Fréttablaðið - 22.07.2014, Blaðsíða 14

22. júlí 2014 ÞRIÐJUDAGURSKOÐUN
HALLDÓR
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Sævar Freyr
Þráinsson RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út
í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun -
um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
Undanfarið hefur oft heyrst að Ísraelsher
vari Gasabúa við áður en sprengt er og
hvetji þá til að flýja. En hvert eiga þeir að
flýja?
Ísrael lokar alveg svæðinu af til norðurs
og austurs. Aðeins eitt hlið, Erez, er á landa-
mærunum og í gegnum það fara engir Pal-
estínumenn. Í vestur er sjórinn. Þar liggja
ísraelsk skip sem hafa stöðugt verið með
árásir á Gasaströndina. Í suður eru landa-
mæri sem eru lokuð af Egyptalandi. Þar er
eitt hlið, Rafah, og það er að öllu jöfnu lokað
allri umferð. Stundum er það opið erlendum
aðilum en eiginlega aldrei Palestínumönn-
um. Einstöku sinnum er gerð undantekning
á því. Frá því núverandi árásarhrina hófst
hleyptu þeir einn daginn 12 særðum í gegn,
síðan hefur verið lokað.
Það er ekki að ástæðulausu að Gasa hefur
verið lýst sem stærsta fangelsi í heimi og
undir berum himni. Það er af sömu ástæðu
sem Palestínumenn hafa grafið göng undir
landamærin. Göngin voru flutningaleið
fyrir brýnustu nauðsynjar og lágu hundruð
þeirra hjá Rafah, en hafa verið eyðilögð af
egypska hernum. Ísraelsher segir tilgang
landhernaðar nú vera að uppræta þau göng
inn í Ísrael sem andspyrnuhópar hafa gert
norðanmegin á Gaza. Fyrir það eru íbúar
nærliggjandi byggða látnir gjalda með lífi
sínu. Beitt er hóprefsingu sem kostað hefur
hundruð mannslífa, ekki síst barna, kvenna
og aldraðra sem hafa engan stað að flýja í.
Berangur, sjúkrahús eða moska?
Það er lokað í allar áttir, en geta Gasabúar
þá farið út á berangur, í moskur, skóla eða
á sjúkrahús? Því miður er það ekki svarið.
Berangur er óvíða, enda þéttbýlasta svæði
jarðar. Síðustu daga hafa börn verið drepin
sem hlupu á ströndinni og önnur sem forð-
uðu sér upp á þak. Sjúkrahúsið El-Wafa var
sprengt og moskur eru sérstök skotmörk,
þar sem uppræta á Hamas sem er jú skil-
greind sem íslömsk andspyrnuhreyfing.
Viltu frið á Gasa?
Það er hægt að mótmæla blóðbaðinu með
ýmsum hætti og sýna samstöðu með Palest-
ínumönnum. Við almenningur getum beitt
sniðgöngu og hætt að kaupa vörur frá Ísrael.
Styrkja má neyðaraðstoð m.a. á heimasíðu
Félagsins Ísland-Palestína, www.palestina.is.
Reikningsnúmerið er 542-26-6990, kt. 520188-
1349. Þá stendur FÍP fyrir útifundi nú á mið-
vikudag kl. 17 á Ingólfstorgi. Þar er krafan
reist um alþjóðlega vernd fyrir íbúa Palest-
ínu, að blóðbaðið verði stöðvað nú þegar og að
Ísland slíti stjórnmálasambandi við Ísrael.
Hvert eiga Gasabúar að fl ýja?
UTANRÍKISMÁL
Björk
Vilhelmsdóttir
formaður velferðar-
ráðs Reykjavíkur-
borgar
➜ Beitt er hóprefsingu sem kostað
hefur hundruð mannslífa.
R
úmlega fimm hundruð konur yfir fimmtugu eru
skráðar langtímaatvinnulausar hjá Vinnumála-
stofnun og 330 hafa verið það í meira en ár, að því
er fram kemur í forsíðufrétt Fréttablaðsins í gær.
Þar er haft eftir Karli Sigurðssyni, vinnumarkaðs-
sérfræðingi hjá Vinnumálastofnun, að það veitist konum á
þessum aldri erfiðara að komast aftur inn á vinnumarkaðinn
ef þær missa vinnuna en öðrum hópum. Ekki er Karl inntur
eftir hugsanlegum skýringum á þessu í fréttinni, þessari
staðreynd er bara slegið fram eins og ekkert sé eðlilegra.
Eins og konur yfir fimmtugt séu komnar fram yfir síðasta
söludag í huga atvinnurekanda og um það sé þegjandi sam-
komulag.
Vandséð er hver rökin fyrir
þeirri stefnu gætu verið.
Flestum ber saman um að
eldri konur séu samvisku-
samir starfskraftar og taki
færri veikindadaga en yngri
konur þar sem þær eru ekki
með börn heima. Ekki þarf að
óttast að þær fari í barneignarfrí og starfsreynslan sem þær
búa yfir ætti að vera eftirsóknarverð í hverju því fyrirtæki
sem leggur eitthvað upp úr því að ráða starfsfólk sem kann
að vinna og leggur metnað í að skila góðu verki. Skýringanna
er sem sé vart að leita í því að konur á þessum aldri séu ekki
góðir starfskraftar, hér liggur eitthvað annað að baki.
Mikið hefur verið rætt og ritað um æskudýrkun á íslensk-
um vinnumarkaði og samkvæmt þessu virðist sú dýrkun
beinast í ríkari mæli að ungum konum en körlum. Karlar
yfir fimmtugt eiga ekki við sama vanda að glíma og jafn-
öldrur þeirra, síðasti söludagur þeirra kemur mun síðar á
ævinni. Getur verið að á þessum femínísku tímum með lög-
setningum um jafnan hlut karla og kvenna í stjórnum fyrir-
tækja og hjá opinberum stofnunum velji atvinnurekendur
enn konur eftir útliti en ekki starfsgetu? Er kvenlegur þokki
meira virði þegar valið er í stöður en starfsreynsla og þekk-
ing? Og ef sú er raunin, stenst það lög? Hefur kvennahreyf-
ingin engan áhuga á að skoða þetta mál ofan í kjölinn?
Þórhildur Þorleifsdóttir leikstjóri vakti fyrr á árinu máls
á því að upplifun eldri kvenna væri sú að þær væru allt að
því útskúfaðar úr samfélaginu. Að þær væru nánast ósýni-
legar, ómarktækar og dæmdar úr leik. Sú yfirlýsing skilaði
stuttu viðtali í útvarpi en síðan ekki söguna meir. Umræðan
var ekki tekin upp af kvennabaráttuhópum eða fjölmiðlum og
rann hægt og hljóðalaust út í sandinn. Áhuginn fyrir að skoða
hvort þetta væri rétt hjá Þórhildi reyndist sáralítill sem, eins
kaldhæðnislegt og það nú er, renndi enn frekari stoðum undir
þessa fullyrðingu hennar. Í raun var samfélagið að segja að
það þyrfti ekkert að hlusta á kellingar sem komnar væru úr
barneign og þar með hættar að funkera sem kynverur. Þau
viðbrögð þurfa reyndar ekki að koma á óvart því ef lögin um
jafnrétti kynjanna eru skoðuð kemur í ljós að þar er hvergi
minnst á starfsreynslu og -aldur kvenna þegar tryggja á jafn-
rétti til starfa, enda virðast lögin að miklu leyti miðast við
að gera konum á barneignaraldri kleift að samræma vinnu
og barnauppeldi. Eftir að því lýkur virðist ekki gert ráð fyrir
þeim meir. Þær eiga sjálfsagt bara að fara heim og prjóna.
Konur yfir fimmtugt fá ekki nýja vinnu.
Ekki nógu sexý?
Friðrika
Benónýsdóttir
fridrikab@frettabladid.is
Naflaskoðun
Það er óalgengt að stjórnmálamenn
séu reiðubúnir að líta í eigin barm og
jafnvel viðurkenna mistök. Það gerði
Karl Garðarsson þingmaður aftur
á móti í viðtali við DV um helgina.
Hann kvaðst ósammála fullyrðingum
flokksfélaga sinna um að Fram-
sóknarflokkurinn fengi ósanngjarna
umfjöllun í fjölmiðlum. „Menn þurfa
að líta í eigin barm og reyna að
vanda sig betur í skoðanaskiptum og
málflutningi. Fjölmiðlar eru ekkert
að atast í fólki sem kemur bara
heiðarlega fram, er samkvæmt sjálfu
sér og er ekki með neinar öfgaskoð-
anir,“ sagði Karl í samtali við DV.
Gæti haldið námskeið
Karl Garðarsson þekkir
auðvitað starfsemi
fjölmiðla í þaula eftir að hafa starfað
á þeim vettvangi um árabil. Bæði
sem fréttamaður og fréttastjóri á
Stöð 2 en síðar sem framkvæmda-
stjóri og ritstjóri Blaðsins sáluga.
Það gæti því verið fengur að því fyrir
forystusveit Framsóknarflokksins að
fá Karl til þess að halda námskeið
fyrir þingmenn flokksins um eðli
þess starfs sem fjölmiðlamenn sinna.
Á góðum degi yrði Sigmundur Davíð
Gunnlaugsson, formaður
flokksins, fljótur að með-
taka skilaboðin frá Karli.
Enda var Sigmundur
sjálfur fréttamaður um
skeið, eins og þekkt er.
Öruggt samfélag
Að allt öðru og
léttara. Vísir
greindi frá því í vor að sést hefði til
Sigmundar Davíðs og Gunnars Braga
Sveinssonar á öldurhúsi. Þeir eru ekki
einu stjórnmálamennirnir sem hafa
látið sjá sig á veitingastöðum bæjarins
því fréttavefur Morgunblaðsins sagði
frá því í gær að Dagur B. Eggertsson
borgarstjóri og Arna Dögg Einarsdóttir,
eiginkona hans, hefðu málað bæinn
rauðan á laugardagskvöld. Til þeirra
sást meðal annars á Kaffibarnum. Það
er sérstakt fagnaðarefni
að við Íslendingar búum
í það opnu og öruggu
samfélagi að opinberar
persónur geti áhyggju-
lausar sótt vinsæla
veitingastaði
bæjarins.
jonhakon@
frettabladid.is
Innskot í Fréttablaðið skilar árangri!
MEST LESNA
DAGBLAÐ Á ÍSLANDI*
Fréttablaðið er mest lesna dagblaðið landsins
með glæsilegt forskot á keppinautana.
Meðallestur Fréttablaðsins í
aldurshópnum 25-54 ára er 73%
á höfuðborgarsvæðinu.*
Við bendum auglýsendum á að notfæra
sér forskotið þegar þeir velja dreifingarleið
fyrir fjölpóst sinn. Við dreifum sex daga
vikunnar til heimila á stærsta markaðssvæði landsins.
Kannaðu dreifileiðir og verð í síma 512 5448
eða í tölvupóstfangi fjolpostur@frettabladid.is
*P
re
nt
m
ið
la
kö
nn
un
C
ap
ac
en
t o
kt
ób
er
–d
es
em
be
r 2
01
2
–
hö
fu
ðb
or
ga
rs
væ
ði
2
5-
54
á
ra
HAFÐU FJÖLPÓSTINN ÞINN
Í FRÉTTABLAÐINU