Fréttablaðið - 10.05.2014, Side 110

10. maí 2014 LAUGARDAGUR| SPORT | 66
LEIKIR LOKAUMFERÐARINNAR
Á MORGUN KLUKKAN 14.00
Man. City - West Ham S2 Sport 2
Liverpool - Newcastle S2 Sport
Southampton - Man. Utd. S2 Sport 3
Cardiff - Chelsea Stöð 2
Norwich - Arsenal S2 Sport 4
Tottenham - Aston Villa S2 Sport 5
Sunderland - Swansea S2 Sport 6
WBA - Stoke Visir.is
Fulham - Crystal Palace Stöð 2 Gull
Hull - Everton Stöð 3
ANNAÐ SKEMMTILEGT
LAUGARDAGUR
11.50 F1 á Spáni (tímataka) S2 Sport
16.30 The Players m.mótið Golfstöðin
23.59 Brooklyn - Miami S2 Sport
SUNNUDAGUR
11.30 F1 á Spáni (keppni) S2 Sport
16.30 The Players m.mótið Golfstöðin
17.00 Elche - Barcelona S2 Sport 3
17.00 Atletico - Malaga S2 Sport 3
19.30 LA Clippers- OKC S2 Sport
Valskonur jöfnuðu metin í gær
ÆSISPENNA Valskonur unnu eftir tvíframlengdan leik. FRÉTTABLAÐIÐ/DANÍEL
GÓÐ UMFERÐ FYRIR ...
➜ Igor Taskovic, Víkingi
Átti hræðilegan leik í fyrstu umferð
gegn Fjölni en reif sig heldur
betur upp gegn Fram og fór á
kostum.
Jonas Sandqvist, Keflavík
Hélt búrinu hreinu er Keflavík
vann óvæntan sigur á Val.
Hefur komið mjög sterkur inn í
lið Keflavíkur þó svo að hann hafi
gefið mark í 1. umferð.
Þórodd Hjaltalín,
dómara
Dæmdi umdeilt
víti í fyrstu
umferð en
sýndi sitt
rétta andlit
er hann gaf
KR flottan
hagnað gegn Blikum og
úr því kom sigurmarkið.
FÓTBOLTI Hinn bráðefnilegi leikmaður FH, Kristján Gauti
Emilsson, átti frábæran leik og skoraði í 3-0 sigri FH á
Fylki. Hann var besti leikmaður 2. umferðar Pepsi-deildar
karla að mati Fréttablaðsins.
Það vita allir að mikið býr í Kristjáni Gauta en honum
var algjörlega fyrirmunað að skora á síðustu leiktíð. Þá
komst hann ekki á blað í deildinni í sextán leikjum.
„Það er hrikalega gott að ná að skora snemma og vera
kominn á blað. Ég vissi vel að ég gæti skorað og bara tíma-
spursmál hvenær mörkin kæmu,“ segir Kristján Gauti og
bætir við að markaþurrðin hafi ekkert lagst á sálina.
„Ég var alveg rólegur. Ég komst vissulega í færin í
fyrra en það vantaði að klára þau. Ég æfði mikið aukalega
með Lauga aðstoðarþjálfara í vetur og gekk vel að skora á
undir búningstímabilinu. Ég kom því fullur sjálfstrausts
til leiks.“
Kristján Gauti segist ekki ætla að vera með neinar yfir-
lýsingar um hversu mikið hann ætli að skora. Í staðinn
ætlar hann að láta verkin tala á vellinum.
Hann fór ungur að árum út til Liverpool en sneri svo
aftur heim í uppeldisfélagið. Þessi 21 árs
strákur fer ekki leynt með að stefnan er
tekin aftur út.
„Þetta er mjög mikilvægt tímabil fyrir
mig. Ég þarf að sýna að ég hafi það sem til
þarf. Ég stefni klárlega aftur út en hvort það
verður eftir þetta tímabil eða næsta skiptir
ekki öllu máli.“
Yfirburðir FH gegn Fylki voru með
ólíkindum. Liðið skaut 24 sinnum að
marki og hitti rammann 13 sinnum.
Mörkin hefðu því hæglega getað orðið
fleiri.
„Á mjög góðum degi hefðum við
getað skorað tíu mörk. Við erum ekki
að nýta færin vel. Svo hjálpaði ekki að
gömlu Fylkismennirnir Ingimundur og
Albert voru fullkurteisir við sína gömlu
félaga og vildu greinilega ekki skora,“
segir Kristján Gauti léttur. - hbg
Ég vissi vel að ég gæti skorað
FH-ingurinn Kristján Gauti Emilsson er leikmaður 2. umferðar í Fréttablaðinu.
BYRJAR VEL Kristján sýndi hvað í
honum býr gegn Fylki. FRÉTTABLAÐIÐ/DANÍEL
FÓTBOLTI „Maður vildi helst ekki
enda tímabilið á þennan máta en
maður hefur oftast lítið val um
svona lagað,“ segir landsliðsmað-
urinn Alfreð Finnbogason, marka-
kóngur hollensku úrvalsdeild-
arinnar. Alfreð meiddist á hné í
fyrri leik sinna manna í Heeren-
veen gegn AZ Alkmaar í undan-
úrslitum umspilskeppni um sæti í
Evrópudeild UEFA. AZ vann leik-
inn, 3-0, og stendur því vel að vígi
fyrir síðari leikinn í dag.
Meiðsli hans eru þó ekki alvar-
leg og líklegt að hann megi byrja
að æfa á ný eftir 3-4 vikur. „Það
strekktist á liðbandinu í hnénu
eftir að markvörður AZ lenti á því
með fullum þunga,“ segir Alfreð
um atvikið en meðfylgjandi mynd
lýsir aðstæðunum vel. „Þetta hefði
þó getað farið mun verr.“
Líklega seldur í sumar
Alfreð, sem skoraði 29 mörk í
deildinni í vetur, hefur lengi verið
orðaður við hin ýmsu stórlið í Evr-
ópu og líklegt að einn markahæsti
leikmaður álfunnar verði eftir-
sóttur þegar opnað verður fyrir
félagaskipti í sumar.
Hann á tvö ár eftir af samningi
sínum og segir líklegt að forráða-
menn Heerenveen kjósi að selja
hann nú til að fá sem mest fyrir
hann. Alfreð neitar því ekki að það
sé skrítin tilhugsun að hann kunni
að hafa spilað sinn síðasta leik í
búningi Heerenveen.
„Maður hefði gjarnan viljað
vinna umspilið og tryggja lið-
inu sæti í Evrópukeppninni. En
maður verður að sætta sig við orð-
inn hlut og einbeita sér að því að
ná fullri heilsu á ný.“
Ræði við öll félög
Alfreð reiknar allt eins með því
að þurfa að bíða eftir því að fá
sína framtíð á hreint, jafnvel
fram yfir HM í Brasilíu. „Svona
mál vilja oft klárast annaðhvort
fyrir eða eftir HM. Það er lítið
annað fyrir mig að gera en að
fara í mitt sumarfrí og bíða svo
og sjá til,“ segir hann og bætir við
að hann sé tilbúinn að skoða allt
sem upp kemur. „Þýskaland og
Ítalía eru spennandi og England
og Spánn heilla líka. En það fer
líka mikið eftir félaginu og hug-
myndum þeirra manna sem þar
starfa. Ég verð opinn fyrir öllu
og ræði við öll félög sem komast
að samkomulagi við Heerenveen,“
segir Alfreð.
Aldrei tekinn af velli í 31 leik
Alfreð missti af aðeins þremur
deildarleikjum í vetur – öllum
vegna meiðsla. Hann var í byrj-
unarliðinu í hinum leikjunum 31
og var aldrei tekinn af velli. Enda
sýnir tölfræðin að hann skoraði
fimmtán af 29 mörkunum sínum
á síðustu 30 mínútum leikjanna.
En grátlega lítið vantaði upp á
að komast upp upp í þrjá tugi og
hefði hann verið fyrsti Íslending-
urinn til að ná þeim áfanga í efstu
deild í Evrópu.
„Já, takk fyrir að minnast á
það,“ sagði Alfreð í léttum dúr
þegar hann er minntur á þetta.
„Við vorum 3-0 yfir þegar það
voru enn 25 mínútur eftir í síðasta
deildarleiknum. En þá ákváðu
varnarmennirnir að halda bara
boltanum hjá sér. Ég öskraði á þá
að koma boltanum fram því ég
vildi skora 30. markið. Ég verð þá
bara að ná þessum áfanga síðar.“
En honum þykir vitaskuld vænt
um tímabilið og þann fjölda meta
sem hann hefur slegið – til að
mynda að hann er nú markahæsti
leikmaður félagsins í efstu deild
frá upphafi.
„Ég er mjög stoltur af mínum
tveimur árum hér. Ég hef hjálpað
liðinu mikið og verið mikilvægur
leikmaður í því. Metin voru bara
bónus og skemma aldrei fyrir.“
eirikur@frettabladid.is
Ég öskraði á varnarmennina
Alfreð Finnbogason segir líklegt að hann hafi spilað sinn síðasta leik fyrir Heerenveen í Hollandi þótt hann
eigi enn tvö ár eft ir af samningi sínum. Þátttöku hans þetta tímabilið lauk skyndilega vegna hnémeiðsla.
Alfreð Finnbogason varð markakóngur hollensku úrvalsdeildarinnar í fótbolta á þessu tímabili og er aðeins þriðji
íslenski knattspyrnumaðurinn sem nær því að verða markakóngur í evrópskri deild. Hinir tveir eru Arnór Guðjohn-
sen og Gunnar Heiðar Þorvaldsson. Arnór varð markahæsti leikmaður belgísku deildarinnar þegar hann skoraði 19
mörk fyrir Anderlecht tímabilið 1986-87. Gunnar Heiðar varð markakóngur sænsku úrvalsdeildarinnar þegar hann
skoraði sextán mörk fyrir Halmstad sumarið 2005.
Pétur Pétursson hafði komist næst því að verða markakóngur í hollensku deildinni þegar hann skoraði 23 mörk
fyrir Feyenoord 1979-80 en varð þá í öðru sæti, fjórum mörkum á eftir Kees Kist. - óój
Þriðji íslenski markakóngurinn í efstu deild í Evrópu
MEIÐSLIN Hér sést þegar
Alfreð meiddist á hné í leiknum
gegn AZ Alkmaar á miðviku-
dags kvöldið. Meiðslin reyndust
þó ekki alvarleg.
FÓTBOLTI Lokaumferð ensku
úrvalsdeildarinnar fer fram
klukkan 14.00 á morgun en þar
geta tvö lið orðið Englandsmeist-
arar, Manchester City og Liver-
pool.
City er með tveggja stiga for-
skot á Liverpool og mun betri
markatölu og nægir því jafntefli
á heimavelli á móti West Ham til
þess að tryggja sér annan meist-
aratitilinn á þremur árum. Liver-
pool verður að vinna Newcastle á
Anfield og treysta á að liðsmenn
West Ham vinni City á Etihad-
leikvanginum ætli Púlarar sér að
vinna deildina í fyrsta sinn í 24
ár. - óój
Fagnar City-
liðið titlinum?
NÆGIR JAFNTEFLI Edin Dzeko hefur
skorað mikilvæg mörk að undanförnu.
MYND/NORDICPHOTOS/GETTY
visir.is
Frekari umfjöllun um úrslitaeinvígið
í Olís deild kvenna í handbolta.
OLÍS D. KVENNA LEIKUR 2
VALUR - STJARNAN 25-23 (19-19, 23-23)
Mörk Vals (skot): Karólína Bærhenz Lárudóttir 6 (6), Anna
Úrsúla Guðmundsdóttir 6 (11), Kristín Guðmundsdóttir
5/1 (20/2), Aðalheiður Hreinsdóttir 4 (6), Morgan
Þorkelsdóttir 2 (4), Rebekka Rut Skúladóttir 2 (9),
Hrafnhildur Ósk Skúladóttir (5),
Varin skot: Berglind Íris Hansdóttir 22 (44/4, 50%),
Mörk Stjörnunnar (skot): Jóna Margrét Ragnarsdóttir
10/5 (19/5), Helena Rut Örvarsdóttir 5 (22), Sólveig Lára
Kjærnested 3 (8), Esther Viktoría Ragnarsdóttir 2 (4),
Hildur Harðardóttir 1 (1), Sandra Sif Sigurjónsdóttir 1 (1),
Þórhildur Gunnarsdóttir 1 (4),
Varin skot: Florentina Stanciu 20 (45/1, 44%).
„Vantaði ekki fleiri útlendinga í deildina,“ sagði Björgólfur
Takefusa í léttum tón þegar Fréttablaðið heyrði í nýjasta
Framaranum í gær. Björgólfur skrifaði í gærkvöldi undir fimm
mánaða samning við úrvalsdeildarlið Fram og mun spila með
liðinu í Pepsi-deildinni í sumar. Björgólfur tók sér hvíld frá
knattspyrnuiðkun eftir að hann sagði skilið við Val í júní í fyrra.
„Ég er búinn að vera æfa mjög mikið og vel sjálfur,“ sagði
Björgólfur. „Ég var búinn að gera það upp við fyrir einhverjum
mánuðum að ég ætlaði að spila í sumar og það var ástæðan
fyrir því að ég fór að æfa á þeim nótunum sem ég er búinn
að gera,“ sagði Björgólfur. Hann segir Bjarna Guðjónsson
vera stóra ástæðu fyrir því að hann sé kominn í Fram sem
og einn besti vinur hans, Viktor Bjarki Arnarsson. „Ég
get ekki beðið eftir því að byrja að spila. Ef ég væri Ryan
Giggs þá myndi ég setja mig strax inn á þó að það væri
kannski ekki skynsamlegt. Ég verð tilbúinn þegar kallið
kemur.“
Björgólfur samdi við Fram

FRÉTTABLAÐ
IÐ
/G
ETTY
SPORT