Fréttablaðið - 20.03.2014, Page 2

20. mars 2014 FIMMTUDAGUR| FRÉTTIR | 2
JAFNAÐ VIÐ JÖRÐU Ísraelsmenn fyrirskipuðu að tvö hús yrðu jöfnuð við jörðu í
hverfinu Beit Hanina. FRÉTTABLAÐIÐ/AP
ÍSRAEL Hús tveggja palestínskra fjölskyldna í hverfinu Beit Hanina,
austur af Jerúsalem, voru lögð í rúst af jarðýtum Ísraela í gær.
Ástæðan sem var gefin fyrir eyðileggingunni var sú að húsin hefði
verið byggð án þess að byggingarleyfi væri fyrir hendi. - fb, jme
Ísraelsmenn jafna tvö hús Palestínumanna við jörðu:
Segja að byggingarleyfi hafi skort
STJÓRNMÁL Ólafur Ragnar Gríms-
son, forseti Íslands, mótmælti
því í gær að aðstoðarutanríkis-
ráðherra Noregs notaði vettvang
Norðurskautsráðsins til að gagn-
rýna athafnir Rússa í Úkraínu.
Ráðherrann Ingvild Næss Stub
sagði á ráðstefnu ráðsins, sem
nú stendur yfir í Bodø í Noregi,
að Norðmenn styddu Úkraínu og
fordæmdi háttsemi Rússlands á
Krímskaga.
Gunnar Bragi Sveinsson utan-
ríkisráðherra segist á Facebook-
síðu sinni sammála forsetanum.
Alþjóðadeilum hafi verið haldið
utan Norðurskautsráðsins.
- sko
Deildi á norskan ráðherra:
Vildi ekki ræða
athafnir Rússa
TÆKNI Raftækjarisinn Apple
svipti hulunni af ódýrari útgáfu
snjallsímans iPhone 5C í vikunni.
CNN greinir frá.
Tim Cook, forstjóri Apple,
viðurkenndi í janúar að fyrir-
tækið hefði ofmetið eftirspurn
eftir litríka símanum iPhone 5C.
Í kjölfarið svipti Apple hulunni af
nýrri gerð símans.
Sá nýi hefur aðeins 8GB minni
og er því nokkuð ódýrari. Í Eng-
landi kostar hann 429 pund, eða
um 80.000 krónur. Til saman-
burðar kostar 16GB iPhone 5C
jafnvirði 88.500 króna. - kóh
Apple lækkar snjallsímaverð:
Ódýrari iPhone
VÍSINDI Rannsóknir sýna að lang-
varandi svefnleysi getur drepið
allt að fjórðung heilafrumna í
músum samkvæmt frétt BBC.
Tilraunamúsum var haldið
vakandi svo svefnvenjur þeirra
líktust aðstæðum svefnleysis í
mannlífinu. Eftir þriggja daga
svefnleysi, líkt því sem tíðkast
hjá fólki sem vinnur næturvinnu,
höfðu mýsnar glatað fjórðungi
heilafrumna sinna. Höfðu mýsn-
ar þá fengið þriggja til fjögurra
tíma svefn á þremur dögum.
Dag einn verður mögulega
hægt að þróa lyf sem ver heilann
fyrir áhrifum svefnleysis, segja
rannsakendurnir. - kóh
Nægur svefn er mikilvægur:
Svefnleysi ban-
ar heilafrumum
SPURNING DAGSINS
SEGLAGERÐIN ÆGIR
Þar sem ferðalagið byrjar
FERÐAVAGNAR
Gauji, getur þú ekki verið til friðs?
„Jú, en það þarf að gera fortíðinni
skil og gleyma því ekki hversu mikil-
vægt er að vera friðsæll.“
Guðjón Sigmundsson, Gauji litli, var töku-
staðarstjóri stríðsmyndarinnar Dead Snow II
sem tekin var upp á Íslandi. Hann er einnig
staðarhaldari Hernámssetursins í Hvalfirði.
MALASÍA Gögnum hefur verið eytt úr flughermi
annars af flugmönnum malasísku þotunnar sem
hvarf sporlaust fyrir tæpum tveimur vikum.
Þetta kom í ljós við rannsókn á flugherminum, að
því er fram kom í máli Hishammuddin Hussein,
samgönguráðherra Malasíu, á fundi með fjöl-
miðlafólki í gær, samkvæmt frétt CNN.
Hussein upplýsti þó ekki um hverjir hafi getað
eytt þeim né hvaða gögnum hefði verið eytt.
Flughermar geyma iðulega upplýsingar um
fyrri notkun svo hægt sé að fara yfir fyrri
frammistöðu að sýndarflugi loknu. Áhugamenn
um flugherma nýta sér upplýsingarnar til að
mæla árangur sinn og kunnáttu.
Sérfræðingar segja óvenjulegt að gögnum
sé eytt, enda sjaldnast nokkur ástæða til þess.
Gagnaeyðslan felur þó ekki endilega í sér illan
ásetning, enda er gögnum eytt úr tölvum um heim
allan á hverjum degi. Hussein segir sérfræðinga
rannsaka herminn í von um að geta endurheimt
gögnin sem flugmaðurinn eyddi.
Farþegaþotunnar hefur nú verið leitað sleitu-
laust í 13 daga. Þrátt fyrir að stór floti skipa og
flugvéla fínkembi umliggjandi höf í leit að braki
eru björgunarsveitir engu nær um brotthvarf vél-
arinnar og farþeganna 239. - kóh
Flugmaður týndu malasísku flugvélarinnar er undir smásjá yfirvalda:
Eyddi gögnum úr flughermi
RANNSÓKN Hishammuddin Hussein, samgönguráðherra
Malasíu, ræðir flughermi annars flugmannsins við fjölmiðla-
fólk í gær. NORDICPHOTOS/AFP
NÁTTÚRUFAR Tvær nýjar tegundir
kransþörunga hafa fundist hér á
landi. Þær bera fræðiheitin Toly-
pella canadensis og Chara aspera
en hafa ekki fengið íslensk heiti.
Þóra Hrafnsdóttir, líffræðingur
hjá Náttúrufræðistofu Kópavogs,
segir að kransþörungar séu í hópi
grænþörunga og ljóstillífi líkt og
háplöntur. Þeir eru stórvaxnastir
allra þörunga sem lifa í ferskvatni.
Nafn sitt draga kransþörungar af
greinakrönsum sem sitja með reglu-
legu millibili á grönnum stönglum.
Þeir eru algengir í tjörnum og stöðu-
vötnum og mynda oft stórar breiður
á botninum.
Tolypella canadensis lifir í köld-
um og næringarsnauðum vötnum
og virðist bundin við hálendisvötn.
Chara aspera lifir bæði í fersku og
ísöltu vatni. Til þessa hefur tegund-
in aðeins fundist í Skúmsstaðavatni
í Vestur-Landeyjum.
Náttúrustofa Kópavogs hefur
kannað gróður í 72 stöðuvötnum
og 16 straumvötnum hér á landi frá
árinu 2012. - jme
Náttúrufræðistofa Kópavogs rannsakar vistgerð ferskvatna hér landi:
Fundu tvo nýja kransþörunga
ÞÖRUNGUR Þörungurinn Chara Aspera
hefur fundist í einu vatni á Íslandi,
Skúmsstaðavatni í Vestur-Landeyjum.
MYND/NÁTTÚRUFRÆÐISTOFA KÓPAVOGS
EGILSSTAÐIR Systkinahópurinn
frá Hallgeirsstöðum í Jökulsár-
hlíð fagnaði þúsund ára afmæli
í vikunni, þegar einn bróðirinn,
Dvalinn, átti 74 ára afmæli.
„Það var hann sem velti okkur
í eitt þúsund árin,“ segir yngri
systir hans, Alda Hrafnkelsdóttir.
Systkinin eru fimmtán, það
elsta er 78 ára en það yngsta er 54
ára. Upphaflega voru þau sextán
en einn bróðirinn, Auðunn Hlíðar,
er látinn.
„Strákarnir eru fleiri eða níu,
við erum sex stelpurnar,“ segir
Alda. „Þetta var skemmtilegur og
eftirminnilegur dagur.“
„Í tilefni dagsins klæddum við
systurnar okkur upp á í þjóðbún-
inga og bræðurnir klæddust jakka-
fötum. Svo var haldið á ljósmynda-
stofu þar sem teknar voru myndir
af hópnum,“ segir Alda.
Deginum var að öðru leyti
varið í að taka lagið, rifja upp
gamlar minningar og skoða
gamlar myndir af þeim systkin-
um á ýmsum aldursskeiðum. Um
kvöldið fór svo allur hópurinn
ásamt mökum út að borða.
„Þetta voru stærri og veiga-
meiri afmælishátíðhöld en venju-
lega enda áfanginn stór,“ segir
Alda og hlær. Hún segir að það sé
afar gaman að tilheyra svo stórum
systkinahópi. „Það var alltaf gott
samband á milli okkar og maður
átti alltaf félagsskap vísan.“
Alda segir að hópurinn hittist
reglulega. Tólf Hrafnkelsbarna
búa á Héraði en fjögur í öðrum
landshlutum. johanna@frettabladid.is
Hallgeirungar áttu
1000 ára afmæli
Eftirlifandi börn hjónanna Láru Stefánsdóttur og Hrafnkels Elíassonar frá Hall-
geirsstöðum í Jökulsárhlíð fögnuðu því í vikunni að samtals eru þau orðin 1000
ára gömul. Eitt barnanna segir afmælishátíðahöldin hafi verið vegleg í ár.
1000 ÁRA AFMÆLI Systkinin frá Hallgeirsstöðum í Jökulsárhlíð eru samtals þúsund ára gömul og fögnuðu þeim áfanga í
vikunni. Þau eru afkomendur Láru Stefánsdóttur og Hrafnkels Elíassonar. MYND/MYNDSMIÐJAN