Skessuhorn - 03.01.2014, Blaðsíða 6

6 FIMMTUDAGUR 3. JANÚAR 2014
Taka á ný upp
sýningar á
Sagnakonunni
AKRANES: Leikfélagið
Skagaleikflokkurinn mun í
næstu viku halda æfingar og
hefja á ný sýningar á Sagna­
konunni Guðnýju í Görð­
um, móður Snorra Sturlu­
sonar, í leikstjórn Jakobs S.
Jónssonar. Höfundur verks­
ins er Óskar Guðmunds­
son í Véum. Verkið var sýnt
í Safnaskálanum í Görð­
um sex sinnum á liðnu ári
við ágætar undirtektir. Aðal­
leikarinn í sýningunni, Guð­
björg Árnadóttir, fékk þar
ágæta dóma fyrir túlkun sína
á Guðnýju. Næstu sýningar
verða föstudaginn 10. janú­
ar, sunnudaginn 12. janú­
ar, þriðjudaginn 14. janúar
og fimmtudaginn 16. janúar.
Allar sýningar hefjast klukk­
an 20 og er hægt að panta
miða í síma 773­8511.
-mm
Klára sparkvöll
á árinu
REYKHÓLAR: Sveitar­
stjórn Reykhólahrepps fagn­
aði því á fundi nýverið að
börn í Reykhólaskóla láti
til sín taka og komi mál­
efnum sínum á framfæri. Á
fundinum var tekið fyrir er­
indi frá nemendum í Reyk­
hólaskóla þar sem borin var
fram ósk um lýsingu á spark­
velli við skólann. Í bókun
frá fundi sveitarstjórnar seg­
ir að í samþykktri fjárhags­
áætlun fyrir árið 2014 sé gert
ráð fyrir að framkvæmdir við
sparkvöll við Reykhólaskóla
verði kláraðar á árinu. Þar
með talin er lýsing við völl­
inn, þannig að börnin geti
þá nýtt völlinn þegar dimma
tekur.
–þá
Baróninn
í Landnáms-
setrinu
BORGARNES: Þórarinn
Eldjárn rithöfundur ætlar að
segja sögu Barónsins á Hvít­
árvöllum á Sögulofti Land­
námssetursins í Borgarnesi
10. janúar næstkomandi kl.
20. Í frásögn sinni varpar
Þórarinn ljósi á þennan dul­
arfulla mann sem átti hér
stuttan stans um aldarmót­
in 1900 en lifði lengi í minn­
ingu þeirra sem hittu hann.
Þórarinn skrifaði heimilda­
skáldsögu um ævi Barónsins
í bók sem kom út árið 2004.
Baróninn var kanadískur
borgari, Gauldréc de Boilleu
að nafni. Hann var af frönsk­
um aðalstignum og lærð­
ur hljóðfæraleikari. Hann
keypti Hvítárvelli 1898 og
settist þar að með mikil
áform um búrekstur. Gatan
Barónsstígur í Reykjavík er
við hann kennd en þar reisti
de Boileeu barón fjós fyr­
ir 40 kýr. Umsvif barónsins
voru nýstárleg og djörf og
vöktu mikla athygli. Að lok­
um komst hann í fjárkröggur
og stytti sér aldur í Englandi
1901. Síðan hefur minningin
um hann lifað sem hálfgerð
goðsögn á Íslandi.
–mþh
Heimilisofbeldi
tilkynnt í tvígang
LBD: Tvö heimilisofbeldis­
mál komu til kasta lögregl­
unnar í Borgarfirði og Dölum
um og eftir áramótin. Engin
formleg kæra hefur enn sem
komið er borist eða verið lögð
fram í þessum málum, að sögn
lögreglu. Af umferðarmálum í
umdæminu er það að frétta að
einn ökumaðurinn var tekinn
fyrir ölvun við akstur um ára­
mótin. Alls urðu fjögur um­
ferðaróhöpp tengd vetrarfærð
í umdæmi LBD í liðinni viku
öll án teljandi meiðsla.
–þá
Iðkendum
fjölgar lítillega
LANDIÐ: Nýlega voru birtar
iðkendatölur fyrir árið 2012 í
starfsskýrslu Íþróttasambands
Íslands. Fjöldi „iðkana“ jókst á
milli áranna 2011 og 2012 lít­
illega eða um 1,2%. Samtals
voru 119.810 sem stunduðu
íþróttir innan ÍSÍ árið 2011 en
þar af voru um 30.000 manns
sem lögðu stund á fleira en
eina íþróttagrein. Tæplega
helmingur, eða 47% iðkenda
voru 15 ára og yngri, 60,9%
karlar og um 39,1% kon­
ur. Þegar kynjamunur í yngri
hópi er skoðaður er munurinn
minni, um 45% hjá stúlkum á
móti 55% hjá drengjum. Þátt­
taka í knattspyrnu var mest,
eða 19.672 iðkendur, þá kem­
ur golf með 17.129 iðkendur
og hestaíþróttir með 10.783
iðkendur. Mesta hlutfallslega
aukningin var í lyftingum, en
þar fór fjöldi iðkenda úr 293 á
árinu 2011 í 459 á árinu 2012.
Að baki iðkendafjölda eru
tæplega 86.000 einstaklingar
sem jafngildir því að um 27%
þjóðarinnar stundi íþróttir
með íþróttafélagi innan ÍSÍ og
er það nánast óbreytt hlutfall
frá árinu 2011.
–þá
Fyrirtæki á Vesturlandi eru lík­
legri til að ráða fleiri starfsmenn í
vinnu en að segja upp fólki á næstu
12 mánuðum. Þetta er meðal þess
sem kemur fram í nýrri vefkönnun
sem Samtök sveitarfélaga á Vest­
urlandi stóð að meðal fyrirtækja
í landshlutanum í nóvember. Þar
kemur fram að tæplega 25% fyrir­
tækja telja að starfsmönnum muni
fjölga lítið eitt á næstu 12 mánuð­
um á meðan um 10% fyrirtækja
býst við að starfsmönnum fækki lít­
ið eitt. Þá gera 2% fyrirtækja ráð
fyrir því að fækka mikið í starfs­
mannahaldi sínu. Um 65% fyrir­
tækja sjá síðan fyrir sér óbreyttan
starfsmannafjölda á næstu 12 mán­
uðum. Að mati þeirra Vífils Karls­
sonar og Einars Þorvaldar Eyjólfs­
sonar, sem sjá um úrvinnslu könn­
unarinnar hjá SSV, benda niður­
stöðurnar til þess að viðleitni fyr­
irtækjanna ætti að birtast í aukinni
eftirspurn eftir vinnuafli á svæðinu.
Atvinnuhorfur á Vesturlandi eru
því einkar góðar á árinu sem nú er
gengið í garð.
„Það að 90% fyrirtækja á Vest­
urlandi sjái fyrir sér fjölgun eða
óbreyttan fjölda starfa gæti ver­
ið vísbending um gott starfsöryggi
fyrir íbúa svæðisins,“ sagði Víf­
ill í samtali við Skessuhorn. „Þeg­
ar Vesturlandi var skipt upp í fernt
(Akranes og Hvalfjörður, Borgar­
fjarðarsvæði, Snæfellsnes og Dali)
kom í ljós að áhugi fyrir fjölgun
starfsmanna var helst bundinn við
Borgarfjarðarsvæðið. Þá var ferða­
þjónustan frekar á þeim buxu num
að ráða fólk en ríkisfyrirtæki að
segja fólki upp. Að öðru leyti var
ekki marktækur munur á svörun á
milli landssvæða, atvinnugreina og
eignarforms fyrirtækjanna.“
Tæplega 200 fyrirtæki svöruðu
könnuninni af u.þ.b. 900 starfandi
fyrirtækjum á Vesturlandi, sem telst
nokkuð gott svarhlutfall að mati
Vífils. hlh
Háskólinn á Bifröst byrjaði
í haust að bjóða nemendum
upp á námskeið í gerð rekstr­
aráætlana í samstarfi við fyr­
irtæki á Vesturlandi. Sam­
starfið felur í sér að fyrirtæk­
in veita aðgang að rekstrar­
upplýsingum í ársreikningi
og nemendur vinna áætl­
anir út frá þeim upplýsing­
um. Nemendur eru því að
vinna að áætlunum sem á að
nota í raunverulegum fyrir­
tækjum en ekki tilbúnum eins
og oftast er gert í námi. 27 fyr­
irtæki víðsvegar af Vesturlandi
hafa komið til samstarfs og hjálpa
þannig til við að búa til kunnáttu
hjá nemendum. Háskólinn á Bif­
röst tengist með þessu verk­
efni atvinnulífinu í nærum­
hverfi sínu sterkari böndum
og bæði nemendur og fyrir­
tæki njóta góðs af því, segir
á vef háskólans. Vilhjálmur
Egilsson rektor hélt á liðnu
hausti fundi í samstarfi við
Arion banka og Landsbank­
ann víðsvegar um Vestur­
land til að kynna fyrirtæk­
jum verkefnið. Voru viðtök­
ur fyrirtækja góðar eins og
það sýnir að 27 fyrirtæki eru
nú komin til samstarfs við Há­
skólann á Bifröst. þá
Kennari á námskeiðinu er Ingólfur Arnarson.
Góðar viðtökur fyrirtækja á Vesturlandi
Fyrirtæki í ferðaþjónustu eru líklegri til að ráða fleira fólki í vinnu á árinu.
Ljósm. Friðþjófur Helgason.
Fjórðungur fyrirtækja býst við
að ráða fleira starfsfólk