Skessuhorn - 24.09.2014, Blaðsíða 22

22 MIÐVIKUDAGUR 24. SEPTEMBER 2014
Árangur hefur náðst í slysavörnum til sjós
Á undanförnum áratugum hefur
banaslysum til sjós fækkað. Árin
1971 – 1980 voru þau 203, 116 ára-
tuginn á eftir, 63 banaslys urðu á
árabilinu 1991 – 2000 og 21 á fyrsta
áratug þessarar aldar. Öðrum slys-
um á hafi úti hefur einnig fækk-
að. Engu að síður er mikið verk að
vinna samanber að í fyrra voru á
þriðja hundrað slys til sjós skráð hjá
Sjúkratryggingum Íslands. Betur
má því ef duga skal. Sífellt er unn-
ið að slysavörnum og gegnir Slysa-
varnaskóli sjómanna afar veiga-
miklu hlutverki.
Nýverið færði tryggingafélag-
ið VÍS Slysavarnaskóla sjómanna
tíu björgunargalla að gjöf og bæt-
ast gallarnir við fjörutíu aðra sem
félagið hefur áður fært skólanum.
Þetta er í samræmi við samstarfs-
samning sem endurnýjaður var í
vor til þriggja ára. „Gallarnir eru
í stöðugri notkun enda sækja um
2.500 nemendur námskeið okkar
á hverju ári. VÍS hefur stutt dyggi-
lega við Slysavarnaskólann um ára-
bil og lagt mikið af mörkum í bar-
áttunni fyrir auknu öryggi um borð
í íslenska flotanum. Ekki bara með
þessari árlegu gjöf heldur einnig
markvissu forvarnarstarfi hjá við-
skiptavinum sínum sem við veitum
lið,“ segir Hilmar Snorrason skóla-
stjóri.
mm
Auður Björk Guðmundsdóttir framkvæmdastjóri fyrirtækjasviðs VÍS afhendir
Hilmari Snorrasyni skólastjóra Slysavarnaskóla sjómanna björgunargallana.
Kallað eftir svörum vegna lögreglu­ og
læknisleysis í Grundarfirði
Á fundi bæjarstjórnar í Grundar-
firði 11. september síðastliðinn,
þar sem meðal annars var fjallað
um atvinnumál í Grundarfirði,
lýsti bæjarstjórn yfir áhyggjum
sínum af því að hvorki hefur ver-
ið ráðinn lögreglumaður né læknir
í sveitarfélaginu líkt og áður hafði
verið ráðgert. Fram kemur í fund-
argerðinni að kallað verði eftir við-
brögðum frá sýslumanni Snæfell-
inga og Heilbrigðisstofnun Vest-
urlands um málið. Að sögn Sigur-
laugar R. Sævarsdóttur, skrifstofu-
stjóra og staðgengils bæjarstjóra í
Grundarfirði, hefur nú verið kall-
að eftir þessum viðbrögðum. „Við
viljum gjarnan vita hvað er að ger-
ast, að HVE og sýslumaður upp-
lýsi okkur um stöðuna í þessum
málum. Í dag er málum háttað
þannig að þrír læknar skipta með
sér verkum á virkum dögum sam-
kvæmt verktakasamningi. Um það
var rætt í fyrra að auglýst yrði eft-
ir lækni þegar verktakasamningur-
inn rynni út. Sá samningur virð-
ist hafa verið endurnýjaður án þess
að við værum upplýst um stöðu
mála,“ segir Sigurlaug í samtali við
Skessuhorn.
Enginn læknir er í Grundar-
firði um helgar og hafa bæjaryfir-
völd áhyggjur af því. „Það er erf-
itt fyrir okkur að vera án læknis.
Við erum að detta inn í annan vet-
urinn þar sem enginn læknir er á
staðnum um helgar. Næsti lækn-
ir er í Ólafsvík og það getur skap-
að mikið óöryggi yfir vetrartím-
ann, sérstaklega í vondum veðr-
um. Sent hefur verið bréf á stjórn-
endur HVE og velferðarráðuneyt-
ið þar sem við köllum eftir upplýs-
ingum um stöðu mála og svörum
um hvers vegna læknir hefur ekki
enn verið ráðinn.“
Það sama er uppi á teningnum
varðandi lögreglumál í Grundar-
firði. Auglýsa átti eftir lögreglu-
þjóni fyrir Grundarfjörð á síð-
asta ári en bæjarstjórn hefur engar
upplýsingar fengið um framgang
þess máls. „Við höfum ekki fengið
neinar upplýsingar og engin sam-
skipti hafa verið við bæjaryfirvöld
um málið. Það hafa því einnig ver-
ið send bréf á sýslumann Snæfell-
inga og innanríkisráðuneytið, þar
sem óskað er eftir upplýsingum á
því hvers vegna lögregluþjónn hef-
ur ekki verið ráðinn. Við leggjum
jafnframt áherslu á að vera upplýst
um hvar málin standa enda er upp-
lýsingaskortur alltaf slæmur,“ segir
Sigurlaug að endingu.
grþ
Sjávarsmiðjan að Reykhólum verður að heilsulind
Fjölskyldufyrirtækið Sjávarsmiðj-
an hefur boðið upp á þaraböð og
kaffihús á Reykhólum undanfarin
ár. Böðin hafa vakið mikla lukku,
bæði meðal Íslendinga og er-
lendra ferðamanna, og hefur það
verið langþráður draumur inn-
an fyrirtækisins að auka við starf-
semina og byggja undir hana nýtt
húsnæði. „Ég og maðurinn minn
byrjuðum árið 2011 að aðstoða
móður mína, en hún er frumkvöð-
ullinn að þaraböðunum. Hugs-
unin var að byrja á að bjóða upp
á þaraböð í því bráðarbirgðahús-
næði sem við erum í núna, ákeðin
tilraun sem hefur svo vaxið fiskur
um hrygg. Fjöldi gesta hefur auk-
ist með hverju ári og sumir koma
aftur og aftur. Okkur langar því
að geta boðið upp á fleiri böð og
betri þjónustu,“ segir Kristín Ingi-
björg Tómasdóttir í samtali við
Skessuhorn.
Vandað til skipulags
Kristín og Stefán Björnsson, unn-
usti hennar, reka Sjávarsmiðjuna
ásamt foreldrum Kristínar, þeim
Svanhildi Sigurðardóttur og Tóm-
asi Sigurgeirssyni. Þau hafa, í sam-
vinnu við Reykhólahrepp, unnið að
skipulagningu svæðisins frá þorp-
inu og niður að sjó við Þörunga-
verksmiðjuna og meðfram strönd-
inni. Á jörðinni er gert ráð fyrir af-
mörkun 10 þúsund fermetra lóðar
fyrir þjónustuhúsnæði Sjávarsmiðj-
unnar. Þar hafa þau einnig hug á að
byggja laugar og potta, auk smáhýsa
til gistingar. „Það þurfti að breyta
aðalskipulaginu þar sem jörðin var
áður skipulögð fyrir landbúnað
en ekki ferðaþjónustu. Við höfum
unnið að þessum skipulagsbreyt-
ingum í að verða tvö ár. Þetta tek-
ur tíma því það er margt sem þarf
að skoða og margir sem koma að
því. En nú eru skipulagsbreyting-
arnar komnar í gegn og við erum
að vinna í að fjármagna verkefnið
að fullu með möguleika á aðkomu
annarra,“ segir Kristín.
Nýta hráefni úr
heimabyggð
Að sögn Kristínar tekur fólk vel í
þessa hugmynd enda er eftirspurn
eftir þessari þjónustu á landinu.
„Við erum eini staðurinn á landinu
þar sem boðið er upp á þaraböð, að
mér vitandi. Við höfum lengi unn-
ið að því að koma upp heilsumið-
aðri þjónustu þar sem við nýtum
þarann og allt sem staðurinn hef-
ur upp á að bjóða. Við nýtum hrá-
efni héðan úr sveitinni, beint frá
Þörungaverksmiðjunni og heita
hveravatnið héðan. Úr því verða til
þessi heilsubætandi böð, þar sem
leðjan sest til botns og gestir hafa
nýtt til að bera enn frekar á húð-
ina.“ Til hliðar er maski, sem fólk
getur borið á sig á meðan það er í
baðinu. Að sögn Kristínar er gott
að liggja í 20 til 30 mínútur í heita
vatninu til að baðið skili tilætluð-
um árangri. „Það tekur tíma fyrir
húðina að opnast svo hún geti tek-
ið við þeim efnum sem þaraböðin
gefa húðinni, en í þaraböðunum er
mikið af andoxunarefnum, vítam-
ínum og steinefnum. Húðin er al-
veg dúnmjúk þegar maður kemur
uppúr og böðin hafa til dæmis góð
áhrif á appelsínuhúð, öldrun húð-
ar, þurra húð, exem og psoriasis,“
útskýrir Kristín.
Bygging sem fellur
inn í náttúruna
Hingað til hefur Sjávarsmiðjan ein-
ungis verið opin yfir sumartímann.
Er það vegna þess að í því húsnæði
sem notast hefur verið við er eng-
inn hiti og verður því kalt þar inni
yfir veturinn. Þá hefur Sjávarsmiðj-
an verið með lítið kaffihús fyrir
viðskiptavini. Þar hafa verið í boði
heilsudrykkir, salöt, kaffidrykkir og
vöfflur. Með fyrirhuguðum breyt-
ingum er hugsunin að bjóða upp á
heilsulind að Reykhólum, sem opin
verður allan ársins hring. „Við vilj-
um geta boðið fólki upp á heit sjáv-
arböð, nuddmeðferðir, gistingu og
fleira. Allt við sjóinn og fjöruborð-
ið. Að fólk geti verið hér í einn til
sjö daga í rólegri meðferð. Ætlunin
er að byrja smátt, til dæmis varðandi
gistingu og vera með á bilinu 14 -
30 herbergi til að byrja með. Okkar
hugmyndir ganga útfrá því að geta
verið með veitingar, þar sem boð-
ið verður upp á hollt og náttúru-
legt fæði.“ Ætlunin er að byggingin
falli inn í náttúruna eins og hægt er
og segir Kristín að áhersla sé lögð á
að hún muni ekki skyggja á það fal-
lega útsýni sem á staðnum er. Hún
segir að draumurinn sé að eitthvað
af þessari framtíðarsýn verði að
veruleika innan tveggja ára. „Það
er draumurinn, þó það yrði tekið
í litlum skrefum og ekki hægt að
opna allt á sama tíma. Við gætum
til dæmis byrjað á því að opna böð-
in en gistinguna síðar. En þetta á
allt eftir að koma betur í ljós með
tímanum,“ segir Kristín Ingibjörg
Tómasdóttir hjá Sjávarsmiðjunni.
grþ
Hér má sjá þrívíddarskissu af sjávarböðunum.
Á þessu korti má sjá staðsetningu baðanna á Reykhólum. Kristín Ingibjörg Tómasdóttir.