Fréttablaðið - 04.10.2014, Qupperneq 8

4. október 2014 LAUGARDAGUR| FRÉTTIR | 8
SAMFÉLAG Unglingar drekka mest í
löndum þar sem fullorðnir drekka
mikið. Þetta er niðurstaða rann-
sóknar danskra vísindamanna sem
skoðað hafa gögn úr könnunum frá
2010 með svörum um 140 þúsunda
unglinga í 37 löndum Evrópu og
Norður-Ameríku við spurning-
um um áfengisdrykkju. Ísland er
meðal þeirra landa þar sem fæst-
ir 15 ára unglingar hafa drukkið
sig ölvaða einu sinni, eða 27 pró-
sent. Hér var drykkja fullorðinna
6,3 lítrar af áfengi á ári, að því er
segir í frétt á vef Jótlandspóstsins
þar sem vitnað er í grein í ritinu
Addiction.
„Við höfum í raun notið ávaxta af
strangri áfengislöggjöf sem skilar
sér í þessu,“ segir Ársæll Arnars-
son, prófessor í sálfræði við Rann-
sóknasetur forvarna við Háskólann
á Akureyri.
Hann segir könnunina sem
dönsku vísindamennirnir skoðuðu
gögn úr vera gerða á fjögurra ára
fresti. „Hér gengur hún undir heit-
inu Heilsa og lífskjör skólabarna og
Rannsóknasetur forvarna sér um
fyrirlagninguna. Á Íslandi taka
allir í sjötta, áttunda og tíunda
bekk grunnskólanna þátt, eða alls
12 þúsund börn og unglingar.“
Að sögn Ársæls, sem er einn
stjórnenda könnunarinnar hér,
benda niðurstöðurnar hér á landi
í ár til þess að áfengisneysla
íslenskra unglinga hafi minnk-
að enn meira miðað við árið 2010.
„Það eru margir þættir sem koma
að því, eins og til dæmis almennt
breytt hugarfar gagnvart áfengis-
neyslu unglinga. Þetta er ekki sam-
þykkt lengur.“
Áhrif félagslegrar stöðu foreldra
á drykkju unglinga er hvergi meiri
en á Íslandi, að því er Ársæll bend-
ir á. „Það eru miklu meiri líkur á
að krakkar sem eiga foreldra sem
eru í erfiðri félagslegri stöðu hafi
drukkið sig ölvaða en aðrir krakk-
ar. Við sjáum hvergi sambærileg
áhrif af þessu.“ ibs@frettabladid.is
Ströng löggjöf
skilar árangri
Unglingar drekka mest í löndum þar sem fullorðnir
drekka mikið. Ísland er meðal þeirra landa þar sem
fæstir 15 ára unglingar hafa drukkið sig ölvaða.
DRYKKJA Áfengisneysla íslenskra unglinga hefur minnkað og er það rakið til þess
að á Íslandi er ströng áfengislöggjöf. NORDICPHOTOS/GETTY
Fjárfestinga-
tækifæri í verslun
og þjónustu
Boðið verður upp á léttan morgunverð frá kl. 8.00.
Skráning fer fram á landsbankinn.is.
410 4000Landsbankinn landsbankinn.is
Opinn morgunfundur í Hörpu um stöðu
verslunar og þjónustu, framtíðarhorfur
og tækifærin framundan. Silfurbergi,
fimmtudaginn 9. október kl. 8.30 - 10.15.
Opnunarávarp
Hrefna Ösp Sigfinnsdóttir,
framkvæmdastjóri Markaða
Landsbankans
Úttekt Hagfræðideildar
Landsbankans á verslunar-
og þjónustugeiranum kynnt
Daníel Svavarsson, forstöðumaður
Hagfræðideildar Landsbankans
Að vera skráð félag
Finnur Árnason, forstjóri Haga
Íslenskt smásöluumhverfi
og tækifæri til framtíðar
Jón Björnsson, forstjóri Festar hf.
Hvað gerir fyrirtæki að
áhugaverðum fjárfestingarkosti?
Jón Diðrik Jónsson, fjárfestir
Samantekt
Steinþór Pálsson, bankastjóri
Landsbankans
Dagskrá #verslun
Fundarstjóri: Margrét Sanders, formaður Samtaka verslunar og þjónustu
DÓMSMÁL Sigmundur Davíð Gunn-
laugsson dómsmálaráðherra hefur
sett Davíð Þór Björgvinsson, fyrr-
verandi dómara við Mannréttinda-
dómstól Evrópu, ríkissaksóknara
til að gefa endurupptökunefnd
umsögn um viðhorf embættisins
til tveggja endurupptökubeiðna
Ragnars Aðalsteinssonar hæsta-
réttarlögmanns í Guðmundar- og
Geirfinnsmálunum.
Endurupptökubeiðnin er lögð
fram í kjölfar skýrslu nefndar
ráðherra sem komst meðal ann-
ars að þeirri niðurstöðu að veiga-
miklar ástæður væru fyrir því að
taka málin upp að nýju. Sigríður
J. Friðjónsdóttir ríkissaksókn-
ari sagði sig frá málinu þar sem
hún telur sig vanhæfa vegna fjöl-
skyldutengsla við Örn Höskulds-
son, einn rannsakenda í málinu.
Davíð Þór sagði við Stöð 2 í gær
að hann myndi taka sér allt að þrjá
mánuði til að yfirfara gögn áður en
hann kæmist að niðurstöðu.
Kjarninn greindi frá því í gær
að Davíð Þór hefði tjáð sig efnis-
lega um endurupptöku málsins í
þætti á RÚV árið 1997. Í þættinum
sagði Davíð Þór meðal annars að
það sem einkenndi þetta sakamál
væri að niðurstaða þess byggð-
ist nánast eingöngu á játningum
sakborninga. Illa hefði gengið að
styðja þær játningar með öðrum
gögnum. „Þetta er allt mjög ræki-
lega rakið í héraðsdóminum og
tekið svo til orða að þessi sýnilegu
sönnunargögn, önnur en játning-
ar sakborninga, tengi ekki sak-
borninga með óyggjandi hætti við
þessa atburði,“ sagði Davíð. - jhh
Tekur við Guðmundar- og Geirfinnsmálunum:
Ætlar að hugsa málið
í allt að þrjá mánuði
SETTUR Davíð Þór Björgvinsson mun
svara endurupptökunefnd af hálfu
ákæruvaldsins. FRÉTTABLAÐIÐ/STEFÁN
Við
höfum í raun
notið ávaxta
af strangri
áfengislöggjöf
sem skilar sér
í þessu.
Ársæll Arnarsson, prófessor við
Rannsóknasetur forvarna við
Háskólann á Akureyri.