Fréttablaðið - 04.02.2014, Side 6

4. febrúar 2014 ÞRIÐJUDAGUR| FRÉTTIR | 6
1. Hvar er til umræðu að koma upp
sérstökum garði fyrir „formæður“ ís-
lenskrar höggmyndalistar?
2. Hvaða íþróttakona varð fi mmfaldur
Íslandsmeistari í frjálsum íþróttum
um helgina?
3. Hvað gerir hælisleitandinn Navid
Nouri í sjálfboðavinnu?
SVÖR:
Loft innan fárra mínútna
Ilmur af mentól og eukalyptus
Andaðu
með nefinu
Otrivin Menthol ukonserveret, nefúði, lausn. Innihaldslýsing: Xýlómetazólínhýdróklóríð
1 mg/ml. Ábendingar: Bólgur og aukin slímmyndun í nefi, kinnholum og nefkoki. Skammtar
og lyfjagjöf: Fyrir fullorðna og börn eldri en 12 ára: 1 úði í hvora nös 3 sinnum á sólarhring
eftir þörfum, lengst í 10 sólarhringa og ekki úða oftar en að hámarki 3 úða í hvora nös á
sólarhring. Snýttu þér. Fjarlægðu glæru plasthettuna. Skorðaðu úðaflöskuna milli fingranna.
Úðað er með því að þrýsta kraganum niður að flöskunni. Hallaðu höfðinu örlítið fram.
Stúturinn á úðaflöskunni er settur upp í nösina. Úðað er einu sinni, um leið og andað er
að sér inn um nefið. Farðu eins að í hina nösina. Ekki má nota lyfið ef þú ert með ofnæmi
fyrir einhverju innihaldsefnanna, ef þú hefur gengist undir aðgerð í gegnum nefið eða
munninn eða ert með þrönghornsgláku. Ráðfærðu þig við lækni áður en lyfið er notað ef þú
ert: Þunguð, með barn á brjósti, næmur fyrir adrenvirkum efnum, ert með skjaldvakaóhóf,
sykursýki, háþrýsting, æðakölkun, slagæðargúlp, blóðtappa í hjarta, óreglulegan eða hraðan
púls, erfiðleika við þvaglát, æxli í nýrnahettum, þunglyndi og ert á lyfjameðferð við því.
Geymið þar sem börn hvorki ná til né sjá. Lesið allan fylgiseðilinn vandlega áður en byrjað er
að nota lyfið. Sjá notkunarleiðbeiningar í fylgiseðli. Markaðsleyfishafi: Novartis Healthcare.
Umboð á Íslandi: Artasan ehf., Suðurhrauni 12a, 210 Garðabæ.
SJÁVARÚTVEGUR Markaðssetning
íslenskra sjávarafurða er ekki
eins markviss og árangursrík
eftir að stóru sölusamtökin hurfu
af sviðinu. Norðmenn og Rússar
hafa unnið upp forskot Íslands í
sjófrystingu. Afli smábáta skiptir
miklu máli í markaðssetningu.
Þetta kom fram í máli Bjarna
Benediktssonar, framkvæmda-
stjóra Iceland Seafood á Íslandi, á
fundi atvinnuveganefndar Alþing-
is. Þar var staða sjávarútvegs til
umfjöllunar á breiðum grundvelli.
Bjarni var spurður á fundin-
um hvort breytt fyrirkomulag
sölumála ynni gegn hagsmunum
greinarinnar, en allt til síðustu
aldamóta hafði Ísland sérstöðu í
útflutningsmálum sjávarafurða.
„Ég tel að markaðssetningu
íslenskra sjávarafurða hafi sett
niður, samanborið við þann tíma
sem sterk sölusamtök voru sam-
nefnari fyrir íslenskan fisk, og
menn þekktu vörumerkin. Því
miður verður það að viðurkennast
að við höfum ekki þessa sterku
stöðu sem var,“ sagði Bjarni.
Lilja Rafney Magnúsdóttir, þing-
kona Vinstri grænna, innti Bjarna
eftir því hvaða hlutverki smábáta-
útgerðin hefði í stóru samhengi
markaðsmála fyrir íslenskan fisk,
ekki síst í ljósi kröfu um rekjan-
leika og gæðavottun og hvort tæki-
færi liggi í því smáa sem verðmæt-
ari vöru.
Bjarni sagði smábátaaflann
mjög mikilvægan í markaðssetn-
ingu. „Menn eru alltaf að tala um
að afhendingaröryggi í sjávar-
útvegi sé mikilvægt, og það má
spyrja, ef afli smábáta dytti út
af mörkuðum yfir sumarið, hvað
hægt væri að bjóða. En þessi afli
er lykillinn að því að við getum
boðið ferskan fisk á ársgrund-
velli,“ sagði Bjarni og bætti við
að afli smábáta tengdist vissulega
líka aukinni kröfu um rekjanleika
sjávarfangs þar sem neytandinn
vill vita hvar fiskurinn er dreginn
á land og af hverjum. „Þetta styð-
ur hvort annað, stórt og smátt.“
Bjarni sagði að Norðmönnum og
Rússum hefði tekist að vinna upp
forskot Íslands í sjófrystingu, og
sáralítill munur væri á gæðum
á milli landa. Ólíkt því sem var.
„Sérstaðan okkar er núna í línu-
fiski og gámafiski og það er ekki
tilviljun að stór félög eru að kaupa
línuskip.“ svavar@frettabladid.is
Sérstaða Íslands við
fisksölu hefur tapast
Markaðssetningu íslenskra sjávarafurða hefur sett niður með uppbroti stórra sölu-
samtaka. Þekkt vörumerki töpuðust og þar með forskot sem Ísland hafði. Á fjórða
tug fyrirtækja annast sölumál sjávarafurða í dag. Einstök fyrirtæki selja eigin fisk.
■ Ísland hafði nokkra sérstöðu þegar kom að útflutningi sjávarfangs, en
hann var í höndum stórra sölusamtaka eins og Sölumiðstöðvar hraðfrysti-
húsanna hf. (nú Icelandic), Íslenskra sjávarafurða og SÍF hf. Tvö síðar-
nefndu fyrirtækin voru sameinuð og starfa nú undir nafninu Iceland
Seafood International.
■ Hugsunin á bak við þessi samtök var í grundvallaratriðum sú að þau
væru eins og söluskrifstofur framleiðenda en afurðirnar voru seldar í
umboðssölu.
■ Upp úr 1990 fóru fyrirtæki í útgerð og fiskvinnslu í auknum mæli sjálf
að annast sölumál afurða sinna. Stóru sölusamtökin fóru í kjölfarið að
breyta um áherslur í rekstri.
■ Í dag starfa á fjórða tug fyrirtækja sem stunda sölu og markaðssetningu á
sjávarafurðum frá Íslandi, en hjá þessum fyrirtækjum starfa um 250 manns.
Heimild: Íslenski sjávarklasinn
Fáir stórir önnuðust umboðssölu
VIÐ VINNU Umhverfi sölumála í sjávarútvegi hefur gjörbreyst á tiltölulega stuttum
tíma. FRÉTTABLAÐIÐ/VALLI
DANMÖRK „Fleiri störf. Meiri
velferð,“ segir Helle Thorning-
Schmidt vera það sem ný ríkis-
stjórn hennar muni helst vinna að
það sem eftir lifir kjörtímabilsins.
Tveir flokkar eru eftir í minni-
hlutastjórninni eftir að Sósíalíski
þjóðarflokkurinn sagði skilið við
hana í síðustu viku.
Sósíaldemókratar og Radikale
venstre hafa nú endurnýjað ráð-
herralista sinn og ætla að halda
ótrauðir áfram, þrátt fyrir minni
þingstyrk, en með stuðningi bæði
Sósíalíska þjóðarflokksins og Ein-
ingarlistans.
Danskir fjölmiðlar vöktu athygli
á því í gær að hinn nýi utanríkis-
ráðherra, Martin Lidegaard, hefði
fyrir tíu árum stungið upp á því
að utanríkisráðuneyti Danmerkur
yrði lagt niður.
Hann segist nú aldrei hafa
verið þeirrar skoðunar, þótt hann
hafi slegið þessu fram til að vekja
umræður.
Reyndar lagði hann einnig til að
utanríkisráðuneyti allra annarra
aðildarríkja Evrópusambandsins
yrðu lögð niður, en í staðinn yrði
sameiginleg utanríkisstefna Evr-
ópusambandsríkjanna mótuð í
Brussel.
- gb
Minnihlutastjórnin í Danmörku kynnti nýjan ráðherralista sinn í gær:
Lofar störfum og meiri velferð
1. Í Hljómskálagarðinum. 2. Hafdís Sig-
urðardóttir. 3. Saumar og gerir við föt fyrir
Flóamarkað Konukots.
HELLE THORNING-SCHMIDT Forsætis-
ráðherra Danmerkur heldur ótrauður
áfram. NORDICPHOTOS/AFP
Ég tel að
markaðssetn-
ingu íslenskra
sjávarafurða
hafi sett niður,
samanborið við
þann tíma sem
sterk sölusamtök voru sam-
nefnari fyrir íslenskan fisk,
Bjarni Benediktsson,
framkvæmdastjóri Iceland Seafood
ALÞINGI Skattskyldir einstaklingar sem
greiða þurfa háan kostnað vegna ferða til
og frá vinnu munu hljóta afslátt af tekju-
skatti, verði úr tillögu til þingsályktunar
sem lögð var fram á Alþingi.
Fjármálaráðherra yrði með þessu
falið að útfæra reglur um skattaafslátt
nákvæmlega en í þessu felst að afsláttur
þessi kæmi til með að ná yfir launþega
sem ferðast innan sérstaklega skilgreindra
atvinnusvæða innan lands. Í greinargerð
er hækkandi eldsneytisverð meðal annars
nefnt sem hvati til tillögunnar, sem hefur
tvisvar verið lögð fram áður.
Flutningsmenn tillögunnar eru fimm
þingmenn Framsóknarflokksins, en hún
byggir á lagasetningu í Danmörku, Sví-
þjóð og Noregi. Í öllum þessum löndum
geta launþegar notið skattaafsláttar vegna
ferða til og frá vinnu ef ákveðin skilyrði
eru til staðar. Í Danmörku eiga launþeg-
ar til dæmis rétt á afslættinum ef þeir
búa í meira en 12 kílómetra fjarlægð frá
vinnustað sínum. Samkvæmt því viðmiði
gæti sem dæmi einstaklingur sem ekur
frá Reykjavík til Álftaness á hverjum degi
vegna vinnu fengið afslátt af tekjuskatti
sínum. - bá
Þingsályktunartillaga á Alþingi um skattabreytingu fyrir launþega sem búa langt frá vinnustað:
Leggja til afslátt vegna ferðakostnaðar
SELFOSS
Í greinar-
gerð til-
lögunnar
kemur fram
að fólk
leitar sífellt
meira til
nágranna-
bæja vegna
vinnu.
FRÉTTABLAÐIÐ/
ERNIR