Fréttablaðið - 24.07.2014, Blaðsíða 48
24. júlí 2014 FIMMTUDAGUR| SPORT | 40
FÓTBOLTI FH og Stjarnan eiga
bæði leiki í 2. umferð forkeppni
Evrópudeildarinnar í dag. FH-
ingar mæta hvítrússneska liðinu
Neman Grodno í Kaplakrika, en
fyrri leiknum lauk með 1-1 jafnt-
efli. Heimir Guðjónsson, þjálfari
FH, á von á erfiðum leik í kvöld.
„Þetta verður hörkuleikur og
við viljum að sjálfsögðu komast
áfram í næstu umferð. En til að
það gangi eftir þurfum við að eiga
góðan leik á morgun (í dag),“ sagði
Heimir í samtali við Fréttablaðið í
gær. Hann segir að FH-ingar þurfi
að varast skyndisóknir Neman
Grodno.
„Þeir eru mjög sterkir í skyndi-
sóknum og eru góðir í að halda
boltanum innan liðsins eins og er
svo oft með lið frá Austur-Evr-
ópu. En við náðum góðum úrslit-
um í fyrri leiknum og getum farið
áfram ef við spilum okkar besta
leik,“ sagði Heimir, en markið sem
Kristján Gauti Emilsson skoraði í
Hvíta-Rússlandi gæti reynst afar
dýrmætt. FH dugir því marka-
laust jafntefli til að fara áfram í 3.
umferð þar sem liðið mætir annað-
hvort Inter Baku frá Aser baíd sj an
eða sænska liðinu Elfsborg.
Á Samsung-vellinum í Garðabæ
mætast svo Stjarnan og skoska
liðið Motherwell. Líkt og FH-ing-
ar náðu Stjörnumenn í góð úrslit í
fyrri leiknum. Honum lyktaði með
2-2 jafntefli, en Ólafur Karl Finsen
skoraði bæði mörk Stjörnunnar í
leiknum.
Rúnar Páll Sigmundsson, þjálf-
ari Garðbæinga, kveðst fullur til-
hlökkunar fyrir leik kvöldsins:
„Við erum ótrúlega spenntir fyrir
þessum leik. Það seldist upp á leik-
inn á þriðjudaginn og það verður
örugglega gríðarleg stemmning á
pöllunum.“
Rúnar segir góðar líkur á því
að framherjinn Veigar Páll Gunn-
arsson geti verið með í kvöld, en
hann hefur glímt við bakmeiðsli
undanfarnar vikur og missti af
þeim sökum af leik Stjörnunnar
og Fylkis á sunnudaginn var.
Leikur Stjörnunnar og Mother-
well hefst klukkan 19:15 og verður
sýndur beint á Stöð 2 Sport. Hann
verður einnig í beinni textalýsingu
á Boltavakt Vísis. - iþs
Hvít-Rússarnir eru sterkir í skyndisóknum
FH og Stjarnan eru bæði í góðri stöðu fyrir seinni leiki sína í forkeppni Evrópudeildarinnar í kvöld.
EINBEITTUR Heimir Guðjónsson
stefnir á að komast áfram.
FRÉTTABLAÐIÐ/DANÍEL
FÓTBOLTI Gylfi Þór Sigurðsson,
landsliðsmaður í knattspyrnu,
skrifaði undir fjögurra ára samn-
ing við Swansea í gærkvöldi eftir
að standast læknisskoðun hjá lið-
inu. Swansea borgar tíu milljónir
punda eða jafnvirði tveggja millj-
arða króna fyrir miðjumanninn
sem var í láni hjá Swansea seinni
hluta árs 2012.
„Það er svolítið skrítið að vera
nýr leikmaður á stað þar sem
maður þekkir allt á alla,“ sagði
Gylfi Þór við Fréttablaðið eftir
undirskriftina í gærkvöldi, en
helsta ástæða vistaskiptanna er
sú að hann vill spila meira.
„Það yrði leiðinlegt að horfa til
baka eftir fótboltaferilinn og hafa
eytt of miklum tíma á bekknum.
Það er eflaust það versta sem
knattspyrnumaður gerir að hætta
þannig vonandi fæ ég bara sem
flestar mínútur og flesta leiki hjá
Swansea,“ sagði Gylfi sem stóð
sig mjög vel hjá Swansea síðast.
„Það gekk vel og það er ein af
ástæðum fyrir því að ég vildi
koma aftur,“ sagði hann.
Ítarlegt viðtal við Gylfa Þór
Sigurðsson má lesa á Vísi. - tom
Gylfi Þór fái
að spila meira
WALES Gylfi Þór Sigurðsson heldur
aftur til Swansea. FRÉTTABLAÐIÐ/GETTY
FÓTBOLTI Albert Brynjar Ingason
má ekki spila með Fylki þegar liðið
tekur á móti FH í Pepsi-deild karla á
sunnudagskvöldið. Ásgeir Ásgeirs-
son, formaður knattspyrnudeildar
Fylkis, staðfesti það í samtali við
Fréttablaðið í gær en það var hluti af
samkomulagi félaganna þegar Albert
var lánaður frá FH til Fylkis.
Fyrr í mánuðinum kom í ljós að
Albert Brynjar var ekki með skráðan
leikamannasamning í gagnagrunni
KSÍ og hefðu Fylkismenn því getað
samið beint við leikmanninn. Í ljós
kom að mistök voru gerð og gleymst
hafði að skila inn samningi Alberts á
sínum tíma. „Það hefði verið vont ef
menn ætluðu að notfæra sér slík mis-
tök og því var ákveðið að leysa þetta
á slíkan máta að menn gætu gengið
stoltir frá þessum aðstæðum,“ sagði
Ásgeir en í yfirlýsingu sem félögin
gáfu út í vikunni var tekið fram að
upphaflegur samningur Albert hefði
nú verið gerður löglegur.
Ásgeir segir enn fremur að með
komu Alfreðs sé ljóst að Svíinn Sad-
mir Zekovic sé ekki lengur í plönum
þjálfarans Ásmundar Arnarssonar.
„Hann er enn samningsbundinn
okkur en það er verið að finna því
máli farveg,“ sagði Ásgeir. - esá
Albert má ekki spila gegn FH
EKKI MEÐ Albert Brynjar má ekki spila
með Fylki gegn FH. FRÉTTABLAÐIÐ/STEFÁN
GOLF Íslandsmeistaramótið í högg-
leik fer fram um helgina og sér
Golfklúbbur Kópavogs og Garða-
bæjar um mótið í ár. Er það gert í
tilefni þess að klúbburinn heldur
upp á tuttugu ára afmæli sitt en
hann var stofnaður 1994.
Að baki er gríðarleg vinna við
að gera völlinn tilbúinn eftir erf-
iðan vetur og eru enn nokkur sár
á vellinum en leikmennirnir sem
Fréttablaðið ræddi við í gær voru
spenntir fyrir mótinu.
„Þetta er alltaf stærsta vikan á
árinu hjá okkur kylfingunum. Það
er búið að vinna gríðarlega mikla
undirbúningsvinnu hjá klúbbn-
um og þetta verður bara hrika-
lega gaman. Það er alltaf gaman
að taka þátt í Íslandsmótinu og
umgjörðin í kringum þetta er
orðin mun meiri og betri,“ sagði
Birgir Leifur Hafþórsson, ríkjandi
Íslandsmeistari í höggleik.
Aukin samkeppni
Birgir Leifur hefur lengi vel verið
á meðal okkar bestu kylfinga en
hann fagnar aukinni samkeppni.
„Þetta er orðinn stór og breiður
hópur sem er að berjast um titil-
inn. Allir þessi ungu eru farnir að
banka á dyrnar og eru hungraðir.
Þessi völlur verðlaunar þá sem slá
vel og það verður mikilvægt um
helgina. Það getur
hver sem er sigr-
að og ég á von á
jöfnu móti,“ segir
Birgir Leifur en
eftirminnilegt er
einvígi hans og
Haralds Magn-
úsar Frank-
líns á Korp-
úlfsstöðum
á síðasta
ári.
„Það er
örugg-
lega eitt
skemmti-
legasta
Íslandsmót
sem ég hef
tekið þátt í.
Fyrsti titill-
inn sem ég hlaut í Vestmannaeyj-
um var auðvitað kærkominn en að
leika fyrir framan í kringum 2.000
aðdáendur var einstök upplifun.“
Birgir er á heimavelli
Birgir Leifur hefur unnið mótið
fimm sinnum og getur með sigri
jafnað Úlfar Jónsson og Björg-
vin Þorsteinsson í fjölda Íslands-
meistaratitla í höggleik. Fær
hann tækifæri á því að jafna þá
á heimavelli en Birgir Leifur
hefur verið meðlimur GKG frá
árinu 2003.
„Ég þarf að hitta á góðan dag
og einbeita mér að sjálfum mér.
Ef ég næ því og næ að spila minn
leik hef ég fulla trú á því að ég
verði í baráttunni. Ég hafði ekkert
pælt í þessu að ég gæti náð þess-
um metum fyrir nokkrum árum
en þegar maður nálgast þetta er
þetta að sjálfsögðu eitthvað sem
maður horfir á,“ sagði Birgir sem
var ánægður með framlag vallar-
starfsmanna GKG.
„Að mínu mati hafa vallarstarfs-
mennirnir unnið kraftaverk á flöt-
unum. Miðað við þær aðstæður
sem þeir hafa þurft að vinna við
er völlurinn í flottu ástandi.“
Ekkert forskot
Sunna Víðisdóttir sýndi ótrúlegan
karakter þegar hún varð Íslands-
meistari í fyrra. Sunna lék illa á
fyrsta degi en vann sig aftur inn
í mótið og komst í þriggja manna
umspil. Sunna vann síðan þriggja
holu umspilið eftir mikla spennu.
„Það er spennandi að koma aftur
á Íslandsmótið á flottum velli og
þetta verður bara gaman. Ég er
orðin gríðarlega spennt fyrir
þessu,“ sagði Sunna sem finnur
fyrir örlítilli pressu.
„Ég finn fyrir pressu en þetta er
nýtt mót á nýjum velli á nýju ári og
ég er ekki með neitt forskot.“
Krefjandi völlur
Sunna var nokkuð ánægð með
ástandið á vellinum en hún hefur
leikið nokkra hringi síðustu daga
til að kanna ástandið á vellinum.
„Ég er búin að koma hérna í
vikunni og hann lítur þokkalega
út. Ég kom fyrst fyrir nokkrum
vikum og vallarstarfsmennirnir
eru búnir að bæta hann gríðar-
lega, þetta er eins og himinn og
haf. Heilt yfir er völlurinn krefj-
andi, grínin eru lítil og innáhögg-
in þurfa að vera nákvæm, ef það
verður vindur breytist völlurinn
mikið,“ sagði Sunna sem vonast
til þess að reynsla hennar frá því í
fyrra geti hjálpað henni.
„Þetta er fjögurra daga mót og
hlutirnir eru ekki búnir fyrr en
á síðustu holu. Ég lærði af því í
fyrra að maður á aldrei að hætta
að berjast og ég get ekki beðið
eftir að byrja mótið,“ sagði Sunna.
kristinnpall@365.is
Völlurinn er afar krefj andi
Birgir Leifur Hafþórsson og Sunna Víðisdóttir eiga von á skemmtilegu Íslandsmóti um helgina þar sem þau
fá tækifæri á því að endurheimta titilinn Íslandsmeistari í höggleik hjá Golfk lúbbi Kópavogs og Garðbæjar.
TITILVÖRN Birgir Leifur hefur titil að verja en hann er ríkjandi Íslandsmeistari í höggleik. FRÉTTABLAÐIÐ/DANÍEL
FÓTBOLTI Barcelona festi kaup
á franska miðverðinum Jérémy
Mathieu frá Valencia í gær, en
Börsungar borga 20 milljónir
evra fyrir leikmanninn.
Mikið miðvarðarhallæri hefur
verið í herbúðum Barcelona und-
anfarin misseri, en Mathieu er
fyrsti miðvörðurinn sem félagið
kaupir síðan Úkraínumaðurinn
Dmytro Chygrynskiy var óvænt
keyptur frá Shakhtar Donetsk
fyrir 25 milljónir árið 2009.
Hinn þrítugi Mathieu er örv-
fættur og getur leikið bæði sem
miðvörður og vinstri bakvörður.
Hann var fimm ár í herbúðum
Valencia (2009-2014) þar sem
hann lék 129 leiki og skoraði þrjú
mörk. - tom
Loksins keypti
Barca miðvörð
FRAKKI Í KATALÓNÍU Jérémy Mathieu
er mættur á Nývang. FRÉTTABLAÐIÐ/GETTY
SPORT
FRJÁLSAR Aníta Hinriksdóttir komst í gærkvöldi í úrslit í 800
metra hlaupi á heimsmeistaramóti ungmenna 19 ára og yngri
sem fram fer í Eugene í Bandaríkjunum. Grenjandi rigning
var í allan gærdag í Eugene og var brautin því rennblaut
þegar hlaupið fór fram.
Aníta hljóp fyrri hringinn í sínum undanúrslitariðli
á 1:00,79 mínútu og var í forystu þegar rétt rúmir 600
metrar voru eftir. Þá tók Sahily Diago frá Kúbu forystuna,
en fátt kemur í veg fyrir að hún verði meistari. Hún á langbesta
tímann af öllum sem taka þátt.
Aníta náði ekki að halda í við hópinn á síðustu 100 metr-
unum og endaði í fjórða sæti á tímanum 2:04,99 sem er um
fimm sekúndum frá Íslandsmeti hennar.
Þetta var samt sem áður 6. besti tíminn af öllum þar sem seinni
riðilinn var hægari og komst hún því nokkuð auðveldlega í úrslit.
Aníta hleypur til úrslita