Fréttablaðið - 01.11.2013, Blaðsíða 67

FÖSTUDAGUR 1. nóvember 2013 | MENNING |
James Blake hlaut hin virtu Merc-
ury-verðlaun í Bretlandi fyrir aðra
plötu sína, Overgrown. Hann hafði
betur í samkeppni við flytjendur
á borð við Arctic Monkeys, David
Bowie, Disclosure, Villagers,
Rudimental og Laura Mvula, sem
veðbankar töldu líklegasta til að
hreppa verðlaunin.
„Ég vil þakka foreldrum
mínum fyrir að sýna mér hversu
mikilvægt er að vera sjálfstæð-
ur,“ sagði Blake í þakkarræðu
sinni en verðlaunin voru afhent
í London. Blake spilaði á Sónar-
hátíðinni í Reykjavík í febrúar
við góðar undirtektir. Á meðal
annarra sem hafa fengið verð-
launin eru Primal Scream, PJ
Harvey, Badly Drawn Boy, Alt-J
og Ms Dynamite.
Blake þakkaði
foreldrunum
MERCURY -VERÐLAUNIN James Blake
hlaut Mercury-verðlaunin fyrir plötuna
Overgrown. NORDICPHOTOS/GETTY
„Við erum sálufélagar og náum
ótrúlega vel saman,“ segir tón-
listarkonan Ramona Gonzales úr
hljómsveitinni Nite Jewel sem
kemur fram á Iceland Airwaves-
hátíðinni í kvöld. Bandaríski dúett-
inn er skipaður kærustuparinu
Ramonu, sem syngur og semur
lögin, og upptökustjóranum og
útsetjaranum Cole M. Greif-Neill.
Sveitin á rætur að rekja til Los
Angeles en hún leikur elektrón-
íska/tilraunakennda tónlist með
indí-ívafi.
„Ísland er mjög fallegt land en
það er samt pínukalt hérna. Við
fórum Gullna hringinn og það var
yndislegt,“ segir Ramona hæst-
ánægð með Íslandsdvölina.
Nite Jewel er önnur tveggja
sveita sem unnu samkeppni
á vegum Reyka Vodka um að
spila á tónlistarhátíðinni Ice-
land Airwaves. „Við sendum lag í
keppnina og svo bara vorum við
allt í einu á leiðinni til Íslands,“
segir Ramona um ferlið. Keppnin
var haldin í samstarfi við Groove-
shark-tónlistarveituna.
Hljómsveitir sendu inn prufu-
upptökur og svo valdi nefnd á
vegum Iceland Airwaves sigur-
sveitirnar tvær. Þær unnu viku-
ferð til Íslands þar sem allur
kostnaður verður greiddur og fá
að koma fram á hátíðinni.
„Við vorum á tónleikaferðalagi
um Asíu en eftir Íslandsdvölina
ætlum við aftur til Los Angeles að
klára nýjustu plötuna okkar sem
kemur vonandi út fljótlega,“ segir
Ramona aðspurð um framhaldið.
Nite Jewel kemur fram á
skemmtistaðnum Harlem í kvöld
klukkan 23.20.
- glp
Sálufélagarnir í Nite Jewel heillast af Íslandi
Dúettinn Nite Jewel frá Los Angeles kemur fram á Iceland Airwaves-hátíðinni í kvöld. Hljómsveitin vann ferðina til Íslands.
ALSÆL Á ÍSLANDI Dúettinn Nite Jewel kemur fram á Iceland Airwaves á Harlem í kvöld.
MYND/ANGEL CEBALLOS
Bandaríska hljómsveitin Kings of
Leon leggur af stað í tónleikaferð
um Bandaríkin hinn 5. febrúar
næstkomandi og hefst ferðalagið í
Atlanta í Bandaríkjunum.
Sveitin er að fylgja eftir nýjustu
plötu sinni sem heitir Mechanical
Bull en hún kom út fyrir skömmu.
Trommuleikari sveitarinnar,
Nathan Followill, sagði í sam-
tali við Rolling Stone tímaritið að
hljómsveitin hefði aldrei hljómað
betur en núna og sagði meðlimi
hlakka mikið til að byrja að spila
aftur saman.
Hljómsveitin hefur í nokkur ár
verið ein sú vinsælasta í heimin-
um en platan Only By The Night
kom sveitinni heldur betur á
kortið árið 2008 með lögum eins
og Sex On Fire og Use Somebody
og seldist í rúmum sex milljónum
eintaka í heiminum.
Kings of Leon
á leið í tón-
leikaferðalag
SNÝR AFTUR Kings of Leon snýr aftur
og hefur tónleikaferðalag í febrúar.
NORDICPHOTOS/GETTY
Ísland er
mjög fallegt
land en það er
samt pínukalt
hérna. Við
fórum Gullna
hringinn og
það var yndis-
legt.
43