo leiki sem eru eftir áður en
við setjumst niður með formleg-
um hætti. Við höfum aftur á móti
spjallað saman á þeim nótum að
hann haldi áfram og viðbrögð hans
hafa verið jákvæð.“
Lagerbäck er orðinn 65 ára gam-
all en er við fína heilsu. Er hann
tók við íslenska landsliðinu stóð
ekki til að staldra mjög lengi við.
„Þegar hann kom til starfa áttu
þetta að vera lokaárin í þjálfun-
inni hjá honum. Hann þarf auð-
vitað að huga að sínum málum en
mér finnst hann vera jákvæður
og þess vegna er ég bjartsýnn á að
hann haldi áfram. Hann er ánægð-
ur í starfi og með strákana og liðið.
Það hjálpar vissulega til og ekki
skemmir fyrir að það hefur einn-
ig gengið vel.“
Mun ræða fyrst við KSÍ
Árangur íslenska landsliðsins
hefur að sama skapi gert það að
verkum að nafn Svíans hefur
verið nefnt í sambandi við önnur
landslið. Árangurinn hefur komið
honum aftur á kortið og ekkert
ólíklegt að KSÍ þurfi að keppa um
þjónustu hans.
„Við erum alveg rólegir yfir því
enda ætlar hann að ræða fyrst við
okkur,“ segir Geir. Sér hann fram
á einhverjar hindranir eins og
kröfu um hærri laun í viðræðun-
um við Svíann?
„Ég sé engar sérstakar hindran-
ir í því sambandi. Hann hefur aðal-
lega verið að hugsa sinn gang eðli-
lega. Hvað hann vilji gera.“
henry@frettabladid.is
Bjartsýnn á að Lars
haldi áfram með liðið
Formaður KSÍ, Geir Þorsteinsson, segir Svíann Lars Lagerbäck vera jákvæðan
fyrir því að halda áfram þjálfun íslenska landsliðsins. Formlegar viðræður hefj -
ast í næstu viku. Lagerbäck hafði jafnvel hugsað sér að hætta í þjálfun.
FARSÆLT SAMSTARF Lagerbäck tók við landsliðinu fyrir um tveimur árum og
árangurinn hefur verið allt annar síðan hann tók við. FRÉTTABLAÐIÐ/VILHELM
Við höfum spjall-
að saman síðan í vor og
hann er jákvæður fyrir
því að halda áfram með
íslenska landsliðið.
Geir Þorsteinsson, formaður KSÍ
FÓTBOLTI Fram hefur ekki enn
ráðið þjálfara fyrir meistaraflokk
karla en stjórn knattspyrnudeildar
Fram náði ekki samkomulagi
við Ríkharð Daðason um að
halda áfram.
Sverrir Einarsson,
formaður knattspyrnu-
deildar Fram, staðfestir að
Sigurður Ragnar Eyjólfs-
son, fyrrverandi þjálfari
kvennalandsliðsins, sé einn
af þeim sem koma til greina
þó svo að Sigurður sé enn
að bíða eftir því hvort hann
fái starf landsliðsþjálfara
kvennaliðs Englands. Aftur á móti
segir Sverrir ekkert hæft í þeim
orðrómi að Framarar hafi verið
í viðræðum við Þorlák Árnason,
fyrrverandi þjálfara kvenna-
liðs Stjörnunnar, og Rúnar
Pál Sigmundsson, aðstoðar-
þjálfari Stjörnunnar. „Við
gefum okkur vikuna í
þetta. Við erum harðir
á því að kynna nýjan
þjálfara í lok vikunnar,“
segir Sverrir. - hbg
Nýr þjálfari ráðinn til Fram í vikulok
SIGURÐUR RAGNAR
EYJÓLFSSON
HANDBOLTI Íslenskir handknatt-
leiksþjálfarar halda áfram að
vekja athygli erlendis en danska
handknattleikssambandið mun
hafa reynt ítrekað að ráða Dag
Sigurðsson, þjálfara Füchse Ber-
lin, sem næsta landsliðsþjálfara.
Reyndar virðast Danir fyrst og
fremst hafa áhuga á íslenskum
þjálfurum enda hafa þeir verið
að gera það gott undanfarin ár á
erlendum vettvangi.
Bob Hanning, forseti Füchse
Berlin, mun aftur á móti hafa
sagt þvert nei við bón danska
sambandsins. Dagur mun hafa
verið fremstur á óskalista danska
sambandsins en mun að öllum lík-
indum ekki taka við landsliðinu.
Samkvæmt heimildum íþrótta-
deildar mun sambandið einnig
hafa rætt við Guðmund Guð-
mundsson, þjálfara Rhein-Neckar
Löwen, um starfið og eru viðræð-
ur í gangi. Ekki náðist í Guðmund
í gær vegna málsins.
Ólafur Stefánsson greindi svo
frá því í Sportspjallinu á Vísi
í síðustu viku að Danir hefðu
einnig boðið honum starfið. Hann
afþakkaði pent.
Ulrik Wilbek, landsliðsþjálf-
ari Danmerkur, mun hætta með
liðið eftir Evrópumótið í janúar
sem fer einmitt fram á heimavelli
þeirra. - sáp
Danir vildu fá
Dag í vinnu
FER EKKERT Dagur heldur áfram með
lið Füchse Berlin. NORDICPHOTOS/GETTY
FÓTBOLTI Hólmfríður Magnús-
dóttir sló heldur betur í gegn í
norska bikarnum um helgina
þegar hún skoraði fjögur mörk og
lagði upp eitt í sigri Avaldsnes á
Vålerenga í undanúrslitunum.
Níu af ellefu leikmönnum liðs-
ins sem byrjuðu leikinn í gær
koma að utan; þrír Íslendingar,
þrír Brasilíumenn, tveir Banda-
ríkjamenn og Íri voru í byrjun-
arliðinu í gær, ásamt tveimur
heimastúlkum frá Noregi.
„Þegar við vorum að undirbúa
liðið fyrir tímabilið var markmið-
ið alltaf að reyna að fá eins marg-
ar heimastúlkur og við gátum en
norsku leikmennirnir vildu ein-
faldlega ekki flytja hingað,“ sagði
Roar Wold, þjálfari Avaldsnes.
„Þá urðum við að reyna að
fá gæðaleikmenn að utan. Við
rekum knattspyrnudeildina á 5-6
milljónum norskra króna á ári
og það er umtalsvert minna en
rekstrarkostnaður Lillestrøm,“
sagði Wold en Avaldsnes mætir
Lillestrøm í úrslitum bikarsins.
„Mínir leikmenn fara oft ekki
fram á mikil laun og vilja koma
hingað til að upplifa ákveðið
ævintýri,“ segir Wold sem hefur
greinilega mikla trú á Hólm-
fríði. Hann segir sóknardúettinn
Hólmfríði og Cecilie Pedersen
þann besta í Noregi þegar þær
ná sér á strik. „Á því leikur ekki
nokkur vafi.“ - sáp
Besta sóknar-
par Noregs
ÖFLUG Hólmfríður hefur slegið í gegn í
Noregi. NORDICPHOTOS/GETTY
SPORT