Fréttablaðið - 22.07.2014, Blaðsíða 38

22. júlí 2014 ÞRIÐJUDAGUR| LÍFIÐ | 30

Þetta er
algjört
óhóf, það
er alveg
á tæru.
Baldur
Ragnarsson
„Ég byrja alltaf á kaffi í rólegheit-
unum. Svo fæ ég mér yfirleitt pró-
teinþeyting eða -sjeik. Í hann nota
ég yfirleitt skyr eða próteinduft,
ávexti, hnetusmjör, og chia-fræ,
fer eftir því hvað ég á. Svo nota ég
Nutribullet-mixarann og fæ svona
fínan morgunsjeik!“
Ásdís Rán Gunnarsdóttir þáttarstjórnandi
MORGUNMATURINN
„Það eru algjör forréttindi fyrir
mig að fá að vera með í þessum
hópi,“ segir Steiney Skúladóttir,
nýjasti meðlimur Reykjavíkur-
dætra.
„Ég er búin að vinna í sumar
með Blævi og Söru sem báðar eru
í hljómsveitinni. Við erum einn
af listhópum Hins hússins, Þrjár
basískar, og höfum meðal annars
verið að rappa þannig að innganga
mín í sveitina kom í beinu fram-
haldi,“ segir Steiney sem hefur
fengið þjálfun frá dætrunum.
„Þær hafa kennt mér hvernig
maður á að haga sér sem rappari.
Þær hafa sagt mér til dæmis að
grípa þrisvar um píkuna á mér í
hverju setti og segja fokk í hljóði
til að ná fram réttu „attitude“-i. Ég
er ekki mjög reið manneskja en er
búin að vera að mana mig upp í
þetta því það er ekki hægt að vera
næs rappari. Eða kannski er það
hægt? Ég kannski prófa það?“ velt-
ir nýbakaða rappettan fyrir sér.
Steiney er búin að koma fram
tvisvar með sveitinni. Næst kemur
hún fram með þeim í Druslugöng-
unni sem gengin verður á laug-
ardaginn en Reykjavíkurdætur,
ásamt Halldóri Eldjárn, sömdu
druslugöngulagið, D.R.U.S.L.A.
„Reykjavíkurdætur eru fyrst og
fremst vettvangur fyrir stelpur að
koma fram og rappa. Þetta er tryllt
listform,“ segir Steiney. - lkg
Grípur reglulega um píkuna
Steiney Skúladóttir er nýjasti meðlimur rappsveitarinnar Reykjavíkurdætra.
Það er ekki hægt að
vera næs rappari.
Steiney Skúladóttir
ÞRJÁR BASÍSKAR Steiney ásamt þeim
Blævi og Söru. FRÉTTABLAÐIÐ/VALLI
„Ég var alls ekkert viss um að
fólk myndi taka vel í þetta en ég
ákvað að slá til. Svo hrönnuðust
bara inn leyndarmálin,“ segir Þór-
dís Björk Þorfinnsdóttir, nemi í
Myndlistaskólanum í Reykjavík,
en útskriftarverkefni hennar frá
skólanum vakti þó nokkra athygli.
„Ég var lengi búin að velta því
fyrir mér hvað mig langaði að gera
og hvað mér þótti áhugavert. Ég
datt svo inn á leyndarmálin og fór
að velta því fyrir mér af hverju
manni þykja þau svona forvitni-
leg. Ég prófaði því að búa til hálf-
gerða könnun á netinu og bauð fólki
að skrifa inn leyndarmálin sín, en
þetta var algjörlega nafnlaust og án
IP-tölu svo það var engin leið fyrir
mig að rekja þetta,“ segir Þórdís,
sem segir leyndarmálin hafa verið
jafn misjöfn og þau voru mörg.
„Uppáhaldsleyndarmálið mitt kom
frá einhverjum sem viðurkenndi
ólöglegt niðurhal á Dr. Phil.“
Þórdís ákvað síðan að verða
sér úti um gamlar appelsínflösk-
ur, skrifa leyndarmálin niður á
blöð og koma hverju og einu fyrir
í flösku. „Allir nemendur áttu að
vera með innsetningu á lokaverk-
efnum sínum í skólanum svo ég
sótti gamalt fiskinet og kom flösk-
unum þar fyrir. Hugmyndin var sú
að leyndarmál væru stundum eins
og flöskuskeyti, sum komast upp á
yfirborðið en önnur ekki.“ Að sýn-
ingu lokinni fór Þórdís með flösk-
urnar niður í fjöru og kastaði þeim
út í sjó. „Nú eru þau bara svaml-
andi um í sjónum, þessar elskur.“
kristjana@frettabladid.is
Íslensk leyndarmál
svamla um í sjónum
Þórdís Björk Þorfi nnsdóttir, nemi í Myndlistaskólanum í Reykjavík, safnaði sam-
an íslenskum leyndarmálum og bjó til fl öskuskeyti fyrir útskrift arverkefni sitt.
Leyndarmálin svamla nú um í sjónum og gætu sum komist upp á yfi rborðið.
BESTA LEYNDARMÁLIÐ
UM DR. PHIL Þórdís segir
að mörg leyndarmálanna
hafi verið löng og drama-
tísk. Besta leyndarmálið
hafi þó án efa verið
játning á ólöglegu niður-
hali á Dr. Phil.
FRÉTTABLAÐIÐ/ARNÞÓR
FRÁ SÝNINGUNNI Þórdís
sótti gamalt fiskinet og kom
flöskunum fyrir í netinu. Að
sýningu lokinni var flösk-
unum kastað út í sjó.
„Þetta er bara yndislegt, Morðingjarnir eru lengi búnir að
vera ein af mínum uppáhaldshljómsveitum,“ segir tónlistar-
maðurinn Baldur Ragnarsson, en hann er nýjasti meðlimur
Morðingjanna. Sjálfur er Baldur ekki óvanur hljómsveitar-
starfi en hann hefur ekki tölu á þeim hljómsveitum sem hann
spilar með.
„Þetta er algjört óhóf, það er alveg á tæru,“ segir hann
hlæjandi en meðal hljómsveita sem Baldur spilar með eru til
dæmis Skálmöld, Ljótu hálfvitarnir, Innvortis, Dætrasynir,
Bófar og núna Morðingjarnir. Baldur hefur áður komið fram
með Morðingjunum en hann bjó í tvö ár með söngvaranum
Hauki Viðari Alfreðssyni. „Þegar ég var beðinn um að verða
fullgildur meðlimur þá gat ég ekki annað en sagt já,“ segir
tónlistarmaðurinn, sem segist hafa komið sér þannig fyrir að
það eina sem hann gerir er að spila tónlist.
„Með góðu skipulagi er hægt að koma þessu öllu saman fyrir
og meira til ef út í það er farið. Þetta hjálpar manni að vera á
tánum og að halda sköpunargleðinni lifandi.“ - bþ
Baldur bætist í hóp Morðingja
Tónlistarmaðurinn Baldur Ragnarsson hefur ekki tölu á þeim hljómsveitum sem
hann spilar með en meðal þeirra eru til dæmis Skálmöld og núna Morðingjarnir.
NÓG AÐ GERA
Baldur er vel
skipulagður.
MYND/ÚR EINKASAFNI