Fréttablaðið - 23.11.2013, Page 70

KYNNING − AUGLÝSINGJólabakstur LAUGARDAGUR 23. NÓVEMBER 20136
Breska konungsfjölskyldan er fastheldin á hefðirn-ar þegar kemur að jólahaldi. Ár hvert hóar Elísa-bet drottning allri fjölskyldunni saman á Sand-
ringham-sveitabýlinu þar sem gestirnir dvelja frá að-
fangadegi og fram á annan í jólum. Gestirnir geta verið á
þriðja tug og því er mikið um að vera hjá starfsfólki húss-
ins við skipulagningu og matargerð. Gestirnir þurfa enda
að fylgja afar ströngum reglum við komuna á aðfanga-
dag. Hver gestur fær úthlutað sérstökum komutíma og
þeir mæta í röð eftir aldri og heiðri. Þeir yngstu mæta
þannig fyrst en þeir heldri síðast. Undanfarin ár hafa
þeir bræður Vilhjálmur og Harry mætt nógu snemma
til að spila fótbolta við starfsfólk Sandringham-hússins.
Allir þurfa síðan að vera mættir í hús aftur klukk-
an fjögur síðdegis þegar fjölskyldan safnast saman í
hvítu viðhafnarstofunni til að drekka síðdegiste. Yngstu
barnabörn drottningarinnar fá þá að klára að skreyta
jólatréð með góðum leiðbeiningum frá ömmu sinni. Hús-
stjórnandinn lætur hvern gest hafa dagskrá helgarinn-
ar og að því loknu eru jólagjafir opnaðar.
Gefa ekki dýrar gjafir
Sá siður að opna gjafir á aðfangadagskvöldi, í stað jóla-
dagsmorguns, er kominn frá Alberti prins, þýskum eig-
inmanni Viktoríu drottningar. Gjöfunum er raðað á borð í
rauða viðhafnarherberginu, aftur í sérstakri forgangsröð.
Ekki er til siðs að gefa dýrar gjafir heldur er meira
lagt upp úr glensi. Karl Bretaprins notar til að mynda
enn í dag hvíta klósettsetu sem Anna prinsessa gaf
honum fyrir nokkrum árum. Harry prins gaf eitt sinn
Elísabetu ömmu sinni baðhettu sem á stóð „Ain‘t life a
bitch?“ eða „er ekki lífið tík?“
Eftir að gjafirnar hafa verið opnaðar skiptir fjöl-
skyldan um föt og borðar formlegan kvöldverð. Eftir
matinn tekur við gömul yfir stéttarhefð þar sem kon-
urnar fá kaffi og karlarnir líkjör.
Til kirkju á jóladag
Jóladagur konungsfjölskyldunnar hefst með hefðbundn-
um enskum morgunverði. Að honum loknum hefst eina
opinbera skylda fjölskyldunnar um jólin sem er messu-
ferð í kirkju Maríu Magda lenu.
Flestir ganga til kirkju en konungshjónin hafa hin
síðari ár ferðast í bíl. Eftir kirkjuferðina er haldið til
Sandringham á ný til að snæða kalkún. Matnum þarf að
ljúka fyrir klukkan þrjú þannig að allir geti sest niður
og hlustað á ávarp drottningarinnar í sjónvarpinu en
ávarpið var tekið upp kvöldið áður. Drottningin hlust-
ar aldrei á sjálfa sig með fjölskyldunni og fer því afsíð-
is meðan á ávarpinu stendur.
Nú tekur við laus tími sem fólk nýtir til að fara í
göngutúra með hundana, spila eða horfa á sjónvarp.
Fasanaveiði
Á annan í jólum er hefð fyrir því að öll fjölskyldan ásamt
fleiri gestum taki þátt í fasanaveiðum sem Filippus prins
stýrir. Camilla, eiginkona Karls, fer yfirleitt fyrst frá
Sandringham en hún fer þá í sitt eigið hús í Wiltshire
til að hitta son sinn, Tom, dóttur sína, Lauru, og barna-
börnin sín fimm.
Restin af gestunum yfirgefur samkvæmið að lokinni
veiðinni en drottningin dvelur yfirleitt í Sandringham
þar til í byrjun febrúar. Hún hefur þann sið að láta jóla-
skrautið hanga uppi þar til hún fer. - sg
Konungleg jól
Jólahald bresku konungsfjölskyldunnar er fast í skorðum ár hvert. Fjölskyldan
kemur saman á aðfangadag og dvelur saman fram á annan í jólum.
Elísabet Bretlandsdrottning safnar sínum nánustu í kringum sig á Sandringham-sveita-
setrið um jólin. Sjálf dvelur hún þar fram í febrúar og jólaskrautið fær að hanga alveg
þangað til hún fer. NORDICPHOTOS/GETTY
350 g ósaltað smjör
350 g púðursykur
450 g hveiti
6 egg
salt á hnífsoddi
½ tsk. kanill
½ tsk. múskat
½ tsk. negull
300 g sykraðir blandaðir
ávextir
450 g ljósar rúsínur
450 g kúrennur
125 g rúsínur
125 g möndluflögur
30 ml síróp
1 bolli koníak
1 krukka hreint apríkósumauk
450 g möndlumarsípan
Gott er að láta rúsínur og kú-
rennur liggja yfir nótt í koní-
aki. Takið springform, 23 cm í þvermál, setjið þrjú lög af smjörpappír á botninn
og í hliðar formsins og smyrjið með smjöri svo kakan brenni ekki. Blandið saman í
skál kúrennum, rúsínum, ávöxtum, möndluflögum og kryddi. Þeytið í annarri skál
smjör og púðursykur uns létt og ljóst og bætið svo einu og einu eggi í. Sigtið hveit-
ið og blandið í eggjahræruna. Blandið henni svo saman við ávextina. Að lokum er
afgangi af koníaki bætt saman við og sírópinu. Deigið er sett í form. Sumir geyma
kökuna í ísskáp fram á næsta dag en einnig má baka hana strax. Úðið vatni yfir
kökuna og hyljið svo með tveimur lögum af smjörpappír sem hefur verið smurður
með smjöri og klippið á loftgat.
Kakan er bökuð við 140 gráðu hita í 6 klukkustundir. Þegar kakan er bökuð þarf að
pakka henni í tvöfalt lag af smjörpappír og pappírinn er festur vel með gúmmí-
teygjum. Svo er álpappír pakkað utan um hana og hún sett í loftþétt kökubox. Þar
fær kakan að standa óhreyfð í nokkra daga. Vikulega er kakan tekin fram, gerð-
ar litlar holur í botn og topp með grillprjóni og tveimur, þremur matskeiðum af
koníaki hellt yfir. Hálfum mánuði fyrir jól er kakan pensluð með hreinu apríkósu-
marmelaði sem er hitað fyrst. Það er gert svo marsípanið festist betur við kök-
una. Marsípanið má kaupa tilbúið í stórmörkuðum eða hjá bakara. Viku fyrir jól er
kakan skreytt með flórsykursbráð.
Flórsykursbráð
675 g flórsykur
4 eggjahvítur
1 msk. sítrónusafi
2 tsk. glýserín (ekki nauðsynlegt)
Flórsykurinn sigtaður, eggjahvítur þeyttar vel. Bætið við einni msk. af flórsykri í einu
ofurhægt og þeytið vel á milli. Sítrónusafa og glýseríni bætt út í og þeytt uns bland-
an er orðin eins og marengs. Skálin er hulin með rökum klút og geymd í einn til tvo
tíma. Flórsykursbráðin er fyrst borin á topp kökunnar en þegar hún hefur þornað er
bráðin sett á hliðar hennar.
Klassísk ensk jólakaka
Anna Lóa hefur um árabil skrifað pistla um hamingjuna og segir að það sé nærandi
fyrir sálina að láta gott af sér leiða.
„Mér finnst sörur alveg rosa-
lega góðar, en það er dálítið mál
að búa þær til svo ég var eiginlega
hætt við að baka sörur vegna þess
að ég er ótrúlega óþolinmóð í eld-
húsinu og „baka, bíða, dýfa, kæla“
er ekki alveg ég. En þegar ég skráði
mig á jolapeysan.is (http://jolapeys-
an.is) ákvað ég að gera þetta svona
og leggja góðu málefni lið með því
að skora eiginlega á sjálfa mig í leið-
inni.“
Barnaheill vinna um þessar
mundir að verkefni sem snýr að fá-
tækt barna á Íslandi, en hér á landi
búa tæplega níu þúsund börn við fá-
tækt samkvæmt samantekt samtak-
anna. Verkefnið snýst um að styðja
við börn í þessari stöðu og gera þeim
kleift að njóta réttinda og tækifæra
til jafns við önnur börn.
„Mér finnst afar mikilvægt að
leggja mitt af mörkum til þessa
málaflokks og ef sörurnar mínar
geta veitt margfalda gleði, þá er
þetta ekki spurning.“
Anna Lóa hvetur því alla til að
heita á sig; „Það eru 50 sörur í boði
og það þarf auðvitað ekki að taka
það fram að þær eru fullar af ham-
ingju fyrir utan að vera ótrúlega
góðar. Stóra spurningin er bara hver
verður svo heppinn að hreppa ham-
ingjusörurnar mínar í ár?”
Gefur sörurnar
fyrir mestu áheitin
Anna Lóa Ólafsdóttir, námsráðgjafi og stofnandi Hamingjuhornsins, er
þátttakandi númer 4.140 á jolapeysan.is. Hún hefur ákveðið að sá eða sú sem
heiti mestu á hana í áheitasöfnuninni hljóti sörurnar sem hún bakar fyrir
þessi jól.
Það eru 50 Sörur í boði og það þarf auðvitað ekki að taka það fram að þær eru fullar af
hamingju fyrir utan að vera ótrúlega góðar.