Fréttablaðið - 31.01.2014, Qupperneq 10

31. janúar 2014 FÖSTUDAGUR| FRÉTTIR | 10
SAMFÉLAGSMÁL Ekki liggja enn fyrir verk-
ferlar og lausnir varðandi vernd vitna í
mansalsmálum, sem er hluti af aðgerðar-
áætlun ríkisins um aðgerðir gegn man-
sali. Staðan er svona þrátt fyrir að ferlar
og lausnir hafi átt að liggja fyrir fyrir lok
síðasta árs.
Í áætluninni, sem tekur til áranna 2013
til 2016, segir meðal annars að lögregla
þurfi „að koma í veg fyrir að manseljendur
eða glæpasamtök nái að þagga niður í vitn-
um eða neyða þau til að gefa rangan vitnis-
burð. Í ljósi þessa þarf að þróa betri úrræði
fyrir vitnavernd“.
Áætlunin er á forræði
innanríkisráðuneytisins,
en samkvæmt upplýsing-
um frá ráðuneytinu er
verið að leggja lokahönd
á úrræðin hjá ríkislög-
reglustjóra. Þar er verið
að skoða málið út frá lög-
fræðilegum álitaefnum,
til dæmis hvort þurfi að
breyta lögum. Lögð er
áhersla á að ljúka mál-
inu sem fyrst og er miðað við lok næsta
mánaðar.
Tafirnar eru sagðar orsakast af því að
verið sé að vanda til verka og málið metið
út frá reynslunni hér heima og erlendis.
Guðrún Jónsdóttir, talskona Stígamóta,
segir í samtali við Fréttablaðið að vitan-
lega sé mikilvægt að hafa ákvæði varðandi
vitnavernd í slíkum málum.
„Við í Stígamótum höfum í Kristínar-
húsi unnið með mörgum konum sem taldar
eru tengjast mansali og engin þeirra hefur
treyst sér til að vitna eða segja sannleikann
um sína sögu. Það er auðvitað að hluta til
vegna þess að það er búið að tryggja þögn
þeirra.“ - þj
Mánuður er síðan verkferlar og lausnir í mansalsmálum áttu að vera tilbúin samkvæmt áætlun stjórnvalda:
Töf verður á vitnaverndarúrræðum vegna mansals
GUÐRÚN
JÓNSDÓTTIR
NEKTARDANS Mansalsmál hér á landi hafa meðal
annars tengst nektardansstöðum. NORDICPHOTOS/AFP
Netverslun til sölu
Til sölu þekkt netverslun með leikföng ofl.
Lager og verslunarinnréttingar líka.
IBM tölvukassi með strikamerkibyssu ofl.
Síðan er eigin hugbúnaður
með marga þjónustumöguleika.
Áhugasamir sendi póst til; jbutgafa@simnet.is
Bútan, 11.-23 apríl. Landið þar sem hamingjan á lögheimili.
Moldóva, 25. maí – 7. júní. Ríkin þrjú innan sömu landamæra.
Litháen-Hvítarússland-Pólland, 14. -23/ 25. júní. Þriggja landa sýn.
Búlgaría, 30 júní til 14. júlí. Í leit að hvundagslífi og rósailmi.
Íslendingaslóðir í Vesturheimi, 28. júlí – 8. ágúst. Í 125 ára afmæli
íslendingadagsins í Gimli.
Færeyjar, 12. til 19. ágúst. Í frændgarði.
Albanía, 15. til 23 september. Í leit að horfnum heimi.
Búlgaríu, 15. til 22. september. Golf og saga við Svartahaf.
Ferðakynning í Norrænahúsinu á laugardag, 1. febrúar kl. 16:00

soguferdir@soguferdir.is
www.soguferdir.is S: 564 3031
VERSLUN Átta ár hefur tekið að
festa sögu Áfengis- og tóbaksversl-
unar ríkisins (ÁTVR) á blað og
kostnaður við verkið verður ekki
undir 21 milljón króna. Áætlað er
að gefa bókina út í ár samkvæmt
upplýsingum frá versluninni.
„Það stendur enn til að gefa sög-
una út,“ segir Sigrún Ósk Sigurð-
ardóttir, aðstoðarforstjóri ÁTVR,
í skriflegu svari við fyrirspurn
Fréttablaðsins. Hún segir að búið
sé að rita söguna, en myndvinnslu
sé ekki lokið.
Sigrún segir ekki búið að tíma-
setja útgáfuna, en ef allt gangi að
óskum ætti hún að koma út í ár.
Það ráðist að einhverju leyti af
umfangi vinnu við ljósmyndir, en
þeirri vinnu sé enn ekki lokið.
Byrjað var að huga að ritun sögu
ÁTVR fyrir tíu árum, þótt kostn-
aðaráætlun hafi ekki verið gerð
fyrr en árið 2006. Í ávarpi for-
stjóra ÁTVR í ársskýrslu versl-
unarinnar fyrir árið 2005 segir
að áformað sé að sagan komi út á
árinu 2007, þegar ÁTVR varð 85
ára. Það gekk ekki eftir.
„Vinna við öflun og vinnslu ljós-
mynda hefur reynst tímafrek. Eins
hefur verkið tafist vegna þess að
ákveðið var að bæta við nýjum
kafla eftir gildistöku nýrra laga
2011 og nær saga bókarinnar því
yfir 90 ára sögu ÁTVR frá 1922 til
2012,“ segir í svari Sigrúnar.
Árið 2011 tóku gildi ný lög um
verslun með áfengi og tóbak. Þau
fólu í sér þá gagngeru stefnu-
breytingu að leggja þær skyldur
á ÁTVR að haga starfseminni í
samræmi við áfengisstefnu stjórn-
valda hverju sinni, auk áherslu á
samfélagslega ábyrgð.
Upphafleg kostnaðaráætlun,
sem gerð var árið 2006, gerði ráð
fyrir að ritun sögu ÁTVR kost-
aði 14,4 milljónir króna. Sú upp-
hæð rann öll til fjögurra verktaka
sem skrifuðu söguna. Fyrrverandi
starfsmenn ÁTVR sem aðstoðuðu
við ritun sögunnar fengu ekki
greitt fyrir þá vinnu, að því er
fram kemur í svari ÁTVR við fyr-
irspurn Fréttablaðsins.
Kostnaður við ritun sögunnar er
nú kominn í 16 milljónir og áætl-
að er að 5,3 til 5,8 milljónir hið
minnsta þurfi til að ljúka verkinu.
Þótt nú líti út fyrir að kostnaður
við verkið verði nærri 22 milljón-
um er ekki hægt að segja að verk-
ið hafi farið yfir kostnaðaráætlun.
Sé tekið tillit til verðlagsþróunar
frá árinu 2006 hljóðaði upphafleg
áætlun upp á 21,3 milljónir á verð-
lagi dagsins í dag.
brjann@frettabladid.is
Tekið átta ár að skrifa
níutíu ára sögu ÁTVR
Útgáfa á sögu ÁTVR hefur ekki verið tímasett. Hún hefur verið í vinnslu í átta ár
en unnið hefur verið að henni í áratug. Áætlað er að kostnaður við ritunina verði á
bilinu 21 til 22 milljónir króna. Það er innan áætlunar sé gert ráð fyrir verðbólgu.
SAGAN SKRIFUÐ Ýmsu þarf að gera skil þegar saga ÁTVR er rituð, til dæmis þeim
tímamótum þegar sala á bjór var leyfð 1. mars 1989. FRÉTTABLAÐIÐ/GVA
Upphafleg kostnaðaráætlun ÁTVR gerði ráð fyrir 14,4 milljónum króna
í verkið. Á verðlagi ársins 2014 er það rúm 21 milljón króna. Áfallinn og
áætlaður kostnaður, alls 21,3 til 21,8 milljónir króna, skiptist svona:
■ Greiðslur til höfunda texta 14,4 milljónir.
■ Ljósmyndavinnsla (vinnu ekki lokið) 1,6 milljónir.
■ Umbrot og prentun (áætlað) 4,5 til 5 milljónir.
■ Útlitshönnun 790 þúsund krónur.
Kostnaður nálgast 22 milljónir króna
ÚKRAÍNA, AP Viktor Janúkovítsj, forseti Úkraínu, er
lagstur í rúmið með flensu og háan hita. Óvíst er
hvenær hann verður fær um að taka til starfa á ný.
Tímasetningin er frekar óþægileg fyrir forset-
ann, þar sem hann hefur undanfarna tvo mán-
uði tekist á við harðvítug fjöldamótmæli sem hafa
magnast með hverri vikunni sem líður.
Meðal stjórnarandstæðinga hefur jafnvel vaknað
sá grunur að á bak við tjöldin hafi verið ákveðið að
Janúkovítsj færi í veikindaleyfi, en í reynd væri
verið að bola honum frá völdum. Vísað hefur verið
til þess þegar harðlínumenn í sovéska Kommún-
istaflokknum reyndu að steypa Mikhaíl Gorbatsjov
af stóli í ágúst árið 1991, en þá tilkynnti varafor-
seti Sovétríkjanna að Gorbatsjov væri alvarlega
veikur.
Mótmælendur í Úkraínu héldu hins vegar í gær
ótrauðir áfram og krefjast þess að Janúkovítsj segi
af sér, þrátt fyrir að hann telji sig hafa komið að
hluta til móts við kröfur þeirra með því að bjóða
sakaruppgjöf og afturkalla umdeild lög. - gb
Mótmæli halda áfram í Úkraínu þrátt fyrir skyndileg veikindi forsetans:
Janúkovítsj lagstur í rúmið
MÓTMÆLENDUR Í KÆNUGARÐI Vígbúnir og með skildi að
hætti sérsveita lögreglunnar. NORDICPHOTOS/AFP
TAÍLAND, AP Háttsettir embættismenn í Taílandi hafa þurft að fara á fund
mótmælenda til þess að biðja sérstaklega um leyfi til að fá að nota skrif-
stofur sínar. Þeir hafa margir hverjir ekki komist í vinnuna í tvær vikur
eftir að mótmælendur lögðu undir sig nokkrar stjórnarbyggingar.
Einn leiðtoga mótmælenda, munkurinn Luang Pu Buddha Issara, tók á
móti þeim, þar sem hann sat við skrifborð, klæddur gulum kufli, í allra
augsýn. Þetta þótti töluverð niðurlæging fyrir stjórnvöld, sem boðað hafa
til kosninga á sunnudaginn kemur.
Margt hefur setið á hakanum hjá stjórnvöldum þessar tvær vikur, sem
aðgangur að skrifstofubyggingum hefur verið lokaður. Meðal annars
hefur ekki verið hægt að afgreiða umsóknir um vegabréf. - gb
Taílenskir embættismenn glíma við tafir á afgreiðslu mála:
Þurfa leyfi til að komast í vinnu
BEÐIÐ UM LEYFI Aðstoðarlögreglustjórinn í Bangkok hneigir sig djúpt í virðingar-
skyni við einn af leiðtogum mótmælenda. FRÉTTABLAÐIÐ/AP