Fréttablaðið - 28.11.2013, Blaðsíða 50

28. nóvember 2013 FIMMTUDAGUR| MENNING | 38
Bókaverslunin Iða efnir til bókmennta- og upp-
lestrarveislu í versluninni Iðu Zimsen á Vestur-
götu á laugardagskvöldið klukkan 18. Tilefnið er
að meðal útgáfuefnis á þessu ári eru óvenjumargar
bækur sem fjalla um líf og reynslu samkynhneigðs
fólks, bæði frumsamið íslenskt efni, skáldskapur,
minningar og fræðirit svo og þýðingar merkra
bóka.
Á hinsegin bókavöku Iðu les Jónína Leósdóttir
upp úr minningum sínum, Við Jóhanna, og Sjón les
upp úr nýrri skáldsögu sinni, Mánasteinn – dreng-
urinn sem aldrei var til. Einnig les Ásdís Óladóttir
upp úr ljóðabók sinni, Innri rödd úr annars höfði,
sem kemur út á næstunni. Af öðru efni íslensku
sem lesið er upp úr er fræðirit Gunnars Karlssonar
sagnfræðings, Ástarsaga Íslendinga að fornu, þar
sem hann fjallar meðal annars um forna íslenska
vitnisburði um fólk sem elskaði sitt eigið kyn.
Tvær þýðingar sem flokka má sem hinsegin
bækur eru í hópi útgáfubóka ársins: Austurríska
minningasagan Mennirnir með bleika þríhyrning-
inn, sem lýsir reynslu homma í fangabúðum nas-
ista í heimsstyrjöldinni síðari, og annar hluti þrí-
leiksins Þerraðu aldrei tár án hanska eftir sænska
rithöfundinn Jonas Gardell, Sjúkdómurinn.
Stjórnandi bókavökunnar og kynnir í Iðu Zim-
sen er Þorvaldur Kristinsson. Allir eru velkomnir
meðan húsrúm leyfir.
Hinsegin bókavaka í Iðu
Bækur sem fj alla um líf og reynslu hinsegin fólks kynntar á upplestrarkvöldi.
HINSEGIN
BÆKUR
Meðal þeirra sem
lesa úr verkum
sínum í Iðu
Zimsen á laugar-
dagskvöldið er
Sjón sem les úr
skáldsögu sinni
Mánasteini.
FRÉTTABLAÐIÐ/ARNÞÓR
Kvikmyndin Fifth Estate, eða
Fimmta valdið, sem fjallar um
Wikileaks er að mati viðskipta-
tímaritsins Forbes stærsti skell-
ur ársins. Þrátt fyrir ágætis leik
Benedicts Cumberbatch sem
Julian Assange, hápólitískt við-
fangsefni og hinn verðlaunaða
leikstjóra Bill Condon við stjórn-
völinn gekk myndin ekki upp.
Kvikmyndin, þar sem reynt er að
segja sögu Wikileaks frá stofn-
un samtakanna til dagsins í dag,
hefur hlotið skelfilega gagnrýni
og dræmar viðtökur áhorfenda
auk þess sem Julian Assange
hefur fordæmt myndina og sagt
hana áróður. Hún hefur aðeins
skilað 6 milljónum Bandaríkja-
dala í tekjur en kostaði 28 millj-
ónir í framleiðslu.
Forbes útnefnir tíu stærstu
skelli ársins og í öðru sæti er
kvikmyndin Bullet to the Head
með Sylvester Stallone sem skil-
aði aðeins 9 milljónum Banda-
ríkjadala í tekjur og í því þriðja
Paranoia með Harrison Ford og
Gary Oldman. - sb
Wikileaks brotlendir
Kvikmyndin um Wikileaks hefur hlotið slæma gagnrýni og lélega aðsókn. Hún er
í fyrsta sæti yfi r þær myndir sem verst hefur gengið í kvikmyndahúsum í ár.
TEKIN UPP Á ÍSLANDI Hluti myndarinnar gerist hér á landi, til dæmis í Bláa lóninu.
1. The Fifth Estate– tekjur 21% af kostnaði
2. Bullet to the Head– tekjur 36% af kostnaði
3. Paranoia– tekjur 39% af kostnaði
4. Parker– tekjur 49% af kostnaði
5. Broken City– tekjur 54% af kostnaði
6. Battle of the Year– tekjur 55% af kostnaði
7. Getaway– tekjur 58% af kostnaði
8. Peeples– tekjur 60% af kostnaði
9. RIPD– tekjur 60% af kostnaði
10. The Big Wedding– tekjur 63% af kostnaði
Heimild: Forbes-viðskiptatímaritið.
STÆRSTU SKELLIR ÁRSINS
Korpúlfsstaðir verða opnir frá klukkan 17 til
21 í kvöld. Vinnustofur listamanna verða opnar
og sömuleiðis samsýningin Brotabrot í stóra
salnum.
Kaffihúsið Litli bóndabærinn verður með veit-
ingar auk þess sem Lísa Rún flytur þar eigin ljóð
og Guðný Hallgrímsdóttir les upp úr bók sinni
Sögunni af Guðrúnu Ketilsdóttur.
Tónlistin mun óma um salarkynni Korpúlfs-
staða; Tríóið Dimma syngur nokkra negrasálma
og jólalög, Atli Steinn Hrafnkelsson flytur frum-
samin lög, Hjónin Íris Ólöf Sigurjónsdóttir og
Hjörleifur Hjartarson koma með tóninn að norð-
an og Íris Edda Jónsdóttir syngur jólalög við
undirleik Ragnars Ólasonar. Korpúlfarnir verða
einnig með opið hjá sér og bjóða upp á fagran
söng og harmónikkuleik.
Myrkurkvöld á Korpúlfsstöðum
Gestum býðst að heimsækja opnar vinnustofur listamanna, hlýða á upplestur,
hljómlistarfl utning og fl eira á opnu húsi á Korpúlfsstöðum í kvöld.
KORPÚLFSSTAÐIR Mikið verður um að vera á Korpúlfsstöðum í
kvöld. FRÉTTABLAÐIÐ/GVA