Fréttablaðið - 22.07.2014, Blaðsíða 12

22. júlí 2014 ÞRIÐJUDAGUR| FRÉTTIR | 12
ÞJÓÐHÁTÍÐARDEGI FAGNAÐ Matthildur, drottning Belgíu, og Filippus konungur veifa á meðan fram fer hefðbundin
hersýning fyrir utan konungshöllina í Brussel á þjóðhátíðardegi Belgíu í gær. Ár var þá liðið frá því Filippus tók við völdum
af Alberti II föður sínum. NORDICPHOTOS/AFP
STYÐJA LANDA SÍNA Mótmælendur halda á lofti fána Kongó fyrir utan dómhúsið í Norður-Gauteng í Pretoríu í
Suður-Afríku í gær. Þar fór fram fyrsta fyrirtaka í máli 20 Kongómanna sem sakaðir eru um að hafa lagt á ráðin um að
myrða Joseph Kabila, forseta Lýðveldisins Kongó, og háttsetta menn í stjórn hans. NORDICPHOTOS/AFP
MÓTMÆLA ÁRÁSUM ÍSRAELA Fólk með kerti og kröfuspjöld á lofti krafðist þess
að bundinn yrði endi á ofbeldi á Gasa á mótmælavöku sem fram fór í almennings-
garði í Tókýó í Japan í gær. NORDICPHOTOS/AFP
TEKIÐ Í TOG Í DAG Með aðstoð heilmikilla lofttanka hefur tekist að koma farþegaskipinu Costa Concordia aftur á flot við
Giglio-eyju við Ítalíu, þar sem það strandaði 13. janúar 2012, með þeim afleiðingum að 32 létu lífið. Skipið verður í dag
dregið af stað áleiðis til Genóa, en þar á að rífa það. Áætlað er að ferðalagið taki fjóra daga. NORDICPHOTOS/AFP
AÐSTÆÐUR KANNAÐAR Eftirlitsmenn frá Öryggis- og samvinnustofnun
Evrópu (ÖSE) og réttarmeinafræðingar kanna lestarkælivagn í bænum Torez í
austurhlua Úkraínu. Vagninn hefur að geyma líkamsleifar fólks sem fórst með flugi
Malaysia-flugfélagsins í Úkraínu. Yfirmaður hollenska réttarmeinafræðingateymis-
ins sagði í gær að lestin færi síðar um daginn á stað þar sem „við getum unnið
okkar vinnu“. NORDICPHOTOS/AFP
ÁSTAND
HEIMSINS
1
4
2
5
3
2
1
3
5 4