Skessuhorn - 11.09.2013, Síða 10

10 MIÐVIKUDAGUR 11. SEPTEMBER 2013
Steinar Agnarsson og Krist-
ín Hjálmarsdóttir eiginkona hans
ásamt Agnari Baldri syni þeirra hafa
unnið að því undanfarna mánuði að
breyta báti sem þau eiga. Báturinn
var upphaflega smíðaður í Noregi
árið 1981, svokallaður Benco bátur.
Var hann lengdur úr 7,20 metrum í
9,80 metra og sett á hann nýtt stýr-
ishús. Einnig var húsið fært fram og
hækkað til að fá aukið dekkpláss og
betra útsýni. Byrjað var á verkinu 9.
maí og lokið við það 26. ágúst sl. Þá
voru vinnustundirnar orðnar 2.546
að sögn Steinars. Bátinn breikkuðu
þau í 2,80 metra og settu lest fyr-
ir sex 660 lítra kör að framan og
tvær lestar að aftan fyrir fjögur 660
lítra kör eða sem netalestar. Vél-
in er 6 cylindra Ford vél, 143 hest-
öfl ásamt vökvagír. Rafmagn er allt
nýtt ásamt nýju olíukerfi og lensi-
dælum. Öll tæki í bátnum eru ný
frá Sónar.
Fyrir breytingar mældist bátur-
inn 3,86 tonn en 7,96 tonn eftir
þær. Steinar segir bátinn gríðarlega
vel heppnaðan og hörkugott sjó-
skip. Hreyfist lítið og mesti gang-
hraði sé 10,5 mílur og vinnuhrað-
inn 8 – 9 mílur. Báturinn fékk nafn-
ið Darri SH 79 og verður gerður út
frá Rifi af fjölskyldunni á makríl-
veiðar. Makrílbúnaðurinn er hann-
aður af fjölskyldunni og smíðaður
úr trefjaplasti. þa
Síðastliðinn laugardag fóru fram
úrslit í hönnunarkeppni í Naut-
hólsvík. Tilefnið var að hanna átti
sjósundsfatnað úr ull fyrir ástralska
grínistans Anh Do sem væntanleg-
ur er til landsins. Anh Do ætlar að
taka þátt í sjósundi með hópi Ís-
lendinga í dag, miðvikudaginn 11.
september. Gerði hann að kröfu
að fá að synda í ullarsundfatnaði.
Anh Do fylgir áströlsk sjónvarps-
stöð sem ætlar að taka upp afrek-
ið. Til að fá handa grínistanum
umræddan sundfatnað, var blásið
til áður nefndrar hönnunarkeppni.
28. ágúst síðastliðnum. Hannan-
ir sem bárust voru sýndar fulltrú-
um Áströlsku sjónvarpsstöðvar-
innar til að velja úr handa Anh
Do. Skemmst er frá því að segja að
hönnun Skagakonurnar Sigríðar
Helgu Einarsdóttur varð fyrir val-
inu og mun Anh Do synda í sund-
bolnum hennar.
Forsaga þess að Sigríður Helga
tók þátt í keppninni er að í sum-
ar kom á Akranes maður að nafni
Benedikt Hjartarson og var með
kynningu á sjósundi í HVER -
endurhæfingarhúsi. Fór fræðsl-
an fram á Langasandi. Sigríður
Helga fylgdist með kynningunni.
„Benedikt virkaði svo traustvekj-
andi á mig að ég ákvað að láta slag
standa og skella mér í sjóinn,“ segir
hún í samtali við Skessuhorn. Þarf
ekki að orðlengja það; sjósund-
ið heillaði Sigríði Helgu og hefur
hún stundað það síðan. Í framhaldi
af því komst hún í sambandi við
Sjósunds- og sjóbaðsfélag Reykja-
víkur sem stóð fyrir áður nefndri
keppni. Sigríður Helga er mikil
prjónakona og þegar óskað var eft-
ir ullarsundfötum fyrir keppnina,
dró hún fram prjónanna. Hann-
aði hún þennan líka fína sjósund-
sbol, sem hún nefnir Þórdísi, eft-
ir látinni móður sinni. Í keppninni
voru veitt fimm verðlaun fyrir mis-
munandi þætti og var sundbolur
Sigríðar Helgu valinn þjóðlegasti
sundbolurinn, en auk þess voru
veitt verðlaun fyrir besta sundbol-
inn, fallegasta settið, flottustu lita-
samsetninguna og bestu úrtökuna.
Aðspurð segir Sigríður Helga
það hafa verið virkilega spenn-
andi og skemmtilegt verkefni að
taka þátt í og kveðst stolt af því
að sundbolurinn hennar skuli hafa
orðið fyrir valinu.
kf
Tólf manna hópur úr Snæfellsbæ
er á leið til Þýskalands til að vera
viðstaddur opnum málverkasýning-
ar sem listamaðurinn Peter Lang
opnar í bænum Regensburg. Lang
var staddur í Snæfellsbæ í talsverð-
an tíma fyrir skemmstu til að mála
myndir, eins og glöggir lesend-
ur Skessuhorns muna, en rætt var
við hann í blaðinu á síðasta ári. Í
Regensburg sýnir Peter 40 mál-
verk og þar af voru 35 þeirra mál-
uð í Snæfellsbæ. Úr þessum hópi
sem fer utan eru Huldubörn; Erla
og Sigurður Höskuldsson, en Sig-
urður er nú að gefa út sinn þriðja
geisladisk sem hann fær í hendurn-
ar í Þýskalandi. Diskurinn er press-
aður í Tékklandi og ber nafnið Um
sumarmál. Sigurður samdi öll lög á
diskinum en textar eru eftir Braga
Jónsson sem ber listamannsnafn-
ið ,,Refur bóndi.“ Sigurður og
Erla munu ásamt Sigurði Gísla-
syni gítarleikar halda útgáfutón-
leika í heimabæ Peter Lang, Gleis-
senberg. Peter heldur opnunarsýn-
inguna sína næsta sunnudagskvöld
þar sem Huldubörn munu syngja af
nýju plötunni.
Einnig munu Huldubörn í þessari
ferð koma fram í bænum Blackenav
þar sem þau spila og syngja í gömlu
klaustri, í stórum sal í rokkókós-
tíl. Sigurður var spurður um að-
draganda þess að hann fer nú utan
í þessa ferð. Hann sagði að Pet-
er Lang hefði beðið sig að spila á
kveðjusýningu sinni sem haldin var
í Átthagastofunni í janúar á þessu
ári. Segir Sigurður að eitt kvöldið
hafi Peter boðið sér í heimsókn og
þegar hann kom hafi listamaðurinn
verið að mála stóra landslagsmynd.
Hafi hann spilað sama lagið aft-
ur og aftur af síðasta diski Sigurð-
ar meðan hann málaði. Peter bauð
þá Sigurði að mynd af málverkinu
sem hann var að gera mætti prýða
næsta disk sem hann gæfi út. Sig-
urður þáði það með þökkum.
Sigfús Almarsson verður farar-
stjóri hópsins í Þýskalandsförinni.
Hann segir í samtali við Skessu-
horn að Peter Lang sé mikill aðdá-
andi Sigurðar Höskuldssonar
og segi lög hans koma frá hjart-
anu. Þá finnist Peter aðdáunarvert
hversu miklu Sigurður komi í verk
þar sem hann er einnig matsveinn
á báti. Sigfús segir ennfremur að
þessi ferð verði mikil kynning fyrir
Snæfellbæ og verður íslenskur mat-
ur í boði við opnun sýningar Peter
Lang, svo sem harðfiskur, hvalkjöt,
plokkfiskur og fleira góðmeti. Sig-
urður segir að nýi diskurinn sé allur
tekinn upp í bílskúrnum heima hjá
sér og var Aðalsteinn Kristófersson
upptökustjóri. Örn Arnarson sá
um hljómborðsleik, Helgi E. Krist-
jánsson spilaði á bassa og gítar og
Sigurður Gíslason á gítar.
af
Rafmagn fór af Saurbæjarlínu í
Dölum sl. miðvikudagskvöld eft-
ir að bilun kom upp á línunni. Að
sögn Baldurs Gíslasonar hjá rekstr-
arsviði Rariks á Vesturlandi var
um röð bilana að ræða. Fyrst hafi
spennir skemmst á línunni, síð-
an svokölluð var-halda og loks afl-
rofi í aðveitustöð. Rafmagnið fór
af um hálf átta leytið en rétt fyr-
ir ellefu náðist að koma því aft-
ur í dreifingu á Fellsströnd. Önn-
ur svæði Saurbæjarlínu fengu loks
rafmagn um klukkan þrjú um nótt-
ina. Ekki er vitað um að mikið tjón
hafi orðið af völdum rafmagnsleys-
isins, utan þess að tölvukerfi sjálf-
virks mjaltaþjóns á bænum Lyng-
brekku á Fellsströnd bilaði. Bilunin
varð þó ekki langvinn því eftir við-
gerð um morguninn náðist að koma
kerfinu í samt lag og þakkaði Bára
H. Sigurðardóttir bóndi í Lyng-
brekku nýrri vararafstöð á bænum
að ekki varð rekstrartjón. Um síð-
ustu áramót hafði rafmagn farið af
Fellsströndinni í óveðri með þeim
afleiðingum að tölva mjaltaþjóns-
ins eyðilagðist og var þá brugðið
á það ráð að koma vararafstöð fyr-
ir. Sú ráðstöfun reyndist því Lyng-
brekkubúinu vel. hlh
Þríþætt bilun í Saurbæjar-
línu olli rafmagnsleysi
Tólf manns á leið utan til
að heiðra Peter Lang
Umslagið á nýja hljómdiskinum prýðir mynd eftir Peter Lang.
Erla Höskuldsdóttir, Sigurður Höskuldsson og Sigfús Almarsson en þau eru í
hópnum sem fer utan síðar í vikunni.
Huldubörn
Um sumarmál
1. Um sumarmál 3:11 mín.
2. Á fornum slóðum 3:02 mín.
3. Barn 3:46 mín.
4. Að leiðarlokum 3:31 mín.
5. Kominn heim 2:49 mín.
6. Í Hveragerði 2:40 mín.
7. Kvöldljóð 3:41 mín.
8. Kveðja 3:39 mín.
9. Lækurinn 2:54 mín.
10. Sumri hallar 3:53 mín.
11. Sannleikur 3:08 mín.
12. Í örmum svefnsins 3:31 mín.
13. Andvaka 2:47 mín.
14. Vindurinn blæs 2:55 mín.
Gjörbreyttu bátnum
og stækkuðu hann
Sigríður Helga situr hér fyrir á Langasandi í nýja ullar-sjósundsbolnum
Skagakona hannaði þjóðlegasta
ullarsundbolinn