Skessuhorn - 09.07.2014, Qupperneq 27

27MIÐVIKUDAGUR 9. JÚLÍ 2014
Afgreiðslutími
þriðjud. til föstud. 12.30 – 18.00

Veiðivörur í miklu úrvali
Stekkjarholti 8-10 • Akranesi • 431 4318 • 894 2298
www.veidibudin.is • veidibudin@veidibudin.is
S
K
E
S
S
U
H
O
R
N
2
01
4
Umsjón: Gunnar Bender og Magnús Magnússon

Flugustangir
Fluguhjól
Línur
Taumefni
Flugur
Veiðivörur í úrvali
Vatnsflaumur hefur öðru fremur
einkennt laxveiðiárnar undanfarna
viku, enda úrkoman verið mikil.
Stundum hefur auk þess ekki ver-
ið stætt við árnar sökum hvassviðr-
is. Í kjölfar flóða binda menn von-
ir við að smálaxinn fari að ganga í
árnar, en hann hefur átt erfitt upp-
dráttar það sem af er sumri. Sums-
staðar vantar hann með öllu og þá
eru dæmi um að þeir hafi gengið í
árnar rýrir og væskilslegir niður í
tæplega 50 cm langir. Því er með-
alþyngd veiddra laxa há, en fjöldinn
ekki mikill.
Þokkalegur gangur
í Langá
Veiðin hefur gengið ágætlega í
Langá á Mýrum. Mikið vatn mætir
veiðimönnum þessa dagana. Árnar
hafa verið eins og stórfljót og erf-
iðlega gengið að finna fiskinn í öllu
þessu vatni. Ekki gekk eins mik-
ið af smálaxi á Jónsmessustraumn-
um og vonir stóðu til svo lítið hef-
ur sést af smálaxi enn sem komið er.
Hörður Birgir Hafsteinsson var við
veiðar í Langá fyrir fáum dögum.
Hann var bara brattur með stöðuna
á Langárbökkum en hollið endaði í
19 löxum. „Áin hefur gefið 55 laxa
og töluvert hefur sést af fiski við
ósa hennar. Meirihlutinn var smá-
lax en það voru nokkrir tveggja ára.
Það var fiskur að koma inn í Kverk-
ina og á Breiðina í hverju flóði en
stoppaði stutt við og sprautaðist
upp ána. Þetta var bara mjög flott
holl,“ sagði Hörður ennfremur.
Tuttugu og þrír
úr Gljúfurá
Gljúfurá í Borgarfirði hefur gengið
þokkalega í sumar. Áin var opnuð
25. júní og hafa þegar hátt í hundr-
að laxar gengið í gegnum teljar-
ann. Áin hefur verið vatnsmikil en
ekki til mikils skaða að sögn veiði-
manna. Fiskurinn er vel haldinn og
þegar hafa veiðst 23 laxar.
Gengur vel í
Straumfjarðará
Veiðin hefur verið ágæt í Straum-
fjarðará, Haffjarðará og Álftá. 20
laxar eru þannig komnir úr Álftá.
En vatnið er mikið. Fiskurinn nær
að fela sig í þessu mikla vatni sem
er núna. „Það er ágætis gangur hér í
Straumfjarðará og komnir 55 laxar
á land,“ sagði Ástþór Jóhannsson er
við spurðum um veiðina. „Laxinn
er kominn víða um ána enda mikið
vatn og annað eins af vænni bleikju.
Ef eitthvað væri til að agnúast út í
er það helst að vatnið mætti vera
ögn minna. Laxinn er mjög dreifð-
ur við slík skilyrði en það ger-
ir veiðina bara meira spennandi,“
sagði Ástþór.
Mjög erfiðar aðstæður
Í þeim ám sem laxveiði hefst í kring-
um miðjan mánuðinn hafa aðstæð-
ur verið mjög erfiðar. Vatnsmagn-
ið hefur víða verið ótrúlegt. Gríð-
arlegar rigningar alla daga og ekki
virðist vera mikið af fiski kominn í
árnar. Þar eru Dalirnir engin und-
antekning. Veiðin virðist víða hafa
farið þar fremur rólega af stað. Laxá
í Dölum hefur verið óveiðandi síð-
an fljótlega eftir opnun þetta árið.
Haukadalsá hefur verið erfið, mikið
vatn og erfitt að finna laxinn, eitt-
hvað hefur þó veiðst. Hvolsá og
Staðarhólsá hafa verið eins og Ölf-
usá á að líta, drulla og allt of mikið
vatn. Fáskrúð hefur núllað holl eft-
ir holl og lítið hefur frést af veiði í
Miðá og Flekkudalsá. Fiskurinn er
genginn í Krossá og þar hafa fengist
laxar, en erfitt hefur verið að finna
þá. Lítið hefur frést af Dunká.
Álftá á Mýrum
byrjaði vel
Byrjunin var dræm í Hörðudalsá í
Dölum. „Við vorum að opna ána
en fengum ekki fisk. Vatnið er
hins vegar gott í henni og örugg-
lega komin fiskur þótt við sæjum
hann ekki,“ sagði Magnús Pét-
ursson stórbóndi úr Miðfirði sem
var á veiðislóðum í Dölunum um
helgina. „Vatnið er frábært og þeg-
ar fiskurinn kemur gæti orðið góð
veiði. Það eru öll skilyrði til þess
hérna,“ sagði Magnús.
Gefst ekki upp
Veiðihorninu barst saga af veiði-
manni sem reyndi víða fyrir sér í
laxinum. Ferðin byrjaði í Laxá í
Dölum. Þar sá hann bara mikið af
vatni, en engan fisk. Síðan hélt hann
í Kjarará þar sem sömu sögu var að
segja. Vinurinn gafst ekki upp og
fór í þriðju ána, þar sem einungis
einn fiskur hafði gengið í gengum
teljarann. Hann ákvað að leita að
þessum eina fiski. Neðarlega í ánni
óð hann yfir og hélt á stönginni á
öxlinni og maðkurinn lá í vatninu.
Og viti menn, tekur ekki þessi eini
fiskur sem kominn var í ána. Hon-
um var snarlega landað.
Veiðibúðin á Akranesi hefur verið
starfrækt í átta ár af þeim hjónum
Jóni S. Ólafssyni og Kristínu Jóns-
dóttur. Hjónin hófu rekstur versl-
unarinnar árið 2006 í litlu rými
við Skólabraut. Árið 2011 keyptu
þau stærra verslunarhúsnæði við
Stekkjarholt 8-10 þar sem búðin
er nú. Jón starfar sem yfirlögreglu-
þjónn á Akranesi og er mikill veiði-
maður. Hann segir að þau hjónin
hafi ákveðið að opna veiðibúð til
að svara eigin eftirspurn. „Upphaf-
lega ákváðum við að opna veiðibúð
því okkur vantaði alltaf eitthvað
í veiðiferðirnar. Við eigum einn-
ig hund svo við ákváðum að selja
gæludýrafóður með veiðivörun-
um.“ Jón segir að rekstur búðarinn-
ar hafi verið erfiður til að byrja með
en aldrei hafi verið skortur á góð-
um veiðisögum. „Þegar við byrj-
uðum með búðina var salan frem-
ur dræm en hins vegar var aldrei
skortur á fólki. Fólk kom reglulega
til að segja veiðisögur. Sumir komu
jafnvel í hverri viku að segja sömu
söguna þar sem aflinn stækkaði í
hvert skiptið. Sem betur fer hefur
salan aukist án þess að veiðisögun-
um hafi fækkað.“
Í Veiðibúðinni má finna mikið
úrval veiðistanga, fatnaðar og veið-
arfæra. Þar má einnig finna glæsi-
legan flugubar þar sem litskrúðugar
handhnýttar flugur eru seldar. „Við
erum með stangir fyrir allar teg-
undir fiskveiða auk veiðarfæra. Ég
er sérstaklega ánægður með flugu-
barinn en þar erum við með mikið
úrval af góðum flugum sem ég læt
hnýta fyrir mig í Kenía. Við seljum
einnig fatnað og annan búnað til
skotveiða en þó ekki byssur,“ seg-
ir Jón.
Jón segist vera spenntur fyr-
ir stangveiðinni í sumar. „Silungs-
veiðin hefur farið vel af stað og ég
er spenntur að sjá hvernig veiðin
mun verða í sumar. Laxveiðin hér
á Vesturlandi hefur því miður ekki
gengið eins vel en vonandi fer að
rætast betur úr henni. Það skiptir
vissulega miklu máli að hafa réttu
græjurnar í veiði en mikilvægast er
að hafa rétt hugarfar. Þolinmæði er
lykill að góðri veiði,“ segir Jón að
endingu. jsb
Þolinmæði er lykillinn að góðri veiði
Spjall við Jón S. Ólafsson eiganda Veiðibúðarinnar á Akranesi
Jón S. Ólafsson, annar eigandi Veiðibúðarinnar á Akranesi. Hann sést hér við
flugubarinn þar sem handhnýttar flugur frá Kenía eru seldar.
Smálaxinn ekki enn farinn að skila sér
Gríðarlega mikið vatn hefur verið í öll-
um ám á Vesturlandi að undanförnu.
Þessi mynd er tekin af Staðarhólsá í
Dölum. Ljósm. Gummi.
55 laxar hafa veiðst í Langá á Mýrum
og fjör á árbökkunum.
Glæsilegur Langárlax. Ljósm. Hörður.
Hrafn Hauksson með fyrsta laxinn í
Laxá í Dölum; 81 sentimetra fisk.