Fréttablaðið - 08.11.2013, Page 8

8. nóvember 2013 FÖSTUDAGUR| FRÉTTIR | 8
FLUGMÁL Rannsóknarnefnd sam-
gönguslysa segir reynsluleysi,
lágflug og of mikla þyngd meðal
orsaka þess að lítil flugvél með
fjóra um borð brotlenti í hlíðum
Langholtsfjalls. Tveir menn slös-
uðust alvarlega.
Tveir mannanna í flugvélinni
þennan dag, 1. apríl 2010, höfðu
hvor um sig á prjónunum að taka
vélina á leigu. Mennirnir, sem
þekktust ekki, ætluðu að skiptast
á að fljúga vélinni í reynsluflugi.
Sá sem hóf flugið tók með sér
tvo farþega.
Flugmaðurinn flaug vélinni
ítrekað lágt yfir sumarhús í Heið-
arbyggð í Langholtsfjalli nálægt
Flúðum þar til hann fann bústað
sem ættingjar hans dvöldust í og
flaug beint yfir húsið. Er hann
hugðist taka U-beygju til baka
hrapaði vélin til jarðar og brot-
lenti á mosavöxnum hrygg.
Flugmaðurinn og hinn tilvon-
andi leigutakinn slösuðust alvar-
lega og voru fluttir með þyrlu á
sjúkrahús en hinir tveir slösuðust
minna. Vélin, sem var af gerðinni
Cessna 177 og með einkennisstaf-
ina TF-KEX, eyðilagðist.
„Flugmaðurinn gerði ekki
þyngdar- og jafnvægisútreikn-
inga fyrir flugið en hafði það
eftir öðrum flugmanni, sem
hafði verið að fljúga flugvélinni
undanfarið, að það væri í lagi að
vera með þrjá farþega og fulla
eldsneytistanka,“ segir í skýrslu
Rannsóknarnefndar samgöngu-
slysa sem kveður vélina í reynd
hafa verið 125 pundum of þunga.
Yfirhlaðna flugvélin er sögð
hafa misst hraða í krappri beygju
í sterkum og hviðóttum vindi.
„Við rannsóknina kom fram að
farþega A [hinum flugmann-
inum] líkaði ekki framkvæmd
flugsins en hikaði við að gera
athugasemdir við það sökum mis-
munar á heildarreynslu þeirra,“
segir rannsóknarnefndin.
Sá sem flaug vélinni hafði
minni reynslu en hinn af því að
fljúga smærri vélum en hafði
það hins vegar fram yfir að vera
atvinnuflugmaður.
Mennirnir sögðust hafa tekið
eftir því í aðdragandanum að
hreyfill vélarinnar gekk verr
þegar kveikt var á rafmagnselds-
neytisdælu. Kveikt var á þessari
dælu þegar slysið varð og fannst
vatn og ryð í henni. Sömuleið-
is var örlítið vatn í blöndungi.
Rannsóknarnefndin nefnir mögu-
legar gangtruflanir sem eina
orsök slyssins. Sjálfur bar flug-
maðurinn að sér hefði fundist
sem hreyfillinn skilaði ekki því
afli sem til var ætlast í lok beygj-
unnar afdrifaríku.
gar@frettabladid.is
Brotlentu of þungri
vél og slösuðust illa
Flugvél sem hrapaði í flugi yfir sumarhúsabyggð var ofhlaðin og í of lítilli hæð til
að ná krappri beygju sem flugmaðurinn reyndi að taka. Annar flugmaður, sem
var farþegi í vélinni og slasaðist illa, var ósáttur við aðfarir hins en sagði þó ekkert.
1. Takmarkaður undirbúningur fyrir flug.
2. Flugmaðurinn hafði ekki reynslu á þessa tegund flugvélar.
3. Flugvélin var yfir hámarksþyngd.
4. Flugvélinni var flogið í krappri beygju í sterkum, hviðóttum vindi á
litlum hraða.
5. Flugvélin missti hraða og hæð í krappri beygju með þeim afleiðingum
að hún skall í jörðina.
6. Flogið var í lítilli hæð og því lítið svigrúm til leiðréttingar og að ná
nægilegum flughraða.
7. Mögulegar gangtruflanir í hreyfli.
Heimild: Rannsóknarnefnd samgönguslysa.
Orsakir flugslyss í Langholtsfjalli
FRÁ SLYSSTAÐ „Flugvélin rann eftir hryggnum, kastaðist yfir veg og hafnaði loks á grasbala við sumarbústað, um 70 metrum
frá þeim stað þar sem hún kom fyrst niður,“ segir rannsóknarnefnd samgönguslysa. MYND/ÚR SKÝRSLU RANNSÓKNARNEFNDAR SAMGÖNGUSLYSA
TF-KEX Cessna-vélin gereyðilagðist. MYND/ÚR SKÝRSLU RANNSÓKNARNEFNDAR SAMGÖNGUSLYSA
SJÚKRAFLUTNINGAR „Sameining heilbrigðis-
stofnana kann að hafa áhrif á það hvernig
sjúkraflutningum verður best hagað í framtíð-
inni svo tryggja megi öryggi fólks í einstökum
byggðarlögum. Þetta verður því að skoða í sam-
hengi og þess vegna tel ég ekki tímabært að ráð-
ast í breytingar á sjúkraflutningum núna nema
þar sem augljóst er að fækkun bíla hafi ekki
neikvæð áhrif á þjónustuna,“ segir Kristján Þór.
Búið var að ákveða að fækka sjúkrabílum á
landsbyggðinni um næstu áramót og semja við
Rauða kross Íslands um málið. Nú hefur heil-
brigðisráðherra ákveðið að endurskoða áform
um fækkun bílanna og hefur átt í viðræðum við
forsvarsmenn Rauða krossins
um endurskoðun samningsins.
„Fyrst og fremst verðum
við að tryggja öryggi fólks
í öllum byggðum landsins.
Það gerum við best með því
að skoða aðstæður með stað-
kunnugum og skipuleggja
fyrirkomulag sjúkraflutn-
inga með hliðsjón af skipu-
lagi heilbrigðisþjónustunnar
á hverjum stað í náinni sam-
vinnu við forsvarsmenn í hverju heilbrigðisum-
dæmi,“ segir Kristján Þór. - jme
Heilbrigðisráðherra endurskoðar sjúkraflutninga á landsbyggðinni:
Hætt hefur verið við að fækka sjúkrabílum
KRISTJÁN ÞÓR
JÚLÍUSSON
HÆTT VIÐ FÆKKUN Heilbrigðisráðherra ætlar að
endurskoða fyrri ákvörðun um fækkun sjúkrabíla á
landsbyggðinni.
DANMÖRK Sextugur Dani var
í gær dæmdur í sjö daga fang-
elsi, skilorðsbundið í eitt ár, fyrir
að senda fyrrverandi nágranna
sínum dauða rottu í pósti. Jót-
landspósturinn segir frá.
Í sendingunni var miði sem á
stóð: „Deyðu, svín. Deyðu.“
Maðurinn sagði fyrir rétti að
þeir nágranninn hefðu eldað grátt
silfur saman um langa hríð, jafn-
vel eftir að kærandi flutti í burtu.
Eftir á sagðist hann ekki hafa
hugsað verknaðinn til enda. - þj
Illdeilur fóru úr böndunum:
Sendi dauða
rottu í pósti
DÓMSMÁL Kormákur Geirharðs-
son og Skjöldur Sigurjónsson, auk
Arnars og Bjarka Gunnlaugssona,
þurfa að standa skil á láni sem
þeir höfðu gengist í ábyrgð fyrir.
Hæstiréttur staðfesti í gær fyrri
dóm héraðsdóms þar að lútandi.
Málið tengist sölu fjórmenning-
anna á veitingastaðnum Domo árið
2009 en þeir þurftu að ábyrgjast
hluta af kaupverðinu. Landsbank-
inn krafði þá svo um ábyrgðina
þegar nýi eigandinn stóð ekki við
skuldbindingar sínar. - ebg
Hæstiréttur staðfesti dóm:
Sæta því að
greiða af láni
REYKJAVÍKURBORG „Óþarfi er að
stofna til sérstakrar nefndar um
samráð sem þegar er í mjög góðum
farvegi,“ bókuðu borgarráðs-
fulltrúar meirihluta Besta flokks-
ins og Samfylkingarinnar, er þeir
felldu í gær tillögu sjálfstæðis-
manna um aukið samstarf lögreglu
og borgarinnar.
Sjálfstæðismenn kváðust harma
niðurstöðuna. „Óskað er eftir því
að skrifaðar verði fundargerðir á
fundum borgarstjóra og lögreglu-
stjóra og þær lagðar fyrir borgar-
stjórn svo fljótt sem auðið er,“ bók-
uðu þeir. - gar
Samráð borgar og lögreglu:
Meirihluti vill
ekki nýja nefnd
LÖGREGLUSTJÓRI OG BORGARSTJÓRI
Hittast mánaðarlega. FRÉTTABLAÐIÐ/VALLI
HEILBRIGÐISMÁL Íbúar utan EES
borga meira fyrir heilbrigðis-
þjónustu hér á landi en þeir sem
búsettir eru innan EES.
Þetta kemur fram í svari Krist-
jáns Þórs Júlíussonar heilbrigðis-
ráðherra við fyrirspurn Vigdísar
Hauksdóttur, þingmanns Fram-
sóknarflokks, sem vildi vita
hvort skoðað hefði verið að inn-
heimta hærri gjöld fyrir heil-
brigðisþjónustu af einstakling-
um sem búsettir væru utan EES.
Heilbrigðisráðherra segir þá
sem búsettir eru utan svæðisins
greiða fullt gjald fyrir heilbrigð-
isþjónustu. - jjk
Íslensk heilbrigðisþjónusta:
Íbúar utan EES
greiða meira
UMFERÐARMÁL
Huga þarf að bíldekkjum
Lögreglan minnir ökumenn á að
fylgjast með sliti á hjólbörðum. Dýpt
mynsturraufa hjólbarða fólksbifreiða
og jeppa má ekki vera undir en 1,66
millimetrum. Einnig er mikilvægt að
athuga hvort loftþrýstingur sé réttur
miðað við stærð hjólbarðanna.
Austurstræti 8-10
Nýr og glæsilegur
veitingastaður
í hjarta borgarinnar.
PI
PA
R\
TB
W
A
-
SÍ
A
-
13
31
31