Fréttablaðið - 29.10.2013, Síða 30

BÍLAR
FRÉTTABLAÐIÐ
4 29. október 2013 ÞRIÐJUDAGUR
Þegar Laura Carter frá Illinois í Bandaríkjunum
ákvað að kaupa sér Mazda3-bíl flaug henni ekki
í hug að Mazda myndi gefa henni bílinn. Ástæða
gjafarinnar var sú að þessi bíll var sá 10 milljónasti
sem Mazda hefur selt í Bandaríkjunum frá upp-
hafi . Mazda hefur selt bíla sína í 43 ár þar og í
fyrra seldi fyrirtækið 123.361 bíl þar vestra. Það
þýðir reyndar að sum árin hefur Mazda selt fleiri
bíla þar því ef þessi tala er margfölduð með 43
er útkoman aðeins 5,3 milljónir bíla. Fyrsti bíllinn
sem Mazda seldi í Bandaríkjunum var Mazda R100
með Rotary-vél, en nú hefur Mazda hætt fram-
leiðslu slíkra véla í bíla sína. Það var heppni Lauru
að Mazda ákvað að í stað hefðbundinnar frétta-
tilkynningar um áfangann skyldi fyrirtækið gefa
þeim sem pantaði 10 milljónasta bílinn það eintak.
Forstjóri Tesla, uppfi nninga-
maðurinn Elon Musk, var staddur
í Þýskalandi í síðustu viku og tjáði
sig þar mjög opinskátt um framtíð
bílaiðnaðarins og hversu stórt
hlutverk rafmagnsbílar myndu
leika í framtíðinni og hversu brýnt
það væri að hægja á brennslu á
jarðefnaeldsneyti á jörðinni. Musk
fór einnig yfi r aðra tækni sem
gerðar hafa verið tilraunir með
til að leysa jarðefnaeldsneytið af
hólmi, svo sem vetni. Musk sagði
að notkun vetnis í bíla væri best
lýst með einu orði, þ.e. vitleysa!
Hann sagði að eina markmið
bílaframleiðenda með að þróa
vetnisbíla væri í markaðstilgangi
og ímyndarsköpun. Þessi tækni
væri alltof dýr og hættuleg. Vetni
væri afar hættulegt gas. Það væri
heppilegt til notkunar í stórar eld-
flaugar en alls ekki í bíla. Þar sem
Musk var í Þýskalandi sagði hann
frá sérstökum hraðbrautarpakka
sem Tesla mun bjóða þýskum
kaupendum bílsins. Með honum
verður bíllinn hæfari til aksturs á
þýskum hraðbrautum, með meira
afl og  öðrun sem ræður við
meiri hraða. Hann greindi einnig
frá þéttingu nets hleðslustöðva í
Þýskalandi og að í lok næsta árs
yrði enginn Þjóðverji lengra frá
hleðslustöð en sem næmi 200 km
og að 80% þeirra yrðu innan við
100 km frá næstu hleðslustöð.
Elon Musk
segir
vetnisbíla
vitleysu
Könnun sem gerð var á meðal
framleiðenda íhluta í bíla í Banda-
ríkjunum bendir til að skortur
gæti orðið á þeim á næsta ári
ef spá um aukna sölu bíla þar
rætist. Sérstaklega á þetta við um
íhluti í rafkerfi bíla, undirvagn og
 öðrunarbúnað. Af 100 íhlutabirgj-
um ættu 28% þeirra í vandræðum
með að framleiða upp í þessa spá
og sú tala hækkar í 38% í tilfelli
rafkerfaframleiðenda. Bíliðnaður-
inn er því greinilega kominn að
mörkum framleiðslugetunnar
og ýmis ljón eru í veginum svo
auka megi framleiðslugetu þeirra
hratt. Staðan er misjöfn milli
bandarísku framleiðendanna stóru
en Chrysler virðist standa verst að
vígi þar sem 42% af birgjum þeirra
segjast eiga í erfi ðleikum með að
mæta ætlaðri þörf.
Íhlutaskortur
á næsta ári
10 milljónir
Mazda-
bíla seldar
í BNA
Heppnin elti Lauru en hún fékk bíl sinn gefi ns.
Elon Musk tjáir sig um vetnisbíla.
Hætt er við íhlutaskorti í rafkerfi bíla.
Er bíllinn þinn klár
fyrir veturinn?
Rain-X býður upp á fullkomna yfirborðsvörn
Rain-X verndar bílinn, eykur útsýni og öryggi
Hreinn bíll eyðir allt að 7% minna eldsneyti
Löður leggur mikið upp úr umhverfisþættinum og
bíður upp á umhverfisvænann þvott.
Við erum á sex stöðum á höfuðborgarsvæðinu
www.lodur.is
Löður kynnir