Fréttablaðið - 22.07.2014, Blaðsíða 34

22. júlí 2014 ÞRIÐJUDAGUR| SPORT | 26
Mörkin: 0-1 Ingimundur Níels Óskarsson (10.), 1-1
Árni Vilhjálmsson (11.), 1-2 Atli Viðar Björnsson
(31.), 1-3 Kassim Doumbia (39.), Arnór Sveinn
Aðalsteinsson (44.), 2-4 Jón Ragnar Jónsson (90.).
BREIÐABLIK (4-4-2): Gunnleifur Gunnleifsson
5 - Gísli Páll Helgason 7, Elfar Freyr Helgason 6,
Finnur Orri Margeirsson 6, Arnór Sveinn Aðal-
steinsson 6 - Höskuldur Gunnlaugsson 5 (84.
Davíð Kristján Ólafsson -), Andri Rafn Yeoman 5
(78. Olgeir Sigurgeirsson -), Guðjón Pétur Lýðsson
4, Elvar Páll Sigurðsson 6 (66. Ellert Hreinsson 4) -
Árni Vilhjálmsson 7, Elfar Árni Aðalsteinsson 6.
FH (4-3-3): *Róbert Örn Óskarsson 7 - Jón Ragn-
ar Jónsson 7, Sean Reynolds 6, Kassim Doumbia
5, Jonathan Hendrickx 6 - Sam Hewson 6, Hólmar
Örn Rúnarsson 7, Emil Pálsson 7 (46. Davíð Þór
Viðarsson 6) - Ingimundur Níels Óskarsson 7 (81.
Brynjar Á. Guðmundsson -), Atli Guðnason 7, Atli
V. Björnsson 6 (72. Ólafur P. Snorrason -).
Skot (á mark): 12-14 (7-6) Horn: 12-8
Varin skot: Gunnleifur 2 - Róbert Örn 5
2-3
Kópavogsvöllur
Áhorf: 1.187
Þorvaldur
Árnason (6)
Mörkin: 1-0 Igor Taskovic (90.).
VÍKINGUR (4-3-3): Ingvar Þ. Kale 6 - Kjartan Bald-
ursson 6, *Igor Taskovic 7, Alan Lowing 6, Ívar Ö.
Jónsson 5 (33. Agnar D.Sverrisson 4) - Kristinn J.
Magnússon 6, Arnþór Ingi Kristinsson 5 (87. Óttar
Steinn Magnússon -), Aron Elís Þrándarson 5 -
Michael Abnett 5 (60. Darri Steinn Konráðsson 4),
Dofri Snorrason 5, Pape M. Faye 4.
FJÖLNIR (4-3-3): Þórður Ingason 6 - Árni K.
Gunnarsson 5 (41. Matthew Ratajczak 5), Atli
M.Þorbergsson 5, Bergsveinn Ólafsson 6, Gunnar
Valur Gunnarsson 6 - Illugi Gunnarsson 5, Guð-
mundur B. Guðjónsson 4, Gunnar Guðmundsson
5 - Guðmundur Karl Guðmundsson 4, Aron
Sigurðarson 5 (81. Þórir Guðjónsson -), Chris
Tsonis 3 (63. Ragnar Leósson 4).
Skot (á mark): 11-9 (2-3) Horn: 4-4
Varin skot: Ingvar 3 - Þórður 1
1-0
Víkingsvöllur
Áhorf: Óuppgefið
Guðmundur
Ársæll (4)
FÓTBOLTI FH er enn ósigrað í Pepsi-deild
karla í fótbolta eftir 3-2 sigur á Breiðabliki í
mögnuðum leik á Kópavogsvelli í gærkvöldi.
FH komst í 3-1 í fyrri hálfleik áður en
Kass im Doumbia, miðvörður liðsins, var rek-
inn út af og Blikar minnkuðu muninn. Einum
færri héldu FH-ingar út í seinni hálfleik og
skoruðu eitt mark til viðbótar en það gerði
Jón Ragnar Jónsson á 90. mínútu leiksins.
Víkingar hefndu ófaranna gegn Fjölni í
nýliðaslagnum í Víkinni í gærkvöldi, en Vík-
ingar unnu leikinn, 1-0. Eina markið skoraði
fyrirliðinn Igor Taskovic á 90. mínútu.
Víkingar eru með 22 stig eftir tólf
umferðir en Fjölnir með ellefu stig. - tom
FH-ingar endurheimtu
toppsætið í gærkvöldi
TÆKLING Atli Guðnason rennir sér á eftir boltanum. FRÉTTABLAÐIÐ/ARNÞÓR
SPORT
Komdu með bílinn
í skoðun hjá Aðalskoðun
frá 15. til 30. júlí og
þú gætir unnið
sólarlandaferð
með fjölskyldunni.
ert þú á leið
í sólina í boði
aðalskoðunar?
Opið kl. 8 – 17 virka dagawww.adal.is
FÓTBOLTI KR mætir skoska stór-
liðinu Celtic í dag í seinni leik lið-
anna í 2. umferð forkeppni Meist-
aradeildar Evrópu.
Skotarnir unnu fyrri leikinn
í Vesturbænum með einu marki
gegn engu og eru því í góðri stöðu
fyrir leikinn í dag.
Rúnar Kristinsson, þjálfari KR,
segir verkefnið ærið. „Ég býst við
svipuðum leik og síðast. Þeir voru
mikið með boltann og spiluðu hratt
á milli sín. „Celtic spilaði æfinga-
leik á laugardaginn (gegn Dym-
ano Dresden) og er að komast í
betra stand. Þetta verður örugg-
lega hörku erfitt fyrir okkur, en
við verðum að reyna að standa í
þeim, leggja okkur fram og hlaupa
og berjast og sjá hvort við getum
strítt þeim aðeins. Celtic er frá-
bært lið og mun betra en ég gerði
mér kannski grein fyrir.“
Hann segir ljóst að Skotarnir
muni ekki vanmeta lið KR.
„Celtic mun spila á sínu sterk-
asta liði. Þetta eru tveir fyrstu
leikirnir undir stjórn nýja þjálf-
arans (innskot blm. Ronny Deila).
Hann fékk bara eins árs samning
og hann þarf að sanna sig strax.
Hann fer á fullu gasi í þennan leik
og leikmennirnir þurfa að sanna
sig fyrir honum. Þetta verður gríð-
arlegt erfitt fyrir okkur.“
Rúnar segir mikilvægt fyrir
KR að fá ekki á sig mark snemma
leiks.
„Það er það sem við þurfum að
gera; að halda hreinu og laumast
fram í eina og eina sókn. Við þurf-
um að skapa okkur fleiri færi en
við gerðum í fyrri leiknum.
„Við sköpuðum ekki mikið í þeim
leik. Við þurfum að búa okkur til
fleiri færi og það væri gaman að
geta sett mark á þá, en fyrst og
fremst þurfum við að passa okkur
eigið mark.“
Rúnar segir ástandið á leik-
mannahópnum gott, nema hvað
Óskar Örn Hauksson muni missa
af leiknum í dag vegna meiðsla.
Leikurinn hefst klukkan 18.45
og verður fylgst með gangi mála
á Boltavakt Vísis. - iþs
Ætlum að stríða þeim
KR þarf sigur gegn Celtic í Skotlandi í kvöld.
SPENNTUR Rúnar stýrir sínum
mönnum í Edinborg í kvöld. FRÉTTABLAÐIÐ/
FRJÁLSAR Í dag hefur Aníta Hinriksdóttir
keppni á HM nítján ára og yngri í Bandaríkj-
unum en keppt er á hinum sögufræga frjáls-
íþróttavelli í Eugene í Oregon-fylki. Alls á
Ísland fimm keppendur á mótinu en Aníta
keppir fyrst þegar undanrásir hefjast í 800 m
hlaupi í dag. Undanúrslit fara fram á morgun
og úrslitahlaupið aðfaranótt föstudags.
Gunnar Páll Jóakimsson er þjálfari Anítu
og í forsvari fyrir íslenska hópinn í Eugene.
Hann segir að undirbúningur hafi gengið vel
en Aníta hefur síðustu daga æft í nágranna-
bænum Salem.
„Þar vorum við með þýska og svissneska
landsliðinu og allt eins og best verður á kosið,“
sagði Gunnar Páll í samtali við Fréttablaðið í
gær. „Andinn í hópnum er mjög góður og allir
hér eru tilbúnir til að gera sitt besta.“
Á að toppa í Eugene
Aníta er ríkjandi heimsmeistari sautján ára og
yngri í greininni sem og Evrópumeistari nít-
ján ára og yngri eftir frábært keppnistímabil í
fyrra. Hennar besta hlaup var þó á sterku móti
í Mannheim þar sem hún bætti Íslandsmet sitt
í greininni sem stendur enn.
Gunnar Páll hefur þó ekki áhyggjur af því að
Aníta hefur ekki verið nálægt sínum allra besta
tíma í sumar. Það eigi sér eðlilegar skýringar.
„Til þess að ná sínu allra besta þarf að taka
þátt í hlaupum þar sem samkeppnin er sem
mest. Við hefðum getað elt 1-2 svoleiðis mót í
sumar en ákváðum frekar að miða allan und-
irbúning við þetta mót. Nú er hún í sínu allra
besta formi,“ segir Gunnar Páll.
Alls eiga sex stúlkur betri tíma en Aníta í
greininni á þessu ári en í þeim hópi eru aðeins
tvær sem eiga betri tíma á árinu en Íslandsmet
Anítu, 2:00,49 mínútur. Þær eru Sahily Diago
frá Kúbu og hin enska Jessica Judd, sem er ekki
meðal þátttakenda í Eugene þar sem hún býr sig
nú undir Samveldisleikana í Glasgow.
Mary Cain frá Bandaríkjunum er einnig í
þessum hópi en valdi að keppa fremur í 3.000
metra hlaupi en 800 metrum. Hið sama má
segja um Gildu Casanovu frá Kúbu sem keppir
í 400 m hlaupi.
Auk Diago eru Zeytuna Mohammed frá Eþí-
ópíu og hin ástralska Georgia Wassall báðar
með í 800 m hlaupinu og má reikna með að þær
muni veita Anítu harða samkeppni um verðlaun
í greininni.
Diago á best 1:57,74 mínútur sem var um tíma
besti tími ársins í flokki fullorðinna. Hún telst
því sigurstranglegust í Eugene en Gunnar Páll
reiknar þó ekki með yfirburðum hennar. „Þó
svo að hún eigi talsvert betri tíma en aðrir þá
tel ég allar líkur á að keppnin í greininni verði
mjög jöfn,“ segir hann.
Sterkur íslenskur hópur
Gunnar Páll hefur fengið sterk viðbrögð við því
hversu sterkan hóp keppenda Ísland á að þessu
sinni. Sindri Hrafn Guðmundsson [spjótkast],
Hilmar Örn Jónsson [sleggjukast], Jóhann
Björn Sigurbjörnsson og Kolbeinn Höður Gunn-
arsson [báðir 200 m hlaup] verða einnig í eldlín-
unni og vonar Gunnar Páll að þeir tveir fyrst-
nefndu geti blandað sér í baráttu um verðlaun.
„Þeir eiga báðir góðan möguleika á að komast
í úrslit og þá getur allt gerst. Reynsla þeirra af
stórmótum er ekki jafn mikil og reynsla Anítu
en þeir geta vel náð langt. Spretthlaupararnir
hafa sýnt miklar framfarir þó svo að við reikn-
um ekki með þeim í úrslitum. Þeir hafa engu
að síður staðið sig gríðarlega vel,“ segir Gunn-
ar Páll og bætir við að fjöldi keppenda sé styrk-
leiki út af fyrir sig. „Þau veita hvert öðru mikinn
stuðning,“ segir hann. eirikur@frettabladid.is
Aníta í sínu allra besta formi
Keppni á HM U-19 ára í frjálsíþróttum hefst í Eugene í Oregon-fylki Bandaríkjanna í dag en Ísland á fi mm
keppendur á mótinu. Aníta Hinriksdóttir hefur keppni í 800 m hlaupi og stefnir að sjálfsögðu á toppinn.
ÆTLAR SÉR LANGT Aníta Hinriksdóttir verður í harðri
baráttu um verðlaun í Eugene. FRÉTTABLAÐIÐ/VILHELM
Harpa Þorsteinsdóttir, leikmaður Stjörnunnar, var í gær
valin besti leikmaður fyrri hluta tímabilsins í Pepsi-
deild kvenna. Þetta var tilkynnt við hátíðlega athöfn í
húsakynnum Ölgerðarinnar.
Stjarnan trónir á toppi deildarinnar með 24 stig
og er Harpa markahæsti leikmaður deildarinnar
með sextán mörk.
Ragna Lóa Stefánsdóttir, þjálfari Fylkis, var
valin besti þjálfarinn en Fylkir er í fjórða sæti
deildarinnar með sautján stig og hefur aðeins
fengið á sig fimm mörk í allt sumar, fæst allra
liða.
Bríet Bragadóttir fékk verðlaun sem besti dómar-
inn og Selfyssingar áttu bestu stuðningsmennina í
fyrri hluta mótsins.
Harpa og Ragna Lóa bestar