Fréttablaðið - 22.07.2014, Blaðsíða 20

FÓLK| HEILSA
Á KAFI Hér bregður Anna María á leik og syndir með köfunarfélaga á bakinu við Azoreyjar. MYNDIR/AÐSENDAR
Anna María Einarsdóttir byrjaði að kafa af því að henni leiddist í sumarfríi í Marmaris í Tyrklandi fyrir átta árum. „Mér leiddist svo á fjórða degi
að þegar ég gekk fram hjá auglýsingaskilti um köfun
ákvað ég að slá til og prófa. Eftir það varð ekki aftur
snúið og ég hef verið að kafa síðan. Reyndar varð ég
svo heilluð að ég ákvað að lengja ferðina til þess að
geta tekið fyrsta námskeiðið. Þegar heim var komið
fór ég á frekari námskeið og náði mér svo í kennslu-
réttindi í byrjun árs 2009 á Tenerife og hef verið að
kenna köfun síðan. Í dag er köfunarkennsla mitt aðal-
starf.“
SNÝST UM AÐ HALDA STJÓRN
Anna María segir köfun ekki vera adrenalínsport
þvert á það sem margir halda. „Þetta snýst alls ekki
um spennu. Það er vissulega áhætta sem fylgir þessu
sporti en ef farið er eftir reglum minnkar áhættan tölu-
vert. Það eru reglur um hvað má vera lengi ofan í og
hvað má fara djúpt. Ef farið er eftir því og kafað innan
eigin getu þá ætti allt að vera í lagi. Auðvitað geta orðið
slys en í erfiðum aðstæðum snýst allt um að halda
hugarró og hafa stjórn á sjálfum sér. Þegar fólk er orðið
öruggt með sjálft sig, umhverfið og búnaðinn þá verður
þetta eins og jóga, þetta snýst um að anda inn og anda
út. Það er alveg dásamlegt að vera í eigin hugarheimi í
allri náttúrudýrðinni neðansjávar,“ segir hún og brosir.
Í VOTRI GRÖF HERMANNA
Anna María hefur farið víða um heim gagngert til þess
að kafa. Hún hefur meðal annars kafað í Truk Lagoon
í Míkrónesíu í Kyrrahafi og í kringum Azoreyjar. „Truk
Lagoon er einn ótrúlegasti staður í heimi til að kafa á.
Þar var japanska hernum grandað á tveimur nóttum
í seinni heimsstyrjöldinni sem hefnd Bandaríkja-
manna fyrir Pearl Harbour. Þar liggja því tugir skips- og
flugvélaflaka sem hægt er að kafa niður að, mörg á tíu
til fimmtán metra dýpi og önnur á allt að níutíu metra
dýpi. Til að kafa þetta djúpt þarf að hafa tæknikafara-
réttindi og því ekki á færi almennra kafara að fara þang-
að niður. Fyrstu réttindi kafara leyfa þeim að fara niður
á átján metra dýpi, framhaldsréttindi gefa færi á þrjátíu
metrum. Ég er sjálf með réttindi til að fara á fimmtíu
metra dýpi en hef mest kafað á 64,8 metra dýpi. Þá var
ég í för kennara sem höfðu tæknikafararéttindi.“
Þrátt fyrir ótrúlega upplifun í Kyrrahafi er Anna
María á þeirri skoðun að ekkert síðra sé að kafa við
strendur Íslands. „Það eru margir sem læra að kafa er-
lendis en átta sig ekki á að það er hægt að halda áfram
að kafa hér. Ég er félagi í Sportkafarafélagi Íslands og
við förum í skipulagðar ferðir saman, bæði í dagsferðir
á höfuðborgarsvæðinu og í lengri ferðir, til dæmis í El
Grillo á Seyðisfirði, Strýtur fyrir norðan og Reykjanesið
fyrir vestan. Hér eru köfunarstaðir á heimsmælikvarða
og ótrúlegt frelsi sem felst í því að geta tekið búnaðinn
með sér, keyrt af stað, hent sér í sjóinn og kafað. Þegar
fólk er búið að koma sér upp þeim búnaði sem til þarf
er þetta ódýr íþrótt að stunda og félagsskapurinn er
líka góður.“
Þeir sem hafa áhuga á nánari upplýsingum um köfun
geta skoðað heimasíðu Sportkafarafélagsins, kofun.is
eða sent póst á diveramen@live.com.
HUGARRÓ Í VATNI
KÖFUN Anna María Jónsdóttir hefur lifað fjölbreyttu lífi þótt ekki sé hún orðin
fimmtug. Hún er menntuð hárkollugerðarkona og sminka, viðskiptafræðingur
og með kennsluréttindi í köfun. Hún kafar um allan heim.
RÁNDÝR Á FERÐ Anna María var á hákarlaslóðum við Azoreyjar.
SKIPSFLAK Margt er að sjá í sjónum hér við land og frelsi sem
felst í því að geta hent sér í sjóinn og kafað.
FJÖLBREYTT LÍFRÍKI Við Íslandsstrendur er fjölbreytt lífríki í
sjónum og eru hér köfunarstaðir á heimsmælikvarða.
SVONA FÆRÐU
AFSLÁTT ÁN ÞESS
AÐ BIÐJA UM HANN!
Allir áskrifendur sjónvarps eða fjarskipta-
þjónustu 365 fá nú sjálfvirkan afslátt hjá fjölda
fyrirtækja og verslana án þess að þurfa að biðja
um hann. Það eina sem þarf að gera er að skrá
greiðslukort fjölskyldunnar í VILD á 365.is.
skráðu þig á
Afslátturinn
kemur sjálfkrafa
á kortaviðskiptin
Um 20 fyrirtæki og verslanir
eru í Vild og fer fjölgandi
Í Vild færðu
afsláttinn án þess
að biðja um hann
JA
N
Ú
A
R
Fríðindakerfi fyrir áskrifendur 365