Skessuhorn - 03.01.2014, Page 2

2 FIMMTUDAGUR 3. JANÚAR 2014
Þótt komið sé nýtt ár og lands-
menn að mestu búnir að fagna
með tilheyrandi flugeldaskotum
og blysum er enn ástæða til að
biðja fólk að fara varlega, því eftir
er að kveðja jólin á þrettándanum.
Spáð er stífri norðan- og austanátt
á landinu næstu daga. Úrkomulít-
ið verður sunnan til, af og til snjó-
koma eða slydda á Vestfjörðum og
fyrir norðan og austan en rigning
með ströndum. Hiti verði yfirleitt
í kringum frostmarkið, en aðeins
fyrir ofan það syðra. Á miðvikudag
er útlit fyrir minnkandi norðaust-
anátt. Dálítil él á Norður- og Aust-
urlandi, annars víða bjart veður.
Víða vægt frost.
Spurningin fyrir jól og yfir hátíð-
irnar á vef Skessuhorns var: „Hvert
er áramótaheitið?“ Flestir þeirra
sem það strengja ætla samkvæmt
svörunum að verða betri mann-
eskjur, eða 12,42%. „Auka lík-
amsrækt“ kom næst með 9,84%,
„borða hollari mat“ 8,87%, „vinna
minna“ 4,52%, „vinna meira“
3,39% og „hætta löstum“ 3,23%.
Fleiri en einn af þessum valmögu-
leikum svöruðu 11,13% og „ekkert
af þessu“ sögðu 4,52%. Stór hluti
sagðist ekki strengja áramótaheit,
eða 42,1% þeirra sem þátt tóku í
könnuninni.
Í þessari viku er spurt:
Verður árið 2014 betra eða
verra fyrir þig?
Framleiðendur áramótaskaupsins,
hvaðan sem þeir koma af land-
inu, eru menn vikunnar að mati
Skessuhorns.
Til minnis
Veðurhorfur
Spurning
vikunnar
Vestlendingur
vikunnar
Árbók
Akurnesinga
2013
AKRANES: Bókaútgáfan Upp­
heimar sendi frá sér rétt fyr­
ir áramótin Árbók Akurnesinga
2013. Þetta er tíunda árið í röð
sem Árbókin kemur út. Ritstjóri
hennar er Sigurður Sverris­
son. Í Árbókinni kennir ýmissa
grasa. Þar eru fastir liðir á borð
við annála frétta og íþróttavið­
burða 2012 og yfirlit um látna
Akurnesinga sama ár. Einnig er
að finna í bókinni ýmsan sögu­
legan fróðleik, viðtöl og ferða­
sögur.
-mþh
Kona meiddist
við fall af hestbaki
LBD: Kona á fimmtugsaldri
meiddist rétt fyrir áramótin er
hún féll af hestbaki á sveitabæ
í Hvalfjarðarsveit. Ástæða
óhappsins var að hesturinn
fældist. Var konan flutt á sjúkra­
húsið á Akranesi til skoðun­
ar og meðferðar. Hún kvartaði
yfir verkjum í baki og mjöðm að
sögn lögreglu.
–þá
224 börn fæddust
á árinu
AKRANES: Á fæðingadeild
Heilbrigðisstofnunar Vestur­
lands á Akranesi fæddust 224
börn á nýliðnu ári. Börnin eru
heldur færri en árið áður, þá
fæddist 281 barn. Síðasti Vest­
lendingur liðins árs kom í
heiminn á gamlársdag og eru
foreldrarnir úr Reykjanesbæ.
Reiknað var með að barnið yrði
fyrsta barn ársins 2014 en því lá
á að komast í heiminn og fædd­
ist seinni partinn á gamlársdag.
Fyrsta barn ársins 2014 á Vest­
urlandi var því enn ófætt í gær,
þegar Skessuhorn var sent í
prentun. –grþ
Róleg áramót
AKRANES/SNÆF: Jól og
áramót voru til þess að gera ró­
leg hjá lögreglunni á Akranesi.
Tveir ökumenn voru þó grip­
nir, grunaðir um akstur und­
ir áhrifum fíkniefna. Reyndist
annar þeirra vera með fíkniefni
í fórum sínum. Þá er einn öku­
maður til viðbótar grunaður um
ölvun við akstur. Lögreglumenn
sem voru að sinna verkefni í
heimahúsi fundu kannabislykt
frá einu herbergi. Í framhaldinu
framvísaði húsráðandi grammi
af kannabis. Þá kviknaði eld­
ur í íbúðarhúsnæði þar sem
pottur hafði gleymst á eldavél.
Húsráðandi slökkti eldinn með
slökkvitæki og kom slökkvilið á
staðinn til að reykræsta. Sömu
sögu er að segja frá Snæfellsnesi
og Akranesi. Lögreglan á Snæ­
fellsnesi segir að allt hafi verið
með ró og spekt þar. –þá
Samkvæmt samantekt Jónas­
ar Ragnarssonar eru nú við árslok
þrír af fjórum elstu Íslendingunum
fæddir á Vesturlandi. Sex af tíu elstu
eru af Vesturlandi eða Vestfjörðum.
Á Facebook­síðu sem Jónas heldur
úti um langlífi kemur fram að Guð­
ríður Guðbrandsdóttir í Reykjavík
er elsta konan, 107 ára síðan í maí,
en hún er fædd í Laxárdal í Dala­
sýslu. Í öðru sæti er Guðrún Jóns­
dóttir í Hafnarfirði, einnig 107
ára, fædd í Vestur­Ísafjarðarsýslu. Í
þriðja sæti er Guðný Ásbjörnsdótt­
ir í Reykjavík, 106 ára, fædd á Hell­
issandi. Georg Ólafsson í Stykkis­
hólmi er elstur karla, 104 ára síðan
í mars. Hann er fæddur í Akureyj­
um á Gilsfirði í Dalasýslu.
Nú eru á lífi 38 Íslendingar sem
eru hundrað ára eða eldri, 31 kona
og 7 karlar. Fyrir aldarfjórðungi
voru 18 á lífi hundrað ára og eldri
en aðeins fimm fyrir hálfri öld.
mm
Eins og kunnugt er heimilaði at­
vinnuvegaráðuneytið með reglu­
gerð frá 22. nóvember 2013 veið­
ar smábáta á síld innan brúar í Kol­
grafafriði, allt að 1.300 lestum.
Fyrir þeirri ákvörðun voru fyrst og
fremst þau rök að veiðarnar gætu
bjargað verðmætum enda þá um­
talsverðar líkur taldar á að ákveðinn
hluti síldar innan brúar væri dauð­
vona sbr. reynslu sl. vetrar. Nú hef­
ur ráðuneytið að fenginni umsögn
Hafró ákveðið að úthluta ekki frek­
ari leyfum til síldveiða innan brú­
ar í Kolgrafafirði. Tilkynning ráðu­
neytisins er svohljóðandi:
„Nú er komið fram að Hafrann­
sóknastofnun telur að hvorki súr­
efnisstaða né magn síldar innan
brúar í Kolgrafafirði kalli á sérstak­
ar aðgerðir og telur því eðlilegast að
veiðar úr stofninum lúti almennri
fiskveiðistjórnun þar sem tekið er
mið af ráðgjöf. Stofnunin mun eftir
sem áður fylgjast náið með súrefnis­
mettun í firðinum og mun auk þess
fara til síldarmælinga í janúar 2014,
þannig að ný gögn um stofnstærð
og dreifingu síldar liggi þá fyrir.
Jafnframt er síldin komin í vetrar­
dvala og allt óþarfa skark í stofnin­
um veldur því að síldin þarf sífellt
að eyða meiri orku en ella sem get­
ur haft áhrif á möguleika hennar
að lifa af veturinn. Með hliðsjón af
framangreindri ráðleggingu Haf­
rannsóknastofnunar hefur ráðu­
neytið ákveðið að stöðva frekari út­
hlutun á síld í samræmi við ákvæði
reglugerðar 1036/2013 frá og með
31. desember 2013 að telja. Tekið
skal skýrt fram að þeim aflaheim­
ildum í síld sem þegar hefur verið
úthlutað fram að þessu skv. 2. gr.
a reglug. nr. 1036/2013 og kunna
að vera ónýttar, halda gildi sínu og
verður hægt að nýta þó nýjum út­
hlutunum sé hætt.“ mm
Kvenfataverslunin Litla búðin, sem
rekin hefur verið um árabil á Akra­
nesi, hætti störfum á hádegi á gaml­
ársdag. Þar með lauk sögu verslunar
sem hófst árið 1998 á tólf fermetra
gólfrými við Esjubraut á Akranesi.
Árið 2000 fluttu eigendur versl­
unarinnar, hjónin Elínborg Lárus­
dóttir og Birgir Snæfeld Björnsson,
síðar reksturinn í fyrrum bílskúr
við heimili þeirra á Vesturgötu.
Fimm árum síðar opnaði verslun­
in í eigin húsnæði við Akratorg.
Þaðan flutti hún síðastliðið haust í
verslunarhúsnæði á Kirkjubraut 54
sem er þekktast fyrir að hafa hýst
Bókaverslun Andrésar Níelssonar
um áratugaskeið. Litla búðin hef­
ur einnig á starfstíma sínum stund­
að verslunarrekstur í Grundarfirði
og á Eskifirði.
„Það er fyrst og fremst af heilsu­
farsástæðum hjá mér að verslun­
inni var nú lokað. Ég er með gigt
og læknirinn sagði að ég yrði að
draga úr vinnu og sinna heilsunni.
Þessi ákvörðun var tekin núna 10.
desember og við hófum lokaút­
sölu þann fimmtánda. Það er búin
að vera hálfgerð Þorláksmessu­
stemning hérna síðan,“ sagði Elín­
borg þar sem hún sinnti störfum í
versluninni daginn fyrir gamlárs­
dag. Hún kveðst hætta rekstrinum
með söknuði. „Ég vildi svo gjarn­
an halda áfram en þetta er mikil
vinna. Dagarnir hafa oft verið lang­
ir því kvöldin og helgar hafa oft far­
ið í pappírsvinnu, að ganga frá inn­
kaupalistum og þess háttar sem
fellur utan hefðbundins afgreiðslu­
tíma.“
Rekstur Litlu búðarinnar var
auglýstur til sölu á liðnu hausti. El­
ínborg segir engan hafa sýnt áhuga
á að taka við þannig að nú var ekk­
ert annað að gera en loka hinsta
sinni. mþh
Ráðuneytið stöðvar frekari úthlutun
síldarkvóta í Kolgrafafirði
Litla búðin hætt rekstri
Elínborg Lárusdóttir eigandi Litlu búðarinnar og Valgerður Sigurðardóttir voru
kampakátar við afgreiðslustörf á næstsíðasta opnunardegi verslunarinnar 30.
desember sl.
Þau eru elst þeirra
sem fæddust á
Vesturlandi. Heimild:
Jónas Ragnarsson 31.
desember 2013. Þess
má geta að ellefta
í röðinni er Ragney
Eggertsdóttir í Borgar-
nesi, fædd 13. júní
1911.
Langlífir Vestlendingar