Skessuhorn - 24.09.2014, Blaðsíða 18

18 MIÐVIKUDAGUR 24. SEPTEMBER 2014
Göngur og réttir komnar á fullt í sveitum landsins
Nú er sá tími árs þegar bændur og
búalið fara á fjöll, smala fé og reka
til rétta. Það sem af er hausti hef-
ur veður verið allavega, bæði gott
og slæmt. Hvassviðri og rigning
hefur einkennt sumar smala-
mennskur og réttir og gerir það
vinnuna talsvert erfiðari en ella.
En bændur og þeirra fólk setur það
ekki fyrir sig, enda ekki í boði ann-
að en drífa hlutina af á tilsettum
tíma. Svo hafa aðrir verið heppn-
ari með veður og þá leikur lífið við
fólk og fénað. Meðfylgjandi myndir
eru héðan og þaðan frá liðnum vik-
um. Lesendur er hvattir til að senda
Skessuhorni skemmtilegar mynd-
ir sem tilheyra fjárragi og öðr-
um störfum haustsins á netfangið
skessuhorn@skessuhorn.is mm
Það var votviðrasamt í Kaldárbakkarétt í Kolbeinsstaðarhreppi, en þar var einna fyrst réttað á þessu hausti. Ljósm. sá. Þessi lambhrútur var skömmu síðar kominn í sinn dilk í Kaldárbakkarétt.
Ljósm. sá.
Meðfylgjandi mynd tók Þórhildur Þorsteinsdóttir bóndi á Brekku í
Norðurárdal þegar verið var að flokka fé í sundur í þar til gerðum
flokkara. Slík tæki geta verið afar gagnleg í fjárraginu.
Í Fljótstungurétt. Hér gætir Vigdís Eyjólfsdóttir frænda síns Atla
Jónssonar frá Kópareykjum á réttarveggnum. Ljósm. mm.
Þórdís í Hrísum og Björn í Deildartungu með sitthvorn dilkinn í
Fljótstungurétt. Ljósm. mm.
Frá Brekkurétt í Saurbæ. Ragnheiður Pálsdóttir frá Hvítadal (lengst
til vinstri) kíkir eftir sínu fé. Ljósm. bae.
Laxdælingar voru heppnari með veður en margir aðrir á réttardegi
sínum í Gillastaðarétt. Þar var veður með ágætum eins og á
smaladegi. Leitir gengu vel og góðar heimtur af fjalli. Margt var um
manninn líkt og áður á réttardegi þar sem menn hitta gamla vini og
kunningja. Ljósm. bae.
Réttað var í Ólafsvík um liðna helgi. Fjöldi fólks lagði leið sína í
réttirnar þar sem gríðarlega góð stemning ríkti og veður jók á
ánægjuna. Eftir leitina var boðið upp á kjötsúpu og annað góðgæti
í fjárhúsinu á Lambafelli. Að sögn Ólafs Helga Ólafssonar fjár-
bónda var um 360 kindum smalað. Einnig var á sama tíma réttað í
Þæfusteinsrétt. Ljósm. af.
Rigning og rok var í Arnarhólsrétt í Helgafellssveit sem fram fór um
helgina. Ljósm. sá.
Svipmynd frá réttarhaldinu í Ólafsvík.
Ljósm. af.
Jóhann Oddsson bóndi á Steinum í Stafholtstungum er hér við dilkinn sinn í Þverárrétt. Ljósm. gsj.
Talið er að fyrstu veggir Fljótstunguréttar í Hvítársíu hafi verið hlaðnir fyrir réttum
180 árum. Nú er hún elsta fjárrétt sem enn er í notkun á landinu. Viðkvæm en
virðuleg.
Fé tómstundabænda í Ólafsvík kemur sem fyrr vænt af fjalli.
Ljósm. þa.