Fréttablaðið - 23.11.2013, Page 20

V ið erum að teygja og toga tungumálið, leika okkur með það, umfaðma það, knúsa og snúa á hvolf. Það eru liðin þrjátíu ár síðan
sjónvarpsþættir voru gerðir um
íslenskt mál, og það voru strang-
ir kennsluþættir í framburði. Það
var því kominn tími til að gera nýja
og skemmtilega þætti um þetta
skemmtilega fyrirbæri, tungu-
málið,“ segir Brynja Þorgeirsdótt-
ir sem hafði lengi langað að búa til
þátt af þessu tagi og fékk því Braga
Valdimar í lið með sér.
„Brynja hringdi í mig. Hún var
með í kollinum að gera þátt um
íslensku. Ég þurfti reyndar að
hugsa mig tvisvar um en það sem
seldi mér á endanum hugmynd-
ina var að þátturinn átti að vera
skemmtilegur! Við ákváðum að láta
á þetta reyna. Nálgast tungumálið
á nýjan hátt og skoða það frá öllum
hliðum,“ segir Bragi Valdimar.
„Ég fann strax ákveðna andlega
tengingu við Braga því hann ólst
upp með nefið ofan í bókum eins og
ég, og maður verður dálítið skrít-
inn af því,“ segir Brynja. „Við erum
bæði dálítið skrítin. Hann er frek-
ar feiminn og til baka við fyrstu
kynni sem kemur kannski á óvart
út af öllu sprellinu í Baggalúti, en
eftir því sem við kynntumst kom
betur og betur í ljós hversu mikið
afbragðseintak af manneskju þetta
er, hlýr, skemmtilegur og hæfi-
leikaríkur, og bara góð manneskja.
Við göngum eins og einn maður í
þessu verkefni,“ segir Brynja.
Lærðuð þið eitthvað nýtt af því
að kafa ofan í tungumálið?
Bragi: „Ég veit ekki hvort ég hef
lært einhver ósköp en að minnsta
kosti styrktist ég í þeirri trú að það
sé margt við íslenskuna sem á eftir
að skoða. Möguleikar tungumálsins
eru í raun ótakmarkaðir ef maður
tekur því mátulega alvarlega. Ég
held líka að það sé allt í lagi að vera
þokkalega stífur þegar kemur að
reglunum. Það þarf að passa að við
missum ekki tökin á tungumálinu.
Það má beygja reglurnar hressi-
lega en ekki brjóta. Þá erum við
komin í vond mál. Tungumálið er í
raun það eina sem við eigum eftir
– þegar fótboltinn er farinn er bara
beygingakerfið eftir.“
Brynja: „Tungumálið er svo
frjótt, lifandi og skemmtilegt, og
það er hægt að gera svo margt
sniðugt við það. Það er síbreytilegt
og ný orð og orðmyndir verða til á
hverjum degi, enda alltaf að verða
til ný og ný fyrirbæri sem þarf
að finna orð fyrir. Þetta er algjör
suðupottur.“
Spurð um uppáhaldsnýyrðið sitt
í íslensku segir Brynja:
„Þau eru mörg sniðug, þyrla er
til dæmis frábært orð yfir það sem
fyrst var kallað þyrilvængja eða
helikopter. Það eru samt misheppn-
uðu nýyrðin sem eru í uppáhaldi
hjá mér. Orð eins og „sjálfrenni-
reið“ yfir bíl, „dranghús“ fyrir
háhýsi og „togleðurshringur“ sem
menn bjuggu til fyrir gúmmídekk.
Þetta eru allt einkar skemmtileg
orð en fengu aldrei útbreiðslu, af
skiljanlegum ástæðum kannski!“
Bragi segist bíða spenntur eftir
viðbrögðunum við þættinum á
samfélagsmiðlunum. „Já, maður
hlýtur að bíða eftir fyrsta „læk-
inu“, er það ekki?“ segir hann.
Spurður hvort „læk“ sé orðið lög-
legt íslenskt orð segir hann. „Tja,
það er allavega með umsóknarað-
ild, í aðlögunarferli …“
Við ákváðum
að láta á þetta reyna.
Nálgast tungumálið á
nýjan hátt og skoða það
frá öllum hliðum.
Bragi Valdimar
Flautuleikur og píanó
Sjálfsmynd
í Salnum
Útgáfutónleikar Flautuleikarinn
Emilía Rós Sigfúsdóttir gefur út í
vikunni sinn fyrsta geisladisk, Portrait.
Hann hefur að geyma nokkur eftir-
lætisverk Emilíu Rósar fyrir flautu og
píanó sem hafa fylgt henni um lengri
eða skemmri tíma. Í tilefni af útkomu
Portrait munu Emilía Rós og píanó-
leikarinn Ástríður Alda Sigurðardóttir
flytja efni af disknum á útgáfutónleik-
um í Salnum, Kópavogi 24. nóvember
kl 20. Á efnisskrá eru verk eftir Franz
Schubert, Pierre Sancan, Gabriel Fauré,
Tarek Younis, André Jolivet og Atla
Heimi Sveinsson.
Skipuleggur tónleika
Helga Möller söngkona
Dagurinn í dag fer í skipulagningu æfinga fyrir
tónleikana mína en hljómsveitin Celsius hittist
einmitt þá og suma hef ég bara ekki séð í um 30
ár. Spennandi. Núna er líka alveg að verða upp-
selt á tónleikana mína í Austurbæ 30. nóvember,
tæplega þrjátíu miðar eftir svo það fer hver að
verða síðastur að tryggja sér miða. Sunnudagur-
inn fer í hvíld fyrir annasama komandi viku.
Bíða eft ir fyrsta „lækinu“
Á sunnudagskvöld verður frumsýndur á RÚV nýr þáttur um íslenskt mál sem heitir Orðbragð.
Stjórnendur þáttarins segjast hafa kynnst nýjum hliðum á íslenskri tungu og hvort öðru.
ORÐHÁKAR
Bragi Valdi-
mar Skúlason
og Brynja
Þorgeirsdóttir
stjórna þætt-
inum Orð-
bragði. Segja í
lagi að beygja
reglurnar en
ekki að brjóta.
MYND/STEFÁN
Austurríski leikstjórinn Ulrich
Seidl mun svara spurningum bíó-
gesta í Bíói Paradís um helgina.
Kvikmynd hans Paradís: Von
verður frumsýnd í Bíói Paradís á
laugardagskvöld en hún er síðasta
myndin í Paradísarþríleik hans
sem vakið hefur mikla athygli.
Fyrsta myndin í þríleiknum,
Paradís: Ást, var sýnd í Bíói Para-
dís í sumar. Myndin sagði frá
kynlífsferðum miðaldra kvenna
til Kenía og vakti mikla athygli.
Önnur myndin Paradís: Trú,
fjallaði um konu á sextugsaldri
sem helgar líf sitt Jesú Kristi.
Hún er nú í sýningum í Bíói Para-
dís. Þriðja og síðasta myndin,
Paradís: Von, fjallar um þrettán
ára stúlku sem eyðir sumarfríi
sínu í megrunarbúðum úti á landi
í Austurríki. Á milli líkamsæf-
inga og næringarfræðitíma, kod-
daslags og þess að fikta við reyk-
ingar, þá verður hún ástfangin
af fertugum manni, og í sakleysi
sínu reynir að tæla hann eftir
mestum mætti.
Myndirnar þrjár verða allar
sýndar í Bíói Paradís um helgina
og mun Ulrich Seidl sitja fyrir
svörum eftir frumsýningu Para-
dís: Von á laugardagskvöld-
ið klukkan 20.00 og sýningu á
eldri mynd hans Import/Export á
sunnudaginn klukkan 18.00. - sb
Unglingsstúlka í megrunarbúðum
Síðasta myndin í paradísarþríleik Ulrich Seidl frumsýnd í Bíói Paradís. Fjallar
um megrunarbúðir unglinga. Leikstjórinn situr fyrir svörum.
LEIKSTJÓRINN Ulrich Seidl verður
viðstaddur sýningu myndarinnar.
NORDICPHOTOS/GETTY
Léttleiki tilverunnar
Ferðalag um
fornar slóðir
Vintage Söngkonan og píanóleikarinn
Margrét Sigurðardóttir og hljómsveit
flytja tónleikadagskrána Vintage nú
um helgina á tvennum tónleikum. Þeir
fyrri verða í Guðríðarkirkju á föstudags-
kvöldið klukkan átta og þeir síðari í
Hannesarholti við Grundarstíg 10 á
sunnudaginn klukkan tvö. Margrét segir
tónleikana ferðalag um fornar slóðir
– þetta sé tónlistin sem sungin var á
klúbbum í Berlín á fyrstu áratugum
síðustu aldar og undir Parísarhimni
um miðbik aldarinnar. „Hér er sungið
um léttleika tilverunnar, ástina og
dauðann,“ segir Margrét.
Útvarpsleikhúsið
Hermaður
á bóndabýli
Frumfl utningur Útvarpsleikhúsið
frumflytur nýtt leikrit eftir Kristínu
Ómarsdóttur á sunnudaginn klukkan
13.00. Leikritið fjallar um hermanninn
Rafael sem kemur á bóndabýli þar sem
rekið er heimili fyrir börn. Hann myrðir
alla heimilismenn, unga sem aldna
en einnig félaga sína tvo, því hann vill
hlaupast undan stríðinu sem stendur
yfir og gerast bóndi. Meðal leikenda eru
Brynhildur Guðjónsdóttir, Hilmir Jens-
son og Hjörtur Jóhann Jónsson. Leik-
stjórn er í höndum Bjarna Jónssonar.
Símon
Birgisson
simon@frettabladid.is
HELGIN
23. nóvember 2013 LAUGARDAGUR
Ritlist og knæpur
Eiríkur Örn Norðdahl
skáld
Ég ætla að kenna unglingum
ritlist í Norræna húsinu, hanga
með vinum mínum á knæp-
um og kíkja á bókamessu í
Reykjavík. Svo verður reyndar
ekki bundinn endi á helgina
fyrr en á mánudagskvöld með
epísku ljóðakvöldi á Loft Hostel.
Skíðaferð með fjölskyldunni
Hjördís Sigurjónsdóttir,
blaðamaður og nemi
Vonandi verður hægt að fara á
skíði í Bláfjöllum í dag, við erum
að reyna að gera skíðaíþróttina
að fjölskyldusporti. Svo er ég í
ritgerðarvinnu og þarf að veita
henni einhverja athygli um
helgina.
Fagnar með Hlín
Viðar Eggertsson
Útvarpsleikhússtjóri
Í dag ætla ég í 60 ára afmælis-
veislu vinkonu minnar, Hlínar
Agnarsdóttur, þar sem nokkrar
eðalleikkonur leiklesa nýtt
leikrit eftir afmælisbarnið. Á
sunnudaginn ætla ég að mæta
í Aðventuglaðning í hádeginu í
Borðstofunni í Hannesarholti.